MAALOKS MINI suspenziya dlya priema vnutr so vkusom chernoy smorodini 4,3ml N6

Magniy va alyuminiy gidroksidlari mahalliy ta'sir ko'rsatuvchi antatsidlar hisoblanadi, tavsiya etilgan dozalarda qabul qilinganda deyarli so'rilmaydi va shunga mos ravishda tizimli samaralar ko'rsatmaydi.

Tavsiya etilgan dozalash rejimiga rioya qilinganda nojo‘ya ta'sirlar kam uchraydi.

Noxush nojo‘ya ta'sirlarning rivojlanish tez-tezligini ko‘rsatish uchun Jahon Sog‘liqni Saqlash Tashkilotining quyidagi tasnifi qo‘llaniladi: - tez-tez emas >0,1 % va < 1 %; - tez-tezligi noma'lum - mavjud ma'lumotlar asosida baholab bo‘lmaydi.

Immun tizimi tomonidan buzilishlar:

Tez-tezligi noma'lum: qichishish, eshakemi, angionevrotik shish va anafilaktik reaksiyalar kabi o‘ta yuqori sezuvchanlik reaksiyalari.



Me'da-ichak yo‘llari tomonidan buzilishlar:

Tez-tez emas: diareya, qabziyat.

Moddalar almashinuvi va oziqlanish buzilishlari:

Tez-tezligi noma'lum: suyak to‘qimasi rezorbsiyasining kuchayishiga, giperkaltsiuriyaga, osteomalyatsiyaga olib kelishi mumkin bo‘lgan gipermagniemiya, giperalyuminiemiya, gipofosfatemiya (uzoq muddatli davolashda yoki yuqori dozalar qabul qilinganda, yoxud ovqatda fosfatlar miqdori kam bo‘lganda standart dozalar qabul qilinganda).

Agar davolash vaqtida oshqozon-ichak trakti tomonidan simptomlar 10 kundan ortiq saqlansa yoki ahvol yomonlashishi kuzatilsa, tashxisni aniqlashtirish va davolash tadbirlarini to'g'irlashni o'tkazish kerak.

Maaloks® mini preparatini va boshqa preparatlarni qo'llash o'rtasida 2 soatlik intervalga va Maaloks® mini preparatini va ftorxinolonlarni qabul qilish o'rtasida 4 soatlik intervalga rioya qilish kerak ("Boshqa dori vositalari bilan o'zaro ta'siri" ga qarang).

Garchi preparat retseptsiz berilsa-da, homiladorlik va laktatsiya (emizish) davrida, shuningdek o'smirlar va yengil va o'rtacha og'irlikdagi buyrak yetishmovchiligi bo'lgan bemorlarda preparatni qo'llashdan oldin shifokor bilan maslahatlashish tavsiya etiladi.

Buyrak funktsiyasi buzilishlarida Maaloks® mini preparatini uzoq muddat tayinlashdan saqlanish kerak. Maaloks® mini preparatini yengil va o'rtacha og'irlikdagi buyrak yetishmovchiligi bo'lgan bemorlarga tayinlashda alyuminiy va magniyning plazmadagi kontsentratsiyasini sinchkovlik bilan nazorat qilish, ular oshgan taqdirda esa preparatni qo'llashni darhol to'xtatish kerak: Algeldrat ovqatda fosfatlar miqdori past bo'lganda organizmda fosfor yetishmovchiligi rivojlanishiga olib kelishi mumkin. Shuning uchun u qo'llanilganda, ayniqsa uzoq muddat, ovqat bilan fosfatlar yetarli darajada tushishini ta'minlash kerak.

Preparatning bitta mini-paketida 3,15 g saxaroza va 0,2 g sorbitol mavjud (mos ravishda maksimal sutkalik dozada 37,80 g saxaroza va 2,4 g sorbitol mavjud).

Transport vositalarini boshqarish va mexanizmlar bilan ishlash qobiliyatiga ta'siri:

Preparat transport vositalarini boshqarish va mexanizmlar bilan ishlash qobiliyatiga ta'sir qilmaydi.

Faol moddalarga va preparatning boshqa komponentlariga yuqori sezuvchanlik.

- Og'ir buyrak yetishmovchiligi.

- Gipofosfatemiya.

- Saxaraza/izomaltaza yetishmovchiligi, fruktozani o'zlashtira olmaslik, glyukoza-galaktoza malabsorbtsiyasi (preparat tarkibida sorbitol va saxaroza mavjudligi sababli).

- Bolalar va o'smirlar yoshi (15 yoshgacha).

Ehtiyotkorlik bilan:

- Alyuminiy gidroksidi qabziyat chaqirishi mumkin, magniy tuzlarining dozasini oshirib yuborish ichak peristaltikasining susayishiga olib kelishi mumkin; yuqori xavf guruhidagi bemorlarda (buyrak yetishmovchiligi bo'lgan bemorlar, keksa yoshdagi shaxslar) preparatning yuqori dozalarini qabul qilish ichak obstruktsiyasi va ichak tutilishini chaqirishi yoki kuchaytirishi mumkin.

