ZITMAK poroshok 10ml 100mg/5ml

Azitromitsin kislotali muhitga chidamliligi va lipofilligi tufayli oral qabul qilinganda tez so'riladi. Bir marta ichga qabul qilingandan so'ng azitromitsinning 37% so'riladi, plazmadagi kontsentratsiya cho'qqisi (0,41µg/ml) 2-3 soatdan keyin qayd etiladi. Taqsimlanish hajmi Vd taxminan 31 l/kg ni tashkil qiladi. Azitromitsin nafas yo'llariga, urogenital trakt organlari va to'qimalariga, prostata beziga, teri va yumshoq to'qimalarga yaxshi kirib, to'qima turiga qarab 1 dan 9 µg/ml gacha yetadi. To'qimalarda yuqori kontsentratsiya (plazmadagi kontsentratsiyadan 50 baravar yuqori) va uzoq yarim parchalanish davri azitromitsinning qon plazmasi oqsillari bilan past bog'lanishi, shuningdek uning eukariotik hujayralarga kirish va lizosomalar atrofidagi past pH li muhitda to'planish qobiliyati bilan bog'liq. Azitromitsinning lizosomalarda to'planish qobiliyati hujayra ichidagi qo'zg'atuvchilarni yo'q qilish uchun ayniqsa muhimdir. Fagotsitlar azitromitsinni infektsiya lokalizatsiya qilingan joylarga yetkazib beradi, u yerda u fagotsitoz jarayonida ajralib chiqadi. Ammo fagotsitlarda yuqori kontsentratsiyaga qaramay, azitromitsin ularning funktsiyasiga ta'sir qilmaydi. Terapevtik kontsentratsiya oxirgi doza ichga qabul qilingandan keyin 5-7 kun davomida saqlanib qoladi. Azitromitsin qabul qilinganda jigar fermentlari faolligining vaqtinchalik oshishi mumkin. Qon plazmasidan dozaning yarmini chiqarilishi 2-4 kun ichida to'qimalarda dozaning yarmining kamayishiga olib keladi. Preparat 8 dan 24 soatgacha bo'lgan oraliqda qabul qilingandan so'ng yarim chiqarilish davri 14-20 soatni, 24 dan 72 soatgacha bo'lgan oraliqda qabul qilingandan so'ng esa – 41 soatni tashkil qiladi, bu ZITMAK ni kuniga 1 marta qabul qilish imkonini beradi. Asosiy chiqarilish yo'li – safro bilan. Taxminan 50% o'zgarmagan holda, qolgan 50% - 10 ta nofaol metabolit shaklida chiqariladi. Qabul qilingan dozaning taxminan 6% buyraklar orqali chiqariladi.

ZITMAK® preparatining faol moddasi - azitromitsin keng ta’sir doirasiga ega antibiotik, makrolid antibiotiklar yangi kichik guruhi – azalidlarning birinchi vakili hisoblanadi. Bakteriostatik ta’sirga ega, ammo yallig‘lanish o‘chog‘ida yuqori konsentratsiyalar hosil qilinganda bakteritsid samara ko‘rsatadi. Azitromitsin sezgir mikroorganizmlarda oqsil sintezini bostiradi, grammusbat, grammanfiy, anaerob, hujayra ichi va boshqa mikroorganizmlarning ko‘pchilik shtammlariga nisbatan faollik namoyon qiladi: Mycoplasma pneumoniae, Haemophilus ducreyi, Moraxella catarrhalis, Propionibacterium acnes, Gardnerella vaginalis, Actinomyces species, Bordetella pertussis, Borrelia burgdorferi, Mobiluncus species; Haemophilus influenzae, Streptococcus pyogenes, Haemophilus parainfluenzae, Streptococcus pneumoniae, Legionella pneumophila, Streptococcus agalactiae, Neisseria meningitides, Streptococcus viridans, Neisseria gonorrhoeae, Streptococcus group C, F, G, Helicobacter pylori, Peptococcus species, Campylobacter jejuni, Peptostreptococcus, Pasteurella multocida, Fusobacterium necrophorum, Pasteurella haemolytica, Clostridium perfringens, Brucella melitensis, Bacteroides bivius, Bordetella parapertussis, Chlamydia trachomatis, Vibrio cholerae, Chlamydia pneumoniae, Vibrio parahaemolyticus, Ureaplasma urealyticum, Plesiomonas shigelloides, Listeria monocytogenes, Staphylococcus epidermidis, Staphylococcus aureus* (*eritromitsin – sezgir shtamm); Escherichia coli, Bacteroides fragilis, Salmonella enteritidis, Bacteroides oralis, Salmonella typhi, Clostridium difficile, Shigella sonnei, Eubacterium lentum, Yersinia enterocolitica, Fusobacterium nucleatum, Acinetobacter calcoaceticus, Aeromonas hydrophilia.

