LORATAL tabletkalari 10mg N10

Ichga qabul qilingandan so'ng LORATAL® me'da-ichak yo'lidan tez so'riladi va organizmda deyarli to'liq metabolizmga uchraydi. Loratadinning aniqlanadigan konsentratsiyalari qon plazmasida preparat ichga qabul qilinganidan 15 daqiqa o'tgach hosil bo'ladi. Loratadin qon plazmasi oqsillari bilan yaxshi bog'lanadi. Loratadinning qon plazmasidagi maksimal konsentratsiyasi (Cmax) 1-1.3 soatdan keyin, asosiy faol metabolit, deskarboetoksiloratadinniki esa - taxminan 2,5 soatdan keyin erishiladi. Loratadin va deskarboksietoksiloratadinning muvozanat konsentratsiyasiga ko'pchilik bemorlarda qabul qilishning taxminan 5-kunida erishiladi.
Ovqat va LORATAL® preparati bir vaqtda qabul qilinganda loratadin va deskarboetoksiloratadinning tizimli biokiraolishligi mos ravishda taxminan 40 % va 15 % ga oshadi. Bunda loratadin va deskarboetoksiloratadinning Cmax iga erishish vaqti ham biroz uzayadi (taxminan 1 soatga), plazmadagi ushbu moddalarning Smax qiymatlari o'zgarishsiz qoladi. Loratadin va uning metabolitlari gematoensefalik to'siq orqali o'tmaydi, shuning uchun markaziy asab tizimiga sedativ va xolinoblokator ta'sir ko'rsatmaydi; alkogol samaralarini kuchaytirmaydi. Keksa yoshdagi shaxslarda preparat farmakokinetikasi o'zgarmaydi. Og'ir buyrak yetishmovchiligida loratadin biokiraolishligi 60 – 70 % gacha pasayadi, jigarning alkogolli shikastlanishida esa preparatning yarim chiqarilish davri ortadi. Loratadinning yarim chiqarilish davri 8.4 soatni (3 – 20 soat), deskarboetoksiloratadinniki - 28 soatni (8.8 - 92 soat) tashkil qiladi. Loratadin dozasining taxminan 80 % metabolitlar ko'rinishida siydik va axlat bilan teng nisbatlarda 10 kun ichida chiqariladi. Dozaning taxminan 27 % siydik bilan birinchi sutka davomida chiqariladi.

LORATAL® - selektiv periferik H1 gistamin retseptorlari blokatori, uzoq ta'sirga ega. Hosil bo'lgan ligand-retseptor kompleksi sekin parchalanadi, bu preparatning uzoq muddatli antiallergik ta'sirini tushuntiradi. Semiz hujayralardan gistamin va leykotrien C4 ajralib chiqishini ingibirlaydi, eozinofillar xemotaksisini va trombositlar agregatsiyasini bostiradi. Allergik reaktsiyalar rivojlanishini oldini oladi va kechishini yengillashtiradi. Kompleks ta'sir ko'rsatadi, jumladan antiallergik antiekssudativ va qichishishga qarshi faollik, kapillarlar o'tkazuvchanligini kamaytiradi.
Ko'pchilik bemorlarning ahvoli LORATAL® qabul qilinganidan keyin birinchi 30 daqiqa ichida yaxshilanishi kuzatiladi. Antiallergik samara preparat qabul qilinganidan keyin birinchi 30 daqiqa ichida rivojlanadi, 8 – 12 soat davomida maksimal darajaga yetadi va 24 soat davom etadi. Loratadin va uning metabolitlari gematoensefalik to'siq orqali o'tmaydi. LORATAL® MNT ga ta'sir qilmaydi, antixolinergik va sedativ ta'sir ko'rsatmaydi, psixomotor reaktsiyalar tezligiga ta'sir qilmaydi.

- og‘iz bo‘shlig‘ining qurishi, qusish, ko‘ngil aynishi, gastrit, me'da sohasida yoqimsiz hislar, kam hollarda - jigar funktsiyasining; - buzilishi, ishtahaning oshishi;
- bosh aylanishi, bosh og‘rig‘i, toliqish, uyquchanlik; bolalarda (kam hollarda) - bosh og‘rig‘i, asabiylik, sedativ ta'sir, bezovtalik, toliqish hissi, giperkineziyalar;
- teri toshmasi bo‘lishi mumkin; kam hollarda: anafilaktik reaksiyalar.
Kam hollarda:
- alopesiya;
- yo‘tal, taxikardiya.
Bolalarda:
- astmatik nafas, disfoniya, umumiy holsizlik artralgiyalar, mialgiyalar.

