Mig

ILOVA-VARAQA: PASIENT UCHUN MA‘LUMOT

MIG 400

400 mg li qobiq bilan qoplangan tabletkalar

Ta‘sir etuvchi modda: ibuprofen

6 yoshdan oshgan (vazni 20 kg dan ko‘proq) bolalar va kattalarda qo‘llash uchun

Ilova-varaqadagi ma‘lumotlar:

1. MIG 400 o‘zi nima va u nima uchun qo‘llanadi
2. MIG 400 ni qabul qilishdan oldin
3. MIG 400 ni qanday qabul qilish kerak
4. Mumkin bo‘lgan nojo‘ya ta‘sirlari
5. MIG 400 ni qanday saqlash kerak
6. Qo‘shimcha ma‘lumotlar

1. MIG 400 O‘ZI NIMA VA U NIMA UCHUN QO‘LLANADI

MIG 400 isitmani tushiruvchi ta‘sirga ega bo‘lgan yallig‘lanishga qarshi va og‘riq qoldiruvchi vositasidir (nosteroid yallig‘lanishga qarshi preparat, NYAQP).

MIG 400

– yengildan to o‘rtacha og‘irlik darajasidagi og‘riqlar

– isitmani simptomatik davolash uchun qo‘llanadi.

2. MIG 400 NI QABUL QILISHDAN OLDIN

MIG 400 preparatini quyidagilarda qabul qilmang:

• ibuprofenga yoki preparatning har qanday ingredientiga ma‘lum bo‘lgan o‘ta yuqori sezuvchanlikda;
• agar Sizda, ilgari asetilsalisil kislotasini yoki boshqa nosteroid yallig‘lanishga qarshi preparatlarni qabul qilgandan keyin quyidagi allergik reaksiyalar kuzatilgan bo‘lsa:
• astma xurujlari
• burun shilliq qavatini shishi
• teri reaksiyalari (qizarish, toshma va boshqalar)
• kelib chiqishi aniqlanmagan qon yaratilishini buzilishlarida;
• hozirgi vaqtda yoki o‘tmishda me‘da yoki o‘n ikki barmoq ichakning qaytalanuvchi yaralari (peptik yaralar) yoki qon ketishlari (tasdiqlangan yara hosil bo‘lishi yoki qon ketishining ikki yoki undan ortiq epizodi bo‘lganida);
• o‘tmishda nosteroid yallig‘lanishga qarshi preparatlarni (NYAQP) qabul qilish bilan bog‘liq bo‘lgan me‘da-ichak qon ketishlari yoki teshilishi (perforasiya) bo‘lganida;
• bosh miyaga qon quyilishlarida (serebral qon ketishlar) yoki hozirgi vaqtda bo‘lgan boshqa faol qon ketishlarda;
• jigar yoki buyraklarning faoliyatini og‘ir buzilishlarida;
• og‘ir yurak yetishmovchiligida;
• homiladorlikning oxirgi uch oyligida.

Bolalar

MIG 400 ni 6 yoshgacha yoki vazni 20 kg dan kam bo‘lgan bolalarga berish mumkin emas, chunki mavjud bo‘lgan doza, odatda ularga to‘g‘ri kelmaydi.

MIG 400 ni qabul qilishdagi alohida ehtiyotkorlik choralari.

Pasientning holatini yaxshilash uchun lozim bo‘lgan eng kam samarali dozani eng kam vaqt qo‘llash davomida ishlatib, nojo‘ya ta‘sirlarni paydo bo‘lishini minimumga yetkazish mumkin.

Anamnezda sanab o‘tilgan har qanday ko‘rinishlar bo‘lganida MIG 400 preparatini qabul qilish oldidan shifokor bilan maslahatlashing.

Me‘da-ichak yo‘llariga nisbatan ehtiyotkorlik choralari

MIG 400 ni boshqa nosteroid yallig‘lanishga qarshi preparatlar, shu jumladan SOG-2 ingibitorlari (siklooksigenaza-2 ingibitorlari) deb nomlanadigan vositalar bir vaqtda qabul qilish tavsiya qilinmaydi.

Keksa yoshli pasientlar:

Keksa yoshdagi pasientlarda nosteroid yallig‘lanishga qarshi preparatlarni qabul qilgandan keyingi nojo‘ya reaksiyalar, ayniqsa hayot uchun xavf tug‘diruvchi me‘da-ichakdan qon ketishlari yoki teshilishlar kabi nojo‘ya reaksiyalarni ro‘y berish chastotasi oshadi. Shuning uchun keksa pasientlarda shifokorning alohida sinchikov kuzatuvi talab qilinadi.

NYAQP ni qabul qilish bilan bog‘liq bo‘lgan, davolashning butun davri davomida ham oldindan simptomlarni paydo bo‘lishi bilan, ham usiz kechuvchi, shuningdek anamnezda me‘da-ichak yo‘llari tomonidan og‘ir buzilishlarni bo‘lishidan qat‘iy nazar, pasientning hayotiga xavf tug‘dirish xususiyatiga ega bo‘lgan me‘da-ichak yo‘llaridan qon ketishlari, yaralar yoki yaralarni teshilishi to‘g‘risida xabar berilgan.