Tez-tez (>1/100, <1/10):
- ko'ngil aynishi, qusish, diareya, qorinda og'riq.
Tez-tez emas(>1/1000, <1/100):
- suyuq axlat, meteorizm, ovqat hazm qilishning buzilishi, ishtahaning yo'qolishi.
Kamdan-kam hollarda(>1/1000, <1/100):
- bosh og'rig'i, bosh aylanishi, uyquchanlik, tirishishlarTez-tez (>1/100, <1/10);
- trombotsitopeniya;
- agressivlik, qo'zg'alish, bezovtalik, asabiylik, uyqusizlik;
- paresteziyalar va asteniya;
- eshitish buzilishi, karlik va quloqlarda shovqin;
- yurak urishi, qorinchalar taxikardiyasi bilan aritmiya, QT intervalining uzayishi;
- til rangining o'zgarishi, qabziyat, soxtamembranoz kolit;
- jigar aminotransferazalari, bilirubin darajasining tranzitor ko'tarilishi, xolestatik sariqlik, gepatit;
- o'ta yuqori sezuvchanlik reaksiyalari (qizarish, teri toshmasi, qichishish, eshakemi, angionevrotik shish, fotosezuvchanlik), ko'p shaklli eritema, Stivens-Jonson sindromi va toksik epidermal nekroliz;
- artralgiya.
Juda kam hollarda (>1/10000, <1/1000):
- interstitsial nefrit, o'tkir buyrak yetishmovchiligi;
- charchoq, konvulsiyalar;
- ta'm va hid bilishning o'zgarishi;
- artralgiyalar;
- vaginitlar, kandidoz, superinfeksiyalar;
- anafilaktik shok shu jumladan shish (kamdan-kam hollarda o'limga olib keluvchi).

ZITMAK® 200 mg/5 ml tana vazni 14 kg dan ortiq bo'lgan bolalarda, shuningdek kattalarda qo'llash uchun mo'ljallangan.
Preparatni qo'llash davomiyligi yo'riqnomada ko'rsatilgan muddatlardan oshmasligi kerak.
Preparatni jigar va buyrak funksiyasi buzilishlarida; aritmiyalarga va QT intervali uzayishiga moyilligi yoki buzilishlari bo'lgan bemorlarda ehtiyotkorlik bilan qabul qilish kerak.
Dori vositasining nojo'ya ta'sirlarini hisobga olib, avtotransport va potensial xavfli mexanizmlarni boshqarishda ehtiyotkorlikka rioya qilish kerak.

- makrolid antibiotiklariga yuqori sezuvchanlik;
- jigar va buyrak funksiyalarining og'ir buzilishlari;
- homiladorlik va laktatsiya davri.

