URSOSAN FORTE 0,5 tabletkalari N50

UDXK och ichakda va yonbosh ichakning yuqori qismlarida passiv diffuziya (taxminan 90%) hisobiga, yonbosh ichakning terminal bo'limlarida esa - faol transport orqali so'riladi. Rezorbtsiya ko'rsatkichi odatda 60-80% ni tashkil qiladi.

50 mg UDXK ichga qabul qilinganda qon plazmasidagi maksimal kontsentratsiya (Сmах) 30, 60, 90 daqiqadan so'ng mos ravishda 3,8 mmol/l, 5,5 mmol/l va 3,7 mmol/l ni tashkil qiladi. Plazmada maksimal kontsentratsiyaga erishish vaqti (ТCmах) 1-3 soatdan keyin keladi. Plazma oqsillari bilan bog'lanishi yuqori - 96-99% gacha. Yo'ldosh to'sig'i orqali o'tadi.

Preparat muntazam qabul qilinganda UDXK qon zardobidagi asosiy o't kislotasiga aylanadi. Jigarda taurinli va glitsinli kon'yugatlarga metabolizmga uchraydi (jigar orqali "birlamchi o'tish"dagi klirens 60% gachani tashkil qiladi). Hosil bo'lgan kon'yugatlar safroga sekretsiya qilinadi. Preparat umumiy dozasining taxminan 50-70% i safro bilan chiqariladi. Ichakning ingichka bo'limida so'rilmagan UDXK ning oz miqdori yo'g'on ichakka tushadi, u yerda bakteriyalar tomonidan parchalanishga uchraydi (7-degidroksillanish); hosil bo'lgan litoxol kislotasi qisman yo'g'on ichakdan so'riladi, jigarda sulfatlanadi va sulfolitoxolilglitsin yoki sulfolitoxoliltaurin kon'yugati ko'rinishida safro bilan tez ekskretsiya qilinadi.

Nojo'ya samaralarning uchrash tezligi (holatlar soni/kuzatuvlar soni) quyidagi gradatsiya ko'rinishida taqdim etilgan: juda tez-tez (≥ 1/10); tez-tez (≥ 1/100 dan < 1/10 gacha); tez-tez emas (≥ 1/1000 dan < 1/100 gacha); kamdan-kam (≥ 1/10 000 dan < 1/1000 gacha); juda kamdan-kam (< 1/10 000).
Oshqozon-ichak trakti tomonidan

Klinik tadqiqotlarda ursodezoksixol kislotasi bilan davolash fonida tez-tez diareya yoki pastasimon axlat kuzatilgan.

Birlamchi biliar sirrozni davolashda juda kamdan-kam hollarda qorinning yuqori qismida kuchli og'riq qayd etilgan.

Jigar va o't chiqarish yo'llari tomonidan

Ursodezoksixol kislotasi bilan davolash fonida juda kam hollarda o't toshlarining kalsinatsiyasi kuzatilgan.

Birlamchi biliar sirrozni davolashda kechki bosqichlarda juda kam hollarda jigar sirrozi dekompensatsiyasi qayd etilgan, u davolash to'xtatilgandan keyin regressiyaga uchragan.

Teri va teri osti to'qimalari tomonidan

Juda kam hollarda eshakemi kuzatilishi mumkin.

Preparatni o‘t toshlarini eritish maqsadida qo‘llash quyidagi shartlarga rioya qilinganda mumkin: toshlar xolesterinli (rentgenonegativ) bo‘lishi, ularning o‘lchami - 15-20 mm dan ko‘p emas, o‘t pufagi va umumiy o‘t yo‘li o‘tkazuvchanligi saqlangan faoliyat ko‘rsatuvchi o‘t pufagi, o‘t toshlari bilan yarmidan ko‘p to‘lmagan.

Preparatni o‘t toshlarini eritish maqsadida uzoq muddat qo‘llashda davolashning dastlabki 3 oyida har 4 haftada, keyinchalik - har 3 oyda jigar mikrosomal fermentlari, ayniqsa transaminazalar faolligini aniqlash uchun biokimyoviy qon tahlilini o‘tkazish kerak. Davolash samaradorligi nazoratini har 6 oyda o‘t pufagi, o‘t yo‘llarining ultratovush tekshiruvi ma'lumotlari bo‘yicha o‘tkazadilar.