Me‘da-ichak yo‘llaridan qon ketishlarni, yara va perforasiyani paydo bo‘lishining xavfi NYAQP dozasini oshishi bilan, ayniqsa anamnezida gemorragiyalar yoki perforasiyalar bilan asoratlangan yarasi bo‘lgan bemorlarda, shuningdek keksa pasientlarda oshadi (“MIG 400 preparatini qabul qilmang” 2 bo‘limga qarang). Bunday bemorlarni davolashni minimal dozalardan boshlash tavsiya qilinadi.

Bunday pasientlar uchun, shuningdek asetilsalisil kislotasining (ASA) kichik dozalarini birga qabul qilish yoki me‘da-ichak yo‘llari tomonidan buzilishlarni ro‘y berish xavfini oshiruvchi boshqa preparatlarni birga qo‘llanishiga muhtoj bo‘lgan bemorlarga, me‘da shilliq qavatining himoyasini ta‘minlaydigan (masalan, misoprostol yoki protonon nasosi ingibitorlari) preparatlarni ishlatish bilan majmuaviy davolashni qo‘llash mumkinligini ko‘rib chiqish kerak.

Anamnezida me‘da-ichak yo‘llari tomonidan nojo‘ya ta‘sirlar o‘rin tutgan pasientlar, ayniqsa keksa yoshdagi pasientlar, ayniqsa davolashning boshlang‘ich bosqichlarida ovqat hazm qilish tizimi bilan bog‘liq barcha g‘ayritabiiy simptomlar (xususan me‘da-ichakdan qon ketishlari) to‘g‘risida xabar berishlari lozim. Me‘da-ichak yaralarini hosil bo‘lishi va qon ketishini rivojlanish xavfini oshiruvchi preparatlar bilan bir vaqtda qabul qilinganda alohida ehtiyotkorlikni namoyon etish kerak. Bunday preparatlarga peroral kortikosteroidlar, varfarin kabi antikoagulyantlar, depressiyani davolash uchun ishlatiladigan serotoninni qayta qamrab olinishining selektiv ingibitorlari, asetilsalisil kislotasi kabi antiagregantlar kiradi («Boshqa dorilar bilan qabul qilishi» 2 bo‘limiga qarang).

MIG 400 preparatini qo‘llayotganda me‘da-ichak qon ketishlari yoki yaralar paydo bo‘lgan hollarda, preparat bilan davolashni to‘xtatish kerak.

Anamnezida me‘da-ichak kasalliklari (nospesifik yarali kolit, Kron kasalligi) bo‘lgan pasientlarga nosteroid yallig‘lanishga qarshi preparatlarni ehtiyotkorlik bilan buyurish kerak, chunki ularning holatini yomonlashishi mumkin («Mumkin bo‘lgan nojo‘ya ta‘sirlari» 4 bo‘limiga qarang).

Yurak-qon tomir tizimiga ta‘siri

MIG 400 preparatiga o‘xshash preparatlar, ehtimol, yurak xurujlari (miokard infakti) yoki insultni rivojlanish xavfini biroz oshirish xususiyatiga ega bo‘lishi mumkin. Har qanday asoratlarni rivojlanish xavfi preparatning dozasini va ushbu preparat  bilan davolash davomiyligini oshishi tufayli oshishi mumkin. Tavsiya etilgan dozani va qabul qilishning davomiyligini oshirmang (maksimal 4 kun).

Agar Sizda yurak-qon tomir tizimi tomonidan buzilishlar bo‘lsa, Sizda ilgari insult o‘rin tutgan bo‘lsa yoki Siz, Sizda ushbu holatlarni rivojlanish xavfi mavjud bo‘lsa (masalan, Siz arterial gipertoniya, qandli diabeti bilan xastalangan bo‘lsangiz, Sizda qonda xolesterin darajasi yuqori bo‘lsa yoki Siz cheksangiz), ushbu preparat bilan davolanish yuzasidan o‘zingizning davolovchi shifokoringiz yoki dorixona xodimi bilan maslahatlashishingiz kerak.

Teri reaksiyalari

NYAQP preparatlari bilan davolashda juda kam terini qizarishi va pufaklarni hosil bo‘lishi bilan namoyon bo‘lgan og‘ir teri reaksiyalari kuzatilgan, ularni ayrimlari o‘lim bilan yakunlangan (eksfoliativ dermatit, Stivens-Djonson sindromi va toksik epidermal nekroliz Layell sindromi) («Mumkin bo‘lgan ta‘sirlari» 4 bo‘limga qarang).

Nojo‘ya reaksiyalarini eng yuqori xavfi davolanishni boshida bo‘lishi mumkin, chunki ko‘rsatilgan reaksiyalar ko‘pchilik hollarda davolashning birinchi oyi davomida namoyon bo‘lgan. Teri toshmasining birinchi belgilarida, og‘iz bo‘shlig‘i shilliq qavatining shikastlanishlarida yoki o‘ta yuqori sezuvchanlikning boshqa belgilarida MIG 400 ni qabul qilishni to‘xtatish va darhol shifokorga murojaat qilish lozim.

