PIRASETAM 0,4 kapsulalar N30

Absorbtsiya

Ichga qabul qilingandan so'ng piratsetam me'da-ichak yo'llaridan tez va deyarli to'liq so'riladi. Biokiraolishligi taxminan 100% ni tashkil qiladi.

Piratsetam 2 g dozada bir marta qabul qilingandan so'ng maksimal kontsentratsiya (Cmax) 30 daqiqada erishiladi va 40-60 mkg/ml ni tashkil qiladi, 2-8 soatdan keyin orqa miya suyuqligida aniqlanadi.

Taqsimlanishi

Taqsimlanish hajmi (Vd) taxminan 0,6 l/kg ni tashkil qiladi. Plazma oqsillari bilan bog'lanmaydi. Piratsetam gematoensefalik va yo'ldosh to'siqlari, shuningdek gemodializ membranalari orqali o'tadi. Hayvonlarda o'tkazilgan tadqiqotda piratsetam bosh miya po'stlog'i to'qimalarida, asosan peshana, tepa va ensa bo'laklarida, miyacha va bazal yadrolarda tanlab to'planishi aniqlangan.

Metabolizmi

Metabolizmga uchramaydi.

Chiqarilishi

Qondan yarim chiqarilish davri (T?) 4-5 soatni va orqa miya suyuqligidan - 8,5 soatni tashkil qiladi. Buyrak yetishmovchiligida T? uzayadi. O'zgarmagan holda buyraklar orqali chiqariladi. Buyrak orqali ekskretsiyasi deyarli to'liq (>95%) 30 soat ichida sodir bo'ladi.

Sog'lom ko'ngillilarda piratsetamning umumiy klirensi 86 ml/daqiqani tashkil qiladi.

Quyida sanab o‘tilgan noxush dori reaksiyalari klinik tadqiqotlarda va ro‘yxatdan o‘tkazgandan keyingi kuzatuv natijalari bo‘yicha aniqlangan hamda tizim-a’zolar sinflari bo‘yicha guruhlangan. Tezlik gradatsiyasi quyidagicha aniqlanadi: juda tez-tez (?1/10), tez-tez (?1/100 dan
Qon va limfa tizimi tomonidan:

Tezligi noma’lum: qonash.

Immun tizimi tomonidan:

Tezligi noma’lum: anafilaktoid reaksiyalar, o‘ta yuqori sezuvchanlik.

Ruhiyat tomonidan:

Tez-tez: asabiylik. Tez-tez emas: depressiya.

Tezligi noma’lum: ajitatsiya, xavotir, ongning chalkashishi, gallyutsinatsiyalar.

Asab tizimi tomonidan:

Tez-tez: giperfaollik. Tez-tez emas: uyquchanlik. Tezligi noma’lum: ataksiya, muvozanat buzilishi, epilepsiya kechishining zo‘rayishi, bosh og‘rig‘i, uyqusizlik, tremor.

Eshitish a’zosi va labirint tomonidan:

Tezligi noma’lum: vertigo.

Tomirlar tomonidan:

Kam hollarda: tromboflebit, arterial gipotenziya (faqat parenteral yuborilganda).

Ovqat hazm qilish tizimi tomonidan:

Tezligi noma’lum: abdominal og‘riq (sh.j. yuqori bo‘limlarda), ko‘ngil aynishi, qusish, diareya.

Teri va teri osti to‘qimalari tomonidan:

Tezligi noma’lum: angionevrotik shish, dermatit, qichishish, eshakemi.

Reproduktiv tizim tomonidan:

Tezligi noma’lum: seksual maylning kuchayishi.

Umumiy buzilishlar va yuborilgan joydagi buzilishlar:

Tez-tez emas: asteniya.

Kam hollarda: yuborilgan joyda og‘riq, isitma (faqat parenteral yuborilganda).

Laborator-instrumental ma’lumotlar:

Tez-tez: tana vaznining oshishi.

Trombotsitlar agregatsiyasiga ta'siri

Antiagregant ta'siri tufayli ("Farmakodinamika" bo‘limiga qarang), bemorlarga og‘ir gemorragik buzilishlarda, qon ketish xavfida (masalan, oshqozon yarasida), gemostaz buzilishlarida, jarrohlik amaliyotlari, shu jumladan stomatologik aralashuvlar bo‘lgan bemorlarda, antikoagulyantlar va antiagregantlar, sh.j. asetilsalisil kislotasining past dozalarini qabul qilayotgan bemorlarda ehtiyotkorlik bilan tayinlash kerak.

Buyrak yetishmovchiligi

Piratsetam buyraklar orqali chiqarilishi sababli, buyrak yetishmovchiligi bo‘lgan bemorlarga preparatni tayinlashda ehtiyotkorlikka rioya qilish kerak ("Qo‘llash usuli va dozalari" bo‘limiga qarang).

Keksa bemorlar

Keksa bemorlarni uzoq muddat davolashda kreatinin klirensini muntazam nazorat qilish zarur, chunki dozani to‘g‘irlash talab etilishi mumkin.

Terapiyani bekor qilish

Kortikal miokloniyani davolashda davolashni keskin to‘xtatishdan saqlanish kerak, chunki bu xurujlarning qaytalanishini keltirib chiqarishi mumkin.

Gemodializ apparatlarining filtrlovchi membranalari orqali o‘tadi.

