Solosin eritma 500mg/100ml

Resept bo'yicha.

1 flakon quyidagilarni saqlaydi:

faol modda: 500 mg levofloksasinga ekvivalent levofloksasin gemigidrati;

yordamchi moddalar: suvsiz dekstroza, dinatriy edetati, suvsiz limon kislotasi, in'ektsiya uchun suv.

100 ml eritma plastik flakonda.

Har bir flakon xususiy tsellofan paketda va tibbiyotda qo'llanidishiga doir yo'riqnomasi bilan karton qutida.

Levofloksasin - ftorxinolon, keng ta'sir doirasiga ega bakterisid vosita. Ta'sir mexanizmi baktierial DNK replikasiyasi, transkripsiyasi, tiklanishi va rekombinasiyasi uchun zarur bo'lgan fermentlar - bakterial topoizomeraza IV va DNK-girazani (topoizomeraza II) ingibitsiya qilinishi bilan bog'liq.

Mikroblarga qarshi faolligi:

In vitro sharoitda levofloksasin grammusbat va grammanfiy mikroorganizmlarga nisbatan keng mikroblarga qarshi faollik namoyish qiladi.

Levofloksasin va boshqa ftorxinolonlar orasida kesishgan rezistentlik aniqlanadi, lekin boshqa ftorxinolonlarga rezistent mikroorganizmlar, levofloksasinga sezgir.

In vitro va klinik sharoitlarda preparat quyidagi mikroorganizmlarga nisbatan eng samarali:

Aerob grammanfiy mikroorganizmlar: Enterobacter cloacae, Legionella pneumoniae, Escherichia coli, Moraxella catarrhalis, Haemophilus influenzae, Proteus mirabilis, Haemophilus parainfluenzae, Pseudomonas aeruginosa, Klebsiella pneumoniae, Acinetobacter baumannii, Klebsiella oxytoca, Bordetella pertussis, Proteus vulgaris, Enterobacter agglomerans, Acinetobacter calcoaceticus, Morganell morganii, Citrobacter diversus, Providencia rettgeri, Citrobacter freundi, Providencia stuartii, Enterobacter aerogenes, Pseudomonas fluorescens, Enterobacter sakazakii, Serratia marcescens.

Aerob grammusbat mikroorganizmlar: Enterococcus faecalis (ko'pchilik turlari o'rtacha sezuvchanlikka ega), Staphylococcus aureus (metisillinga sezgir turlari), Staphylococcus epidermidis (shu jumladan penisillinga rezistent shtammlari), Streptococcus agalactiae, Streptococcus pneumoniae, Streptococcus pyogenes, Viridans group streptococci.

Anaerob mikroorganizmlar: Clostridium perfringens.

Boshqa mikroorganizmlar: Chlamydia pneumoniae, Chlamydia trachomatis, Mycoplasma pneumoniae, Mycoplasma hominis, Ureaplasma urealyticum, Mycobacterium spp., Mycobacterium leprae, Mycobacterium tuberculosis, Ricketsia spp.

max_{Levofloksasinning farmakokinetikasi bir tekis xarakterga ega. 500 mg preparat vena ichiga infuziya qilinganidan keyin plazmadagi cho'qqi kontsentrasiyasiga 60 minut davomida erishiladi va 6,2 mkg/ml ni tashkil qiladi. Maksimal kontsentrasiyasiga (T}) erishish vaqti 1,0±0,1 soatni, yarim chiqarilish davri (T_1/2) - 6,4±0,7 soatni tashkil qiladi. Vena ichiga bir marta va ko'p marta yuborilganida taxminiy taqsimlanish hajmi shu doza yuborilganidan keyin 89-112 l ni tashkil qiladi.

Organizmning to'qimalari va suyuqliklariga: o'pka, bronxlar shilliq qavati, siydik-jinsiy tizimi a'zolari, suyak to'qimasi, balg'am, orqa miya suyuqligi; leykositlar, makrofaglarga yaxshi kiradi. Levofloksasinning o'pka to'qimasidagi kontsentrasiyasi qon plazmasidagiga qaraganda 2-5 marta yuqori. Qon plazmasi oqsillari bilan bog'lanishi - 30-40%. 500 mg levofloksasin sutkada 2 marta yuborilganidagina ahamiyatsiz to'planishi aniqlanadi.

Buyrak klirensi umumiy klirensining 70% ni tashkil qiladi.