Boshqa ko‘rsatmalar

– Ayrim autoimmun kasalliklarida (tizimli qizil yugurik va aralash kollagenozda) MIG 400 ni faqat foyda/xavf nisbati sinchiklab baholanganidan keyingina qo‘llash mumkin. Bu miya qobig‘ini noinfeksion yallig‘lanishi (aseptik meningit) belgilarini paydo bo‘lish xavfini oshishi bilan bog‘liq bo‘ladi (4 bo‘limga qarang).

– Ayniqsa shifokorning sinchkov nazorati quyidagilarda talab qilinadi:

– me‘da-ichak yo‘llari tomonidan buzilishlarda yoki anamnezida ichakning surunkali yallig‘lanish kasalliklari (nospesifik yarali kolit, Kron kasalligi) bo‘lganida;

– yuqori arterial bosimda yoki yurak yetishmovchiligida;

– jigar va buyraklar faoliyatini buzilishlarida;

– bevosita yirik jarrohlik aralashuvlaridan keyin;

– allergiyalarda (masalan, boshqa preparatlarga teri reaksiyalarida, astmada, changga allergiyada), burun shilliq qavatining surunkali shishida yoki nafas yo‘llarini torayishi bilan kechuvchi nafas yo‘llarining surunkali kasalliklarida.

– Juda kam hollarda MIG 400 preparati qo‘llanganda o‘ta yuqori sezuvchanlikning og‘ir reaksiyalari (masalan, anafilaktik shok) rivojlanishi mumkin. MIG 400 preparati qabul qilinganidan keyingi o‘ta yuqori sezuvchanlik reaksiyalarning birinchi belgilarida davolashni to‘xtatish kerak.

– Ibuprofen, MIG 400 ning faol moddasi, trombositlarning faoliyatini vaqtincha bostirishi mumkin (trombositlar agregasiyasi). Shu boisdan, qon ivishining buzilishlari bo‘lgan pasientlarni sinchkov kuzatuv ostiga olish kerak.

– Ibuprofen saqlovchi dori vositalarini bir vaqtda qo‘llash, asetilsalisil kislotasining kichik dozalarini trombositlar agregasiyasiga qarshi (qon laxtalarining hosil bo‘lishini oldini oluvchi) ta‘sirini susaytirishi mumkin. Bunday holatlarda Ibuprofen saqlovchi preparatlarini faqat shifokorning ko‘rsatmasi bo‘yicha qabul qilishga yo‘l qo‘yiladi.

– Agar Siz bir vaqtda qon ivishini susaytiruvchi yoki qonda qand miqdorini kamaytiruvchi preparatlarni qabul qilayotgan bo‘lsangiz, unda Sizda, ehtiyotkorlik chorasi sifatida qon ivishi va qondagi qand ko‘rsatkichlarini nazorat qilish tavsiya qilinadi.

– MIG 400 preparatini uzoq muddat qabul qilinganda jigar va buyraklar faoliyati ko‘rsatkichlarini, va shuningdek klinik qon tahlilini muntazam nazorat qilish kerak.

– MIG 400 preparatini xirurgik aralashuvlar oldidan qabul qilinganda Siz tegishli shifokorni yoki tish shifokorini bu haqida xabardor qilish kerak.

– Og‘riq qoldiruvchi vositalari uzoq muddat qo‘llanganida bosh og‘rig‘i paydo bo‘lishi mumkin, lekin ularni ushbu preparatlarning dozasini oshirish bilan davolash mumkin emas. Agar MIG 400 preparatini qabul qilishga qaramasdan, Siz ko‘pincha bosh og‘rig‘idan aziyat cheksangiz, Siz bu haqida o‘zingizning shifokoringiz bilan maslahatlashishingiz kerak.

– Umuman odat bo‘lib qolgan analgetiklarni, ayniqsa bir necha og‘riq qoldiruvchi vositalarni majmualarini qabul qilish, buyrak yetishmovchiligini rivojlanishi xavfi bilan bo‘lgan buyrakni qaytmas shikastlanishiga (“analgetik” nefropatiyaga) olib kelishi mumkin.

– Suvchechakda MIG 400 preparatini qabul qilishdan saqlanish tavsiya qilinadi.

Boshqa dori preparatlarini qabul qilish

Boshqa dori preparatlarini, shu jumladan reseptsiz beriladigan preparatlarni qabul qilayotgan yoki yaqinda qabul qilgan bo‘lsangiz, u holda bu haqida davolovchi shifokorga yoki dorixona xodimiga xabar qilish kerak.

Ibuprofenning ta‘siriga ayrim antikoagulyantlar (qonning ivishiga to‘sqinlik qiladigan) masalan, asetilsalisil kislotasi/aspirin, varfarin, tiklopidin, qon bosimini tushiruvchi preparatlar (AAF ingibitorlari, kaptopril, beta-blokatorlar, angiotenzin II antagonistlari kabilar) ta‘sir qilishi mumkin. O‘z navbatida ibuprofen ham sanab o‘tilgan preparatlarni ta‘siriga ta‘sir ko‘rsatishi mumkin. Shuning uchun ibuprofenni boshqa dori vositalari bilan bir vaqtda qabul qilishini boshlashdan oldin har qanday holatda ham shifokor bilan maslahatlashish lozim.

