PARASETAMOL DETSKIY 100,0 suspenziya 5ml
PARASETAMOL DETSKIY 100,0 suspenziya 5ml qo'llanmasi
Farmakokinetikasi
Absorbtsiya yuqori, preparat me'da-ichak yo'llaridan tez va deyarli to'liq so'riladi. Plazma oqsillari bilan bog'lanishi taxminan 10-25%. Plazmadagi kontsentratsiya cho'qqisi 0,5-2 soatdan so'ng erishiladi. Plazmadagi maksimal kontsentratsiya 5-20 mkg/ml ni tashkil qiladi. Gematoensefalik to'siq orqali o'tadi. Ona qabul qilgan paratsetamol dozasining 1% dan kamrog'i ko'krak sutiga o'tadi. Preparatning organizm suyuqliklarida taqsimlanishi nisbatan bir xil.
Asosan jigarda uchta asosiy yo'l bilan metabolizmga uchraydi: glyukuronidlar bilan kon'yugatsiya, sulfatlar bilan kon'yugatsiya, jigar mikrosomal fermentlari tomonidan oksidlanish. Oxirgi holatda toksik oraliq metabolitlar hosil bo'ladi, ular keyinchalik glutation bilan, so'ngra sistein va merkaptur kislotasi bilan kon'yugatsiyalanadi. Ushbu metabolizm yo'li uchun sitoxrom P450 ning asosiy izofermentlari CYP2E1 (asosan), CYP1A2, CYP3A4 (ikkinchi darajali rol) hisoblanadi. Glutation tanqisligida bu metabolitlar gepatotsitlarning shikastlanishi va nekrozini keltirib chiqarishi mumkin. Qo'shimcha metabolizm yo'llari 3-gidroksiparatsetamolgacha gidroksillanish va 3-metoksiparatsetamolgacha metoksillanish bo'lib, ular keyinchalik glyukuronidlar yoki sulfatlar bilan kon'yugatsiyalanadi.
Yangi tug'ilgan chaqaloqlarda va 3-10 yoshli bolalarda paratsetamolning asosiy metaboliti paratsetamol sulfati hisoblanadi, 12 yosh va undan katta bolalarda - kon'yugatsiyalangan glyukuronid. Paratsetamolning kon'yugatsiyalangan metabolitlari (glyukuronidlar, sulfatlar va glutation bilan kon'yugatlar) past farmakologik (shu jumladan toksik) faollikka ega.
Terapevtik doza qabul qilinganda yarim chiqarilish davri 1-4 soatni tashkil qiladi, kattalarda 2,7 soat, bolalarda 1,5-2 soat, umumiy klirens 18 l/soat. Terapevtik dozalar qabul qilinganda dozaning 90-100% i 24 soat ichida siydikka ajraladi. Preparatning asosiy miqdori jigarda kon'yugatsiyadan so'ng glyukuronid (60-80%) va sulfat (20-30%) ko'rinishida chiqariladi. O'zgarmagan holda preparatning olingan dozasining 5% dan ko'p bo'lmagan qismi chiqariladi.
Keksa yoshdagi bemorlarda paratsetamol klirensi pasayadi va yarim chiqarilish davri (T1/2) ortadi.
Og'ir buyrak yetishmovchiligida (kreatinin klirensi 10-30 ml/daq dan past) paratsetamolning chiqarilishi biroz sekinlashadi. Og'ir buyrak yetishmovchiligi bo'lgan bemorlarda glyukuronid va sulfatning chiqarilish tezligi sog'lom odamlarga qaraganda kamroq.
Nojo'ya samaralari
Noxush hodisalar tezlik bo‘yicha guruhlangan (ro‘yxatdan o‘tkazgandan keyingi kuzatuv ma’lumotlari bo‘yicha): juda tez-tez (≥ 1/10), tez-tez (≥ 1/100 dan
Qon va limfa tizimi tomonidan:
Kam hollarda: anemiya, trombotsitopeniya, leykopeniya
Nafas olish tizimi, ko‘krak qafasi a’zolari va ko‘ks oralig‘i tomonidan:
Juda kam hollarda: atsetilsalitsil kislotasiga yuqori sezuvchanligi bo‘lgan va boshqa nosteroid yallig‘lanishga qarshi preparatlarni ko‘tara olmaydigan bemorlarda bronxospazm.