Preparat qisman metabolizmga uchraydi. Jigarda katta bo'lmagan qismi oksidlanadi va/yoki dezatsetilizasiyaga uchraydi. Asosan kalavalar filtrasiyasi va naychalar sekresiyasi yo'li bilan buyraklar orqali chiqariladi. O'zgarmagan xolda buyraklar orqali 24 soat davomida taxminan 70% va 48 soatda - 87% chiqariladi; faol bo'lmagan metabolitlari ko'rinishida 5% dan kamrog'i 48 soat davomida chiqariladi.

Alohida guruh bemorlar:

Buyrak etishmovchiligi. Buyrak funktsiyasini buzilishi bo'lgan bemorlarda levofloksasinning plazmadan yarim chiqarilish davri oshgan, bu holat to'planishdan saqlanish uchun dozaga tuzatish kiritishni talab qiladi. Levofloksasin organizmdan gemodializ yoki davomli ambulator peritoneal dializ yo'li bilan chiqarilmaydi.

Jigar etishmovchiligi. Jigar funktsiyasini buzilishi levofloksasinning metabolizmiga ahamiyatli ta'sir ko'rsatmaydi.

Ovqat hazm qilish tizimi tomonidan: ko'ngil aynishi, qusish, diareya, anoreksiya, abdominal og'riqlar, soxtamembranoz kolit, "jigar" transaminazalari faolligini oshishi, giperbilirubinemiya, gepatit, disbakterioz.

Yurak-qon tomir tizimi tomonidan: arterial bosimni pasayishi, qon tomiri kollapsi, QT intervalini uzayishi, taxikardiya, juda kam hollarda - hilpillovchi aritmiya.

Moddalar almashinuvi tomonidan: gipokaliemiya (ishtaxani oshishi, ko'p terlash, asabiylik, qaltirash).

Nerv tizimi tomonidan: bosh og'rig'i, bosh aylanishi, kuchsizlik, uyquchanlik, uyqusizlik, paresteziyalar, tremor, xavotirlik, qo'rquv, gallyusinasiyalar, ongni chalkashishi, depressiya, xarakat buzilishlari, tirishishlar.

Sezgi a'zolari tomonidan: ko'rish, eshitish, xid sezish, ta'm va taktil sezuvchanlikni buzilishi.

Tayanch-harakat apparati tomonidan: artralgiya, mialgiya, paylarni uzilishi, mushak kuchsizligi, rabdomioliz, tendinit.

Siydik chiqarish tizimi tomonidan: giperkreatininemiya, interstisial nefrit, o'tkir buyrak etishmovchiligi.

Qon yaratish a'zolari tomonidan: eozinofiliya, gemolitik anemiya, leykopeniya, neytropeniya, agranulositoz, trombositopeniya, pantsitopeniya, gemorragiyalar.

Allergik reaktsiyalar: qichishish, terining giperemiyasi, teri va shilliq qavatlarni shishi, eshakemi, xavfli ekssudativ eritema (Stivens-Djonson sindromi), toksik epidermal nekroliz (Layell sindromi), bronxospazm, bo'g'ilish, anafilaktik shok, allergik pnevmonit, vaskulit.

Mahalliy: og'riq, yuborish joyida qizarish, flebit.

Boshqalar: porfiriyani zo'rayishi, fotosensibilizasiya, turg'un isitma, superinfektsiyani rivojlanishi kuzatilishi mumkin.

Teri qoplamalarini shikastlanishidan (fotosensibilizasiya) saqlanish uchun, davolanish vaqtida quyosh va sun'iy UB-nurlanishdan saqlanish kerak.

Tendinitning belgilari paydo bo'lganida levofloksasin darxol bekor qilinadi.

Anamnezida bosh miyaning shikastlanishi (insult, og'ir jarohat) bo'lgan bemorlarda tirishishlar rivojlanishi mumkinligini ko'zda tutish kerak.

Glyukozo-6-fosfatdegidrogenaza etishmovchiligida gemoliz rivojlanishini xavfi oshadi.

Soxtamembranoz kolit gumon qilinganida, levofloksasinni darxol bekor qilish, bemorga esa muvofiq davolashni buyurish kerak.

Xinolonlar bilan, shu jumladan levofloksasini, davolanayotgan pasientlarda, kam xollarda tez avj oluvchi o'ta yuqori sezuvchanlik reaktsiyasi, xatto anafilaksiyagacha aniqlangan. Agar levofloksasin qabul qilinganidan keyin terini qichishishi yoki tez avj oluvchi o'ta yuqori sezuvchanlikning boshqa belgilari paydo bo'lsa, preparat qabul qilishni to'xtatish kerak.

