METRONIDAZOL 0,5 vaginal suppozitorlar N10
METRONIDAZOL 0,5 vaginal suppozitorlar N10 haqida qo'llanma
Farmakokinetikasi
yo'ldosh va gematoensefalik to'siqlar orqali o'tadi. 20% dan kamrog'i plazma oqsillari bilan bog'lanadi. Jigarda
gidroksillanish, oksidlanish va glyukuron kislotasi bilan bog'lanish orqali metabolizmga uchraydi. Asosiy metabolit (2-oksimetronidazol) faolligi
dastlabki birikma faolligining 30% ini tashkil qiladi.
TS max 6-12 soatni tashkil qiladi.
Metronidazolning yarim chiqarilish davri taxminan 8 soatni tashkil qiladi.
Buyraklar orqali chiqariladi — 40-70% asosan metabolitlar ko'rinishida (dozaning taxminan 20% o'zgarmagan holda).
Nojo'ya samaralari
Mahalliy nojo‘ya ta’sirlar: qinda qichishish, achishish, og‘riq va ta’sirlanish; qindan hidsiz yoki kuchsiz hidli quyuq oq, shilliq ajralmalar kelishi; tez-tez siydik chiqarish; preparat bekor qilingandan so‘ng qin kandidozi rivojlanishi; jinsiy sherikda jinsiy olatning achishish hissi yoki ta’sirlanishi.
Me’da-ichak yo‘llari tomonidan: ko‘ngil aynishi, qusish, ta’m sezishning o‘zgarishi, shu jumladan «metall ta’mi», og‘iz qurishi, ishtaha pasayishi, qorinda spastik og‘riqlar, qabziyat yoki diareya.
Asab tizimi tomonidan: bosh og‘rig‘i, bosh aylanishi.
Qon yaratish tizimi tomonidan: leykopeniya yoki leykotsitoz.
Allergik reaksiyalar: eshakemi, teri qoplamalari qichishishi, toshma.
Kam hollarda siydikning qizil-jigarrang rangga bo‘yalishi kuzatilishi mumkin, bu metronidazol metabolizmi natijasida hosil bo‘luvchi suvda eruvchan pigment mavjudligi oqibatidir.
Maxsus ko‘rsatmalari
Preparatni qo'llashda jinsiy aloqalardan saqlanish tavsiya etiladi.
Trichomonas vaginalis chaqirgan vaginitda jinsiy sherikni ichga qabul qilish uchun metronidazol bilan bir vaqtda davolash maqsadga muvofiqdir.
Preparat ichga qabul qilish uchun metronidazol bilan birga qo'llanilganda, ayniqsa takroriy kursda, periferik qon manzarasini nazorat qilish zarur (leykopeniya xavfi).
Davolash davrida etanol qabul qilish mumkin emas - uni o'zlashtiraolmaslik va disulfiramsimon reaktsiyalar rivojlanishi mumkin: abdominal spazmatik xarakterdagi og'riq, ko'ngil aynishi, qusish, bosh og'rig'i, yuzga qonning to'satdan quyilishi.
Metronidazol qo'llanilganda Nelson testining soxta musbat natijalari yuzaga kelishi mumkin (metronidazol treponemalarni immobilizatsiya qilishi mumkin).
Anamnezida gripp yoki boshqa virusli infektsiyalar bilan bog'liq leykopeniya mavjudligi preparatni qo'llash uchun qarshi ko'rsatma hisoblanmaydi.
Avtotransportni boshqarish va potentsial xavfli mexanizmlarni boshqarish qobiliyatiga ta'siri: transport vositalari haydovchilari va boshqa potentsial xavfli mexanizmlarni boshqaruvchi shaxslarning e'tiborini preparatni qo'llash bilan bog'liq bosh aylanishi paydo bo'lishi mumkinligiga qaratish kerak.
Qo'llanilishi mumkin bo'lmagan holatlar
Metronidazolga yoki boshqa nitroimidazol hosilalariga yuqori sezuvchanlik; qon kasalliklari, leykopeniya (shu jumladan anamnezda);
harakatlar koordinatsiyasining buzilishi, markaziy asab tizimi kasalliklari (shu jumladan epilepsiya); jigar yetishmovchiligi (katta dozalar tayinlanganda); homiladorlik (I trimestr), laktatsiya davri, 18 yoshgacha bo'lgan bolalar.
