SALBUTAMOL AV aerozol 7,0 g 100 mkg 200 doz

Inhalyatsion yuborilgandan so'ng inhalyatsiya qilingan dozaning 10-20% i mayda bronxlarga yetib boradi va metabolizmga uchramasdan asta-sekin tizimli qon oqimiga so'riladi, qolgan qismi yuqori nafas yo'llarida yoki og'iz-halqumda o'tiradi va keyin yutiladi.

Qonga tushgandan so'ng salbutamol jigarda metabolizmga uchraydi va asosan siydik bilan o'zgarmagan holda va fenol sulfat shaklida chiqariladi. Inhalyatsion dozaning yutilgan qismi me'da-ichak yo'llaridan so'riladi va jigar orqali "birinchi o'tish"da faol metabolizmga uchrab, fenol sulfatga aylanadi. O'zgarmagan salbutamol va kon'yugat asosan siydik bilan chiqariladi.

Vena ichiga, peroral yoki inhalyatsion yo'l bilan organizmga kiritilgan salbutamol dozasining katta qismi 72 soat ichida chiqariladi. Salbutamolning plazma oqsillari bilan bog'lanish darajasi taxminan 10% ni tashkil qiladi. Qon plazmasidagi maksimal kontsentratsiya - 30 ng/ml. Yarim chiqarilish davri - 3,7-5 soat.

Tezlik bo‘yicha nojo‘ya effektlar quyidagi toifalarga bo‘linishi mumkin: juda tez-tez (> 1/10), tez-tez (> 1/100 va 1/1 000 va 1/10 000 va
Immun tizimi tomonidan: juda kam hollarda - o‘ta yuqori sezuvchanlik reaksiyalari, shu jumladan angionevrotik shish, eshakemi, toshma, bronxospazm, arterial bosimning pasayishi, kollaps.

Almashinuv jarayonlari tomonidan: kam hollarda - gipokaliemiya, qonda glyukoza va erkin yog‘ kislotalari konsentratsiyasining oshishi. Og‘ir gipokaliemiya potentsial ravishda ?2-agonistlar bilan davolash natijasi bo‘lishi mumkin.

Asab tizimi tomonidan: tez-tez - tremor, bosh og‘rig‘i, bosh aylanishi; juda kam hollarda - giperfaollik, xavotirlik.

Yurak-qon tomir tizimi tomonidan: tez-tez - taxikardiya; kam hollarda - yurak urishining tezlashishi; juda kam hollarda - aritmiya, shu jumladan bo‘lmachalar fibrillyatsiyasi, supraventikulyar taxikardiya, ekstrasistoliya, arterial bosimning oshishi; kam hollarda - periferik tomirlarning kengayishi.

Nafas olish tizimi tomonidan: juda kam hollarda - paradoksal bronxospazm, yo‘tal.

Me’da-ichak yo‘llari tomonidan: kam hollarda - og‘iz bo‘shlig‘i va halqum shilliq qavatining ta’sirlanishi.

Suyak-mushak tizimi tomonidan: kam hollarda - tirishishlar.

Salbutamolni tez-tez qo‘llash bronxospazmning kuchayishiga, to‘satdan o‘limga olib kelishi mumkin, shu munosabat bilan preparatning navbatdagi dozalarini qabul qilish o‘rtasida bir necha soat (6 soat) tanaffus qilish zarur. Ushbu intervallarni qisqartirish faqat alohida hollarda bo‘lishi mumkin. Dozalangan aerozolni qo‘llashda quyidagi ko‘rsatmalarni aniq bajarish zarur: har foydalanishdan oldin aerozolli ballonchani silkitish, nafas olish va preparat tushishini aniq sinxronlash, maksimal chuqur, intensiv va yetarlicha davomli nafas olish, preparat ingalyatsiyasidan keyin nafasni 10 soniyaga ushlab turish. Nafas olish manevrini to‘g‘ri bajarishga qiynaladigan bemorlarga (shu jumladan kichik yoshdagi bolalarga), preparat ingalyatsiyasi uchun nafas olish hajmini oshiruvchi va asinxron nafas olishdagi noaniqliklarni tekislovchi maxsus moslama (speyser) dan foydalanish tavsiya etiladi. Boshqa ingalyatsion preparatlarni qo‘llashda bo‘lgani kabi, ballon sovutilganda terapevtik samara kamayishi mumkin. Shuning uchun qo‘llashdan oldin preparatli ballon xona haroratigacha isitilishi kerak (ballonni bir necha daqiqa davomida qo‘llar bilan isitish, boshqa usullarni qo‘llash mumkin emas!).

Ballonlar ichidagisi bosim ostida bo‘ladi, shuning uchun ballonlarni qizdirish, qismlarga ajratish, teshib ko‘rish yoki yoqish mumkin emas, hatto ular bo‘sh bo‘lsa ham. Ingalyatsiyadan keyin og‘izda noxush hislar va tomoqda qirilish yuzaga kelgan taqdirda og‘izni suv bilan chayish kerak.

