Ibuklin

Preparatning savdo nomi: Ibuklin®
Ta’sir etuvchi moddalar (XPN): ibuprofen, paratsetamol
Dori shakli: ichga qabul qilish uchun qobiq bilan qoplangan tabletkalar.

Chiqarilish shakli: Qobiq bilan qoplangan 20 tabletka tibbiyotda qo‘llanilishiga doir yo‘riqnomasi bilan birga o‘ramda.
ATX kodi: M01AE51

Dorixonalardan berish tartibi: Retsept bo‘yicha.

• Bo‘g‘imlar va umurtqa pog‘onasining degenerativ yallig‘lanish kasalliklari (shu jumladan, revmatoid va revmatik artrit, osteoartroz, ankilozlanuvchi spondiloartroz), podagra zo‘rayganidagi bo‘g‘im sindromi, psoriatik artrit, tendinitlar, bursit.
• Radikulit, nevralgiyalar, mialgiyalar.
• Bosh va tish og‘rig‘i, jarohatlar, kuyishlar, LOR-a’zolari, kichik chanoq a’zolarining yallig‘lanish kasalliklaridagi (adneksit, algodismenoreya) og‘riq sindromi.
• Infeksion-yallig‘lanish kasalliklaridagi isitmada qo‘llanadi.
Preparatni qo‘llash vaqtida og‘riq va yallig‘lanishni kamaytirish simptomatik davolash uchun mo‘ljallangan, kasallikning rivojlanishiga ta’sir qilmaydi.

• preparatning komponentlariga shaxsiy yuqori sezuvchanlik
• zo‘rayish bosqichidagi me’da va o‘n ikki barmoq ichak yara kasalligi
• me’da-ichakdan qon ketishi
• jigar yoki buyrak kasalliklari
• aspirin bilan bog‘liq bronxial astma
• ko‘ruv nervini shikastlanishi
• glyukoza-6-fosfatdegidrogenazaning genetik bo‘lmasligi
• qon tizimining kasalliklari
• homiladorlik davri (III uchoyligi)
• 12 yoshgacha (“Ibuklin Yunior” bolalar uchun mo‘ljallangan shakli) bo‘lgan bolalarda qo‘llash mumkin emas.

Har bir tabletka quyidagilarni saqlaydi:
faol moddalar: 400 mg ibuprofen, 325 mg paratsetamol;
yordamchi moddalar: makkajo‘xori kraxmali, mikrokristall sellyuloza, talk, natriy kraxmal glikolati, kolloid kremniy dioksidi, magniy stearati, gipromelloza, makrogol, sariq apelsin laki FCF, titan dioksidi, sorbin kislotasi, polisorbat 80, dimetikon.

Ibuprofen – nosteroid yallig‘lanishga qarshi preparat, fenilpropion kislotasining hosilasi, yallig‘lanish, og‘riq va isitmaning patogenezida asosiy rol o‘ynaydigan, prostaglandinlarning o‘tmishdoshi bo‘lgan araxidon kislotasining metabolizmiga javob beruvchi asosiy ferment – TsOG ning faolligini susaytirishi hisobiga, yallig‘lanishga qarshi, isitma tushiruvchi va og‘riq qoldiruvchi ta’sir ko‘rsatadi. Analgetik (og‘riq qoldiruvchi) ta’siri ham periferik (prostaglandinlar sintezini pasayishi orqali), ham markaziy (markaziy va periferik nerv tizimida prostaglandinlar sintezini ingibirlanishi) mexanizmlar orqali amalga oshiriladi. Trombotsitlar agregatsiyasini bostiradi.
Paratsetamol – nonarkotik og‘riqni qoldiruvchi vosita, TsOG ning faolligini susaytirishi va prostaglandinlar ishlab chiqarilishini pasaytirishi hisobiga og‘riq qoldiruvchi, isitma tushiruvchi va kuchsiz yallig‘lanishga qarshi ta’sir ko‘rsatadi; asosan gipotalamusdagi termoregulyatsiya markaziga ta’sir ko‘rsatadi.