Toshlar to‘liq erigandan so‘ng aniqlash uchun o‘lchamlari juda kichik bo‘lgan toshlar qoldiqlarining erishiga yordam berish va tosh hosil bo‘lishi qaytalanishini oldini olish maqsadida preparatni qo‘llashni 3 oy davomida davom ettirish tavsiya etiladi.

Reproduktiv yoshdagi ayollar Ursosan preparatini ishonchli kontrasepsiya vositalarini bir vaqtda qo‘llagan holda qabul qilishlari kerak. Davolashni boshlashdan oldin homiladorlik mavjudligini istisno qilish kerak.

Dori preparatining transport vositalarini, mexanizmlarni boshqarish qobiliyatiga ta'siri:

Ursosan preparatini qo‘llash diqqatni yuqori jamlash va psixomotor reaksiyalar tezligini talab qiluvchi potensial xavfli faoliyat turlarini bajarishga (avtotransportni boshqarish qobiliyati, harakatlanuvchi mexanizmlar bilan ishlash va h.k.) ta'sir qilmaydi.

- Preparatning faol va yordamchi komponentlariga yuqori sezuvchanlik;

- rentgenmusbat (tarkibida kalsiy miqdori yuqori) o‘t toshlari;

- faoliyat ko‘rsatmaydigan o‘t pufagi;

- o‘t pufagi, o‘t yo‘llari va ichakning o‘tkir yallig‘lanish kasalliklari;

- dekompensatsiya bosqichidagi jigar sirrozi;

- buyrak, jigar, me'da osti bezi funksiyasining yaqqol buzilishlari.

Ursodezoksixol kislotasini qo‘llashda yosh cheklovlari yo‘q, ammo 3 yoshgacha bo‘lgan bolalarga ushbu dori shaklidagi preparatni qo‘llash tavsiya etilmaydi.

Homiladorlik va laktatsiya:

Homiladorlik davrida UDXK ni qo‘llash faqat ona uchun kutilayotgan foyda homila yoki yangi tug‘ilgan chaqaloqda nojo‘ya ta'sirlar rivojlanishi potensial xavfidan ustun bo‘lgan holdagina mumkin (homilador ayollarda ursodezoksixol kislotasini qo‘llash bo‘yicha adekvat va qat'iy nazoratli tadqiqotlar o‘tkazilmagan).

Ursodezoksixol kislotasining ko‘krak suti bilan ajralib chiqishi to‘g‘risida ma'lumotlar yo‘q. Laktatsiya davrida UDXK ni qo‘llash zarurati tug‘ilganda emizishni to‘xtatish kerak.

Preparatni alyuminiy, ion almashinuvchi smolalar (xolestiramin, kolestipol) saqlovchi antatsidlar bilan bir vaqtda qo'llash kerak emas, chunki ko'rsatilgan preparatlar ursodezoksixol kislotasining so'rilishini pasaytirishi mumkin. Zarurat bo'lganda ushbu preparatlarni UDXK qabul qilishdan 2 soat oldin yoki 2 soat keyin qabul qilish kerak.

Ba'zi dori preparatlari, masalan estrogenlar, progestogenlar (peroral kontratseptivlar), neomitsin, klofibrat xolelitiazni oshirishi mumkin, shu bilan ursodezoksixol kislotasining xolesterinli o't toshlarini eritish qobiliyatiga qarama-qarshi ta'sir ko'rsatadi.

Ursodezoksixol kislotasi ichakdan siklosporin so'rilishini oshirishi mumkin, bu qon plazmasida siklosporin kontsentratsiyasi monitoringini o'tkazishni, zarurat bo'lganda esa - uning dozalash tartibini to'g'irlashni talab qiladi.

Ayrim hollarda ursodezoksixol kislotasi siprofloksatsin so'rilishini pasaytirishi mumkin.