PANTENOL aerozol 58mg 5%

Sirtga qo‘llash uchun aerozol.

Bir ballon quyidagilarni saqlaydi:

faol modda: dekspantenol (D-pantenol) (100% moddaga qayta hisoblanganda) – 2,50 g;

yordamchi moddalar: emulsifikatsiya qiluvchi A tip setostearil spirti (setostearil spirti 80%, natriy setostearilsulfati 7%) – 0,75 g, makrogol glitserilkokoati – 0,50 g, propilenglikol – 5,00 g, metilparagidroksibenzoat (nipagin) – 0,10 g, kaliy digidrofosfati (kaliy monofosfati) – 0,36 g, natriy gidrofosfat dodekagidrati – 0,01 g, suv (tozalangan suv) – 40,78 g, tetraftoretan (xladon 134 a) – 8,00 g.

Pantoten kislotasining hosilasidir. Organizmda deksapantenol koenzim A ning tarkibiy qismi bo‘lgan pantoten kislotasiga aylanadi va atsetillanish, uglevodlar hamda yog‘ almashinuvi jarayonlarida, atsetilxolin, kortikosteroidlar, porfirinlar sintezida ishtirok etadi, teri va shilliq qavat regeneratsiyasini rag‘batlantiradi, hujayra metabolizmini me’yorlashtiradi, mitozni tezlashtiradi va kollagen tolalarining mustahkamligini oshiradi. Regeneratsiya qiluvchi, metabolik va sust yallig‘lanishga qarshi ta’sir ko‘rsatadi.

Mahalliy qo‘llanganda teri orqali tez so‘riladi va pantoten kislotasiga aylanadi, plazma oqsillari bilan (asosan beta-globulin va albumin bilan) bog‘lanadi, uning qondagi konsentratsiyasi — 0,5–1 mg/l, qon zardobidagi 100 mkg/l ni tashkil qiladi. Pantoten kislotasi organizmda metabolizmga uchramaydi (Ko-A ga kirishishidan tashqari), o‘zgarmagan holda chiqariladi.

5% sirtga qo‘llash uchun aerozol.

Uzluksiz ta’sirga ega klapani va himoya qalpoqchasi bo‘lgan shisha yoki alyuminli ballonda 58 g.

1 ballon purkagichi va qo‘llash bo‘yicha yo‘riqnomasi bilan karton qutida.

Kam hollarda terining allergik reaksiyalari bo‘lishi mumkin.

Aerozolli ballon bosim ostida bo‘ladi! Shuning uchun uni tushib ketishlardan, zarblardan va bevosita quyosh nurlarining ta’siridan himoyalash lozim. Ballonni qo‘llash tugagandan keyin ochmaslik va yoqmaslik kerak. Preparatni ochiq olov yoki qizigan predmetlar yaqinida sepish mumkin emas.

Homiladorlik va emizish davrida qo‘llanishi

Pantenol Farmstandartni homiladorlik va emizish davrida ko‘rsatmalar bo‘yicha qo‘llash mumkin.

Transport vositalari, mexanizmlarni boshqarish qobiliyatiga ta’siri

Preparat transport vositalari va turli mexanizmlarni boshqarish, shuningdek yuqori diqqat va ruhiy harakat reaksiyalarining tezligini talab qiluvchi potensial xavfli faoliyat turlari bilan shug‘ullanishga ta’sir qilmaydi.

Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Terining qurishi, teri qoplamalari butunligining buzilishi: mayda shikastlanishlar, kuyishlar (shu jumladan quyoshdan), tirnalishlar, bullyoz dermatit, absess, furunkul, boldirning trofik yaralari, yotoq yaralar, yoriqlar, operatsiyadan keyingi aseptik jarohatlar, yomon bitadigan teri transplantatlari, bachadon bo‘yni eroziyasi, laktatsiya davrida ko‘krakni parvarish qilish (sut bezlari so‘rg‘ichlarining yoriqlari va yallig‘lanishi), emizikli bolalarni parvarish qilish (bichilish)da qo‘llanadi.

Preparatning komponentlariga yuqori shaxsiy sezuvchanlikda qo‘llash mumkin emas.

Pantenol Farmstandart aerozoli preparatining boshqa dori vositalari bilan o‘zaro ta’siri aniqlanmagan.

Adabiyot ma’lumotlariga ko‘ra, Pantenol Farmstandartni tizimli qo‘llanishi suktsinilxolinning samarasini uzaytirishi mumkin.

Mahalliy shikastlangan sohaga surtiladi. Qo‘llashdan avval aerozol ballonini bir necha marta yaxshilab chayqatiladi va himoyalovchi qalpoq yechiladi. Klapan uchiga kiydirilgan uchlik shikastlangan sohaga keltiriladi va uchlikni sekin bosib, butun shikastlangan soha plyonka bilan qoplanishi uchun preparatni shikastlangan sohaga 10–20 sm masofada 1–2 soniya davomida sepiladi.

Preparat dozasini oshirib yuborilish hollari aniqlanmagan. Preparat faqat sirtga qo‘llash uchun mo‘ljallanganligi tufayli, dozani oshirib yuborilish belgilari rivojlanish ehtimoli kam.