Immun tizimi tomonidan:
Juda kam hollarda: anafilaksiya, angionevrotik shish.
Teri va teri osti to‘qimalari tomonidan:
Juda kam hollarda: terining yuqori sezuvchanlik reaksiyalari, shu jumladan teri toshmasi, toksik epidermal nekroliz (Layell sindromi), Stivens-Djonson sindromi, o‘tkir generalizatsiyalangan ekzantematoz pustulyoz, teri qichishishi, eshakemi.
Me’da-ichak yo‘llari tomonidan:
Kam hollarda: diareya, qorinda og‘riq, ko‘ngil aynishi, qusish.
Jigar va o‘t chiqarish yo‘llari tomonidan:
Juda kam hollarda: jigar funksiyasining buzilishi.
Katta dozalarda uzoq muddat qo‘llanilganda gepatotoksik va nefrotoksik ta’sir bo‘lishi mumkin.
Nojo‘ya reaksiyalar paydo bo‘lganda preparat qabul qilishni zudlik bilan to‘xtating va shifokorga murojaat qiling!
Maxsus saqlash sharoitlari
Preparat tarkibida paratsetamol saqlaydi, shuning uchun maksimal sutkalik dozadan oshib ketmaslik maqsadida preparatni tarkibida paratsetamol saqlovchi boshqa dori vositalari bilan bir vaqtda qo‘llamaslik kerak.
Glutation tanqisligi bo‘lgan bemorlar dozani oshirib yuborishga moyil bo‘ladilar, ehtiyotkorlikka rioya qilish zarur.
Glutation darajasi past bo‘lgan bemorlarda, xususan, o‘ta oriqlagan bemorlarda, anoreksiyadan aziyat chekuvchi, surunkali alkogolizmi bo‘lgan shaxslarda yoki tana vazni indeksi past bo‘lgan bemorlarda jigar yetishmovchiligi rivojlanish holatlari qayd etilgan.
Glutation darajasi past bo‘lgan bemorlar tomonidan, masalan sepsisda, paratsetamolni qo‘llash metabolik atsidoz rivojlanish xavfini oshirishi mumkin.
2 oylikdan 3 oylikkacha bo‘lgan bolalarga preparatni faqat shifokor ko‘rsatmasi bo‘yicha berish mumkin.
Siydik kislotasi va qonda qand darajasini aniqlash tahlillari o‘tkazilganda shifokorga Paratsetamol qo‘llanilayotgani haqida xabar bering. Paratsetamol glyukoza va siydik kislotasi miqdorining laboratoriya tekshiruvlari natijalarini buzadi.
3 kundan ortiq vaqt davomida terapevtik ta'sir bo‘lmasa, shifokorga murojaat qilish kerak.
Preparat 5 kundan ortiq qabul qilinganda periferik qon ko‘rsatkichlari va jigar funksional holatini nazorat qilish tavsiya etiladi.
Transport vositalarini va mexanizmlarni boshqarish qobiliyatiga ta'siri:
Preparat transport vositalarini boshqarish va diqqatni yuqori jamlash hamda psixomotor reaksiyalar tezligini talab qiluvchi boshqa potensial xavfli faoliyat turlari bilan shug‘ullanish qobiliyatiga ta'sir qilmaydi.
Qo'llanilishi mumkin bo'lmagan holatlar
- Paratsetamolga yoki preparatning har qanday boshqa ingredientiga yuqori sezuvchanlik;
- jigar yoki buyrak funksiyasining yaqqol buzilishlari;
- 2 oylikdan kichik yosh;
- fruktozani o'zlashtira olmaslik.
