SALBUTAMOL FARMSTANDART aerozol dlya ingalyasiy 100 mkg 200 doz
SALBUTAMOL FARMSTANDART aerozol dlya ingalyasiy 100 mkg 200 doz o'xshash dorilari
SALBUTAMOL FARMSTANDART aerozol dlya ingalyasiy 100 mkg 200 doz qo'llanmasi
So'rilishi
Inhalyatsiya o'tkazilgandan so'ng salbutamol dozasining 10-20% i pastki nafas yo'llariga yetib boradi. Dozaning qolgan qismi ingalyatorda qoladi yoki og'iz-halqumda to'planadi va keyin yutiladi. Nafas yo'llariga tushgan fraktsiya o'pka to'qimalariga va qonga so'riladi, ammo o'pkada metabolizmga uchramaydi.
Taqsimlanishi
Salbutamolning qon plazmasi oqsillari bilan bog'lanish darajasi 10% ni tashkil qiladi.
Metabolizmi
Tizimli qon oqimiga tushganda salbutamol jigar metabolizmiga uchraydi. Inhalyatsion dozaning yutilgan qismi me'da-ichak yo'llaridan so'riladi va jigar orqali "birinchi o'tish"da faol metabolizmga uchrab, fenol sulfatga aylanadi.
Chiqarilishi
Vena ichiga yuborilgan salbutamol 4-6 soatlik yarim chiqarilish davriga ega. Salbutamol asosan buyraklar orqali kon'yugat - faol bo'lmagan 4'-O-sulfat (fenol sulfat) ko'rinishida va qisman o'zgarmagan holda chiqariladi, salbutamolning ozgina qismi esa ichak orqali chiqariladi. Salbutamol dozasining katta qismi 72 soat ichida chiqariladi.
Quyida keltirilgan noxush reaksiyalar a’zolar va a’zolar tizimlarining shikastlanishiga qarab sanab o‘tilgan. Uchrash tezligi quyidagicha baholanadi: juda tez-tez (> 1/10), tez-tez (> 1/100 va 1/1000 va 1/10000 va
Immun tizimi tomonidan buzilishlar: juda kam hollarda - o‘ta yuqori sezuvchanlik reaksiyalari, shu jumladan angionevrotik shish, eshakemi, bronxospazm, arterial bosimning pasayishi va kollaps.
Moddalar almashinuvi va ovqatlanish tomonidan buzilishlar: kam hollarda - giperglikemiya, gipokaliemiya.
Beta2-adrenoreseptorlar agonistlari bilan davolash klinik ahamiyatli gipokaliemiyaga olib kelishi mumkin.
Asab tizimi tomonidan buzilishlar: tez-tez - tremor, bosh og‘rig‘i; juda kam hollarda - giperfaollik.
Yurak tomonidan buzilishlar: tez-tez - taxikardiya; tez-tez emas - miokard ishemiyasi, kuchli yurak urishi (palpitatsiya); juda kam hollarda - aritmiyalar, shu jumladan hilpillovchi aritmiya; supraventrikulyar taxikardiya va ekstrasistoliya.
Tomirlar tomonidan buzilishlar: kam hollarda - periferik vazodilatatsiya.
Nafas olish tizimi, ko‘krak qafasi a’zolari va ko‘ks oralig‘i tomonidan buzilishlar: juda kam hollarda - paradoksal bronxospazm.
Me’da-ichak yo‘llari tomonidan buzilishlar: tez-tez emas - og‘iz bo‘shlig‘i va halqum shilliq qavatining ta’sirlanishi.
Skelet-mushak va biriktiruvchi to‘qima tomonidan buzilishlar: tez-tez emas - mushak tirishishlari.
Agar yo‘riqnomada ko‘rsatilgan har qanday noxush reaksiyalar kuchaysa, yoki Siz yo‘riqnomada ko‘rsatilmagan boshqa har qanday noxush reaksiyalarni sezsangiz, bu haqda shifokorga xabar bering.
Bronxial astmani davolashni bemorning davolashga klinik javobini va o‘pka funksiyasini nazorat qilgan holda bosqichma-bosqich o‘tkazish tavsiya etiladi.