Ibuprofen ichga qabul qilinganidan so‘ng MIY tez va deyarli to‘liq so‘riladi. Qobiq bilan qoplangan tabletkalar ichga qabul qilinganidan so‘ng qonda maksimal kontsentratsiyasi 1–2 soatdan keyin aniqlanadi. Sinovial suyuqlikda maksimal kontsentratsiyaga qabul qilinganidan so‘ng 3 soatdan keyin erishiladi. Ibuprofen jigarda metabolizmga uchraydi (90%). Buyraklar orqali (qabul qilingan dozaning 80%) ham o‘zgarmagan holda (10%), ham metabolitlari holida (70%) chiqariladi. Ichak orqali metabolitlari holida (20%) chiqariladi. Yarim chiqarilish davri taxminan 2–3 soat.
Paratsetamol MIY dan, asosan ingichka ichakdan tez so‘riladi, bir marta qabul qilinganidan so‘ng qonda maksimal kontsentratsiyaga 10–60 minutdan keyin erishiladi, so‘ngra asta-sekin pasayadi. Paratsetamol yog‘ to‘qimasi va orqa miya suyuqligidan tashqari to‘qima suyuqliklarga keng taqsimlanadi. Oqsillar bilan bog‘lanishi 10% dan kamroqni tashkil qiladi. Asosan jigarda glyukuronid, sulfat bilan bog‘lanish va jigar oksidazalari va tsitoxrom R450 ishtirokida oksidlanish yo‘li bilan metabolizmga uchraydi. Kattalarda paratsetamolning katta qismi glyukuron kislotasi bilan, bolalarda – sulfat kislotasi bilan bog‘lanadi. Bu kon’yugatsiyalangan metabolitlari metabolik faollikka ega emas, plazma oqsillari bilan bog‘lanmaydilar. Shuningdek preparatning dozasi oshirib yuborilganida toksik ta’sir qiluvchi gidroksilangan metaboliti – N-atsetil-r-benzoxinolinini to‘planishi yuz berishi mumkin, u jigar va buyraklarda aralash oksidazalarning ta’sirida hosil bo‘ladi va odatdagi sharoitlarda glutation bilan bog‘lanib detoksikatsiyalanadi.
Yarim chiqarilish davri 1–3 soatni tashkil qiladi va jigar tsirrozida oshishi mumkin. Paratsetamolning buyrak klirensi 5% ni tashkil qiladi. O‘zgarmagan holda (taxminan 5%) va glyukuronid va sulfat kon’yugatlari holida chiqariladi.

Ovqat-hazm qilish a’zolari: ko‘ngil aynishi, anoreksiya, qusish, MIY ni eroziv-yarali shikastlanishlari rivojlanishi mumkin, uzoq muddat qo‘llanganida jigar faoliyatini buzilishi, gepatit bo‘lishi mumkin.
MNT: bosh og‘rig‘i, bosh aylanishi, uyquni buzilishi, qo‘zg‘aluvchanlik, ko‘rishni buzilishi (rang ajratishni buzilishi, skotoma, ambliopiya).
Qon yaratish tizimi: uzoq muddat qo‘llanganida: anemiya, trombotsitopeniya, leykopeniya, neytropeniya, agranulotsitoz.
Siydik chiqarish tizimi: uzoq muddat qo‘llanganida buyraklar funksiyasini buzilishi, interstitsial nefrit, o‘tkir buyrak yetishmovchiligi bo‘lishi mumkin.
Allergik reaksiyalar: teri toshmasi, Kvinke shishi, kam hollarda – aseptik meningit, bronxospastik sindrom kuzatilishi mumkin.

12 yoshdan katta bolalarga buyuriladi

Homiladorlikning I va II-chi uchoyligida preparatni ona va homila uchun kutiladigan foydasi, ona va homila uchun bo‘lgan potensial xavfdan yuqori bo‘lgan hollarda, shifokor tavsiyasi bilan qo‘llanilishi mumkin. Homiladorlikning III-chi uchoyligida preparatni qo‘llash mumkin emas.
Laktatsiya (emizish) davrida preparatni qabul qilish zarurati tug‘ilganda emizishni to‘xtatish kerak.
Eksperimental tadqiqotlarda Ibuklin preparatining embriotoksik, teratogen va mutogen ta’sir etuvchi komponentlari aniqlanmagan.
Preparat ayollarning fertil­ligiga ta’sir ko‘rsatishi mumkin, shu sababli homilador bo‘lishni rejalashtirayotgan patsientkalarga uni qabul qilish tavsiya qilinmaydi. Homilador bo‘lishda muammolari bo‘lgan ayollarda preparatni bekor qilish kerak.

