PANADOL DETSKIY suspenziya 100ml 120mg/5ml

Дори шакли: ичиш учун суспензия

Таркиби:

Ҳар 5 мл суспензия қуйидагиларни сақлайди:

Фаол  модда: парацетамол 120 мг;

Ёрдамчи моддалар: олма кислотаси, азорубин (Е122), ксантан камеди, глюкозанинг малтитол сиропи, қулупнай хушбўйлик моддаси (L10055), суюқ сорбитол (кристалланувчи) (Е420), натрий метилпарагидроксибензоати (Е219), натрий этилпарагидроксибензоати (Е215), натрий пропилпарагидроксибензоати (Е217), сорбитол (Е420), сувсиз лимон кислотаси, сув.

Препарат оғриқни қолдирувчи ва иситмани тушурувчи хусусиятларга эга. Марказий нерв тизимида циклооксигеназани блоклаб, оғриқ ва терморегуляция марказларига таъсир қилади. Яллиғланишга қарши таъсири аслида йўқ.

Сўрилиши юқори – парацетамол меъда–ичак йўлларидан тез ва деярли тўлиқ сўрилади. Плазма оқсиллари билан боғланиш тахминан 15%. Плазмадаги чўққи концентрацияга 30-60 минутдан кейин эришилади.Парацетамол организм суюқликларида нисбатан бир текис тақсимланади.

Асосан жигарда бир неча метоболитлар ҳосил қилиб метоболизмга учрайди. Янги туғилган чақалоқлар ҳаётининг биринчи икки кунида ва 3-10 ёшли болаларда парацетамолнинг асосий метаболити парацетамол сулфати ҳисобланади, 12 ёш ва ундан катта болаларда – конъюгацияланган глюкуронид ҳисобланади. Препаратнинг бир қисми (тахминан 17%) фаол метаболитлар ҳосил қилиб гидроксилланади, улар глутатион билан конъюгацияланади. Глутатион етишмовчилигида ушбу парацетамолнинг метаболитлари гепатоцитлар фермент тизимини блоклаши ва уларнинг некрозини чақириши мумкин.

Терапевтик дозаларда қабул қилинганида препаратнинг ярим чиқарилиш даври 2-3 соатни ташкил этади.

Терапевтик дозаларда қабул қилинган дозанинг 90-100% бир кун ичида сийдик билан чиқарилади. Препаратнинг асосий қисми жигарда конъюгациялангандан сўнг чиқарилади. Қабул қилинган дозанинг 3% дан камроғи ўзгармаган ҳолда чиқарилади.

120 мг/5 мл суспензия 100 мл дан тўқ рангли шиша флаконларда. 100 мл ли флаконлар ўлчов шприци ва қўллаш бўйича йўриқнома билан бирга картон қутига жойлаштирилган.

Препаратнинг бозор чиқарилганидан кейинги рўйхатга олинган ва парацетамолнинг терапевтик/тавсия этилган дозада қўлланилиши билан боғлиқ бўлган ножўя таъсирлар тўғрисидаги маълумотлар, органлар синфи ва тизимлар, ҳамда ривожланиш суръатларига мувофиқ келтирилган: жуда тез-тез (≥1/10), тез-тез (≥1/100 дан <1/10 гача), тез-тез эмас (≥1/1000 дан <1/100 гача), кам (≥1/10000 дан <1/1000 гача), жуда кам (<1/10000), суръати номаълум (мавжуд бўлган маълумотларга асосан баҳолашнинг имкони йўқ).Ножўя таъсирлар суръати препарат бозорга чиқарилгандан сўнг клиник синовларда олинган спонтан хабарлар бўйича баҳоланган.

Қон ва лимфа тизимининг бузилишлари

Жуда кам: тромбоцитопения.

Иммунитет тизимининг бузилишлари

Жуда кам: анафилаксия.

Ўта юқори сезувчанлик реакциялари, шу жумладан, тери тошмаси, Квинке шиши, Стивенс-Жонсон синдроми ва токсик эпидермал некролиз.

Нафас олиш тизими, кўкрак қафаси ва кўкс оралиғи органларининг бузилишлари

Жуда кам: ацетилсалицил кислотаси ва бошқа НСЯҚП ларга ўта юқори сезувчанлиги бўлган беморларда бронхоспазм.

Жигар ва ўт чиқариш йўлларининг бузилишлари

Жуда кам: жигар функциясининг бузилиши.

Таркибида парабенлар (метил ва пропил парагидроксибензоатлар) борлиги сабабли, эшакеми ривожланиши мумкин.

