KLOTRIMAZOL tabletkalari 100mg N10

Klotrimazol intravaginal qo'llanilganda absorbsiya kiritilgan dozaning 3-10% ini tashkil qiladi. Vaginal sekretdagi yuqori konsentratsiyalar va qondagi past konsentratsiyalar 48-72 soat davomida saqlanib turadi. Jigarda nofaol metabolitlargacha tez biotransformatsiyaga uchraydi.

Klotrimazol mahalliy qo'llash uchun keng ta'sir doirasiga ega zamburug'larga qarshi vosita hisoblanadi. Klotrimazolning (imidazol hosilasi) zamburug'larga qarshi samarasi zamburug'lar hujayra membranasining tarkibiy qismi bo'lgan ergosterin sintezining buzilishi bilan bog'liq bo'lib, bu membrana o'tkazuvchanligini o'zgartiradi va hujayraning keyingi lizisini keltirib chiqaradi. Kichik kontsentratsiyalarda fungistatik, kattalarida - fungitsid ta'sir ko'rsatadi, bunda nafaqat proliferatsiyalanuvchi hujayralarga ta'sir qiladi. Fungitsid kontsentratsiyalarda mitoxondrial va peroksidaza fermentlari bilan o'zaro ta'sirlashadi, natijada vodorod peroksidi kontsentratsiyasi toksik darajagacha oshadi, bu ham zamburug' hujayralarining parchalanishiga yordam beradi.

Dermatofitlar (Trichophyton rubrum, Trichophyton mentagrophytes, Epidermophyton floccosum, Microsporun canis), mog'or va xamirturushsimon zamburug'lar (Candida turkumi, Torulopsis glabrata, Rhodotorula turkumi), shuningdek rang-barang temiratki qo'zg'atuvchisi Pityrosporum orbiculare (Malassezia furfur) ga nisbatan samarali.

Qin shilliq qavatining qichishishi, achishishi va shishi, qindan ajralmalar, bosh og‘rig‘i, gastralgiya, tez-tez siydik chiqarish, interkurrent tsistit, jinsiy sherikning jinsiy a'zosida achishish hissi, jinsiy aloqa vaqtida og‘riq.

Urogenital reinfektsiyani oldini olish uchun jinsiy sheriklarni bir vaqtda davolashni o'tkazish zarur.

Yaqqol mahalliy reaktsiyalar (ta'sirlanish) yoki o'ta yuqori sezuvchanlik belgilari paydo bo'lishi davolashni to'xtatishni talab qiladi.

Tashqi jinsiy a'zolarning bir vaqtda infektsiyasi (jinsiy lablar, vulva) mavjud bo'lganda suppozitoriylarni intravaginal qo'llashni klotrimazolni krem ko'rinishida mahalliy sirtga qo'llash bilan birga olib borish tavsiya etiladi.

Jigar yetishmovchiligi bo'lgan bemorlarda jigar funktsional holatini davriy tekshirish kerak.

Avtotransportni boshqarish va potentsial xavfli mexanizmlarni boshqarish qobiliyatiga ta'siri: preparatni qo'llash avtotransportni boshqarish va potentsial xavfli mexanizmlarni boshqarish qobiliyatiga ta'sir qilmaydi.

Gipersezuvchanlik, homiladorlikning I trimestri, hayz ko'rish davri (ushbu dori shakli uchun).

Ehtiyotkorlik bilan: laktatsiya davri.

Amfoteritsin B, nistatin, natamitsin bilan bir vaqtda qo'llanilganda klotrimazol faolligi pasayishi mumkin.

Mahalliy.

Faqat intravaginal qo'llash uchun. Ayollar va o'smir qizlarga (jinsiy hayot boshlangandan so'ng) vaginal suppozitoriylar kechqurun qin ichiga, imkon qadar chuqurroq, chalqancha yotgan holda, oyoqlarni biroz bukib, har kuni 6 kun davomida 100 mg dan 1 vaginal suppozitoriy kiritiladi. Takroriy davolash kursi shifokor maslahatidan so'ng mumkin.