Ehtiyotkorlik bilan, shifokor bilan maslahatlashgan holda.

Ehtiyotkorlik bilan, shifokor bilan maslahatlashgan holda.

Doza oshirib yuborilganida, hatto agar patsient o‘zini yaxshi his qilsa ham, doza oshirib yuborilishining simptomlarini kechikib rivojlanish xavfi borligi sababli, darhol tibbiy yordamga murojaat qilish kerak. Preparatning dozasini oshirib yuborilishining xavfi jigarning alkogolli shikastlanishi bo‘lgan patsientlarda yuqori.
Simptomlari: ko‘ngil aynishi, qusish, diareya, epigastral sohada og‘riq, anoreksiya, protrombin vaqtini oshishi, 12–48 soatdan keyin qon ketishi, tormozlanish, uyquchanlik, depressiya, bosh og‘rig‘i, quloqlarni shang‘illashi, ongni buzilishi, yurak ritmini buzilishi, gipotoniya, tirishishlar, og‘ir hollarda gepatonekroz, jigar yetishmovchiligi rivojlanadi.
Davolash: zaharlangandan so‘ng birinchi 4 soat davomida me’dani yuvish, ishqoriy ichimliklar ichish, jadallashtirilgan diurez, adsorbentlar (faollashtirilgan ko‘mir) qabul qilish, glutation hosil bo‘lishini oshiruvchi vositalarni (birinchi 8–9 soatda metionin, birinchi 12 soatda N-atsetiltsistein vena ichiga yuborish yoki ichga qabul qilish) yuborish, gemodializ, simptomatik davolash. Keyingi davolash choralarini o‘tkazishning zarurati qondagi paratsetamolning kontsentratsiyasi, shuningdek doza oshirib yuborilganidan keyin o‘tgan vaqtga qarab aniqlanadi.

Zarg‘aldoq yoki och-zarg‘aldoq rangli, dog‘li yoki marmarsimon bo‘yalgan bo‘lishi mumkin, bir tomoni silliq, ikkinchi tomonida bo‘luvchi chizig‘i bo‘lgan chetlari qiya, plyonka qobiq bilan qoplangan kapsulasimon tabletkalar.