Quyida ta‘riflangan dori moddalarining yoki guruh preparatlarining ta‘siri MIG 400 preparati bir vaqtda qabul qilinganida o‘zgarishi mumkin.

Ta‘sirini va/yoki nojo‘ya ta‘sirlarni kuchayishi:

– Quyidagi preparatlar bilan bir vaqtda qabul qilinganda ularning qondagi konsentrasiyasi oshishi mumkin:

• digoksin (yurakdan otilib chiqayotgan qon hajmini oshiruvchi vosita)
• fenitoin (tutqanoqni davolash uchun vosita)
• litiy (ruhiy buzilishlarni davolash uchun vosita).

Litiy, digoksin va fenitoinning plazmadagi konsentrasiyasini to‘g‘ri qo‘llanganda, odatda nazorat qilish talab etilmaydi (ko‘pi bilan 4 kun davomida).

– qon ivishini susaytiruchi vositalar

– metotreksat (rakni va revmatik tabiatli ayrim kasalliklarni davolash uchun vosita): MIG 400 ni metotreksatni qabul qilishdan oldin yoki keyin 24 soat davomida qabul qilmang. Aks holda qonda metotreksatning konsentrasiyasi oshishi mumkin, bu uning toksik ta‘sirini kuchayish xavfiga olib kelishi mumkin.

– asetilsalisil kislotasi, boshqa yallig‘lanishga qarshi og‘riq qoldiruvchi vositalar, shu jumladan SOG-2 ingibitorlari (NYAQP), serotoninni qayta qamrab olinishining selektiv ingibitorlari (depressiv holatni davolash uchun vositalar), shuningdek kortizon (glyukokortikoidlar) preparatlari – me‘da-ichakdan qon ketishlarini rivojlanish xavfi oshadi.

– probensid yoki sulfinpirazon saqlovchi dori vositalari (podagrani davolash uchun vositalar) ibuprofenning organizmdan chiqarilishi kechiktirishi mumkin. Buning natijasida ibuprofenni organizmda uning noxush ta‘sirlarini muvofiq kuchayishi bilan kechuvchi to‘planishi uni ro‘y berishi mumkin.

Ta‘sirini susayishi:

– siydik chiqarilishini kuchaytiruvchi preparatlar (diuretiklar) va arterial bosimni pasaytiruvchi vositalar (antigipertenziv preparatlar).

– AAF ingibitorlari (yurak yetishmovchiligini va gipertoniyani davolash uchun preparatlar) buyraklar faoliyatini buzilishi xavfini oshishiga olib kelishi mumkin.

– asetilsalisil kislotasini kichik dozalari: asetilsalisil kislotasining kichik dozalarini qon ivishiga javob beruvchi xujayralariga ta‘siri susayishi mumkin («MIG 400 preparatini qo‘llaganda maxsus ehtiyotkorlik choralari» bo‘limiga qarang).

Mumkin bo‘lgan boshqa o‘zaro ta‘sirlar:

– Zidovudin (OITS ni davolash uchun vosita): gemofiliya bilan xastalangan OITV bilan infeksiyalangan bemorlarda bo‘g‘imlarga qon quyilishi va gematomalar xavfi oshadi.

– Siklosporin (immun javobini pasaytiradigan, masalan, transplantasiyadan keyin yoki revmatizmni davolash uchun ishlatiladigan vosita): buyraklar faoliyatini buzilishlarini rivojlanish xavfi oshadi.

– Takrolimus: buyraklar faoliyatini buzilishlarini rivojlanish xavfi oshadi.

– Kaliyni tejovchi siydik haydovchi vositalar (ayrim diuretilar): bir vaqtda qabul qilish kaliyning qondagi konsentrasiyasini oshirishi mumkin.

– Sulfonilmochevina preparatlari (qonda qand darajasini tushiruvchi vositalar): ibuprofenni NYAQP dan farqli ravishda sulfonilmochevina preparatlari bilan o‘zaro ta‘siri to‘g‘risida muvofiq ma‘lumotlarning yo‘qligiga qaramay, bu dori vositalari bir vaqtda qabul qilinganida, profilaktika maqsadlarida qonda qand miqdorini nazorat qilish tavsiya qilinadi.

– Antikoagulyantlar: ibuprofenning antikoagulyantlar bilan o‘zaro ta‘siri to‘g‘risida alohida ma‘lumotlar mavjud. Bir vaqtda qo‘llanganida qonni ivishini nazorat qilish tavsiya qilinadi.

MIG 400 preparatini ovqat va ichimliklar bilan qabul qilish

MIG 400 preparatini qabul qilishda iloji boricha, alkogolli ichimliklarni iste‘mol qilish mumkin emas, chunki bu, xususan me‘da-ichak yo‘llari yoki markaziy nerv tizimi tomonidan nojo‘ya ta‘sirlarni namoyon bo‘lish xavfi oshishiga olib keladi.

Homiladorlik va emizish davri

Homiladorlik

Agar MIG 400 preparatini qabul qilish vaqtida homiladorlik aniqlansa, u holda bu haqida davolovchi shifokorga xabar qilish kerak.

Ibuprofenni homiladorlikning birinchi olti oyida faqat shifokorni maslahatidan keyin qo‘llashga ruxsat etiladi.

