KLOTRIMAZOL maz 25g 1%

Klotrimazol teri orqali yomon so'riladi va deyarli tizimli ta'sir ko'rsatmaydi. Epidermisning chuqur qavatlaridagi konsentratsiyasi dermatofitlar uchun minimal bostiruvchi konsentratsiyadan yuqori.

Sirtqi qo'llanilganda klotrimazolning konsentratsiyasi epidermisda dermadagiga va teri osti kletchatkasidagiga qaraganda yuqori.

Klotrimazol zamburug'larga qarshi imidazol preparatlari guruhiga kiradi. Faol ta'sir etuvchi modda klotrimazolning (imidazol hosilasi) antimikotik samarasi zamburug'lar hujayra membranasining tarkibiy qismi bo'lgan ergosterin sintezining buzilishi bilan bog'liq bo'lib, bu membrana o'tkazuvchanligini o'zgartiradi va hujayraning keyingi lizisini keltirib chiqaradi. Kichik kontsentratsiyalarda fungistatik, katta kontsentratsiyalarda esa fungitsid ta'sir ko'rsatadi, bunda nafaqat proliferatsiyalanuvchi hujayralarga ta'sir qiladi. Fungitsid kontsentratsiyalarda mitoxondrial va peroksidaza fermentlari bilan o'zaro ta'sirlashadi, natijada vodorod peroksidi kontsentratsiyasi toksik darajagacha oshadi, bu ham zamburug' hujayralarining parchalanishiga yordam beradi.

Dermatofitlar, xamirturushsimon va mog'or zamburug'lari, shuningdek rang-barang temiratki qo'zg'atuvchisi Pityrosporum orbiculare (Malassezia furfur) va eritrazma qo'zg'atuvchisiga nisbatan samarali.

Teri qoplamalari tomonidan: maz surtilgan joylarda qichishish, achishish, sanchish, eritema, pufakchalar paydo bo‘lishi, shish, terining ta'sirlanishi va po‘st tashlashi, paresteziyalar.

Allergik reaksiyalar: qichishish, eshakemi.

Preparatni ko'z sohasidagi teriga surtish tavsiya etilmaydi.

Jigar yetishmovchiligi bo'lgan bemorlarda jigar funktsional holatini davriy nazorat qilish kerak.

O'ta yuqori sezuvchanlik yoki ta'sirlanish belgilari paydo bo'lganda davolash to'xtatiladi.

3 kun davomida samara bo'lmaganda tashxisni tasdiqlash kerak.

• klotrimazolga yoki yordamchi moddalarga yuqori sezuvchanlik;
• homiladorlikning I trimestri.

Ehtiyotkorlik bilan: laktatsiya davri.

Amfoteritsin B, nistatin, natamitsin bir vaqtda qo'llanilganda klotrimazol samaradorligini pasaytiradi. Mazni qo'llashda boshqa vositalar bilan salbiy o'zaro ta'sirlar noma'lum va ularni kutmaslik kerak, chunki klotrimazolning rezorbsion qobiliyati juda past.

Sirtqi. Surtma yupqa qatlam bilan sutkasiga 2-3 marta oldindan tozalangan (pH neytral qiymatga ega sovun yordamida) va quruq zararlangan teri joylariga surtiladi va ehtiyotkorlik bilan ishqalanadi.

Davolash davomiyligi kasallikning og'irligi, patologik o'zgarishlarning lokalizatsiyasi va terapiya samaradorligiga bog'liq.

Dermatomikozlarni davolash kamida 4 hafta, kepaklanuvchi temiratkini - 1-3 hafta davomida o'tkaziladi. Terapiya kursi tugagandan so'ng (klinik ko'rinishlar yo'qolganda) davolashni yana 14 kun davomida, oyoq terisining zamburug'li zararlanishlarida 2-3 hafta davomida davom ettirish maqsadga muvofiq.