LORATAL tabletkalari 10mg N30

Ichga qabul qilingandan so'ng LORATAL® me'da-ichak traktidan tez so'riladi va organizmda deyarli to'liq metabolizmga uchraydi. Loratadinning aniqlanadigan kontsentratsiyalari qon plazmasida preparat ichga qabul qilinganidan 15 daqiqa o'tgach hosil bo'ladi. Loratadin qon plazmasi oqsillari bilan yaxshi bog'lanadi. Loratadinning qon plazmasidagi maksimal kontsentratsiyasiga (Cmax) 1-1,3 soatdan keyin, asosiy faol metabolit deskarboetoksiloratadinnikiga esa - taxminan 2,5 soatdan keyin erishiladi. Loratadin va deskarboksietoksiloratadinning muvozanatli kontsentratsiyasiga ko'pchilik bemorlarda qabul qilishning taxminan 5-kunida erishiladi.
Ovqat va LORATAL® preparati bir vaqtda qabul qilinganda loratadin va deskarboetoksiloratadinning tizimli biologik kira olishligi mos ravishda taxminan 40 % va 15 % ga oshadi. Bunda loratadin va deskarboetoksiloratadinning Cmax ga erishish vaqti ham biroz ortadi (taxminan 1 soatga), plazmadagi ushbu moddalarning Сmax qiymatlari o'zgarishsiz qoladi. Loratadin va uning metabolitlari gematoensefalik to'siq orqali o'tmaydi, shuning uchun markaziy asab tizimiga sedativ va xolinoblokatorlik ta'sirini ko'rsatmaydi; alkogol ta'sirini kuchaytirmaydi. Keksa yoshdagi shaxslarda preparat farmakokinetikasi o'zgarmaydi. Og'ir buyrak yetishmovchiligida loratadinning biologik kira olishligi 60 – 70 % gacha pasayadi, jigarning alkogolli shikastlanishida esa preparatning yarim chiqarilish davri uzayadi. Loratadinning yarim chiqarilish davri 8,4 soatni (3 – 20 soat), deskarboetoksiloratadinniki - 28 soatni (8,8 - 92 soat) tashkil qiladi. Loratadin dozasining taxminan 80 % metabolitlar ko'rinishida siydik va axlat bilan teng nisbatlarda 10 kun ichida chiqariladi. Dozaning taxminan 27 % birinchi sutka davomida siydik bilan chiqariladi.

LORATAL® uzoq muddat ta'sir qiluvchi periferik H1 gistamin retseptorlarining selektiv blokatori hisoblanadi. Hosil bo'lgan ligand-retseptor majmuasi sekin dissotsiatsiyalanadi, bu preparatning uzoq muddatli allergiyaga qarshi ta'sirini tushuntiradi. Semiz hujayralardan gistamin va leykotrien C4 ajralishini ingibitsiya qiladi, eozinofillar xemotaksisini va trombotsitlar agregatsiyasini bostiradi. Allergik reaktsiyalar rivojlanishining oldini oladi va kechishini engillashtiradi. Allergiyaga qarshi antiekssudativ va qichishishga qarshi faollikni o'z ichiga olgan majmuaviy ta'sir ko'rsatadi, kapillyarlar o'tkazuvchanligini kamaytiradi.
Aksariyat bemorlarning holatini yaxshilanishi LORATAL® qabul qilingandan keyingi dastlabki 30 daqiqa ichida kuzatiladi. Allergiyaga qarshi samara preparat qabul qilingandan keyingi dastlabki 30 daqiqa ichida rivojlanadi, 8-12 soat ichida maksimumga etadi va 24 soat davom etadi. Loratadin va uning metabolitlari gematoentsefalik to'siqdan o'tmaydi. LORATAL® MNS ga ta'sir qilmaydi, antixolinergik va sedativ ta'sir ko'rsatmaydi, psixomotor reaktsiyalar tezligiga ta'sir qilmaydi.