Bronxodilatatorlar beqaror yoki og‘ir kechuvchi bronxial astma terapiyasining yagona yoki asosiy komponenti bo‘lmasligi kerak.
Bronxial astma simptomlarini nazorat qilish uchun qisqa ta'sirga ega bronxodilatatorlarni, xususan beta2-adrenoreseptorlar agonistlarini qo‘llashga bo‘lgan ehtiyojning oshishi kasallik kechishining yomonlashganligidan dalolat beradi. Bunday hollarda bemorni davolash rejasini qayta ko‘rib chiqish kerak.
Bronxial astmaning to‘satdan va progressiv yomonlashishi bemor hayoti uchun potensial xavf tug‘dirishi mumkin, shuning uchun bunday vaziyatlarda GKSni tayinlash yoki dozasini oshirish maqsadga muvofiqligini ko‘rib chiqish kerak. Xavf guruhi bemorlarida nafas chiqarishning eng yuqori tezligini har kuni monitoring qilish tavsiya etiladi.
Beta2-adrenoreseptorlar agonistlari bilan terapiya, ayniqsa ular parenteral yoki nebulayzer yordamida yuborilganda, gipokaliemiyaga olib kelishi mumkin.
Bronxial astmaning og‘ir xurujlarini davolashda alohida ehtiyotkorlik ko‘rsatish tavsiya etiladi, chunki bu hollarda gipokaliemiya ksantin hosilalari, GKS, diuretiklarni bir vaqtda qo‘llash natijasida, shuningdek gipoksiya oqibatida kuchayishi mumkin. Bunday vaziyatlarda qon plazmasida kaliy konsentratsiyasini nazorat qilish tavsiya etiladi.
Ingalyatsion salbutamolning ilgari samarali bo‘lgan dozasini qo‘llashdan kamida uch soat davomida samara bo‘lmagan taqdirda, bemor qandaydir qo‘shimcha choralar ko‘rish uchun shifokorga murojaat qilishi kerak.
Bemorlarga Salbutamol-Farmstandart ingalyatorini to‘g‘ri ishlatish bo‘yicha ko‘rsatma berish kerak.
Salbutamol qo‘llanilgandan so‘ng darhol xirillashlarning kuchayishi bilan paradoksal bronxospazm rivojlanishi mumkin. Ushbu holat boshqa tez ta'sir qiluvchi ingalyatsion bronxodilatator yordamida zudlik bilan davolashni talab qiladi. Salbutamol-Farmstandart preparatini darhol bekor qilish, bemorning holatini baholash va zarurat tug‘ilganda muqobil terapiya tayinlash kerak.
Salbutamolni tez-tez qo‘llash bronxospazmning kuchayishiga, to‘satdan o‘limga olib kelishi mumkin, shu munosabat bilan preparatning navbatdagi dozalarini qabul qilish o‘rtasida bir necha soat tanaffus qilish zarur; og‘ir bo‘g‘ilish xurujida preparat ingalyatsiyalari o‘rtasidagi tanaffus kamida 20 daqiqani tashkil qilishi kerak.
Ballon sovutilganda preparatning terapevtik samarasi kamayishi mumkin, shuning uchun ishlatishdan oldin ballon xona haroratigacha isitilishi kerak (bir necha daqiqa davomida qo‘llar bilan isitish, boshqa usullarga yo‘l qo‘yilmaydi!).
Ballon ichidagisi bosim ostida bo‘ladi, shuning uchun hatto bo‘sh ballonlarni ham shikastlash, qizdirish, yoqish mumkin emas.
Preparatning transport vositalarini va boshqa mexanizmlarni boshqarish qobiliyatiga ta'siri:
Salbutamol-Farmstandart preparatining transport vositalarini va mexanizmlarni boshqarish qobiliyatiga ta'siri haqida ma'lumotlar yo‘q. Mushak tirishishlari yoki bronxospazm kabi nojo‘ya reaksiyalar rivojlangan taqdirda, transport vositalarini va mexanizmlarni boshqarishdan, shuningdek diqqatni yuqori jamlash va psixomotor reaksiyalar tezligini talab qiluvchi boshqa potensial xavfli faoliyat turlari bilan shug‘ullanishdan saqlanish zarur.
