GRIPGO

QO‘LLASH BO‘YICHA YO‘RIQNOMA

GRIPGO®

GRIPGO®

Preparatning savdo nomi: Gripgo^®

Dori shakli: tabletkalar

Tarkibi:

Har bir tabletka saqlaydi:

faol moddalar: parasetamol 500 mg, kofein (suvsiz) 30 mg, fenilefrin gidroxloridi 10 mg, xlorfeniramin maleati 2 mg.

yordamchi moddalar: mikrokristal sellyuloza (Ph 102), natriy kroskarmelloza, magniy stearati

Ta‘rifi: oq ikkiyoqlama qavariqli kapsulasimon shakldagi tabletkalar.

Farmakoterapevtik guruhi: Shamollash kasalliklari va gripp simptomlarini bartaraf qilish uchun vosita.

ATX kodi: N02BE51

Farmakologik xususiyatlari

Ta‘sir mexanizmi:

Parasetamol: Parasetamol og‘riqni qoldiruvchi va isitmani tushiruvchi vosita sifatida yaxshi ma‘lum. Parasetamol asosan isitmani tushiruvchi vosita sifatida qo‘llaniladi. Parasetamolning isitmani tushiruvchi ta‘siri, termoregulyasiyaning gipotalamik markazlariga bevosita ta‘siri bilan bog‘liq, buning natijasida qon tomirlarni kengayishi va ter ajralib chiqishini kuchayishi tufayli, tanadan issiqlikni ajralishi kuchayadi.

Fenilefrin gidroxloridi: Fenilefrin gidroxloridi adrenergik reseptorlarga bevosita ta‘sir qiladigan adrenomimetik vosita hisoblanadi (asosan alfa-adrenergik faolligi), bu burun shishini kamayishiga olib keladi.

Kofein: Kofein markaziy nerv tizimini rag‘batlantirishga nisbatan ksantinni faolroq hosilasi hisoblanadi, bu tetiklik holatiga va aqliy faolligini oshishiga  olib keladi.

Xlorfeniramin maleati: Xlorfeniramin maleati kuchli ta‘sir qiluvchi antigistamin (N₁-antagonisti) preparati hisoblanadi. Antigistamin preparatlar to‘qima sohasida gistaminni N1-reseptorlarini raqobatli qaytuvchan blokadasi orqali organizmda gistaminni ta‘sirini kamaytiradi yoki neytrallaydi. Shuningdek xlorfeniramin antixolinergik faolikka ham ega.

Farmakokinetikasi

Parasetamol jigarning mikrosomal fermentlari orqali metabolizmlanadi. U me‘da-ichak yo‘llaridan tez va to‘liq so‘riladi. Plazmadagi cho‘qqi konsentrasiyasiga yarim soatdan bir soatgacha erishiladi, plazmadagi yarim parchalanish davri bir soatdan uch soatgacha vaqtni tashkil qiladi, so‘ngra butun organizm bo‘ylab teng taqsimlanadi.

Fenilefrin gidroxloridi me‘da-ichak yo‘lidan notekis so‘riladi.

Kofein me‘da-ichak yo‘llarida tez so‘riladi.

Xlorfeniramin peroral qabul qilingandan keyin me‘da-ichak yo‘lidan yaxshi so‘riladi. Samarasi 30 minut davomida, maksimum 1-2 soat davomida namoyon bo‘ladi va 4 dan 6 soatgacha davom etadi. Plazmadan yarim chiqarilish davri, baholashga ko‘ra, 12 dan 15 soatgacha tashkil qiladi.

Xlorfeniramin maleati metabolizmi natijasida monometil va dimetil unumlari hosil bo‘ladi.

Peroral dozaning taxminan 22% siydik bilan o‘zgarmagan holda chiqariladi. Faqat ozgina miqdorigina ahlatda aniqlangan.