Garchi levofloksasin boshqa xinolonlarga qaraganda eruvchanroq bo'lsada, pasientlarda organizmning adekvat gidratasiyasini o'tkazish kerak.

Davolanish vaqtida diqqatni yuqori jamlashni va psixomotor reaktsiyalar tezligini talab qiluvchi potentsial xavfli faoliyat turlari bilan shug'illanishdan saqlanish kerak.

Preparatga sezgir mikroorganizmlar chaqirgan infektsion-yallig'lanish kasalliklari:

• LOR-a'zolarining infektsiyalari (shu jumladan o'tkir yuqori jag'sinusiti);

• quyi nafas yo'llarining infektsiyalari (shu jumladan surunkali bronxitni zo'rayishi, kasalxonadan tashqari pnevmoniya);

• siydik chiqarish yo'llari va buyraklarning infektsiyalari (shu jumladan o'tkir pielonefrit);

• jinsiy a'zolarning infektsiyalari;

• teri va yumshoq to'qimalarning infektsiyalari (yiringlagan ateromalar, abssess, furunkulez);

• sepsis;

• intraabdominal infektsiyada qo'llanadi.

• 
  
  

Levofloksasinga, boshqa xinolonlarga yoki dori vositasining alohida komponentlariga shaxsiy o'ta yuqori sezuvchanlik; Markaziy nerv tizimini buzilishlari (tutqanoq, tserebral aterosklerozning og'ir shakli), xinolonlar bilan ilgari o'tkazilgan davolashda paylarni shikastlanishi;

homiladorlik va laktasiya davri; bolalar va 18 yoshgacha bo'lgan o'smirlarda qo'llash mumkin emas.

Preparatni buyraklar funktsiyasini yondosh pasayishi bo'lishini yuqori ehtimoli tufayli, keksa yoshdagi shaxslarda, glyukozo-6-fosfatdegidrogenaza tanqisligida ehtiyotkorlik bilan qo'llash kerak.

Levofloksasin tsiklosporinning yarim chiqarilish davrini oshiradi.

Levofloksasinning chiqarilishini tsimetidin, probenisid va naychalar sekresiyasini bloklovchi dori vositalarining ta'siri ostida sekinlashadi.

Nosteroid yallig'lanishga qarshi preparatlar va teofillin: levofloksasin bilan birga qo'llanganida tirishishga tayyorlikni oshiradi.

K vitamini antagonistlari bir vaqtda qo'llanganida, qon ivishini nazorat qilish kerak.

Glyukokortikosteroidlar: paylarni uzilish xavfini oshiradi.

Antidiabetik preparatlar: qondagi glyukoza darajasini qat'iy nazorat qilish kerak, chunki ular levofloksasin bilan bir vaqtda ishlatilganida giper - va gipoglikemiyaning extimoli bor.

Vena ichiga yuborish uchun eritma 0,9% li natriy xloridi eritmasi, 5% li dekstroza eritmasi, 2,5% li Ringer eritmasi dekstroza bilan, parenteral oziqlantirish uchun majmuaviy eritmalar (aminokislotalar, uglevodlar, elektrolitlar) bilan mutanosib.

Geparin, ishqoriy reaktsiyaga ega bo'lgan eritmalar bilan aralashtirish mumkin emas.

Vena ichiga tomchilab, sekin, 500 mg (100 ml infuzion eritma) kamida 60 minutda sutkada 1-2 marta yuboriladi.

Buyrak funktsiyasi normal bo'lgan bemorlarda turli ko'rsatmalarda preparatning quyidagi dozalari qo'llanadi:

Buyrak funktsiyasini buzilishi bo'lgan pasientlarda preparatni dozalash:

Davolash davomiyligi kasallikning turi va kechishini og'irligiga bog'liq, maksimal davomiyligi - 14 kun. O'tkir yallig'lanish simptomlari kamayganidan va harorat normallashganidan keyin levofloksasin bilan davolash yana, eng kamida 48-72 soat davom ettiriladi. Keyin ikkala yuborish yo'lining ekvivalentligini xisobga olib, preparatni ichga qabul qilishga o'tish mumkin.

Keksa yoshdagi pasientlar uchun, kreatinin klirensining past xollaridan tashqari, hollarda dozalash tartibini o'zgartirish talab qilanmaydi.

Simptomlari: ongni chalkashishi, bosh aylanishi, tirishishlar, me'da-ichak buzilishlari (masalan, ko'ngil aynishi) va shilliq qavatlarni eroziv shikastlanishi, QT intervalini uzayishi kuzatilishi mumkin.

Davolash: simptomatik, dializ samarasiz