Ehtiyotkorlik bilan:
Jigar funksiyasi buzilganda (shu jumladan Jilber sindromida), virusli gepatitda, buyrak funksiyasi buzilganda (kreatinin klirensi 30 ml/min dan kam), genetik glyukoza-6-fosfatdegidrogenaza fermenti yo'qligida, og'ir qon kasalliklarida (og'ir anemiya, leykopeniya, trombotsitopeniya), gipovolemiya, suvsizlanish, anoreksiya, bulimiya, surunkali alkogolizm, qandli diabetda ehtiyotkorlik bilan qo'llash kerak. Bunday hollarda preparatni qabul qilishdan oldin shifokor bilan maslahatlashish kerak.
Preparatni paratsetamol saqlovchi boshqa preparatlar bilan bir vaqtda qabul qilmaslik kerak.
Homiladorlik va laktatsiya:
Paratsetamol yo'ldosh to'sig'i orqali o'tadi. Hozirgi vaqtgacha insonda paratsetamolning homila rivojlanishiga salbiy ta'siri qayd etilmagan. Paratsetamol ko'krak suti bilan ajralib chiqadi: sutdagi tarkibi ona qabul qilgan dozaning 0,04-0,23% ini tashkil qiladi. Shunga qaramay homiladorlikda va laktatsiya (ko'krak suti bilan emizish) davrida paratsetamolni qo'llash zarurati bo'lganda ona uchun kutilayotgan terapiya foydasi va homila yoki bola uchun mumkin bo'lgan potentsial xavfni sinchkovlik bilan o'lchash kerak. Eksperimental tadqiqotlarda paratsetamolning embriotoksik, teratogen va mutagen ta'siri aniqlanmagan.
Fertillikka ta'siri haqida ma'lumotlar yo'q.
Dori vositalarining o'zaro ta'siri
Preparatni jigar mikrosomal fermentlari induktorlari bo'lgan preparatlar (masalan, barbituratlar, etanol, tutqanoqqa qarshi vositalar, rifampitsin, izoniazid, antikoagulyantlar, zidovudin, amoksitsillin+klavulan kislotasi, fenilbutazon, tritsiklik antidepressantlar) bilan bir vaqtda foydalanilganda ehtiyot bo'lish kerak.
Flumetsinol, butadion, teshik dalachoy preparatlari gidroksillangan faol metabolitlar ishlab chiqarilishini oshiradi, parasetamolning dozasini oshirib yuborishda (5 g va undan yuqori) jigarning og'ir shikastlanishi rivojlanishi imkoniyatini keltirib chiqaradi.
Parasetamol va xloramfenikol birga qo'llanilganda xloramfenikolning chiqarilish vaqti 5 baravarga oshadi, buning natijasida xloramfenikol bilan zaharlanish xavfi ortadi.
Metoklopramid va domperidon parasetamolning so'rilish tezligini oshiradi, kolestiramin esa kamaytiradi.
Parasetamol urikozurik dori preparatlarining samaradorligini pasaytiradi.
Barbituratlarni uzoq muddat qo'llash parasetamol samaradorligini pasaytiradi.
Parasetamol (ayniqsa yuqori dozalarda va/yoki uzoq vaqt davomida) va bilvosita antikoagulyantlarni (masalan, varfarin) bir vaqtda qo'llash vaqtida va tugagandan so'ng XNN monitoringini o'tkazish kerak, chunki parasetamol 4 g dozada kamida 4 sutka davomida qabul qilinganda bilvosita antikoagulyantlarning ta'sirini kuchaytirishi mumkin. Parasetamolni muntazam qabul qilmaslik antikoagulyantlar samaralariga sezilarli ta'sir ko'rsatmaydi.
Alkogol o'tkir pankreatit rivojlanishiga yordam beradi.
Mikrosomal oksidlanish ingibitorlari (shu jumladan simetidin) gepatotoksik ta'sir xavfini kamaytiradi.
Parasetamol va boshqa nosteroid yallig'lanishga qarshi preparatlarni uzoq muddat birga qo'llash "analgetik" nefropatiya va buyrak papillyar nekrozi rivojlanishi, buyrak yetishmovchiligining terminal bosqichi boshlanishi xavfini oshiradi.
Parasetamolni yuqori dozalarda va salitsilatlarni bir vaqtda uzoq muddat buyurish buyrak yoki qovuq saratoni rivojlanishi xavfini oshiradi.