- Alyuminiy gidroksidi oshqozon-ichak traktida yomon so'riladi, shuning uchun buyrak funksiyasi normal bo'lgan bemorlarda tizimli ta'sir kamdan-kam hollarda yuzaga keladi. Uzoq muddatli davolash, preparatning haddan tashqari yuqori dozalarini qo'llash yoki ovqat bilan fosfatlar kam tushishi fonida preparatning normal dozalarini qo'llash (alyuminiyning fosfat bilan bog'lanishi tufayli) suyak to'qimasi rezorbsiyasining kuchayishi va osteomalyatsiya rivojlanish xavfi bilan kechadigan giperkaltsiuriya bilan kuzatiladigan fosfat yetishmovchiligiga olib kelishi mumkin. Fosfat yetishmovchiligi rivojlanish xavfi bo'lgan bemorlarni davolash yoki preparatni uzoq muddat qo'llash tibbiy nazorat ostida amalga oshirilishi kerak.

- Buyrak funksiyasi buzilishida (Maaloks® mini preparatini qabul qilishda plazmada magniy va alyuminiy kontsentratsiyasi oshishi mumkin; Maaloks® mini preparatini uzoq muddat yuqori dozalarda, shu jumladan yuqori terapevtik dozalarda qo'llashda, entsefalopatiya, dementsiya, mikrotsitar anemiya rivojlanishi yoki dializ oqibatida kelib chiqqan osteomalyatsiya kuchayishi mumkin).

- Gemodializda bo'lgan porfiriyali bemorlarda.

- Homiladorlikda ("Homiladorlik va ko'krak suti bilan emizish davrida qo'llanilishi" bo'limiga qarang)

- Altsgeymer kasalligida

- Qandli diabetda (preparat tarkibida saxaroza mavjudligi sababli) ("Maxsus ko'rsatmalar" bo'limiga qarang).

Homiladorlik va laktatsiya:

Homiladorlik

Hayvonlarda alyuminiy gidroksidi va magniy gidroksidining teratogen samarasi borligiga aniq ko'rsatmalar olinmagan. Hozirgi vaqtda homiladorlik davrida Maaloks® mini preparatini qo'llashda hech qanday o'ziga xos teratogen samaralar aniqlanmagan, biroq, klinik tajriba yetarli emasligi sababli, uni homiladorlik davrida qo'llash faqat past dozalarda va qisqa muddatli va agar uni qo'llashdan ona uchun potentsial foyda homila uchun potentsial xavfni oqlagan hollardagina mümkin.

Ko'krak suti bilan emizish davri

Tavsiyalarga muvofiq qo'llanilganda alyuminiy gidroksidi va magniy tuzlari kombinatsiyasining onada so'rilishi cheklangan, shuning uchun Maaloks® mini preparati ko'krak suti bilan emizish bilan mos keluvchi deb tan olingan.

- Xinidin bilan

Xinidin bilan bir vaqtda qo'llanilganda zardobda xinidin kontsentratsiyasining oshishi va xinidin dozasi oshirib yuborilishining rivojlanishi mumkin.

- H2-gistamin retseptorlari blokatorlari, propranolol, atenolol, tsefdinir, tsefpodoksim, metoprolol, xloroxin, prostatsiklinlar, diflunisal, digoksin, bisfosfonatlar, etambutol, izoniazid, ftorxinolonlar, natriy ftoridi, glyukokortikosteroidlar (prednizolon va deksametazon uchun ta'riflangan), indometatsin, ketokonazol, linkozamidlar, fenotiazin neyroleptiklari, penitsillamin, rozuvastatin, temir tuzlari, levotiroksin bilan.

Maaloks® mini preparati bilan bir vaqtda qabul qilinganda yuqorida sanab o'tilgan preparatlarning oshqozon-ichak traktida so'rilishi kamayadi. Ushbu preparatlar va Maaloks® mini preparatini qabul qilish orasida 2 soatlik oraliq va ftorxinolonlar va Maaloks® mini preparatini qabul qilish orasida 4 soatlik oraliq bo'lgan taqdirda ko'pchilik hollarda ushbu istalmagan o'zaro ta'sirdan qochish mumkin.

- Polistirolsulfonat (kayeksalat) bilan

Maaloks® mini preparatini polistirolsulfonat (kayeksalat) bilan birga qo'llashda ehtiyotkorlikka rioya qilish kerak, chunki smola bilan kaliy bog'lanishi samaradorligining pasayishi va buyrak yetishmovchiligi bo'lgan bemorlarda metabolik alkaloz rivojlanishi (alyuminiy gidroksidi va magniy gidroksidi uchun) va ichak obstruktsiyasi (alyuminiy gidroksidi uchun) xavfi mavjud.

- Tsitratlar bilan

Alyuminiy gidroksidi tsitratlar bilan kombinatsiyalanganda plazmada alyuminiy kontsentratsiyasining oshishi mumkin, ayniqsa, buyrak yetishmovchiligi bo'lgan bemorlarda.