VAZONIT tabletkalari 600mg N20

Ichga qabul qilingandan so'ng pentoksifillin me'da-ichak traktidan deyarli to'liq so'riladi. Uzaytirilgan shakl uzluksiz ajralib chiqishni va uning bir tekis absorbtsiyasini ta'minlaydi. Pentoksifillin jigarda "birinchi o'tish"da metabolizmga uchraydi, buning natijasida ikkita farmakologik faol metabolit hosil bo'ladi: 1-5-gidroksigeksil-3,7-dimetilksantin (I metabolit) va 1-3-karboksipropil- 3,7-dimetilksantin (V metabolit). Plazmadagi I va V metabolitlar kontsentratsiyasi pentoksifillinnikiga qaraganda mos ravishda 5 va 8 baravar yuqori. Vazonit tabletkalari ichga qabul qilinganda qon plazmasidagi pentoksifillin va uning faol metabolitlarining maksimal kontsentratsiyasiga 3-4 soatdan keyin erishiladi va terapevtik darajada taxminan 12 soat davomida saqlanib turadi. Preparat asosan (94%) buyraklar orqali metabolitlar ko'rinishida chiqariladi. Ko'krak suti bilan ajralib chiqadi. Og'ir buyrak funktsiyasi buzilishida metabolitlarning chiqarilishi sekinlashgan. Jigar funktsiyasi buzilganda yarim chiqarilish davrining uzayishi va biologik kira olishlikning oshishi kuzatiladi.

Markaziy asab tizimi tomonidan: bosh og'rig'i, bosh aylanishi, xavotirlik, uyqu buzilishi, tirishishlar, aseptik meningit rivojlanishi holatlari uchraydi.

Teri va teri osti-yog' kletchatkasi tomonidan: yuz terisi giperemiyasi, yuz va ko'krak qafasining yuqori qismiga qon "oqib kelishi", shishlar, tirnoqlar mo'rtligining oshishi.

Ovqat hazm qilish tizimi tomonidan: og'iz qurishi, oshqozon sohasida bosim va to'lish hissi, ishtahaning pasayishi, ko'ngil aynishi, qusish, diareya, ichak atoniyasi, xoletsistitning kuchayishi, xolestatik gepatit.

Ko'rish a'zosi tomonidan: ko'rishning buzilishi, skotoma.

Yurak-qon tomir tizimi tomonidan: taxikardiya, aritmiya, kardialgiya, stenokardiyaning kuchayishi, qon bosimining pasayishi.

Qon yaratish a'zolari va gemostaz tizimi tomonidan: kam hollarda qon ketishlar (shilliq qavatlardan, teri tomirlaridan, oshqozon, ichakdan), shuningdek trombotsitopeniya, leykopeniya, pantsitopeniya, gipofibrinogenemiya, aplastik anemiya paydo bo'lishi mumkin. Shu munosabat bilan Vazonit® preparati bilan davolashda periferik qon manzarasini muntazam nazorat qilish kerak

Allergik reaksiyalar: teri qichishishi, teri giperemiyasi, eshakemi, angionevrotik shish, anafilaktik shok.

Laboratoriya ko'rsatkichlari: "jigar" transaminazalari: alaninaminotransferaza (ALT), aspartataminotransferaza (AST), shuningdek laktatdegidrogenaza (LDG) va ishqoriy fosfataza faolligining oshishi.

Buyrak funksiyasining yaqqol buzilishlari bo'lgan bemorlar Vazonit® qabul qilishda ayniqsa sinchkov shifokor nazoratiga muhtoj. Agar preparatni qo'llash davrida bemorlarda ko'z to'r pardasiga qon quyilishlar yuzaga kelsa, preparatni darhol bekor qilinadi.

Davolashni qon bosimi nazorati ostida o'tkazish kerak. Qon bosimi past va beqaror bo'lgan bemorlarda yuboriladigan doza kamaytirilishi kerak.

Gipoglikemik vositalarni qabul qilayotgan qandli diabeti bo'lgan bemorlarda yuqori dozalarda qo'llash gipoglikemiyani chaqirishi mumkin (dozaga tuzatish kiritish talab etiladi). Antikoagulyantlar bilan bir vaqtda qo'llanilganda qon ivish tizimi ko'rsatkichlarini, shu jumladan xalqaro normallashtirilgan nisbatni (XNN) kuzatib borish zarur.

Yaqinda jarrohlik aralashuvini boshdan kechirgan bemorlarda gemoglobin va gematokritni muntazam nazorat qilish zarur.

Keksa odamlarda dozani kamaytirish talab qilinishi mumkin (biokiraolishlikning oshishi va chiqarilish tezligining pasayishi).

Chekish preparatning terapevtik samaradorligini pasaytirishi mumkin.

Preparatning transport vositalarini va mexanizmlarni boshqarish qobiliyatiga ta'siri:

Bosh aylanishi paydo bo'lishi mumkinligi sababli, transport vositalarini boshqarishda va murakkab mexanizmlarga xizmat ko'rsatishda ehtiyot bo'lish tavsiya etiladi. Preparatni qabul qilish vaqtida spirtli ichimliklarni iste'mol qilish tavsiya etilmaydi.

- Pentoksifillinga, boshqa metilksantin hosilalariga yoki preparat tarkibiga kiruvchi boshqa komponentlarga yuqori sezuvchanlik;

- O'tkir miokard infarkti;

- Massiv qon ketishlar;

- Ko'z to'r pardasiga qon quyilishi;

- O'tkir gemorragik insult;

- Homiladorlik;

- Emizish davri;

- 18 yoshgacha bo'lganlar (samaradorlik va xavfsizlik aniqlanmagan).

Ehtiyotkorlik bilan:

Serebral va/yoki koronar tomirlar aterosklerozi, ayniqsa arterial gipotenziya va yurak ritmi buzilishlari hollarida; surunkali yurak yetishmovchiligi, jigar yetishmovchiligi, buyrak yetishmovchiligi (kreatinin klirensi minutiga 30 ml dan kam - to'planish xavfi va nojo'ya ta'sirlar rivojlanish xavfi ortishi), me'da va o'n ikki barmoqli ichak yara kasalligi, yaqinda o'tkazilgan jarrohlik aralashuvi (qon ketish xavfi), qon ketishga moyillikning oshishi, masalan, antikoagulyantlarni qo'llashda yoki qon ivish tizimining buzilishida (yanada og'ir qon ketishlar rivojlanish xavfi).

Homiladorlik va laktatsiya: Preparatni homiladorlikda va emizish davrida qo'llash mumkin emas.

Pentoksifillin qon ivish tizimiga ta'sir qiluvchi dori vositalari (bilvosita va bevosita antikoagulyantlar, trombolitiklar), antibiotiklar (shu jumladan sefalosporinlar - sefamandol, sefoperazon, sefotetan), valproat kislotasi ta'sirini kuchaytirishi mumkin. Gipotenziv vositalar, insulin va ichga qabul qilish uchun gipoglikemik vositalar samaradorligini oshiradi.

Simetidin qon plazmasida pentoksifillin konsentratsiyasini oshiradi (nojo'ya samaralar yuzaga kelish xavfi).

Boshqa ksantinlar bilan birga qo'llash haddan tashqari asabiy qo'zg'alishga olib kelishi mumkin.

Ba'zi bemorlarda pentoksifillin va teofillinni bir vaqtda qabul qilish teofillin konsentratsiyasi oshishiga olib kelishi mumkin (teofillin bilan bog'liq nojo'ya samaralar xavfi).