LEVOFLOKSASIN 0,005/ML infuziya uchun eritma 100ml N1

500 mg vena ichiga (v/i) 60 daqiqa davomida infuziya qilingandan so'ng qon plazmasidagi maksimal konsentratsiya (Smax) - 6,2 mkg/ml. V/i bir marta va ko'p marta yuborilganda o'sha doza yuborilgandan so'nggi taxminiy taqsimlanish hajmi 89-112 l ni, Smax - 6,2 mkg/ml ni, yarim chiqarilish davri (Т1/2) - 6,4 soatni tashkil qiladi.

Plazma oqsillari bilan bog'lanishi - 30-40%. Organlar va to'qimalarga yaxshi kirib boradi: o'pka, bronxlar shilliq qavati, balg'am, siydik-tanosil tizimi organlari, polimorf yadroli leykotsitlar, alveolyar makrofaglar.

Jigarda kichik qismi oksidlanadi va/yoki dezasetillanadi.

Buyrak klirensi umumiy klirensning 70% ini tashkil qiladi. Т1/2 - 6-8 soat.

Organizmdan asosan buyraklar orqali kalavachalar filtratsiyasi va naychalar sekretsiyasi yo'li bilan chiqariladi. Levofloksatsinning 5% dan kamrog'i metabolitlar ko'rinishida ekskretsiya qilinadi. Siydik bilan o'zgarmagan holda 24 soat ichida 70% va 48 soat ichida - 87% chiqariladi; axlatda 72 soat ichida ichga qabul qilingan dozaning 4% aniqlanadi.

Ovqat hazm qilish tizimi tomonidan: ko‘ngil aynishi, qusish, diareya (sh.j. qonli), ishtahaning pasayishi, qorinda og‘riqlar, soxtamembranoz kolit; "jigar" transaminazalari faolligining oshishi, giperbilirubinemiya, gepatit, disbakterioz.

Yurak-qon tomir tizimi (YQTT) tomonidan: arterial qon bosimining (AB) pasayishi, Q-T intervalining uzayishi, tomir kollapsi, taxikardiya, o‘ta kam hollarda - hilpillovchi aritmiya.

Moddalar almashinuvi tomonidan: gipoglikemiya (ishtahaning oshishi, terlash, asabiylik, qaltirash).

Nerv tizimi tomonidan: bosh og‘rig‘i, bosh aylanishi va/yoki garangsish, holsizlik, uyquchanlik, uyqusizlik, paresteziyalar, bezovtalik, qo‘rquv, gallyutsinatsiyalar, ongning chalkashishi, depressiya, harakat buzilishlari, talvasalar.

Sezgi a'zolari tomonidan: ko‘rish, eshitish, hid bilish, ta'm bilish va taktil sezuvchanlikning buzilishi.

Tayanch-harakat aparati tomonidan: artralgiya, mialgiya, miasteniya, paylarning uzilishi, rabdomioliz, tendinit.

Siydik chiqarish tizimi tomonidan: giperkreatininemiya, interstitsial nefrit.

Qon yaratish a'zolari tomonidan: eozinofiliya, gemolitik anemiya, leykopeniya, neytropeniya, agranulotsitoz, trombositopeniya, pantsitopeniya, gemorragiyalar.

Allergik reaksiyalar: qichishish, teri va shilliq qavatlar shishi, eshakemi, xavfli ekssudativ eritema (Stivens-Djonson sindromi), toksik epidermal nekroliz (Layell sindromi), bronxospazm, anafilaktik shok, allergik pnevmonit, vaskulit.

Boshqalar: porfiriyaning kuchayishi, fotosensibilizatsiya, turg‘un isitma, superinfektsiya rivojlanishi.

Mahalliy reaksiyalar: og‘riq, yuborish joyida qizarish, flebit.

Davolash vaqtida teri qoplamalari shikastlanishini (fotosenzibilizatsiya) oldini olish uchun quyosh va sun'iy UB-nurlanishdan saqlanish zarur.

Shuni yodda tutish kerakki, anamnezida bosh miya shikastlanishi (insult, og'ir travma) bo'lgan bemorlarda tirishishlar rivojlanishi mumkin.

