Metronidazol

Protozoyga qarshi va mikroblarga qarshi preparat, 5-nitroimidazol hosilasi. Ta'sir mexanizmi anaerob mikroorganizmlar va sodda jonivorlarning hujayra ichidagi transport oqsillari 5-nitroguruhini biokimyoviy tiklanishidan iborat. Tiklangan 5-nitroguruh mikroorganizmlar hujayrasi DNK si bilan o'zaro ta'sirlashib, ularning nuklein kislotalari sintezini ingibirlaydi, bu bakteriyalarning o'limiga olib keladi. Trixomonatsid ta'sir (yuqorida keltirilgan sodda jonivorlarning 99 foizini o'limi) preparatning 2,5 mkg/ml kontsentratsiyasida 24 soat davomida kuzatiladi. Ushbu shtammlar uchun MBK (minimal bostiruvchi kontsentratsiya) 0,125-6,25 mkg/ml ni tashkil qiladi. Anaerob mikroorganizmlar uchun MBK90 8 mkg/ml ni tashkil qiladi. Amoksitsillin bilan kombinatsiyada Helicobacter pylori ga nisbatan faollik ko'rsatadi (amoksitsillin Metralinga rezistentlik rivojlanishini bostiradi). Metralinga aerob mikroorganizmlar va fakultativ anaeroblar sezgir emas, ammo aralash flora (aeroblar va anaeroblar) mavjudligida, Metralin oddiy aeroblarga qarshi samarali antibiotiklar bilan sinergik ta'sir ko'rsatadi. O'smalarning nurlanishga sezgirligini oshiradi, alkogolga sensibilizatsiya chaqiradi (disulfiramsimon ta'sir), reparativ jarayonlarni rag'batlantiradi.

Tayinlashda ajratilgan qo'zg'atuvchilarning unga sezgirligini aniqlash kerak. Doza kasallikning og'irligi, infeksiya turi, organizm holati, yosh, vazn va bemorda buyrak funksiyasiga bog'liq. Vena ichiga (v/i) – oqim bilan yoki tomchilab yuboriladi. Kattalar va 12 yoshdan oshgan bolalarga v/i tomchilab 500-1000 mg (7,5-15 mg/kg) boshlang'ich dozada yuboriladi, infuziya davomiyligi – 30-60 daqiqa, so'ngra har 8 soatda 500 mg dan (7,5 mg/kg) 5 ml/min tezlikda. O'rtacha davolash kursi – 7 kun (individual ravishda belgilanadi). Zarurat bo'lganda, v/i yuborish uzoqroq vaqt davomida davom ettiriladi. Maksimal sutkalik doza – 4 g. Ko'rsatmalarga ko'ra ichga tutib turuvchi qabulga 200-400 mg dan 3 marta/sut o'tiladi. Profilaktika maqsadida kattalar va 12 yoshdan oshgan bolalarga operatsiyadan oldin, operatsiya kuni va ertasi kuni v/i tomchilab 500-1000 mg dan – 1500 mg/sut (har 8 soatda 500 mg dan) tayinlanadi. 1-2 kundan keyin ichga tutib turuvchi terapiyaga o'tiladi. 12 yoshgacha bo'lgan bolalarga xuddi shu sxema bo'yicha bir martalik dozada – 7,5 mg/kg tayinlanadi. Yiringli-septik kasalliklarda odatda 1 davolash kursi o'tkaziladi. Radiosensibilizatsiya qiluvchi vosita sifatida v/i tomchilab, 160 mg/kg yoki 4-6 g/m2 tana yuzasi hisobidan nurlanish boshlanishidan 30-60 daqiqa oldin yuboriladi. Har bir nurlanish seansidan oldin 1-2 hafta davomida qo'llaniladi. Nur bilan davolashning qolgan davrida Metralin qo'llanilmaydi. Maksimal bir martalik doza 10 g dan, kurs dozasi – 60 g dan oshmasligi kerak. Nurlanish chaqirgan intoksikatsiyani bartaraf etish uchun glyukoza eritmalari yoki izotonik natriy xlorid eritmasini tomchilab yuborish qo'llaniladi. Maxsus klinik holatlarda qo'llanilishi Surunkali buyrak yetishmovchiligi (SBE) va kreatinin klirensi (KK) 30 ml/min dan kam bo'lgan va/yoki jigar yetishmovchiligi bo'lgan bemorlarga maksimal sutkalik doza – 1000 mg dan ko'p emas, qabul qilish chastotasi – sutkasiga 2 marta.