Ona va bola uchun yuqori xavfi tufayli, MIG 400 ni homiladorlikni oxirgi uch oyligida qo‘llash mumkin emas.

MIG 400 ayollarning reproduktiv qobiliyatiga salbiy ta‘sir ko‘rsatish xususiyatiga ega bo‘lgan preparatlar (nosteroid yallig‘lanishga qarshi preparatlar) guruhiga kiradi, ular. Bu ta‘siri preparatni qabul qilish to‘xtatilganidan keyin qaytuvchan xarakterga egadir.

Emizish davri

Ta‘sir etuvchi modda ibuprofen va uni parchalanishining mahsulotlari ona sutiga faqat oz miqdorda tushadi. Hozirgacha chaqaloq uchun salbiy oqibatlari to‘g‘risida xabarlar tushmaganligi tufayli, ibuprofenni qisqa muddat davomida qo‘llanganda, emizishni to‘xtatish zarurati, odatda yuz bermaydi. Biroq, yuqori dozalarda yoki uzoq muddat davomida buyurilgan hollarda, emizishni to‘xtatish to‘g‘risidagi masalani hal etish lozim.

Har qanday dorilarni qabul qilishdan oldin o‘zingizning shifokoringiz yoki dorixona xodimi bilan maslahatlashing.

Transport vositalarini boshqarish va mexanizmlar bilan ishlash qobiliyatiga ta‘siri

MIG 400 preparati yuqori dozalarda markaziy nerv tizimiga uyquchanlik va bosh aylanishi kabi nojo‘ya ta‘sirlar ko‘rsatishi mumkinligi tufayli, alohida hollarda reaksiyalarni sekinlashishi va muvofiq ko‘cha harakatida faol ishtirok etish yoki mexanizmlarga xizmat ko‘rsatish qobiliyati yomonlashishi mumkin. Bunday reaksiyalar alkogol bilan birga qo‘llanganda kuchayadi. Siz kutilmagan vaziyatlar yuz bergan hollarga yetarli darajada tez va aqlan javob qaytaraolmasligingiz mumkin. Bunday hollarda avtomobil va boshqa transport vositalarini boshqarishdan saqlaning! Mexanizmlar yoki priborlar bilan ishlamang! Oyoq uchun ishonchli tayanchsiz ishlamang!

3. MIG 400 NI QANDAY QABUL QILISH KERAK

MIG 400 ni har doim ushbu ilova-varaqadagi yo‘riqnomaga qat‘iy amal qilgan holda qabul qiling. Qo‘shimcha savollar tug‘ilganda shifokor yoki dorixona xodimi bilan maslahatlashing.

Dozalash

Odatdagi dozalari:

Agar Siz maksimal bir martalik dozani qabul qilgan bo‘lsangiz, u holda keyingi dozani qabul qilishgacha kamida 6 soat kuting.

Keksa bemorlar va anamnezida me‘da va o‘n ikki barmoq ichakning yara kasalligi bo‘lgan pasientlar:

Ushbu guruh pasientlari minimal dozadan boshlashlari kerak (2 bo‘lim «MIG 400 preparatini qabul qilishda maxsus ehtiyotkorlik choralari»ga qarang).

Buyrak yoki jigar faoliyatini buzilishi:

Buyrak yoki jigar faoliyatini yengildan o‘rtacha og‘irlik darajasigacha buzilishida dozani pasaytirish talab qilinmaydi.

Qo‘llash usuli

Ichga qabul uchun vosita.

Plyonka qobiq bilan qoplangan tabletkalarini chaynamasdan, ko‘p suyuqlik bilan birga (masalan 1 stakan suv bilan) ovqat vaqtida yoki undan keyin qabul qiling.

Tabletkani bo‘lish bo‘yicha ko‘rsatma:

Ikkala qo‘lning ko‘rsatkich va bosh barmoqlari bilan tabletkani pastga bo‘lish o‘yiqchasidan ushlang va bosh barmoqlar bilan o‘yiqcha bo‘ylab bosib, tabletkani sindiring.

Qo‘llash davomiyligi

Faqat qisqa muddatli davolash uchun.

MIG 400 ni shifokor bilan maslahatlashmasdan to‘rt kundan ortiq qabul qilmang.

Agar Siz MIG 400 ni ta‘siri haddan tashqari kuchli yoki haddan tashqari sust deb hisoblasangiz, iltimos o‘zingizning shifokoringizga murojaat qiling.

Agarda Siz MIG 400 ni keragidan ortiq miqdorda qabul qilgan bo‘lsangiz:

MIG 400 qobiq bilan qoplangan tabletkalarini o‘ramiga joylangan ilova-varaqada ko‘rsatilgan dozalashga yoki shifokorning ko‘rsatmasiga muvofiq qabul qiling. Agar preparat qo‘llanganidan keyin og‘riqni muvofiq susayishini his etmasangiz, dozani mustaqil oshirmang – davolovchi shifokorga murojaat qiling.