Loratal® tavsiya etilgan dozalarda (10 mg dan sutkada 1 marta) qo'llanilganda klinik ahamiyatli sedativ ta'sir ko'rsatmaydi. Loratal® alkogol ta'sirini potentsiyalamaydi.
LORATAL® preparatini qabul qilishni natijalar buzilishini oldini olish uchun teri sinamalarini o'tkazishdan 48 soat oldin to'xtatish kerak.
Avtomobil va potentsial xavfli mexanizmlarni boshqarishda ehtiyotkorlikka rioya qilish kerak.
LORATAL® preparatini birinchi marta qabul qilgandan so'ng bemorlar transport vositasini va potentsial xavfli mexanizmlarni boshqarish qobiliyatiga ta'sir qilishi mumkin bo'lgan nojo'ya ta'sirlar (masalan, uyquchanlik) rivojlanishi ehtimoliga e'tibor berishlari kerak. Bemorlarni ushbu nojo'ya ta'sirlar yo'qolguncha yuqori diqqat va psixomotor reaktsiyalar tezligini talab qiluvchi ishlarni bajarish xavfi haqida ogohlantirish zarur.

loratadinga yoki preparatning boshqa komponentlariga yuqori sezuvchanlik.
- 2 yoshgacha bo'lgan bolalar.
- homiladorlik va laktatsiya davri.

LORATAL® preparati quyidagilar bilan bir vaqtda qo'llanilganda:

- ketokonazol, eritromitsin yoki simetidin bilan - qon plazmasida loratadin va uning metaboliti kontsentratsiyasining oshishi qayd etilgan.

- etanol va trankvilizatorlar bilan - markaziy asab tizimiga susaytiruvchi ta'sirning potentsiyalanishi kuzatilmaydi.

- boshqa H1 — retseptorlar blokatorlari, barbituratlar, benzodiazepinlar, opioid retseptorlari agonistlari, neyroleptiklar, tritsiklik antidepressantlar, anksiolitiklar, sedativ va uxlatuvchi vositalar bilan - dozaga bog'liq sedativ samarani rivojlanishi mumkin.



Ehtiyotkorlik bilan LORATAL® ni jigar fermentlari ingibitorlari (guanidin, flukonazol, fluoksetin) bilan tayinlash kerak, chunki bunday kombinatsiyalarning xavfsizligi to'g'risida yetarli miqdorda kuzatuvlar yo'q.

Kattalar, keksa yoshdagi bemorlar va 12 yoshdan oshgan bolalar uchun tavsiya etilgan doza kuniga bir marta 10 mg ni tashkil qiladi.
2 yoshdan 12 yoshgacha bo'lgan bolalarga tavsiya etilgan doza tana vazni 30 kg dan ortiq bo'lganda kuniga bir marta 10 mg loratadin, tana vazni 30 kg dan kam bo'lganda kuniga bir marta 5 mg loratadin (½ tabletka).
Preparat sutkasiga bir marta qabul qilinadi.
Kattalar uchun maksimal bir martalik doza -10 mg, sutkalik doza -10 mg.
Tana vazni 30 kg dan ortiq bo'lgan bolalar uchun maksimal bir martalik doza -10 mg, sutkalik doza - 10 mg.
Tana vazni 30 kg dan kam bo'lgan bolalar uchun maksimal bir martalik doza-5 mg, sutkalik doza - 5 mg.
Jigar funksiyasi buzilgan bemorlar uchun preparatning boshlang'ich dozasi sutkasiga 1 marta 5 mg yoki kunora 10 mg ni tashkil qilishi kerak. Buyrak yetishmovchiligida (kreatinin klirensi 30 ml/min dan kam) preparatning boshlang'ich dozasi kunora 10 mg ni tashkil qilishi kerak.
Davolash davomiyligi kasallikning klinik manzarasiga bog'liq.