Ножўя реакциялар хақида хабар бериш

Агар беморда бирон бир ножўя реакциялар бўлса, унга шифокор билан маслаҳатлашиш тавсия этилади. Ушбу тавсия барча мумкин бўлган ножўя реакцияларга, шу жумладан, йўриқномада кўрсатилмаганларга, нисбатан қўлланилади. Шунингдек, сиз мазкур ножўя реакциялар тўғрисида ножўя реакциялар (ҳаракатлар) бўйича маълумотлар ахборот базасига, шу жумладан, дори препаратларининг самарасизлиги тўғрисида хабар беришингиз мумкин. Ножўя реакциялар ҳақида хабар бериш орқали сиз препаратнинг хавфсизлиги тўғрисида қўпроқ маълумот олишга ёрдам берасиз.

Енгил даражадан ўрта жадаллик даражасигача бўлган оғриқлар ва/ёки иситмалаш ҳолатларини симптоматик даволаш.

-       парацетамолга ва препаратнинг ҳар қандай бошқа таркибий қисмига юқори сезувчанлик;

-       жигар етишмовчилиги.

Варфарин ва бошқа кумарин ҳосилаларининг антикоагулянт таъсири парацетамолни узоқ муддат давомида мунтазам равишда қўллаш фонида кучайиши мумкин, бу қон кетиш хавфини оширади. Вақти-вақти билан қабул қилиш сезиларли таъсир кўрсатмайди.

Даволашни мунтазам равишда ХМН (халқаро меъёрлаштирилган нисбат) кўрсаткичи бўйича назорат қилиш керак. Зарур бўлганда, парацетамол билан даволаш пайтида ва парацетамол бекор қилингандан кейин перорал антикоагулянтнинг дозасини коррекциялаш лозим.

Аномал даражада юқори концентрацияларда парацетамолни қабул қилиш, глюкозооксидаза-пероксидаза реакцияси ёрдамида қон глюкозасини аниқлаш натижаларига таъсир қилиши мумкин.

Парацетамолни қўллаш фосфорли-волфрамли кислота қўлланиладиган усул билан қонда сийдикчилни аниқлаш натижаларига таъсир қилиши мумкин.

Препарат перорал қабул қилинади.Болалар учун Панадол 2 ойликкача бўлган болаларда қўллаш тавсия қилинмайди.

Болалар учун Панадол тана вазни 4 дан 42 кг гача бўлган болаларда (тахминан 12 ёшгача) қўллаш учун кўрсатилган.

Болаларда қўллаганда боланинг тана вазнига мувофиқ белгиланган дозаларга амал қилиш муҳимдир.

Боланинг ёши ва тана вазнига мувофиқ белгиланган тахминий бир марталик дозалар қуйидаги жадвалда кўрсатилган.

Парацетамолнинг тавсия қилинган бир марталик дозаси 1 кг тана вазнига 10-15 мг ни ташкил қилади. Препаратнинг 1 мл - 24 мг парацетамолни сақлайди. Препаратни 4-6 соатлик интерваллар билан, лекин 24 соат ичида 4 қабулдан ошмаган ҳолда қўллаш зарур. Қўллашнинг энг кичик интервали 4 соатни ташкил қилади.

Максимал суткалик дозанинг чегаралари тана вазни чегарасига мувофиқдир, бунда кичик қийматлар кичикларга, катталари – катта қийматларга мос келади. Парацетамолнинг тавсия қилинган суткалик дозаси кўпи билан 60 мг/кг ни ташкил қилади.

Препаратни асл ҳолатда ёки сув, сут ёки мевали шарбатда аралаштирган ҳолда қабул қилиш мумкин.

Препаратни мунтазам равишда қабул қилиш кучли иситмалаш ҳолатларидан халос бўлишга ёки оғриқ жадаллигини ўзгартиришга имкон беради.

Терапевтик таъсирга эришиш учун зарур бўлган энг кичик дозани қўллаш керак.

Шифокор маслаҳатисиз дорини қўллашнинг максимал давомийлиги – 3 кун.

Буйрак етишмовчилиги. Оғир буйрак етишмовчилигида (креатинин клиренси ≤ 10 мл/дақ.) қабул қилишлар орасидаги интервал камида 8 соатни ташкил қилиши керак.

Жигар етишмовчилиги. Жигар етишмовчилиги ташҳис қилинган беморларга препаратни қабул қилишдан олдин шифокор билан маслаҳатлашиш лозим. 

Болалар. Кичкина болаларда дозани ошириб юбориш хавфи мавжуд (терапевтик дозани ошириб юбориш ёки кўпинча тасодифий заҳарланиш), бу ҳаёт учун хавфли бўлиши мумкин.Кекса ёшдаги беморларда ҳам заҳарланиш хавфи мавжуд.