Keksa yoshli patsientlar: bu guruhdagi patsientlarda ayniqsa MIY tomonidan kuzatiladigan nojo‘ya reaksiyalarni (qon ketishi, perforatsiya) rivojlanish xavfi yuqori, shu sababli preparatni qo‘llashda ehtiyotkorlikka rioya qilish kerak.
Nafas a’zolarining kasalliklari: NYaQV lar bronxial astma yoki allergik kasalliklari bo‘lgan patsientlarda bronxospazmni chaqirishi mumkin.
Yurak-tomir tizimi: NYaQV lar organizmda tutib qolishi va shishlarni chiqarishi mumkin, shu uchun arterial gipertenziya va/yoki yurak yetishmovchiligi bo‘lgan patsientlarning holati yomonlashishi mumkin. Ba’zi klinik tadqiqotlarning ma’lumotlari ibuprofenni, ayniqsa katta dozalarda (kuniga 2400 mg) uzoq muddat qo‘llash arterial trombozni (masalan, miokard infarkti yoki insult) rivojlanishi xavfini biroz oshishiга olib kelishi mumkinligi haqida taxmin qilish imkonini beradi. Ibuprofenni kichik dozalarda (kuniga 1200 mg dan kam) qo‘llash, ehtimol, bunday samara ko‘rsatmaydi. Nazorat qilib bo‘lmaydigan gipertenziya, yurak yetishmovchiligi, yurak ishemik kasalligi, periferik arteriyalarning kasalliklari yoki tserebrovaskulyar kasalliklari bo‘lgan patsientlarda ibuprofenni faqat potensial xavfi sinchiklab baholangandan keyin qo‘llash mumkin. Yurak-tomir kasalliklarini rivojlanishining xavf omillari (giperlipidemiya, qandli diabet, chekish va boshq.) bo‘lgan patsientlarda ehtiyotkorlik bilan qo‘llash kerak.
Me’da-ichak yo‘llari: NYaQV MIY laridan, shu jumladan anamnezida ilgari MIY kasalliklariga ko‘rsatmalar bo‘lmagan patsientlarda qon ketishi, yaralar va perforatsiyani chiqarishi mumkin. Anamnezida og‘ir kasalliklari bo‘lgan patsientlarda, NYaQV larni katta dozalari qo‘llashda, keksa yoshli patsientlarda ushbu asoratlarni rivojlanish xavfi yuqori, shu uchun bu guruhda davolashni minimal tavsiya qilingan dozalar bilan boshlash tavsiya qilinadi. Shuningdek bu guruh patsientlarida hamda MIY tomonidan nojo‘ya samaralar xavfini oshirish xususiyatiga ega bo‘lgan boshqa preparatlar (kortikosteroidlar, antikoagulyantlar, serotoninni qayta qamrab olinishini ingibitorlari va boshq.) yoki salitsil kislotasining kichik dozalari bilan yondosh qo‘llashga muhtoj bo‘lgan shaxslarda mizoprostol yoki proton pompasining ingibitorlari kabi preparatlarni qo‘llash mumkinligini ko‘rib chiqish kerak. Anamnezida me’da-ichakdan qon ketish epizodlari bo‘lgan patsientlar ularda MIY tomonidan ayniqsa davolashning boshlang‘ich bosqichida odatdagi bo‘lmagan har qanday simptomlar paydo bo‘lganligi haqida davolovchi shifokorga ma’lumot berish kerakligi haqida ogohlantirilishi kerak. Gastro-intestinal yara simptomlari yoki qon ketishi rivojlanganda preparat qabul qilishni darhol to‘xtatish kerak. Anamnezida MIY larini kasalliklari (yarali kolit, Kron kasalligi) bo‘lgan patsientlarda umumiy holatni yomonlashish xavfi borligi tufayli NYaQV larni ehtiyotkorlik bilan qo‘llash kerak.
Tizimli kasalliklar: tizimli qizil yugurik va biriktiruvchi to‘qimaning boshqa kasalliklari bo‘lgan patsientlarda NYaQV lar aseptik meningitni rivojlanish xavfini oshirishi mumkin.
Dermatologik buzilishlar: juda kam hollarda NYaQV lar qo‘llanganida teri qoplamalari tomonidan og‘ir reaksiyalar, shu jumladan o‘lim bilan tugaydigan og‘ir reaksiyalar (eksfoliativ dermatit, Stivens–Djonson sindromi, toksik epidermal nekroliz) kuzatilgan. Ushbu reaksiyalarni rivojlanish xavfi NYaQV larni qabul qilishning birinchi oyi davomida yuqori. Shuning uchun teri va shilliq qavatlarda har qanday toshmalar, shuningdek o‘ta yuqori sezuvchanlikning har qanday boshqa belgilarida preparat qabul qilishni to‘xtatish kerak.
Shuningdek preparatni jigar yoki buyraklar funksiyasi buzilgan bemorlarga, bevosita jarrohlik aralashuvlari o‘tkazilganidan so‘ng, anamnezida NYaQV larni qabul qilish bilan bog‘liq bo‘lgan allergik reaksiyalarga ko‘rsatmalar bo‘lganda, burun bo‘shlig‘i shilliq qavatining poliplari bo‘lganida preparatni ehtiyotkorlik bilan qo‘llash kerak. Preparat uzoq muddat (5 kundan ko‘p) qo‘llanganida periferik qonni va jigar va buyraklarning funksional holatini nazorat qilish kerak. Buyraklar (belda og‘riq, sutkalik siydik hajmini kamayishi, shishlar) yoki jigar (o‘ng qovurga ostida og‘riq, sariqlik, siydikning rangini o‘zgarishi) funksional holatini buzilishining belgilari paydo bo‘lganida preparat qabul qilishni darhol to‘xtatish va davolovchi shifokorga murojaat qilish kerak.
Preparatning gepatotoksik ta’siridan saqlanish uchun davolash vaqtida alkogol iste’mol qilishdan saqlanish tavsiya qilinadi.