Bronxodilatatorlar beqaror yoki og‘ir kechuvchi bronxial astma terapiyasining yagona yoki asosiy komponenti bo‘lmasligi kerak. Agar preparatning odatiy dozasi ta'siri kamroq samarali yoki kamroq davomli bo‘lib qolsa (preparat ta'siri kamida 3 soat saqlanib turishi kerak), bemor shifokorga murojaat qilishi kerak. Bronxial astmani davolash uchun qisqa ta'sirga ega ingalyatsion beta2-adrenoreseptorlar agonistlarini qo‘llashga bo‘lgan ehtiyojning oshishi kasallikning zo‘rayganligidan dalolat beradi. Bunday hollarda bemorni davolash rejasini qayta ko‘rib chiqish kerak. Astma zo‘rayganda salbutamolning yuqori dozalarini qabul qilish "rikoshet" sindromini (har bir keyingi xuruj kuchliroq bo‘ladi) chaqirishi mumkin. Og‘ir bo‘g‘ilish xurujida ingalyatsiyalar o‘rtasidagi tanaffus kamida 20 daqiqa bo‘lishi kerak. Asoratlar xavfi davolash davomiyligi sezilarli bo‘lganda ham, preparat keskin bekor qilinganda ham ortadi. Salbutamolni uzoq muddat qo‘llash bazis terapiya uchun yallig‘lanishga qarshi dori vositalarini ishlatish bilan birga kechishi kerak.

Bronxial astmaning to‘satdan va progressiv yomonlashishi bemor hayoti uchun xavf tug‘dirishi mumkin, shuning uchun bunday hollarda glyukokortikosteroidlarni tayinlash yoki dozasini oshirish masalasini zudlik bilan hal qilish zarur. Bunday bemorlarda nafas chiqarishning eng yuqori tezligini har kuni monitoring qilish tavsiya etiladi. Preparatni tireotoksikoz bo‘lgan bemorlarda ehtiyotkorlik bilan qo‘llash kerak. V2-adrenoreseptorlar agonistlari bilan terapiya gipokaliemiyaga olib kelishi mumkin. Bronxial astmaning og‘ir xurujlarini davolashda alohida ehtiyotkorlik ko‘rsatish tavsiya etiladi, chunki bu hollarda gipokaliemiya ksantin hosilalari, glyukokortikosteroidlar, diuretiklarni bir vaqtda qo‘llash natijasida, shuningdek gipoksiya oqibatida kuchayishi mumkin. Bunday hollarda qon zardobida kaliy darajasini nazorat qilish zarur.

Transport vositalarini va mexanizmlarni boshqarish qobiliyatiga ta'siri:

Ma'lumotnoma adabiyotlarida salbutamolni ingalyatsion qo‘llashning bemorning avtomobil va/yoki boshqa mexanizmlarni boshqarish qobiliyatiga ta'siri haqida ma'lumotlar yo‘q. Preparatning bir dozasida 2363 mkg etil spirti bo‘lishi shunchalik kamki, bu avtomobil va/yoki boshqa mexanizmlarni boshqarish qobiliyatiga ta'sir qila olmaydi.

- preparatning har qanday komponentiga yuqori sezuvchanlik;

- 2 yoshgacha bo‘lgan bolalar;

- homiladorlik.

Ehtiyotkorlik bilan:

Bemorlarda anamnezda taxiaritmiya, miokardit, yurak nuqsonlari, aortal stenoz, yurak ishemik kasalligi, og‘ir surunkali yurak yetishmovchiligi, arterial gipertenziya, tireotoksikoz, feoxromotsitoma, dekompensatsiyalangan qandli diabet, glaukoma, epixurujlar, buyrak yoki jigar yetishmovchiligi, neselektiv β-adrenoblokatorlarni bir vaqtda qabul qilish, laktatsiya davri qayd etilganda preparatni ehtiyotkorlik bilan qo‘llash kerak.

Homiladorlik va laktatsiya:

Homiladorlik vaqtida mumkin emas.

Emizish davrida preparat ehtiyotkorlik bilan (salbutamol ko‘krak sutiga o‘tishi noma’lum) va faqat ona uchun kutilayotgan foyda bola uchun har qanday mumkin bo‘lgan xavfdan ustun bo‘lgan holdagina tayinlanadi.

Markaziy asab tizimi stimulyatorlari ta'sirini, tireotoksikozli bemorlarda taxikardiyani kuchaytiradi, yurak glikozidlari qabul qilish fonida ekstrasistoliya rivojlanishi ehtimolini oshiradi. Teofillin va boshqa ksantinlar bir vaqtda qo'llanilganda taxiaritmiyalar rivojlanishi ehtimolini; ingalyatsion anesteziya uchun vositalar, levodopa - og'ir qorincha aritmiyalari rivojlanishi ehtimolini oshiradi.

Monoaminoksidaza ingibitorlari va tritsiklik antidepressantlar salbutamol ta'sirini kuchaytirib, arterial qon bosimining keskin pasayishiga olib kelishi mumkin. Noselektiv beta-adrenoblokatorlar bilan nomos (farmakologik antagonizm) (buni beta-adrenoblokatorlarning ko'z shakllarini qo'llashda ham hisobga olish kerak).

M-xolinoblokatorlar (shu jumladan ingalyatsion) bilan bir vaqtda buyurish ko'z ichi bosimining oshishiga yordam berishi mumkin.

Diuretiklar, ksantinlar va glyukokortikosteroidlar salbutamolning gipokaliemik ta'sirini kuchaytiradi.