Dozani oshirib yuborilganda quyidagi simptomlar bo‘lishi mumkin:

– bosh og‘rig‘i, bosh aylanishi, karaxtlik va hushdan ketish (bolalarda shuningdek mioklonik tirishishlar) kabi markaziy nerv tizimi tomonidan buzilishlar;

– qorinda og‘riq, ko‘ngil aynishi va qusish kabi me‘da-ichak yo‘llari tomonidan buzilishlar;

– jigar va buyrak faoliyatini buzilishlari;

– arterial bosimini pasayishi;

– nafasni kuchsizlashishi (susayishi) ;

– teri va shilliq qavatlarining ko‘karishi (sianoz).

Bu preparatga qarshi spesifik antidot mavjud emas.

MIG 400 dozasini oshirib yuborilganiga shubha bo‘lganda, iltimos o‘z shifokoringizga murojaat qiling. Shifokor zaharlanishning og‘irlik darajasiga ko‘ra, tegishli choralarni ko‘rish to‘g‘risida qaror qabul qilishi mumkin.

Agarda Siz MIG 400 qabul qilishni unutgan bo‘lsangiz

O‘tkazib yuborilganing to‘ldirish uchun ikki barobar dozani qabul qilmang.

Agar Sizda davolanish yuzasidan savollar paydo bo‘lsa, ularni shifokorga yoki dorixona xodimiga bering.

4. MUMKIN BO‘LGAN NOJO‘YA TA‘SIRLARI

Hamma boshqa dori vositalari kabi, MIG 400 preparati xam, garchi ular hamma pasientlarda rivojlanmasada, nojo‘ya ta‘sirlarni chaqirishi mumkin. Quyida sanab o‘tilgan nojo‘ya ta‘sirlarning paydo bo‘lganida, bu haqida shifokorga xabar bering, u preparatni keyinchalik qo‘llanishi to‘g‘risida qaror qabul qiladi.

Nojo‘ya ta‘sirlarning tez-tezligini baholash asosiga quyidagi mezonlar olingan:

juda tez:         10 pasientdan 1 dan ko‘pida

tez-tez:            10 dan 1 dan kamida, ammo 100 pasiendan 1 dan ko‘pida

ba‘zida:          100 dan 1 dan kamida, ammo 1000 pasientdan 1 dan ko‘pida

kam:                 1000 dan 1 dan kamida, ammo 10000 pasientdan 1 dan ko‘pida

juda kam:       10000 pasientdan 1 da yoki undan kamida yoki noma‘lum holatlar (bo‘lgan ma‘lumotlar asosida tez-tezligini aniqlash mumkin emas)

Mumkin bo‘lgan nojo‘ya ta‘sirlar

Quyidagi nojo‘ya ta‘sirlarining ro‘yxati o‘z ichiga ibuprofen bilan davolanishda bo‘lgan hamma nojo‘ya ta‘sirlarni, shu jumladan revmatizm bilan og‘rigan pasientlarni uzoq vaqt yuqori dozalarda davolash o‘tkazilganlarini  ham o‘z ichiga oladi. Aniqlangan tez-tezligi, xatto juda kam holatlargacha ibuprofen peroral dori shakli uchun qisqa muddatli davolashga yoki kunduzgi dozani maksimal 1200 mg gacha (MIG 400 preparatining 3 tabletkasiga teng) va maksimal 1800 mg gacha suppozitoriylar uchun ham taalluqlidir.

Dorilarning quyidagi salbiy nojo‘ya ta‘sirlarga nisbatan ularning dozaga va pasientlarning shaxsiy o‘ziga xosligiga bog‘liq holda dozalarini o‘zgarishini hisobga olish lozim.

Eng ko‘p me‘da-ichak yo‘llari bilan bog‘liq nojo‘ya ta‘sirlari kuzatilgan.

Me‘da/o‘nikki barmoq ichak yaralari (peptik yaralar), perforasiya (yorilib ketish) yoki qon ketishlar, ba‘zida o‘lim bilan yakunlanadigan, ayniqsa keksa yoshli pasientlarda (2 bo‘limga «MIG 400 qabul qilishda o‘ta ehtiyotkorlik choralari» qarang) bo‘lishi mumkin.

Ba‘zida preparat qo‘llanganidan keyin ko‘ngil aynishi, qusish, meteorizm, qabziyat, ovqat hazm bo‘lishini buzilishi, qorinda og‘riqlar, qatronsimon ahlat, qonli qusiq, yarali stomatit (og‘iz shilliq qavatini yaralanishili yallig‘lanishi), shuningdek yarali kolitning zo‘rayishi va Kron kasalligi (2 bo‘lim «MIG 400 ni qabul qilishda o‘ta ehtiyotkorlik choralari» ga qarang) haqida ma‘lumotlar bor.

Kamroq me‘da shilliq qavatining yallig‘lanishi kuzatilgan. Me‘da-ichak qon ketishlarini xavfi ayniqsa preparatning dozalari va qo‘llashning davomiyligiga bog‘liq.

NYAQP qo‘llanishi fonida shish, arterial bosimni oshishi va yurak yetishmovchiligini rivojlanishi to‘g‘risida xabar berilgan.

MIG 400 dori preparatiga o‘xshash vositalar yurak xurujlari (miokard infarkti) yoki insultlarni rivojlanish xavfini biroz oshirish xususiyatiga ega bo‘lishi mumkin.