- Ta’sir etuvchi moddaga yoki preparat tarkibiga kiruvchi har qanday boshqa komponentga yuqori sezuvchanlik.
- Muddatidan oldin tug‘ruqni olib borish.
- Abort xavfi.
- 2 yoshgacha bo‘lgan bolalar.
Ehtiyotkorlik bilan:
Salbutamol-Farmstandart preparatini tireotoksikoz, taxiaritmiya, miokardit, yurak nuqsonlari, aortal stenoz, yurak ishemik kasalligi, og‘ir surunkali yurak yetishmovchiligi, arterial gipertenziya, feoxromotsitoma, dekompensatsiyalangan qandli diabet, glaukoma bo‘lgan pasientlarda, shuningdek homiladorlik va emizish davrida ehtiyotkorlik bilan qo‘llash kerak.
Homiladorlik va laktatsiya:
Fertillik
Salbutamolning inson fertilligiga ta’siri haqida ma’lumotlar yo‘q.
Homiladorlik
Homilador ayollarga salbutamol faqat pasient uchun kutilayotgan foyda homila uchun potensial xavfdan ustun bo‘lgan holdagina tayinlanadi.
Homiladorlik vaqtida onalar tomonidan salbutamol qabul qilinganda bolalarda turli rivojlanish nuqsonlari, shu jumladan "bo‘ri tanglay" shakllanishi va oyoq-qo‘l rivojlanish nuqsonlari kam uchraydigan holatlari haqida ma’lumotlar mavjud. Ushbu holatlarning ba’zilarida onalar homiladorlik davomida bir nechta yondosh dori vositalarini qabul qilganlar. Nuqsonlarning doimiy xarakterga ega emasligi va tug‘ma anomaliyalar paydo bo‘lishining fon chastotasi 2 dan 3% gacha bo‘lganligi sababli, salbutamol qabul qilish bilan sabab-oqibat bog‘liqligi aniqlanmagan.
Emizish davri
Salbutamol, ehtimol, ko‘krak sutiga o‘tadi va shuning uchun uni emizikli ayollarga tayinlash tavsiya etilmaydi, ona uchun kutilayotgan foyda bola uchun potensial xavfdan ustun bo‘lgan holatlar bundan mustasno. Ko‘krak sutida mavjud bo‘lgan salbutamol yangi tug‘ilgan chaqaloqqa zararli ta’sir ko‘rsatishi haqida ma’lumotlar yo‘q.
Salbutamol va propranolol kabi noselektiv beta-adrenoblokatorlarni bir vaqtda qo'llash tavsiya etilmaydi.
Salbutamol monoaminoksidaza ingibitorlarini (iMAO) olayotgan bemorlarga qarshi ko'rsatma emas.
Tireotoksikozli bemorlarda salbutamol markaziy asab tizimi stimulyatorlari ta'sirini va taxikardiyani kuchaytiradi.
Teofillin va boshqa ksantinlar bir vaqtda qo'llanilganda taxiaritmiyalar rivojlanishi ehtimolini oshiradi.
Antixolinergik vositalar (shu jumladan ingalyatsion) bilan bir vaqtda qo'llash ko'z ichi bosimining oshishiga yordam berishi mumkin.
Diuretiklar va GKS salbutamolning gipokaliemik ta'sirini kuchaytiradi.
Salbutamolning Levodopa, ingalyatsion anesteziya vositalari, MAO ingibitorlari va tritsiklik antidepressantlar, yurak glikozidlari bilan o'zaro ta'siri arterial qon bosimining keskin pasayishi xavfiga olib kelishi mumkin.
Agonistlar (beta2-adrenoreseptorlar)ni qo'llashga bo'lgan ehtiyojning oshishi bronxial astma zo'rayishining belgisi bo'lishi mumkin. Bunday vaziyatda bemorni davolash sxemasini glyukokortikosteroidlar (GKS) bilan bir vaqtda terapiya tayinlash maqsadga muvofiqligini ko'rib chiqqan holda qayta baholash talab qilinishi mumkin.
