METRONIDAZOL 0,25 tabletkalari N24

Ichga qabul qilinganda metronidazol tez va deyarli to'liq so'riladi (1 soat ichida taxminan 80 %). Ovqat qabul qilish metronidazol absorbsiyasiga ta'sir qilmaydi. Biokiraolishligi kamida 80 % ni tashkil qiladi. Metronidazol 500 mg dozada ichga qabul qilingandan so'ng uning qon plazmasidagi konsentratsiyasi 1 soatdan keyin 10 mkg/ml ni, 3 soatdan keyin - 13,5 mkg/ml ni tashkil qiladi. Qon oqsillari bilan bog'lanishi arzimas va 10-20 % dan oshmaydi. Metronidazol to'qimalarga (o'pka, buyraklar, jigar, teri, safro, orqa miya suyuqligi, so'lak, urug' suyuqligi, vaginal sekret), ko'krak sutiga tez kirib boradi va yo'ldosh to'sig'i orqali o'tadi. Metronidazolning taxminan 30-60 % gidroksillanish, oksidlanish va glyukuronlanish yo'li bilan metabolizmga uchraydi. Asosiy metabolit (2-oksimetronidazol) ham protozoyga qarshi va mikroblarga qarshi ta'sir ko'rsatadi.

Metronidazolning 40-70 % buyraklar orqali chiqariladi (o'zgarmagan holda - qabul qilingan dozaning taxminan 35 % i). Yarim chiqarilish davri - 8-10 soat.

Buyrak funksiyasi buzilgan pasientlarda metronidazol kursli qabul qilinganda uning qon zardobidagi konsentratsiyasi oshishi mumkin.

Me’da-ichak yo‘llari tomonidan buzilishlar: epigastriyada og‘riqlar, ko‘ngil aynishi, qusish, diareya, glossit, stomatit, og‘izda «metall» ta’mi, ishtaha pasayishi, anoreksiya, og‘iz bo‘shlig‘i shilliq qavati qurishi, qabziyat, pankreatit (qaytuvchan holatlar), til rangi o‘zgarishi / «karash bog‘lagan til» (zamburug‘li mikrofloraning o‘sib ketishi tufayli). Immun tizimi tomonidan buzilishlar: angionevrotik shish, anafilaktik shok.

Asab tizimi tomonidan buzilishlar: periferik sensor neyropatiya, bosh og‘rig‘i, tirishishlar, bosh aylanishi; entsefalopatiya va o‘tkir osti miyacha sindromi (harakatlar koordinatsiyasi va sinergizmi buzilishi, ataksiya, dizartriya, yurishning buzilishi, nistagm, tremor) rivojlanishi haqida xabar berilgan, ular metronidazol bekor qilingandan so‘ng qaytuvchan hisoblanadi; aseptik meningit.

Ruhiyat buzilishlari: psixotik buzilishlar, shu jumladan ongning chalkashishi, gallyutsinatsiyalar; depressiya, uyqusizlik, ta’sirchanlik, yuqori qo‘zg‘aluvchanlik.

Ko‘rish a’zosi tomonidan buzilishlar: o‘tkinchi ko‘rish buzilishlari, diplopiya, miopiya, predmetlar konturining xiralashishi, ko‘rish o‘tkirligining pasayishi, rang ajratishning buzilishi kabi; ko‘rish nervi neyropatiyasi nevriti.

Qon va limfa tizimi tomonidan buzilishlar: agranulotsitoz, leykopeniya, neytropeniya, trombotsitopeniya.

Jigar va o‘t chiqarish yo‘llari tomonidan buzilishlar: «jigar» fermentlari (aspartataminotransferaza, alaninaminotransferaza, ishqoriy fosfataza) faolligining oshishi. Xolestatik yoki aralash gepatit va jigarning gepatotsellyulyar shikastlanishi rivojlanishi, ba’zan sariqlik bilan kechadi: metronidazolni boshqa antibakterial vositalar bilan kombinatsiyada qabul qilgan bemorlarda jigar transplantatsiyasini talab qiluvchi jigar yetishmovchiligi rivojlanishi holatlari kuzatilgan.

Teri va teri osti to‘qimalari tomonidan buzilishlar: toshma, qichishish, teri giperemiyasi, eshakemi, pustulyoz teri toshmasi, Stivens-Djonson sindromi, toksik epidermal nekroliz.

Buyrak va siydik chiqarish yo‘llari tomonidan buzilishlar: siydikda metronidazolning suvda eruvchan metaboliti mavjudligi tufayli siydikning jigarrang-qizg‘ish rangga bo‘yalishi; dizuriya, poliuriya, sistit, siydik tuta olmaslik, kandidoz.

Umumiy buzilishlar: isitma, burun bitishi, artralgiyalar, holsizlik.

Laborator va instrumental ma’lumotlar: elektrokardiogrammada T tishchasining tekislanishi.