Transport vositalari va boshqa mexanizmlarni boshqarish qobiliyatiga ta’siri: preparatni qabul qilish vaqtida patsientga diqqatni jamlash va psixomotor reaksiyalar tezligini talab qiluvchi potensial xavfli faoliyat turlarini bajarishdan saqlanish tavsiya qilinadi.

Ibuklinni boshqa nosteroid yallig‘lanishga qarshi vositalar, barbituratlar, tirishishga qarshi preparatlar, rifampitsin, qand miqdorini kamaytiruvchi preparatlar, gormonal kontratseptivlar bilan birga qo‘llashdan saqlanish kerak. Preparatning tarkibiga kiruvchi ibuprofen gipotenziv vositalarning ta’sirini susaytirishi, xloramfenikol (levomitsetin) ning tsitotoksikligini kuchaytirishi, bevosita (geparin) va bilvosita (kumarin va indandion hosilalari) antikoagulyantlar, trombolitiklar (alteplaza, antistreplaza, streptokinaza, urikinaza), antiagregantlar, kolxitsinning ta’sirini kuchaytirishi va gemorragik asoratlar rivojlanishi xavfini oshirishi mumkin.
Preparat insulin va qand miqdorini kamaytiruvchi peroral preparatlarning gipoglikemik ta’sirini kuchaytiradi. Kaliy tejovchi diuretiklar bilan birga qo‘llash giperkalemiya chiqarishi mumkin. Birga qo‘llanganida qonda digoksin, fenitoin, metotreksat va litiyning kontsentratsiyasini oshirishi mumkin. Metotreksat bilan birga qo‘llanganida qonda paratsetamolning kontsentratsiyasi oshishi mumkin.
Alkogol bilan birga qabul qilganda har ikki komponentning gepatotoksik ta’siri kuchayishi mumkin. Paratsetamol siklosporin va oltin preparatlari bilan birga qo‘llash nefrotoksik samarasini oshiradi. Kortikosteroidlar, kortikotropin, etanol bilan birga qo‘llash MIY eroziv yarali shikastlanishi xavfini oshiradi. Sefamandol, sefoperazon, valproat kislotasi, plikamit­sin gipoprotrombinemiyani rivojlanish xavfini oshiradi. Antatsidlar va xolestiramin preparatning faol ingrediyentlarini so‘rilishini pasaytiradi. Miyelotoksik preparatlar nojo‘ya gemotoksik samaralarni rivojlanishi xavfini oshirishi mumkin.

Quruq, yorug‘likdan himoyalangan joyda, 25°C gacha bo‘lgan haroratda saqlansin.
Bolalar ololmaydigan joyda saqlansin.

Yaroqlilik muddati: 5 yil.
Yaroqlilik muddati o‘tgach qo‘llanilmasin.

Ibuklin kattalarga odatda 1/2–1 tabletkadan kuniga 2–3 marta ovqatdan keyin buyuriladi. Maksimal sutkalik doza – 3 tabletka. Shifokor nazoratisiz preparatni og‘riqni qoldiruvchi vosita sifatida 5 kundan ortiq va isitmani tushiruvchi vosita sifatida 3 kundan ortiq qabul qilish mumkin emas. Nojo‘ya samaralarining rivojlanishi xavfini kamaytirish uchun preparatni ovqatdan keyin, minimal samarali dozada va mumkin bo‘lgan minimal kursda qabul qilish tavsiya qilinadi.
12 yoshdan oshgan bolalarga (tana vazni 40 kg dan yuqori) – sutkada 1 tabletkadan 2 marotaba beriladi.
Davolash muddati isitmani tushiruvchi dori vositasi sifatida – 3 kungacha, og‘riq qoldiruvchi dori vositasi sifatida – 5 kungacha. Shifokor bilan maslahatlashgandan so‘nggina davolashni davom ettirish mumkin.