- og'iz bo'shlig'i quruqligi, qusish, ko'ngil aynishi, gastrit, oshqozon sohasida noxush hislar, kamdan-kam hollarda - jigar funksiyasining buzilishi; - ishtahaning oshishi;
- bosh aylanishi, bosh og'rig'i, toliqish, uyquchanlik; bolalarda (kamdan-kam) - bosh og'rig'i, asabiylik, sedativ ta'sir, bezovtalik, charchoq hissi, giperkineziyalar;
- teri toshmasi bo'lishi mumkin; kamdan-kam: anafilaktik reaksiyalar.
Kamdan-kam:
- alopesiya;
- yo'tal, taxikardiya.
Bolalarda:
- astmatik nafas olish, disfoniya, umumiy holsizlik, artralgiyalar, mialgiyalar.

Loratal® tavsiya etilgan dozalarda (kunda 1 marta 10 mg dan) foydalanilganda klinik ahamiyatli sedativ ta'sir ko'rsatmaydi. Loratal® alkogol ta'sirini kuchaytirmaydi.
LORATAL® preparatini qabul qilishni teri sinamalarini o'tkazishdan kamida 48 soat oldin to'xtatish kerak, natijalar buzilishining oldini olish uchun.
Avtomobilni va potensial xavfli mexanizmlarni boshqarishda ehtiyotkorlikka rioya qilish kerak.
LORATAL® preparatini birinchi marta qabul qilgandan so'ng bemorlar transport vositasini va potensial xavfli mexanizmlarni boshqarish qobiliyatiga ta'sir qilishi mumkin bo'lgan nojo'ya ta'sirlar (masalan, uyquchanlik) rivojlanishi ehtimoliga e'tibor berishlari kerak. Bemorlarni ushbu nojo'ya ta'sirlar yo'qolguncha diqqatni yuqori jamlashni va psixomotor reaksiyalar tezligini talab qiladigan ishlarni bajarish xavfi haqida ogohlantirish zarur.

loratadinga yoki preparatning boshqa komponentlariga yuqori sezuvchanlik.
- 2 yoshgacha bo'lgan bolalar.
- homiladorlik va laktatsiya davri.

LORATAL® preparati quyidagilar bilan bir vaqtda qo'llanilganda:

- ketokonazol, eritromitsin yoki simetidin bilan qon plazmasida loratadin va uning metaboliti konsentratsiyasining oshishi qayd etilgan.

- etanol va trankvilizatorlar bilan, markaziy nerv sistemasiga susaytiruvchi ta'sirining potensiyalanishi kuzatilmaydi.

- boshqa H1 — reseptorlari blokatorlari, barbituratlar, benzodiazepinlar, opioid reseptorlari agonistlari, neyroleptiklar, tritsiklik antidepressantlar, anksiolitiklar, sedativ va uxlatuvchi vositalar bilan dozaga bog'liq sedativ samarasi rivojlanishi mumkin.



Ehtiyotkorlik bilan LORATAL® ni jigar fermentlari ingibitorlari (guanidin, flukonazol, fluoksetin) bilan buyurish lozim, chunki bunday kombinatsiyalar xavfsizligi to'g'risida yetarli miqdorda kuzatuvlar mavjud emas.

Kattalar, keksa yoshdagi bemorlar va 12 yoshdan katta bolalarga tavsiya etilgan doza kuniga bir marta 10 mg ni tashkil qiladi.
2 yoshdan 12 yoshgacha bo'lgan bolalarga tana vazni 30 kg dan ortiq bo'lganda tavsiya etilgan doza kuniga bir marta 10 mg loratadin, tana vazni 30 kg dan kam bo'lganda kuniga bir marta 5 mg loratadin (½ tabletka).
Preparat sutkasiga bir marta qabul qilinadi.
Kattalar uchun maksimal bir martalik doza - 10 mg, sutkalik doza - 10 mg.
Tana vazni 30 kg dan ortiq bo'lgan bolalar uchun maksimal bir martalik doza - 10 mg, sutkalik doza - 10 mg.
Tana vazni 30 kg dan kam bo'lgan bolalar uchun maksimal bir martalik doza - 5 mg, sutkalik doza - 5 mg.
Jigar funktsiyasi buzilgan bemorlar uchun preparatning boshlang'ich dozasi sutkasiga 1 marta 5 mg yoki kunora 10 mg ni tashkil qilishi kerak. Buyrak yetishmovchiligida (kreatinin klirensi 30 ml/daq dan kam) preparatning boshlang'ich dozasi kunora 10 mg ni tashkil qilishi kerak.
Davolash davomiyligi kasallikning klinik manzarasiga bog'liq.