MAALOKS suspenziya 250ml

Magniy gidroksidi va alyuminiy gidroksidi mahalliy ta'sir ko'rsatuvchi antatsidlar hisoblanadi. Past absorbsiya tufayli tizimli ta'sir ko'rsatmaydi.

Tavsiya etilgan dozalash rejimiga rioya qilinganda nojo‘ya ta'sirlar kam uchraydi.

Noxush ta'sirlar tez-tezligini aniqlash (JSST tasnifi bo‘yicha): tez-tez emas (≥0.1% va <1%) va tez-tezligi noma'lum.

Immun tizimi tomonidan: tez-tezligi noma'lum - o‘ta yuqori sezuvchanlik reaksiyalari, anafilaktik reaksiyalar.

Allergik reaksiyalar: tez-tezligi noma'lum - qichishish, eshakemi, angionevrotik shish.

Ovqat hazm qilish tizimi tomonidan: tez-tez emas - diareya, qabziyat.

Moddalar almashinuvi tomonidan: tez-tezligi noma'lum - suyak to‘qimasi rezorbsiyasining kuchayishiga, giperkaltsiuriyaga, osteomalyatsiyaga olib kelishi mumkin bo‘lgan gipermagniemiya, giperalyuminiemiya, gipofosfatemiya (uzoq muddatli davolashda yoki yuqori dozalarda qabul qilinganda, yoxud ovqatda fosfatlar miqdori kam bo‘lganda standart dozalarda qabul qilinganda).

Agar davolash vaqtida OIT tomonidan simptomlar 10 kundan ortiq saqlansa yoki ahvol yomonlashishi kuzatilsa, tashxisni aniqlashtirish va davolash tadbirlarini to'g'irlashni o'tkazish kerak.

Maaloks® preparatini va boshqa preparatlarni qo'llash o'rtasida 2 soatlik intervalga rioya qilish kerak.

Garchi preparat retseptsiz berilsa-da, homiladorlik va laktatsiya (emizish) davrida, shuningdek o'smirlar va yengil va o'rtacha og'irlikdagi buyrak yetishmovchiligi bo'lgan bemorlarda preparatni qo'llashdan oldin shifokor bilan maslahatlashish tavsiya etiladi.

Maaloks® preparatini yengil va o'rtacha og'irlikdagi buyrak yetishmovchiligi bo'lgan bemorlarga tayinlashda alyuminiy va magniyning plazmadagi kontsentratsiyasini sinchkovlik bilan nazorat qilish, ular oshgan taqdirda esa preparatni qo'llashni darhol to'xtatish kerak.

Algeldrat ovqatda fosfatlar miqdori past bo'lganda organizmda fosfor yetishmovchiligi rivojlanishiga olib kelishi mumkin. Shuning uchun u qo'llanilganda, ayniqsa uzoq muddat, ovqat bilan fosfatlar yetarli darajada tushishini ta'minlash kerak.

Avtotransportni boshqarish va mexanizmlarni boshqarish qobiliyatiga ta'siri

Preparat transport vositalarini boshqarish va mexanizmlar bilan ishlash qobiliyatiga ta'sir qilmaydi.

— og'ir darajadagi buyrak yetishmovchiligi;

— faol moddalarga va preparatning boshqa komponentlariga yuqori sezuvchanlik;

— fruktozani o'zlashtira olmaslik (preparat tarkibida sorbitol mavjudligi sababli);

— 15 yoshgacha bo'lgan bolalar va o'smirlar;

— gipofosfatemiya.

Ehtiyotkorlik bilan

— Alyuminiy gidroksidi qabziyat chaqirishi mumkin, magniy tuzlarining dozasini oshirib yuborish ichak peristaltikasining susayishiga olib kelishi mumkin; yuqori xavf guruhidagi bemorlarda (buyrak yetishmovchiligi bo'lgan bemorlar, keksa yoshdagi shaxslar) preparatning yuqori dozalarini qabul qilish ichak obstruktsiyasi va ichak tutilishini chaqirishi yoki kuchaytirishi mumkin.

— Alyuminiy gidroksidi M IT dan yomon so'riladi, shuning uchun buyrak funksiyasi normal bo'lgan bemorlarda tizimli ta'sir kamdan-kam hollarda yuzaga keladi. Biroq uzoq muddatli davolash, preparatni haddan tashqari yuqori dozalarda qo'llash yoki ovqat bilan fosfatlar kam tushishi fonida preparatni oddiy dozalarda qo'llash (alyuminiyning fosfat bilan bog'lanishi tufayli) suyak to'qimasi rezorbsiyasining kuchayishi va osteomalyatsiya rivojlanish xavfi bilan kechadigan giperkaltsiuriya bilan kuzatiladigan fosfat yetishmovchiligiga olib kelishi mumkin. Fosfat yetishmovchiligi rivojlanish xavfi bo'lgan bemorlarni davolash yoki preparatni uzoq muddat qo'llash tibbiy nazorat ostida o'tkazilishi kerak.