Davolash davrida etanol qabul qilish mumkin emas (disulfiramsimon reaktsiya rivojlanishi mumkin: qorinda spazmatik og'riqlar, qusish, bosh og'rig'i, yuzga qonning to'satdan quyilishi).

Amoksitsillin bilan kombinatsiyada 18 yoshdan kichik bemorlarda qo'llash tavsiya etilmaydi.

Uzoq muddatli terapiyada periferik qon ko'rsatkichlarini nazorat qilish zarur.

Leykopeniyada davolashni davom ettirish imkoniyati infektsion jarayon rivojlanishi xavfiga bog'liq.

Ataksiya, bosh aylanishi va bemorlar nevrologik statusining har qanday boshqa yomonlashuvi paydo bo'lishi davolashni to'xtatishni talab qiladi.

Treponemalarni immobilizatsiya qilishi va Nelson testining soxta musbat natijasiga olib kelishi mumkin. Siydikni to'q rangga bo'yaydi.

Ayollarda trixomonadali vaginitni va erkaklarda trixomonadali uretritni davolashda jinsiy hayotdan saqlanish zarur. Jinsiy sheriklarni bir vaqtda davolash majburiydir. Davolash hayz ko'rish vaqtida to'xtatilmaydi. Trixomonoz terapiyasidan so'ng hayz ko'rishdan oldin va keyin uch navbatdagi tsikl davomida nazorat sinamalarini o'tkazish kerak.

Metronidazol bemor hayotiga xavf soluvchi og'ir yuqori sezuvchanlik reaktsiyalarini, shu jumladan angionevrotik shish, anafilaktik shok, Stivens-Jonson sindromi, toksik epidermal nekrolizni chaqirishi mumkin. Ushbu reaktsiyalar rivojlangan taqdirda metronidazol bilan terapiyani darhol to'xtatish va tegishli terapiyani boshlash kerak.

Metronidazol qabul qilayotgan bemorlarda psixotik reaktsiyalar (ong chalkashishi, gallyutsinatsiyalar, depressiya) rivojlanishi, o'z sog'lig'iga zarar yetkazish ehtimoli bilan hatto birinchi dozadan keyin ham, ayniqsa anamnezida ruhiy kasalliklari bo'lgan bemorlarda bo'lishi mumkin. Yuqorida tavsiflangan reaktsiyalar paydo bo'lganda preparat qabul qilishni to'xtatish va tegishli choralar ko'rish kerak.

Metronidazol va disulfiram yoki busulfanni bir vaqtda qo'llash tavsiya etilmaydi.

Preparatning transport vositalarini va mexanizmlarni boshqarish qobiliyatiga ta'siri:

Nojo'ya ta'sirlar profilini (bosh aylanishi, o'tkinchi ko'rish buzilishlari va boshqalar) hisobga olib, davolash vaqtida avtomobilni boshqarishdan va diqqatni yuqori jamlashni hamda psixomotor reaktsiyalar tezligini talab qiluvchi boshqa potentsial xavfli faoliyat turlari bilan shug'ullanishdan saqlanish tavsiya etiladi.

Gipersezuvchanlik, leykopeniya (shu jumladan anamnezda), markaziy asab tizimining (MNS) organik shikastlanishlari (shu jumladan epilepsiya), jigar yetishmovchiligi (katta dozalar tayinlanganda), homiladorlik (I trimestr), laktatsiya davri.

Ehtiyotkorlik bilan:

Homiladorlik (II-III trimestrlar), buyrak/jigar yetishmovchiligi.

Homiladorlik va laktatsiya:

Laktatsiya davrida ko'krak suti bilan emizishni to'xtatish tavsiya etiladi.

Bevosita bo'lmagan antikoagulyantlar ta'sirini kuchaytiradi, bu protrombin hosil bo'lish vaqtining oshishiga olib keladi.

Disulfiramga o'xshab, etanolni ko'tara olmaslikni chaqiradi.

Disulfiram bilan bir vaqtda qo'llash turli nevrologik simptomlar rivojlanishiga olib kelishi mumkin (tayinlash orasidagi oraliq - kamida 2 hafta).

Simetidin metronidazol metabolizmini ingibirlaydi, bu uning qon zardobidagi kontsentratsiyasi oshishiga va nojo'ya hodisalar rivojlanish xavfi oshishiga olib kelishi mumkin.

Jigarda mikrosomal oksidlanish fermentlarini rag'batlantiruvchi preparatlarni (fenobarbital, fenitoin) bir vaqtda tayinlash metronidazol eliminatsiyasini tezlashtirishi mumkin, natijada uning plazmadagi kontsentratsiyasi pasayadi.

Litiy preparatlari bilan bir vaqtda qabul qilinganda oxirgisining plazmadagi kontsentratsiyasi oshishi va intoksikatsiya simptomlari rivojlanishi mumkin.

Nodepolyarizatsiyalovchi miorelaksantlar (vekuroniy bromid) bilan kombinatsiya qilish tavsiya etilmaydi.

Sulfanilamidlar metronidazolning mikroblarga qarshi ta'sirini kuchaytiradi.