Белгилар. Белгилар одатда дастлабки 24 соат ичида пайдо бўлади ва кўнгил айниши, қусиш, анорексия, рангпар тери қопламалари ва қорин оғриғини ўз ичига олади.

Парацетамолни катталарда 10 г ва ундан ортиқ бир марталик дозада ва бола учун 150 мг/кг тана вазнига дозада қабул қилиш жигар ҳужайраларининг емирилишига ва жигарнинг тўлиқ қайтмас некрозига олиб келади, натижада кома ва ўлимга олиб келадиган жигар етишмовчилиги, метаболик ацидоз ва энцефалопатия ривожланади. Гепатотоксиклик ва жигар функциясининг бузилиши билан кечадиган ўткир панкреатит ҳолатлари қайд этилган.

Қабул қилгандан 12-48 соат ўтгач протромбин миқдорининг пасайиши билан бир вақтда жигар трансаминазалари, лактатдегидрогеназа ва билирубин миқдорининг ошиши кузатилиши мумкин.

Шошилинч тиббий ёрдам кўрсатиш тартиби.

Зудлик билан касалхонага ётқизиш.

Қон плазмасидаги парацетамол миқдорини аниқлаш учун қон намуналарини олиш.

Препаратни перорал қабул қилганда ошқозонни ювиш.

Дозанинг ошириб юборилишини даволашда N-асетилцистеин антидотини иложи борича томир ичига ёки перорал, иложи бўлса, препаратни қабул қилганидан кейин 10 соат ичида юбориш керак.

Симптоматик даволаш.

Ҳомиладорлик. Ҳайвонлар устида ўтказилган тадқиқотлар ва эпидемиологик тадқиқотлар парацетамолнинг ҳомиланинг ривожланишига хавфини ёки фетотоксик таъсирини аниқламади. Шундай қилиб, ҳомиладорлик пайтида препаратнинг терапевтик дозалари қўлланилиши мумкин.

Кўкрак сути билан боқиш. Кўкрак сути билан эмизиш пайтида препаратни терапевтик дозаларда қўллаш мумкин.

Болалар. Ўртача ва оғир даражадаги буйрак ёки жигар етишмовчилиги бўлган беморлар препаратни қабул қилишдан олдин шифокор билан маслаҳатлашишлари керак.

Дозани ошириб юбормаслик учун препаратни қўллашдан олдин, биргаликда ишлатиладиган бошқа препаратларда парацетамол йўқлигига ишонч ҳосил қилишингиз керак.

Парацетамолнинг дозасини ошириб юборилиши  жигар етишмовчилигининг ривожланишига олиб келиши мумкин, бу жигар трансплантациясини талаб қилади ёки ўлимга олиб келади.

Глютатион миқдори паст бўлган беморларда жигар фаолиятининг бузилиши (жигар етишмовчилигининг ривожланиши) қайд этилган (масалан, кучли озиш, анорексия, тана вазни индексининг пасайиши, спиртли ичимликларни сурункали суиистеъмол қилишда).

Тавсия этилган максимал дозалар:

-       тана вазни 37 кг дан кам бўлган болалар: парацетамолнинг умумий дозаси кунига 80 мг/кг дан ошмаслиги керак (“Дозанинг ошириб юборилиши” бўлимига қаранг).

-       тана вазни 38 кг дан 50 кг гача бўлган болалар: парацетамолнинг умумий дозаси кунига 3 г дан ошмаслиги керак (“Дозанинг ошириб юборилиши” бўлимига қаранг).

Болалар учун Панадол препарати сорбитолни ўз ичига олади, шунинг учун уни фруктозани ўзлаштираолмаслиги бўлган беморларда қўллаш мумкин эмас.

Глутатион захиралари камайган беморларда, масалан сепсисда, парацетамол метаболик ацидоз ривожланиш хавфини ошириши мумкин.

Парацетамолни кунига 60 мг/кг дозада қабул қиладиган болаларда бошқа иситмани туширувчи восита билан комбинациялаш фақат парацетамол самарасиз бўлган тақдирда оқланган.

Препарат таркибига аллергик реакцияларни келтириб чиқарадиган азорубин бўёқ моддаси киради. Таркибида парагидроксибензоатлар (натрий метил парагидроксибензоат, натрий пропил парагидроксибензоат, натрий этил парагидроксибензоат) борлиги сабабли аллергик реакциялар (шу жумладан, кечиктирилган) ривожланиши мумкин.