Diflunisal parasetamolning plazma konsentratsiyasini 50% ga oshiradi - gepatotoksiklik rivojlanishi xavfi.
Mielotoksik dori preparatlari parasetamolning gematotoksikligi namoyon bo'lishini kuchaytiradi.
Fenitoin parasetamol samaradorligini pasaytiradi va gepatotoksiklik rivojlanishi xavfini oshiradi.
Fenitoin qabul qilayotgan bemorlar parasetamolni tez-tez, ayniqsa yuqori dozalarda qabul qilishdan saqlanishlari kerak.
Probenitsid parasetamolning glyukuron kislotasi bilan kon'yugatsiyalanish jarayonini ingibitsiya qilib, parasetamol klirensini deyarli ikki baravar kamaytiradi.
Bir vaqtda buyurilganda parasetamol dozasini kamaytirish masalasini ko'rib chiqish kerak.
Dozirovkasi
Shifokor maslahatisiz qabul qilish davomiyligi: haroratni pasaytirish va og'riqni kamaytirish uchun - 3 kundan oshmasligi kerak. Keyinchalik, shuningdek terapevtik samara bo'lmaganda shifokor bilan maslahatlashish zarur.
2 oydan 3 oygacha bo'lgan bolalarda bir martalik doza 10-15 mg/kg ni tashkil qiladi. Sutkasiga 1-2 marta, kamida 4 soat oraliq bilan qo'llaniladi. Agar preparatning ikkinchi dozasini qabul qilgandan keyin isitma saqlanib qolsa, shifokorga murojaat qilish kerak. 2-3 oylik bolalarda paratsetamolni boshqa ko'rsatmalar bo'yicha qabul qilish - faqat shifokor tayinlovi bilan.
Buyrak funksiyasi buzilganda preparatni qabul qilish orasidagi vaqt oralig'i kreatinin klirensi 10 ml/min dan kam bo'lganda kamida 8 soatni, kreatinin klirensi 10-50 ml/min bo'lganda kamida 6 soatni tashkil qilishi kerak.Dozani oshirib yuborishDozani oshirib yuborishda intoksikatsiya bo'lishi mumkin, ayniqsa bolalarda, jigar kasalliklari bo'lgan bemorlarda, ovqatlanishi buzilgan bemorlarda, jigar mikrosomal fermentlari induktorlarini qabul qiluvchi shaxslarda, bunda yashin tezligidagi gepatit, jigar yetishmovchiligi, xolestatik gepatit, sitolitik gepatit, ba'zan o'lim bilan yakunlanishi mumkin.
Paratsetamol bilan o'tkir zaharlanish simptomlari ko'ngil aynishi, qusish, oshqozonda og'riq, anoreksiya, glyukoza metabolizmining buzilishi (bosh aylanishi, hushni yo'qotish, terlash), teri qoplamalarining oqarishi, metabolik asidoz hisoblanadi. Kattalarga bir vaqtning o'zida 10 g va undan ortiq, bolalarga esa 125 mg/kg dan ortiq kiritilganda gepatotsitlarning sitolizi to'liq va qaytmas jigar nekrozi, jigar yetishmovchiligi, metabolik asidoz, ensefalopatiya rivojlanishi bilan yuz beradi, bu koma va o'limga olib kelishi mumkin. 1-2 sutkadan keyin jigar shikastlanishi belgilari (jigar sohasida og'riq, jigar fermentlari faolligi, bilirubin konsentratsiyasi oshishi va protrombin miqdorining kamayishi) aniqlanadi. Jigar shikastlanishining klinik simptomlari 3-4-kuni maksimal darajaga yetadi. Dozani oshirib yuborishning og'ir hollarida jigar yetishmovchiligi, progressivlashuvchi ensefalopatiya, komatoz holat, o'lim rivojlanadi. O'tkir buyrak yetishmovchiligi tubulyar nekroz bilan rivojlanishi mumkin, uning xarakterli belgilari bel sohasida og'riq, gematuriya, proteinuriya bo'lib, bunda jigar og'ir shikastlanishi kuzatilmasligi ham mumkin, shuningdek aritmiya va pankreatit. Tavsiya etilgan dozadan oshirib uzoq muddat qo'llanganda gepatotoksik va nefrotoksik ta'sir (buyrak sanchig'i, nospesifik bakteriuriya, interstitsial nefrit, papillyar nekroz) kuzatilishi mumkin.