Qo‘llanilishi

Gripgo^® oddiy shamollashni davolashda yordamchi vosita sifatida qo‘llanadi. Shamollash, gripp, sinusitning turli belgilarini samarali yengillashtirish uchun qo‘llanadi, burun shilliq qavatini shishi, rinit, isitmalash, bosh og‘rig‘i, aksa urishda qo‘llaniladi.

Qo‘llash usuli va dozalari

Kattalarga: Bir tabletkadan sutkada 3-4 marta, lekin sutka davomida 4 tabletkadan oshmasligi kerak yoki shifokor ko‘rsatmasi bo‘yicha.

Bolalarga: 12 yoshgacha bo‘lgan bolalarni davolashda dozani shifokor belgilaydi.

Qo‘llash usuli: Peroral

Nojo‘ya ta‘sirlari

Ko‘pchilik hollarda preparat yaxshi o‘zlashtiriladi. Parasetamolning nojo‘ya ta‘sirlari odatda kuchsiz namoyon bo‘ladi. Gematologik tizim tomonidan reaksiyalar haqida xabarlar bor. Ba‘zida toshmalar va boshqa allergik teri reaksiyalari (toshma, eritema, eshakemi) paydo bo‘ladi.

Odatda kofein bilan bog‘liq bo‘lgan nojo‘ya ta‘sirlari me‘da-ichak yo‘llarini ta‘sirchanlik va markaziy nerv tizimini rag‘batlantirishidir (bosh aylanishi, uyquning buzilishi, yuqori ta‘sirchanlik). Fenilefrinning nojo‘ya ta‘sirlari – arterial gipertenziya, taxikardiya. Xlorfeniraminning nojo‘ya ta‘sirlari – xlorfeniramin maleati qabul qilganidan keyingi ko‘ngil aynishi, qusish yoki qorin og‘rig‘i kuzatilishi mumkin.

Qo‘llash mumkin bo‘lmagan holatlar

• Preparatning komponentlarga yuqori sezuvchanlik;
• Feoxromasitoma;
• Parasetamol yoki preparatning boshqa komponentlariga o‘ta yuqori sezuvchanlik;
• Bolalar (12 yoshgacha);
• Homiladorlik, laktasiya davri;
• Jigar yoki buyrak yetishmovchiligida;
• Gipertoniya;
• Gipertireoz;
• Diabet va yurak kasalligi;
• Trisiklik antidepressantlar yoki beta-blokatorlarni qabul qilayotgan, shuningdek monoaminoksidaza ingibitorlarni qabul qilayotgan yoki so‘nggi ikki haftada qabul qilgan pasientlarda qo‘llash mumkin emas.

Dorilarning o‘zaro ta‘siri

Gripgo^® monoaminooksidaza (MAO) ingibitorlari, sedativ preparatlar, etanolning samarasini kuchaytiradi.

Antidepressantlar, parkinsonizmga qarshi vositalar, antipsixotik vositalar, fenotiazin hosilalari siydik tutilishi, og‘izni qurishi, qabziyat rivojlanishi xavfini oshiradi. Glyukokortikosteroidlar glaukoma rivojlanishi xavfini oshiradi. Parasetamol diuretik preparatlarning samarasini pasaytiradi. Xlorfeniramin monoaminoksidaza ingibitorlari, furazolidon bilan birga gipertonik xuruj, qo‘zg‘aluvchanlik, giperpireksiyaga olib kelishi mumkin. Trisiklik antidepressantlar simptomatik ta‘sirni kuchaytiradi, galotan bilan bir vaqtda qo‘llash yurak qorinchalari aritmiyasining rivojlanishi xavfini oshiradi. Guanitidinning gipotenziv ta‘sirini pasaytiradi, u esa o‘z navbatida alfa-adrenostimulyasiyalovchi faolligini kuchaytiradi.