Yurak tomonidan buzilishlar

Juda kam:

Yurakni tez urishi, yurak yetishmovchiligi, yurak xuruji (miokard infarkti).

Qon va limfatik tizim tomonidan buzilishlar

Juda kam:

Qon yaratilishini buzilishi (anemiya, leykopeniya, trombositopeniya, pansitopeniya, agranulositoz).

Birinchi belgilari isitma, tomoqda og‘riq, og‘iz bo‘shlig‘ida yuza jarohatlar, grippga o‘xshash simptomlar, kuchli holsizlik, burundan qon ketishlari, teriga qon quyilishi bo‘lishi mumkin.

Bunday hollarda preparatni qabul qilishni darhol to‘xtatish va shifokorga murojaat qilish kerak. Har qanday og‘riqni qoldiruvchi va isitmani tushiruvchi vositalar bilan mustaqil davolanish mumkin emas.

Nerv tizimi tomonidan buzilishlar

Ba‘zida:

Markaziy nerv tizimi tomonidan buzilishlari: bosh og‘rig‘i, bosh aylanishi, qo‘zg‘aluvchanlik, ta‘sirchanlik yoki toliqish kabi buzilishlar kuzatiladi.

Ko‘rish a‘zolari tomonidan buzilishlar

Ba‘zida:

Ko‘rishni buzilishi.

Eshitish a‘zolari va labirint tomonidan buzilishlar

Kam:

Quloqlarda shovqin (tinnitus)

“Tarkibi” boʼlimida taʼsir etuvchi moddaga yoki biror bir yordamchi moddalarga yuqori sezuvchanlik.
Аnamnezda atsetilsalitsil kislotasi (АSK) yoki boshqa nosteroid yalligʼlanishga qarshi vositalarni (NYaQV) qabul qilish bilan bogʼliq bronxospazm, astma, rinit, angionevrotik shish yoki eshakemi borligi.
Kelib chiqishi nomaʼlum boʼlgan qon hosil boʼlishining buzilishi.
Hozirda yoki oʼtmishda qaytalanuvchi peptik yara/qon ketishlari (meʼda yarasi yoki qon ketishining ikki yoki undan ortiq tasdiqlangan alohida epizodlari).
Аnamnezda azalda NYaQV terapiyasi bilan bogʼliq boʼlgan meʼda-ichakdan qon ketishi yoki yaraning perforatsiyasi.
Hozirgi vaqtgacha mavjud boʼlgan serebrovaskulyar qon ketishlar yoki boshqa qon ketishlar.
Ogʼir jigar yetishmovchiligi, ogʼir buyrak yetishmovchiligi yoki ogʼir yurak yetishmovchiligi (NYHA boʼyicha IV sinf) .
Kuchli degidratatsiya (qusish, diareya yoki yetarli darajada suyuqlikni qabul qilmaslik natijasida).
Homiladorlikning oxirgi uch oyligi.

Taʼsir mexanizmi
Ibuprofen nosteroid yalligʼlanishga qarshi vosita (NYaQV) hisoblanib, uning samaradorligi hayvonlardagi yalligʼlanishning odatiy modellarida prostaglandinlar sintezini ingibirlashi yoʼli bilan isbotlangan. Odamda ibuprofen yalligʼlanish chaqirgan ogʼriq, shish va isitmani kamaytiradi. Bundan tashqari, ibuprofen АDF va kollagen chaqirgan trombotsitlar agregatsiyasini ortga qaytuvchi tarzda ingibirlaydi.
Klinik samaradorligi va xavfsizligi
Eksperimental maʼlumotlar asosida aytish mumkinki, bir vaqtda qoʼllaganda ibuprofen kichik dozalarda qabul qilingan atsetilsalitsil kislotasining trombotsitlar agregatsiyasiga taʼsirini raqobatbardosh ravishda ingibirlaydi. Baʼzi farmakodinamik tadqiqotlar shuni koʼrsatdiki, darxol ajralib chiqadigan atsetilsalitsil kislotasi (81 mg) qabulidan 8 soat avval yoki 30 minut keyin bir martalik 400 mg dozada ibuprofen qabul qilganda atsetilsalitsil kislotasining tromboksan hosil boʼlishiga yoki trombotsitlar agregatsiyasiga taʼsiri susaygan. Ushbu maʼlumotlarni klinik vaziyatga koʼchirish borasida noaniqlik mavjud boʼlsa-da, ibuprofenni muntazam, uzoq muddatli qoʼllash past dozali atsetilsalitsil kislotasining kardioprotektiv taʼsirini pasayishi mumkinligini inkor etib boʼlmaydi. Ibuprofenni nomuntazam qoʼllanilganida klinik ahamiyatli taʼsirlar extimoli kam boʼladi (“Dorilarning oʼzaro taʼsirlari”)