Ehtiyotkorlik bilan: homiladorlik (II - III trimestrlar).
Homiladorlik vaqtida va emizish davrida qo'llanilishi
Preparat homiladorlikning I trimestrida mumkin emas (yo'ldosh orqali o'tadi), keyinchalik faqat preparatni qo'llashdan
ona uchun potentsial foyda homila uchun mumkin bo'lgan xavfdan yuqori bo'lgan holdagina qo'llash kerak.
Metronidazol ko'krak sutiga o'tadi, shuning uchun preparatni qabul qilish davrida ko'krak suti bilan emizish bekor qilinishi kerak. Ko'krak suti bilan emizishni preparatni qo'llash tugaganidan keyin kamida 48 soat o'tgach tiklash mumkin.
Dori vositalarining o'zaro ta'siri
Bevosita bo'lmagan antikoagulyantlar (masalan, varfarin) bilan bir vaqtda qo'llanilganda metronidazol ularning ta'sirini kuchaytiradi, bu protrombin vaqtining oshishiga olib keladi. Nodepolyarizatsiyalovchi miorelaksantlar (masalan, vekuroniy bromid) bilan kombinatsiya qilish tavsiya etilmaydi.
Disulfiramga o'xshab, etanolni ko'tara olmaslikni chaqiradi.
Metronidazolni disulfiram bilan bir vaqtda qo'llash turli nevrologik sindromlar (ongning susayishi, ruhiy buzilishlar rivojlanishi) rivojlanishiga olib kelishi mumkin.
Barbituratlar (masalan, fenobarbital) ta'siri ostida metronidazol samaradorligi uning jigarda inaktivatsiyasi tezlashishi hisobiga pasayadi.
Simetidin bilan bir vaqtda qo'llanilganda qon zardobida metronidazol darajasi oshishi va nojo'ya reaktsiyalar rivojlanish xavfi ortishi mumkin.
Litiy preparatlari bilan bir vaqtda qabul qilinganda, oxirgisining plazmadagi kontsentratsiyasi oshishi mumkin.
Dozirovkasi
Trixomonadali vaginit: sutkasiga 1 suppozitoriy, bevosita uxlashdan oldin 7-10 kun davomida metronidazol preparatini tabletkalarda qabul qilish bilan birgalikda.
Nospetsifik vaginit, bakterial vaginoz: sutkasiga 1 suppozitoriy, bevosita uxlashdan oldin 7-10 kun davomida, zarurat bo'lganda metronidazol preparatini tabletkalarda qabul qilish bilan birgalikda.
Davolash 10 kundan ortiq davom etmasligi va yiliga 2-3 martadan ko'p takrorlanmasligi kerak.
Oldindan suppozitoriyni qaychi yordamida konturli o'ramidan chiqarib (plyonkani suppozitoriy konturi bo'ylab kesib), uni qin ichiga chuqur kiritish kerak.Dozani oshirib yuborishDozani oshirib yuborish – bu tavsiya etilgan dozadan oshishdir, shuning uchun u tavsiya etilgan dozalarda qabul qilinganda odatda kuzatilmaydi. Tavsiya etilgan dozalardan oshilganda quyidagi simptomlar paydo bo'lishi mumkin: ko'ngil aynishi, qusish, qorinda og'riq, diareya, qichishish, og'izda metall
ta'mi, ataksiya, bosh aylanishi, paresteziyalar, tirishishlar, leykopeniya, siydikning to'q rangga bo'yalishi. Davolash: simptomatik va tutib turuvchi
terapiya, tasodifan ichga qabul qilinganda — oshqozonni yuvish.
METRONIDAZOL 0,5 vaginal suppozitorlar N10 o'xshash dorilari
Metronidazol boshqa chiqarish shakllari
METRONIDAZOL 0,5 vaginal suppozitorlar N10 analoglari