Salbutamol dozasi yoki qo'llash takroriyligi faqat shifokor tavsiyasiga ko'ra oshirilishi mumkin, chunki dozani oshirib yuborish nojo'ya reaksiyalar rivojlanishi bilan kechishi mumkin.
Ko'pchilik bemorlarda salbutamol ta'sirining davomiyligi 4 dan 6 soatgachani tashkil qiladi.
Bosim ostidagi dozalovchi aerozolli ingalyatorni qo'llash bilan nafas olishni sinxronlashtirishda qiyinchiliklarga duch keladigan bemorlarda speyser ishlatilishi mumkin.
Salbutamol qabul qiluvchi bolalar va chaqaloqlarda yuz niqobi bilan pediatrik speyser qurilmasidan foydalanish maqsadga muvofiqdir.
Ingalyatsiyadan keyin og'izda noxush sezgilar va tomoqda qirilish paydo bo'lganda og'izni suv bilan chayish kerak.
Bronxospazm xurujini bartaraf etish
Kattalar
Tavsiya etilgan doza 100 yoki 200 mkg (1 yoki 2 ingalyatsiya) ni tashkil qiladi.
Bolalar
Tavsiya etilgan doza 100 mkg (1 ingalyatsiya) ni tashkil qiladi, zarurat bo'lganda doza 200 mkg (2 ingalyatsiya) gacha oshirilishi mumkin.
Salbutamol-Farmstandart preparatini sutkasiga 4 martadan ortiq qo'llash tavsiya etilmaydi. Salbutamol-Farmstandart preparatining maksimal dozalarini tez-tez qo'llashga ehtiyoj yoki dozani to'satdan oshirish bronxial astma kechishining yomonlashuvidan dalolat beradi ("Maxsus ko'rsatmalar" bo'limiga qarang).
Allergen ta'siri bilan bog'liq yoki jismoniy yuklama keltirib chiqargan bronxospazm xurujlarini oldini olish
Kattalar
Tavsiya etilgan doza provokatsiya qiluvchi omil yoki yuklamadan 10-15 daqiqa oldin 200 mkg (2 ingalyatsiya) ni tashkil qiladi.
Bolalar
Tavsiya etilgan doza provokatsiya qiluvchi omil yoki yuklamadan 10-15 daqiqa oldin 100 mkg (1 ingalyatsiya) ni tashkil qiladi, zarurat bo'lganda doza 200 mkg (2 ingalyatsiya) gacha oshirilishi mumkin.
Uzoq muddatli ushlab turuvchi terapiya
Kattalar
Tavsiya etilgan doza 200 mkg gacha (2 ingalyatsiya) sutkasiga 4 martani tashkil qiladi.
Bolalar
Tavsiya etilgan doza 200 mkg gacha (2 ingalyatsiya) sutkasiga 4 martani tashkil qiladi.
Ingalyatsiyalarni o'tkazish bo'yicha yo'riqnoma
Ingalyatorni tekshirish
Ingalyatorni birinchi marta ishlatishdan oldin yoki agar ingalyator 5 kun yoki undan ortiq vaqt davomida ishlatilmagan bo'lsa, uning ishlashini tekshiring. Buning uchun ingalyator mundshtukidan himoya qopqoqchasini olib tashlang, ingalyatorni yaxshilab silkitib oling va ballonga bosib, havoga bir oqim preparat chiqaring.
Ingalyatorni ishlatish
1-qadam. 1-rasmda ko'rsatilganidek, ingalyator mundshtukidan himoya qopqoqchasini olib tashlang.
2-qadam. Ingalyator ichidagisi bir tekis aralashishi uchun ingalyatorni kuchli silkiting.
3-qadam. Sekin, to'liq nafas chiqaring. Ingalyatorga nafas chiqarmang!
4-qadam. Ballonni 2-rasmda ko'rsatilganidek ushlab, mundshtukni lablar bilan zich qamrab oling, tishlar bilan siqmang. Ballon tubi bilan yuqoriga qaratilgan bo'lishi kerak!