Soʼrilishi
Ichga qabul qilinganidan keyin ibuprofen qisman meʼdada, keyin esa toʼliq ingichka ichakda soʼriladi. Oddiy ajralib chiqadigan dori shakli peroral qabul qilinganda plazmadagi maksimal kontsentratsiyasiga 1-2 soat ichida erishiladi. 
Taqsimlanishi
Plazma oqsillari bilan bogʼlanishi tahminan 99% ni tashkil qiladi. Sogʼlom patsientlarda, jigar va buyraklar kasalliklari bilan aʼziyat chekayotgan patsientlarda yarim chiqarilish davri 1,8 - 3,5 soatni tashkil qiladi.
Biotransformatsiyasi
Ibuprofen jigarda metabolizmga uchraydi (gidroksillanish, karboksillanish). 
Chiqarilishi
Farmakologik faol boʼlmagan metabolitlar, asosan buyraklar orqali (90%), hamda oʼt bilan toʼliq chiqariladi. 
Buyraklar funktsiyasining buzilishi
Buyraklar funktsiyasi yengil darajada buzilgan patsientlarda bogʼlanmagan (S)-ibuprofen, (S)-ibuprofen AUC darajasi va ikkita enantiomer (S/R) AUC nisbati sogʼlom koʼngillilarga qaraganda yuqoriroq boʼlganligi xabar berilgan.
Buyraklar patologiyasining terminal bosqichidagi, gemodializ usulida davo olayotgan patsientlarda ibuprofen erkin fraktsiyasining oʼrtacha koʼrsatkichi taxminan 3% ni, sogʼlom koʼngillilarda esa - taxminan 1% ni tashkil qilgan. Buyraklar funktsiyasi ogʼir darajada buzilganda organizmda ibuprofen metabolitlari toʼplanishi mumkin. Bu taʼsirning ahamiyati nomaʼlum. Metabolitlar gemodializ yordamida chiqarilishi mumkin (“Qoʼllash usuli va dozalari”, “Qoʼllash mumkin boʼlmagan holatlar” va “Maxsus koʼrsatmalar” boʼlimlariga qarang).
Jigar funktsiyasining buzilishi
Ratsemik ibuprofenni qabul qilgan jigar sirrozi va jigar funktsiyasining oʼrtacha darajadagi buzilishiga (Chaylьd-Pьyu koʼrsatkichi 6-10) chalingan patsientlarda, yarim chiqarilish davri oʼrtacha 2 martaga uzaygan, enantiomerlarni (S/R) AUC nisbati esa sogʼlom koʼngillilarga qaraganda ancha past boʼlgan, bundan ushbu patsientlarda (R)-ibuprofenni faol (S)-enantiomerga metabolik aylanishi buzilganligi kelib chiqadi (“Qoʼllash usuli va dozalari”, “Qoʼllash mumkin boʼlmagan holatlar” va “Maxsus koʼrsatmalar” boʼlimlariga qarang).
Toʼgʼri proportsionallik 
200 mg dan 400 mg gacha dozalarda ibuprofenni chiziqli kinetikasi kuzatilgan. Yuqoriroq dozalarda dori vositasining nochiziqli kinetikasi kuzatilgan.

Homiladorlik
Prostaglandinlarni sintezini bostirish homiladorlik va/yoki embrion/homilaning rivojlanishiga salbiy taʼsir qilishi mumkin. 
Epidemiologik tadqiqotlar natijalariga koʼra, homiladorlikning dastlabki bosqichlarida qoʼllaniladigan prostaglandin sintezi ingibitorlari, beixtiyor abort xavfini, hamda yurak nuqsonlari va gastroshizis xavfini oshirishi mumkin. Yurak-tomir tizimining anomaliyasini rivojlanishining mutloq xavfi < 1% dan taxminan 1,5% ga koʼtarilgan. Ushbu xavf preparatning dozasi va terapiya davomiyligi oshishi bilan ortadi deb hisoblanadi. 
Hayvonlarda prostaglandin sintezi ingibitorlarini qoʼllash pre- va postimplantatsion yoʼqotishlar, shuningdek embriofetal oʼlim sonining oshishiga olib kelgan. Bundan tashqari, organogenez davrida prostaglandinlar sintezining ingibitorlari bilan davolangan hayvonlarda homila rivojlanishining nuqsonlari, jumladan yurak-tomir tizimining nuqsonlari oshgan.
Homiladorlikning 20 chi haftasidan boshlab ibuprofendan foydalanish homilada buyrak funktsiyasini buzilishi natijasida qogʼonok suvlarining yetishmasligiga olib kelishi mumkin. Bu medikamentoz davolash boshlangandan koʼp oʼtmay sodir boʼlishi mumkin va odatda uni tugatgandan keyin qaytariladi. Bundan tashqari, homiladorlikning ikkinchi uch oyligida davolanishdan soʼng arterial yoʼlining torayishi holatlari haqida xabarlar mavjud boʼlib, ularning aksariyati preparat bilan davolanishni toʼxtatgandan soʼng hal qilingan.
Shuning uchun homiladorlikning birinchi va ikkinchi trimestirlarda ibuprofen buyurilishi, faqat bunga qatʼiy zarurat boʼlgandagina mumkin. Аgar homiladorlikni rejalashtirayotgan ayollar yoki homiladorlikning birinchi va ikkinchi trimestridagi ayollar ibuprofenni qoʼllashsa, ibuprofen dozasi va davolash davomiyligi imkon qadar minimal boʼlishi lozim. Ibuprofenni bir necha kun davomida qabul qilgandan soʼng, homiladorlikning 20 chi haftasidan boshlab, qogʼonok suvining tanqisligi va arterial yoