NALGEZIN FORTE 0,55 tabletkalari N20

Me'da-ichak yo'lidan absorbsiya - tez va to'liq, biokiraolishligi - 95% (ovqat qabul qilish so'rilishning to'liqligiga ham, tezligiga ham deyarli ta'sir qilmaydi). Maksimal konsentratsiyaga erishish vaqti - 1-2 soat, plazma oqsillari bilan bog'lanishi >99%, yarim chiqarilish davri - 12-15 soat. Metabolizm - jigarda CYP2C9 ferment tizimi ishtirokida dimetilnaproksengacha. Klirens - 0.13 ml/daq/kg. 98% buyraklar orqali chiqariladi, ulardan 10% o'zgarmagan holda; safro bilan - 0.5-2.5%. Muvozanat konsentratsiyasi preparatning 4-5 dozasi qabul qilinganda aniqlanadi (2-3 kun). Buyrak yetishmovchiligida metabolitlarning to'planishi mumkin.

Og'riq qoldiruvchi Yallig'lanishga qarshi

Nojo‘ya ta’sirlar Nalgezin forte yuqori dozalarda qo‘llanilganda eng ko‘p uchraydi:

- ovqat hazm qilish tizimi tomonidan: qabziyat, qorinda og‘riq, dispepsiya, ko‘ngil aynishi, diareya, yarali stomatitlar, me’da-ichak yo‘llarining eroziv-yarali shikastlanishlari va qon ketishlari, «jigar» fermentlari faolligining oshishi, jigar funksiyasining buzilishi, sariqlik, qon qusish, melena;

- markaziy asab tizimi tomonidan: eshitishning pasayishi, bosh aylanishi, bosh og‘rig‘i, uyquchanlik, depressiya, uyqu buzilishlari, diqqatni jamlay olmaslik, uyqusizlik, holsizlik, mialgiya va mushak holsizligi, reaksiya tezligining sekinlashishi, aseptik meningit, kognitiv disfunksiya;

- teri qoplamalari tomonidan: qichishish, ekximozlar, ko‘p terlash, purpura, alopesiya, fotodermatozlar;

- sezgi a’zolari tomonidan: quloqlarda shovqin, ko‘rishning buzilishi, eshitishning buzilishi;

- yurak-qon tomir tizimi tomonidan: shish, hansirash, yurak urishi, dimlangan yurak yetishmovchiligi, vaskulit,

- siydik-tanosil tizimi tomonidan: glomerulonefrit, gematuriya, interstitsial nefrit, nefrotik sindrom, buyrak yetishmovchiligi, buyrak papillyar nekrozi, hayz siklining buzilishi;

- qon yaratish a’zolari tomonidan: eozinofiliya, granulotsitopeniya, leykopeniya, trombotsitopeniya, aplastik anemiya;

- nafas olish tizimi tomonidan: eozinofil pnevmoniyalar;

- allergik reaksiyalar: teri toshmalari, eshakemi, angionevrotik shish, epidermal nekroz, ko‘p shaklli eritema, Stiven-Djonson sindromi;

- boshqalar: chanqoq, gipertermiya, giperglikemiya, gipoglikemiya, qon ketish vaqtini uzaytiradi, gemolitik anemiya.

Agar siz shunga o‘xshash hodisalarni sezsangiz, preparat qabul qilishni to‘xtating va imkoni boricha shifokorga murojaat qiling.

Yo'riqnomada ko'rsatilgan dozalarni oshirmang. Oshqozon-ichak trakti (OIT) tomonidan noxush ko'rinishlar rivojlanishi xavfini kamaytirish uchun minimal samarali dozani minimal mumkin bo'lgan qisqa kurs bilan qo'llash kerak. Agar og'riq va isitma saqlanib qolsa yoki kuchaysa, shifokorga murojaat qilish kerak. Bronxial astmasi, qon ivishi buzilishlari bo'lgan bemorlar, shuningdek boshqa analgetiklarga yuqori sezuvchanligi bo'lgan bemorlar Nalgezin forte qabul qilishdan oldin shifokor bilan maslahatlashishlari kerak.

Jigar kasalliklari va buyrak yetishmovchiligi bo'lgan bemorlarga ehtiyotkorlik bilan tayinlash kerak. Buyrak yetishmovchiligi bo'lgan bemorlarda kreatinin klirensi darajasini nazorat qilish zarur. Kreatinin klirensi darajasi 20 ml/daq dan past bo'lganda: naproksenni tayinlash tavsiya etilmaydi. Surunkali alkogolli va boshqa shakldagi tsirrozda bog'lanmagan naproksen kontsentratsiyasi oshadi, shuning uchun bunday bemorlarga pastroq dozalar tavsiya etiladi.

Nalgezin forte boshqa yallig'lanishga qarshi va og'riq qoldiruvchi preparatlar bilan birga qabul qilinmasligi kerak, shifokor tayinlovlari bundan mustasno.

Keksa yoshdagi bemorlarga ham pastroq dozalar tavsiya etiladi.

Jarrohlik aralashuvidan 48 soat oldin naproksen qabul qilishdan saqlanish kerak. 17-kortikosteroidlarni aniqlash zarurati bo'lganda preparatni tekshiruvdan 48 soat oldin bekor qilish kerak. Xuddi shunday, naproksen siydikda 5-gidroksiindolsirka kislotasini aniqlashga ta'sir qilishi mumkin.

Naproksenni qo'llash, prostaglandinlar sintezini bloklovchi boshqa preparatlar kabi, fertillikka ta'sir qilishi mumkin, shuning uchun homilador bo'lishni xohlaydigan ayollarga tavsiya etilmaydi.

Nalgezin forte 550 mg preparatining har bir tabletkasi taxminan 50 mg natriy saqlaydi. Tuz iste'moli cheklanganda buni hisobga olish kerak.

Avtomobil va boshqa mexanizmlarni boshqarish qobiliyatiga ta'siri

Naproksen bemorlarda reaktsiya tezligini sekinlashtiradi. Buni avtomobil haydashda va yuqori diqqatni talab qiluvchi vazifalarni bajarishda hisobga olish kerak.

•Naproksenga yoki naproksen natriyga gipersezuvchanlik; atsetilsalitsil kislotasi yoki boshqa NYQP qabul qilgandan keyin bronxoobstruksiya, rinit, eshakemi xuruji haqida anamnestik ma'lumotlar bilan (atsetilsalitsil kislotasini o'zlashtira olmaslikning to'liq yoki to'liq bo'lmagan sindromi - rinosinusit, eshakemi, burun shilliq qavati poliplari, astma);

•Aortokoronar shuntlash o'tkazilgandan keyingi davr;

•Oshqozon yoki 12-barmoqli ichak shilliq qavatining eroziv-yarali o'zgarishlari, faol oshqozon-ichakdan qon ketish;

•Ichakning yallig'lanish kasalliklari, zo'rayish fazasida (Nospesifik yarali kolit (NYaK), Kron kasalligi);

•Serebrovaskulyar qon ketish yoki boshqa qon ketishlar va gemostaz buzilishlari;

•Yaqqol jigar yetishmovchiligi yoki faol jigar kasalligi;

•Yaqqol buyrak yetishmovchiligi (kreatinin klirensi 20 ml/min dan kam), shu jumladan tasdiqlangan giperkaliemiya, buyrak kasalligining zo'rayishi;

•Suyak ko'migi qon yaratishining susayishi;

•Homiladorlik, ko'krak suti bilan emizish davri;

•Nalgezin forte bitta tabletkasi 550 mg naproksen saqlaydi, shuning uchun preparat 15 yoshdan kichik bolalar va o'smirlarga tavsiya etilmaydi.

Ehtiyotkorlik bilan: yurak ishemik kasalligi, serebrovaskulyar kasalliklar, dimlangan yurak yetishmovchiligi, dislipidemiya/giperlipidemiya, qandli diabet, periferik arteriyalar kasalliklari, chekish, kreatinin klirensi 60 ml/min dan kam; M IT yarali shikastlanishi rivojlanishi haqida anamnestik ma'lumotlar, Helicobacter pylori infektsiyasi mavjudligi, keksa yosh, NYQPlarni uzoq vaqt qo'llash, alkogolni tez-tez iste'mol qilish, og'ir somatik kasalliklar, quyidagi preparatlar bilan yo'ldosh terapiya: antikoagulyantlar (masalan, varfarin), antiagregantlar (masalan, atsetilsalitsil kislotasi, klopidogrel), peroral glyukokortikoidlar (masalan, prednizolon), serotoninni qayta qamrab oluvchi selektiv ingibitorlar (masalan, tsitalopram, fluoksetin, paroksetin, sertralin). M IT tomonidan noxush hodisalar rivojlanish xavfini kamaytirish uchun minimal samarali dozani minimal darajada qisqa kurs bilan qo'llash kerak. 16 yoshdan kichik bolalarga preparat faqat shifokor tavsiyasi bilan tayinlanadi.

Homiladorlik va laktatsiya davri

Nalgezin forte homiladorlik va emizish davrida qo'llash tavsiya etilmaydi.

Antikoagulyantlar bilan davolashda naproksen qon ketish vaqtini oshirishi mumkinligini hisobga olish kerak. Preparatni boshqa NYQV bilan bir vaqtda qo'llash mumkin emas (nojo'ya ta'sirlar rivojlanishi xavfi ortadi).

Gidantoinlar, antikoagulyantlar yoki plazma oqsillari bilan sezilarli darajada bog'lanadigan boshqa dori preparatlarini bir vaqtda qabul qilayotgan bemorlar ushbu preparatlarning ta'siri kuchayishi yoki dozasi oshib ketishi belgilarini kuzatib borishlari kerak.

Nalgezin forte preparati propranolol va boshqa beta-adrenoblokatorlarning antigipertenziv ta'sirini kamaytirishi mumkin, shuningdek APF ingibitorlarini qo'llash bilan bog'liq buyrak yetishmovchiligi xavfini oshirishi mumkin. Naproksen ta'siri ostida furosemidning natriyuretik ta'siri ingibitsiya qilinadi. Litiyning buyrak klirensi ingibitsiya qilinishi plazmada litiy konsentratsiyasining oshishiga olib keladi. Probenitsid qabul qilish plazmada naproksen darajasini oshiradi. Siklosporin buyrak yetishmovchiligi rivojlanishi xavfini oshiradi.

Naproksen metotreksat, fenitoin, sulfanilamidlarning ekskretsiyasini sekinlashtiradi va ularning toksik ta'siri rivojlanishi xavfini oshiradi.

Magniy va alyuminiy saqlovchi antatsid preparatlar naproksenning so'rilishini kamaytiradi.

Agar siz boshqa kasalliklar yoki allergiyadan aziyat cheksangiz yoki boshqa dori vositalarini (shu jumladan shifokor reseptisiz beriladigan) qabul qilayotgan bo'lsangiz, davolovchi shifokoringizga xabar berishingiz kerak.