Maxsus ko‘rsatmalar

Preparatni parasetamol saqlovchi boshqa preparatlar bilan birga qabul qilish mumkin emas. Preparat bilan davolash davrida jigar, buyrak faoliyatini va periferik qon manzarasini nazorat qilish kerak. Preparatni qo‘llash vaqtida preparatning gepatotoksik ta‘sirini kuchayishi mumkinligi tufayli, alkogolni iste‘mol qilish mumkin emas.

Gripgo^® tabletkalarini quyidagi kasalliklarda faqat shifokor nazorati ostida qo‘llash lozim:

• Prostata bezini kattalashishi
• Vazopastik buzilishlar (masalan, Reyno Fenomeni)
• Yurak qon-tomir kasalliklari
• Ushbu preparat varfarin va boshqa simptomatik vositalarni (dimlanishga qarshi, ishtahani pasaytiruvchi vositalar va amfetamin kabi psixostimulyatorlar) qabul qilayotgan pasientlar qo‘llashi mumkin emas.
• Agar yuqorida ko‘rsatilgan sharoitlarda preparat qabul qilinsa, kofeinni (kofe, choy va boshqa) xaddan ziyod qabul qilishdan saqlanish lozim, shuningdek parasetamol saqlovchi preparatlarni bekor qilish kerak. Ko‘rsatilgan dozadan oshirilmasin.

Preparatni nojo‘ya ta‘sirlari  belgilari yoki dozani oshirib yuborish hollari paydo bo‘lganda shifokor bilan maslahatlashing.

Homiladorlik va laktasiya

Fenilfrin gidroxloridi, xlorfeniramin maleati va kofenin saqlaganligi tufayli, ushbu preparatni homiladorlik vaqtida qo‘llash tavsiya etilmaydi (bolani kam vazn bilan tug‘ilishi, homilani o‘z-o‘zidan tushishi, yangi tug‘ilgan chaqaloqlarda tirishish xavfi oshadi).

Preparatni shifokor ruhsat bergan zarur holatlardan tashqari, emizish vaqtida qo‘llanilmasin.

(kofein gemato-yo‘ldosh to‘sig‘idan o‘tib va ko‘krak sutiga chiqarilib, bir yoshgacha bo‘lgan bolalarda so‘rilmaydi, organizmda to‘planib jizzakilik va bezovtalikni chaqirib nerv tizimi faoliyatini buzadi).

Avtotransport va boshqa mexanizmlarni boshqarish qobiliyatiga ta‘siri.

Bosh aylanish holatlari bo‘lishi haqida pasientlarni ogohlantirish lozim, natijada – avtotransportni va boshqa mexanizmlarni  boshqarishga ruhsat etilmaydi.

Xlorfeniramin maleati uyquchanlik, bosh aylanishi, ko‘rishni xiralashuvi va psixomotor yomonlashuvni chaqirishi mumkin, bu avtotransportni va boshqa mexanizmlarni boshqarishda pasientlar uchun jiddiy to‘siqlarga olib keladi.

Dozani oshirib yuborilishi

Simptomlari: allergik reaksiyalar, bosh og‘rig‘i, psixomotor qo‘zg‘alishlar, bosh

aylanishi, ko‘ngil aynishi, qusish.

Davolash: me‘dani yuvish, simptomatik davolash.

Chiqarilish shakli: 4 tabletka blister qog‘oz konvertlarga joylanadi. 50 qog‘oz konvertlar qo‘llash bo‘yicha yo‘riqnomasi bilan karton qutiga joylanadi.

10 tabletka blisterda, 1 blister qo‘llash bo‘yicha yo‘riqnomasi bilan karton qutiga joylanadi.

10 tabletka blisterda, 10 blister qo‘llash bo‘yicha yo‘riqnomasi bilan karton qutiga joylanadi.

Saqlash sharoiti

25⁰S dan yuqori bo‘lmagan haroratda, quruq, salqin, yorug‘likdan himoyalangan joyda saqlansin.

Yaroqlilik muddati

3 yil.

Dorixonalardan berish tartibi

Reseptsiz.