Xinolonlar, shu jumladan levofloksatsin bilan terapiya olgan bemorlarda kamdan-kam hollarda anafilaksiyagacha bo'lgan darhol turdagi o'ta yuqori sezuvchanlik reaktsiyalari qayd etilgan. Agar levofloksatsindan keyin teri qichishishi yoki darhol turdagi o'ta yuqori sezuvchanlikning boshqa belgilari paydo bo'lsa, preparatni yuborishni to'xtatish kerak.

Soxtamembranoz kolitga shubha qilinganda levofloksatsinni darhol bekor qilish va tegishli davolashni boshlash kerak. Bunday hollarda ichak motorikasini susaytiruvchi dori vositalarini qo'llash mumkin emas.

Preparat qo'llanilganda kamdan-kam kuzatiladigan tendinit (birinchi navbatda, Axill payining yallig'lanishi) paylarning uzilishiga olib kelishi mumkin. Keksa yoshdagi bemorlar tendinitga ko'proq moyil bo'ladilar. Glyukokortikosteroidlar bilan davolash paylarning uzilishi xavfini oshiradi. Tendinitga shubha qilinganda levofloksatsin bilan davolashni darhol to'xtatish va shikastlangan payni tegishli davolashni boshlash, masalan, unga tinch holatni ta'minlash kerak.

Glyukoza-6-fosfatdegidrogenaza yetishmovchiligi bo'lgan bemorlar ftorxinolonlarga eritrotsitlarning parchalanishi (gemoliz) bilan reaktsiya bildirishlari mumkin. Shu munosabat bilan, bunday bemorlarni levofloksatsin bilan davolashni katta ehtiyotkorlik bilan o'tkazish kerak.

Transport vositalarini va boshqa mexanizmlarni boshqarish qobiliyatiga ta'siri:

Levofloksatsinning bosh aylanishi yoki karaxtlik, uyquchanlik va ko'rish buzilishlari kabi nojo'ya ta'sirlari reaktsiyalar tezligini va diqqatni jamlash qobiliyatini yomonlashtirishi mumkin, bu esa ushbu qobiliyatlar alohida ahamiyatga ega bo'lgan vaziyatlarda (masalan, avtomobilni boshqarishda, mashina va mexanizmlarga xizmat ko'rsatishda, beqaror holatda ishlarni bajarishda) ma'lum bir xavfni tug'diradi.

-gipersezuvchanlik (shu jumladan xinolonlar guruhining boshqa preparatlariga);

-epilepsiya;

-ilgari xinolonlar bilan davolashda paylarning shikastlanishi;

-bolalar va o'smirlar (18 yoshgacha);

-homiladorlik;

-laktatsiya davri;

-uzaygan Q-T oralig'i;

-gipokaliemiya;

-IA sinfi (xinidin, prokainamid) yoki III sinfi (amiodaron, sotalol) antiaritmik preparatlarni qabul qilish.

Ehtiyotkorlik bilan:

Buyrak funksiyasining yo'ldosh pasayishi ehtimoli yuqoriligi sababli keksa yoshdagi shaxslarga, glyukoza-6-fosfatdegidrogenaza yetishmovchiligida.

Preparat siklosporin T1/2 ni oshiradi.

0,9% natriy xlorid eritmasi, 5% dekstroza eritmasi, 2,5% dekstrozali Ringer eritmasi, parenteral oziqlantirish uchun kombinatsiyalangan eritmalar bilan mos keladi.

K vitamini antagonistlari bilan bir vaqtda qo'llanilganda qon ivish tizimini nazorat qilish zarur.

Simetidin va naychalar sekretsiyasini bloklovchi dori vositalari chiqarilishni sekinlashtiradi.

Preparat eritmasini geparin va ishqoriy reaktsiyaga ega eritmalar (masalan, natriy gidrokarbonat eritmasi bilan) bilan aralashtirish mumkin emas.

Gipoglikemik preparatlar: qonda glyukoza kontsentratsiyasini qat'iy nazorat qilish zarur, chunki ularni levofloksatsin bilan bir vaqtda qo'llashda giper- va gipoglikemiya ehtimoli mavjud.

Nosteroid yallig'lanishga qarshi preparatlar (NYQPV) va teofillin: levofloksatsin bilan qo'llanilganda tirishishga tayyorgarlikni oshiradi.

Glyukokortikosteroidlar (GKS): paylar uzilishi xavfini oshiradi.