Davolash: preparatni qo'llashni to'xtatish va darhol shifokorga murojaat qilish.
Oshqozonni yuvish va enterosorbentlar (faollashtirilgan ko'mir, polifepan) qabul qilish, simptomatik terapiya tavsiya etiladi. Davolashni boshlashdan oldin dozani oshirib yuborgandan keyin maksimal qisqa muddatda qon plazmasida paratsetamolning miqdoriy tarkibini aniqlash zarur. Paratsetamol bilan zaharlanganda SH-guruhlari donatorlari va glutation sintezi o'tmishdoshlari - metionin va atsetilsisteinni dozani oshirib yuborgandan keyin 10 soat davomida kiritish zarur. Qo'shimcha terapevtik choralar (keyingi metionin, atsetilsistein va h.k. kiritish) o'tkazish zarurati qondagi paratsetamol konsentratsiyasiga, shuningdek, uni qo'llashdan keyin o'tgan vaqtga qarab belgilanadi. Jigar testlarini davolash boshida va keyin har 24 soatda o'tkazish kerak. Ko'pchilik hollarda jigar fermentlarining normallashuvi 1-2 hafta ichida yuz beradi. Og'ir hollarda jigar ko'chirib o'tkazish talab qilinishi mumkin.
Tasodifiy dozani oshirib yuborishda, hatto bola o'zini yaxshi his qilsa ham, darhol tibbiy yordamga murojaat qilish kerak.
Preparatni qabul qilgandan keyin 24 soat o'tgach jigar funksiyasi jiddiy buzilgan bolalarni davolash toksikologiya markazi yoki gepatologiya ixtisoslashtirilgan bo'limi mutaxassislari bilan birgalikda o'tkazilishi kerak.
PARASETAMOL DETSKIY 100,0 suspenziya 5ml o'xshash dorilari
PARASETAMOL DETSKIY 100,0 suspenziya 5ml xususiyatlari
Paratsetamol boshqa chiqarish shakllari
PARASETAMOL DETSKIY 100,0 suspenziya 5ml analoglari
{
"data": {
"id": 31488,
"stores_apteka_id": null,
"slug": "paratsetamol-detskiy-0-12-5ml-100-0-susp-ozon",
"stores_apteka_slug": null,
"name": "PARASETAMOL DETSKIY 100,0 suspenziya 5ml",
"brand_name": "PARASETAMOL DETSKIY 100,0",
"image": "uploads/iblock/9fd/9fd5f54cca1d4c96bab518aaa3e53aa5.webp",
"atx_code": "N02BE01 Парацетамол",
"drug_form_id": 5,
"over_the_counter": false,
"prescription_type": "unknown",
"availability": "not_available",
"reviews_count": 0,
"reviews_rating": 0,
"has_pickup": false,
"has_delivery": false,
"manufacturer": null,
"manufacturer_plain": "OOO «Ozon»",
"representative": null,
"representative_plain": null,
"distributor": null,
"distributor_plain": null,
"is_manufacturer_advertiser": false,
"is_representative_advertiser": false,
"is_dietary_supplement": false,
"is_medical_device": false,
"category": {
"id": 488,
"slug": "obezbolivayushchie",
"name": "Og'riq qoldiruvchi",
"external_link_title": null,
"external_link": null
},
"drug_group": {
"id": 7783,
"slug": "paratsetamol",
"name": "Paratsetamol"
},
"is_purchasable": false,
"country": {
"id": 20,
"slug": "rossiya",
"name": "Rossiya Federatsiyasi"
},
"active_ingredients": [
{
"id": 5929,
"slug": "paratsetamol",
"name": "Parasetamol"
}
],
"tags": [
{
"id": 107,
"slug": "ot-boli",
"name": "Og'riqdan"
}
]
}
}