Antatsidlar ZITMAKВ® suspenziyasi so'rilishini sezilarli darajada kamaytiradi, shuning uchun preparatni ushbu preparatlarni qabul qilishdan bir soat oldin yoki ikki soat keyin qabul qilish kerak. Makrolid antibiotiklari digoksin, siklosporin, astemizol, triazolam, midazolam yoki alfentanil bilan o'zaro ta'sir qiladi. Ushbu preparatlar bir vaqtda qabul qilinganda diqqat bilan kuzatish tavsiya etiladi.
Azitromitsin P-450 sitoxromini bog'lamaydi va shuning uchun teofillin, terfenadin, varfarin, karbamazepin, metilprednizolon va simetidin bilan o'zaro ta'sir qilmaydi.
Azitromitsin va bilvosita ta'sir etuvchi antikoagulyantlar bir vaqtda qo'llanilganda qon ketishlar bo'lishi mumkin. Shuning uchun bunda protrombin vaqtini nazorat qilish zarur.
Rifabutin: azitromitsin va rifabutinni birga qo'llash ularning plazma kontsentratsiyasini o'zgartirmagan. Biroq bunda neytropeniya kuzatilgan.

ZITMAK® peroral suspenziya ko'rinishida sutkasiga 1 marta ovqatdan 1 soat oldin yoki 2 soat keyin o'lchov qoshig'i yordamida qabul qilinadi.
Yuqori va quyi nafas yo'llari, teri va yumshoq to'qimalar infeksiyalari (surunkali ko'chib yuruvchi eritemadan tashqari):
Kurs dozasi 30 mg/kg ni tashkil qiladi.
Ikki xil davolash sxemasi qo'llaniladi:
10 mg/kg tana vazniga kuniga bir marta 3 kun davomida;
10 mg/kg tana vazniga birinchi kuni va 5 mg/kg tana vazniga 2-kundan 5-kungacha.
Tana vazni 14 kg dan ortiq bo'lgan bolalar va kattalarga ZITMAK® 200 mg/5 ml suspenziyasini tayinlash tavsiya etiladi
Tana vazni
ZITMAK® ichga qabul qilish uchun suspenziya tayyorlash uchun kukun 200 mg/5 ml
15-25 kg
5 ml (200 mg)
25-34 kg
7,5 ml (300 mg)
35-44 kg
10 ml (400 mg)
≥ 45 kg
12,5 ml (500 mg)
Surunkali ko'chib yuruvchi eritema
Preparatning kurs dozasi 60 mg/kg ni tashkil qiladi: bir marta 20 mg/kg –
1-kuni va 10 mg/kg dan - keyingi, 2 dan 5-kungacha.
Helicobacter pylori bilan bog'liq oshqozon va 12 barmoqli ichak kasalliklari:
Azitromitsin dozasi antisekretor vositalar va boshqa dori vositalari bilan birgalikda (kompleks terapiyada) kuniga 1 marta tana vaznining har kg uchun 20 mg ni tashkil qiladi.
Agar preparat dozasi o'tkazib yuborilgan bo'lsa, uni darhol qabul qilish kerak, keyingi dozalarni esa 24 soatlik interval bilan qabul qilish kerak.
Urogenital trakt infeksiyalari:
Nogonokokk uretrit/servitsit – 1 g bir marta.
Gonokokkli, shuningdek asoratli, uzoq davom etuvchi uretrit/servitsit - 1 g dan uch marta 7 kunlik interval bilan (1-7-14). Kurs dozasi 3 g.

Suspenziyani tayyorlash usuli:
Bitta flakon tarkibiga 9 ml yoki 15 ml tozalangan suv qo'shiladi va mos ravishda 15 ml yoki 30 ml hajmdagi bir hil suspenziya olinguncha aralashtiriladi.
Qabul qilishdan oldin flakon tarkibi bir hil suspenziya olinguncha yaxshilab chayqatiladi. Suspenziya qabul qilingandan so'ng darhol bolaga og'iz bo'shlig'ida qolgan suspenziya miqdorini yuvish va yutish uchun bir necha qultum suyuqlik beriladi.