5-qadam. Og'iz orqali maksimal chuqur nafas oling, bir vaqtning o'zida bitta ingalyatsion doza ajralib chiqquncha ballon tubiga tez bosing.
6-qadam. Nafasni bir necha soniya ushlab turing, so'ngra mundshtukni og'izdan oling va burun orqali sekin nafas chiqaring.
7-qadam. Ingalyator mundshtukiga himoya qopqoqchasini kiygizing. 30 soniya kuting va agar zarur bo'lsa, ikkinchi ingalyatsion dozani olish uchun 2-6 qadamlarni takrorlang.
Ingalyatorni tozalash
Muntazam ravishda (haftada kamida bir marta) 3-rasmda ko'rsatilganidek ingalyator mundshtukini tozalash kerak.
Metall ballonchani plastik g'ilofdan chiqarib oling va g'ilof va qopqoqchani iliq suvda yuving. Issiq suvdan foydalanmang. Yaxshilab quriting, lekin buning uchun isitish moslamalaridan foydalanmang. Metall ballonchani g'ilofga qaytarib joylashtiring va qopqoqchani kiygizing. Metall ballonchani suvga botirmang.
Ballon 200 ingalyatsiyaga mo'ljallangan. Shundan so'ng ballonni almashtirish kerak.
OGOHLANTIRISH: og'iz uchun plastik mundshtuk maxsus Salbutamol-Farmstandart preparati uchun ishlab chiqilgan va preparatni aniq dozalash uchun xizmat qiladi. Mundshtuk boshqa dozalangan aerozollar bilan ishlatilmasligi kerak. Shuningdek, Salbutamol-Farmstandart preparatini preparat bilan birga yetkazib beriladigan mundshtukdan tashqari boshqa har qanday adapterlar bilan ishlatish mumkin emas.
Ballon ichidagisi bosim ostida. Ballonni ochish va 50 °C dan yuqori haroratda qizdirish mumkin emas!
Agar sizda ingalyatorni ishlatish bilan bog'liq qiyinchiliklar tug'ilsa, shifokor bilan bog'laning.
Kichik yoshdagi bolalar ingalyatorni kattalar nazorati yoki yordami ostida ishlatishlari kerak.Dozani oshirib yuborishSimptomlari
Salbutamol dozasini oshirib yuborish belgilari va simptomlari beta-adrenerjik retseptorlarni stimulyatsiyasi bilan farmakologik shartlangan o'tkinchi hodisalar hisoblanadi, masalan, arterial bosimning pasayishi, taxikardiya, mushak tremori, ko'ngil aynishi, qusish, giperglikemiya, laktatatsidoz. Yuqori dozalar qo'llanilganda, shuningdek qisqa ta'sir etuvchi beta-agonistlar dozasi oshirib yuborilganda laktatatsidoz rivojlanishi kuzatilgan, shuning uchun dozani oshirib yuborishda zardob laktatining oshishi va metabolik asidoz rivojlanishi ehtimolini nazorat qilish ko'rsatilishi mumkin (ayniqsa hushtaksimon nafas olish kabi bronxospazmning boshqa belgilari bartaraf etilishiga qaramay taxipnoe saqlanib qolganda yoki yomonlashganda) ("Maxsus ko'rsatmalar" va "Nojo'ya ta'siri" bo'limlariga qarang). Salbutamolning yuqori dozalarini qo'llash gipokaliyemiyani keltirib chiqarishi mumkin, shuning uchun qon plazmasida kaliy konsentratsiyasini nazorat qilish zarur.
Davolash
Salbutamolni bekor qilish va tegishli simptomatik terapiyani tayinlash kerak. Kardioselektiv (beta-adrenoblokatorlar kardiologik simptomatikasi (masalan, taxikardiya, yurak urishi hissi) mavjud bo'lgan bemorlarda bronxospazm yuzaga kelishi xavfi tufayli ehtiyotkorlik bilan qo'llanilishi kerak.
Salbutamol boshqa chiqarish shakllari
SALBUTAMOL FARMSTANDART aerozol dlya ingalyasiy 100 mkg 200 doz analoglari