Transport vositalarini va boshqa mexanizmlarni boshqarish qobiliyatiga ta'siri:

Noxush reaksiyalar profilini hisobga olib, davolash davrida transport vositalarini boshqarishda, mexanizmlar bilan ishlashda va diqqatni yuqori jamlash hamda psixomotor reaksiyalar tezligini talab qiluvchi boshqa potensial xavfli faoliyat turlari bilan shug‘ullanishda ehtiyotkorlikka rioya qilish zarur.

Piratsetamga yoki pirrolidon hosilalariga, shuningdek dori vositasining boshqa komponentlariga individual o‘zlashtira olmaslik; Gentington xoreyasi; gemorragik insult; surunkali buyrak yetishmovchiligining terminal bosqichi; homiladorlik, emizish davri.

Ehtiyotkorlik bilan:

Gemostazning buzilishi, keng ko‘lamli jarrohlik amaliyotlari, og‘ir qon ketish, surunkali buyrak yetishmovchiligi (KK - 20-80 ml/daq).

Homiladorlik va laktatsiya:

Homiladorlik

Homiladorlik vaqtida piratsetamni qo‘llash bo‘yicha yetarli ma’lumotlar yo‘q. Hayvonlardagi tadqiqotlar homiladorlikka, embrion/homila rivojlanishiga, tug‘ruqqa yoki postnatal rivojlanishga to‘g‘ridan-to‘g‘ri yoki bilvosita ta’sir ko‘rsatmadi.

Piratsetam yo‘ldosh to‘sig‘i orqali o‘tadi. Yangi tug‘ilgan chaqaloqlarda piratsetam plazma konsentratsiyasi onanikining 70-90% ini tashkil qiladi. Piratsetamni homiladorlik vaqtida faqat istisno hollarda, agar ona uchun foyda homila uchun potensial xavfdan ustun bo‘lsa va homiladorning klinik holati piratsetam bilan davolashni talab qilsa, tayinlash kerak.

Emizish

Piratsetam ko‘krak sutiga o‘tadi. Piratsetamni emizish davrida qo‘llash mumkin emas yoki piratsetam bilan davolashda emizishni to‘xtatish kerak. Emizishni bekor qilish yoki piratsetam bilan davolashdan voz kechish to‘g‘risida qaror qabul qilishda bola uchun emizishning foydasi va ayol uchun terapiyaning foydasini o‘zaro solishtirish kerak.

Qalqonsimon bez gormonlari

Piratsetam va qalqonsimon bez ekstrakti (triyodtironin + tiroksin) bir vaqtda qo'llanilganda ongning chalkashishi, asabiylashish va uyqu buzilishi qayd etilgan.

Atsenokumarol

Qaytalovchi venoz trombozi bo'lgan bemorlarda o'tkazilgan e'lon qilingan ko'r klinik tadqiqotga ko'ra, piratsetam sutkada 9,6 g dozada 2,5-3,5 ga teng xalqaro normallashtirilgan nisbatga erishish uchun zarur bo'lgan atsenokumarol dozasiga ta'sir qilmaydi, ammo faqat atsenokumarolning o'zi ta'siri bilan solishtirganda, piratsetamni sutkada 9,6 g dozada qo'shish trombotsitlar agregatsiyasini, beta-tromboglobulin ajralib chiqishini, fibrinogen va Villebrand omili (VIII: C; VIII: vW: Ag; VIII: vW: RCo) konsentratsiyasini, shuningdek to'liq qon va plazma qovushqoqligini sezilarli darajada kamaytiradi.

Farmakokinetik o'zaro ta'sirlar

Piratsetam farmakokinetikasining boshqa dori preparatlari ta'sirida o'zgarish ehtimoli past, chunki piratsetamning 90 foizi o'zgarmagan holda siydik bilan chiqariladi.

142, 426 va 1422 mg/ml konsentratsiyalarda piratsetam in vitro sharoitda sitoxrom P450 izofermentlarini (CYP 1А2, 2В6, 2С8, 2С9, 2С19, 2D6, 2Е1 va 4А9/11) ingibitsiya qilmaydi.

1422 mg/ml konsentratsiyada CYP 2А6 (21%) va 3А4/5 (11%) izofermentining minimal ingibitsiyasi kuzatilgan. Biroq ingibitsiya konstantasi (Ki) qiymatlari, ehtimol, 1422 mg/ml konsentratsiyadan ancha tashqarida. Shunday qilib, piratsetamning boshqa preparatlar bilan metabolik o'zaro ta'sirlari ehtimoldan yiroq.

Tutqanoqqa qarshi vositalar

Epilepsiyasi bo'lgan, tutqanoqqa qarshi preparatlarni (karbamazepin, fenitoin, fenobarbital va valproat kislotasi) doimiy dozalarda qabul qilayotgan bemorlarda piratsetamni sutkada 20 g dozada 4 hafta davomida qabul qilish ularning maksimal va minimal konsentratsiyasini o'zgartirmagan. Alkogol Alkogol bilan bir vaqtda qabul qilish plazmadagi piratsetam konsentratsiyasiga ta'sir qilmagan; 1,6 g piratsetam qabul qilinganda plazmadagi etanol konsentratsiyasi o'zgarmagan.

Farmatsevtik moslik

Farmatsevtik moslik to'g'risida ma'lumotlar yo'q.