— Buyrak funksiyasi buzilishida (bunday bemorlarda Maaloks® preparatini qabul qilishda plazmada magniy va alyuminiy kontsentratsiyasi oshishi mumkin, Maaloks® preparatini uzoq muddat yuqori dozalarda, shu jumladan yuqori terapevtik dozalarda qo'llashda esa, entsefalopatiya, dementsiya, mikrotsitar anemiya rivojlanishi yoki dializ oqibatida kelib chiqqan osteomalyatsiya kuchayishi mumkin.

— Gemodializda bo'lgan porfiriyali bemorlarda.

— Altsgeymer kasalligida.

— Homiladorlikda.

Homiladorlik va emizish davrida qo'llanilishi

Hozirgi vaqtda homiladorlikda Maaloks® preparatini qo'llashda hech qanday o'ziga xos teratogen samaralar aniqlanmagan, biroq, homiladorlikda uni qo'llash bo'yicha klinik tajriba yetarli emasligi sababli, tayinlash faqat terapiyadan ona uchun potentsial foyda homila uchun potentsial xavfni oqlagan holdagina mümkin.

Preparatni dozalash tartibiga muvofiq qo'llashda ona organizmida alyuminiy gidroksidi va magniy tuzlari kombinatsiyasining so'rilishi cheklangan, shuning uchun Maaloks® ko'krak suti bilan emizish bilan mos keluvchi deb tan olingan.

Hayvonlardagi klinik oldi tadqiqotlarida alyuminiy gidroksidi va magniy gidroksidining teratogen samarasi borligiga aniq ko'rsatmalar olinmagan.

Buyrak funksiyasi buzilishlarida qo'llanilishi

Buyrak funksiyasi buzilishida ehtiyotkorlik bilan qo'llash (bunday bemorlarda Maaloks® preparatini qabul qilishda plazmada magniy va alyuminiy kontsentratsiyasi oshishi mumkin; Maaloks® preparatini uzoq muddat yuqori dozalarda, shu jumladan yuqori terapevtik dozalarda qo'llashda esa entsefalopatiya, dementsiya, mikrotsitar anemiya rivojlanishi mumkin).

Bolalarda qo'llanilishi

15 yoshgacha bo'lgan bolalarga mumkin emas.

Xinidin bilan bir vaqtda qo'llanilganda zardobda xinidin kontsentratsiyasining oshishi va xinidin dozasi oshirib yuborilishining rivojlanishi mumkin.

Maaloks® preparati bilan bir vaqtda qabul qilinganda quyidagi dori vositalarining OIT dan so'rilishi kamayadi: H2-gistamin retseptorlari blokatorlari, propranolol, atenolol, tsefdinir, tsefpodoksim, metoprolol, xloroxin, prostatsiklinlar, diflunizal, digoksin, bisfosfonatlar, etambutol, izoniazid, ftorxinolonlar, natriy ftoridi, GKS (prednizolon va deksametazon uchun ta'riflangan), indometatsin, ketokonazol, linkozamidlar, fenotiazin hosilalari neyroleptiklari, penitsillamin, rozuvastatin, temir tuzlari, levotiroksin natriy. Ushbu preparatlar va Maaloks® preparatini qabul qilish orasida 2 soatlik oraliq va ftorxinolonlar va Maaloks® preparatini qabul qilish orasida 4 soatlik oraliq bo'lgan taqdirda ko'pchilik hollarda ushbu istalmagan o'zaro ta'sirdan qochish mumkin.

Maaloks® preparatini polistirolsulfonat (kayeksalat) bilan birga qo'llashda ehtiyotkorlikka rioya qilish kerak, chunki smola bilan kaliy bog'lanishi samaradorligining pasayishi va buyrak yetishmovchiligi bo'lgan bemorlarda metabolik alkaloz rivojlanishi (alyuminiy gidroksidi va magniy gidroksidi uchun) va ichak obstruktsiyasi (alyuminiy gidroksidi uchun) xavfi mavjud.

Alyuminiy gidroksidi tsitratlar bilan kombinatsiyalanganda plazmada alyuminiy kontsentratsiyasining oshishi mumkin, ayniqsa buyrak yetishmovchiligi bo'lgan bemorlarda.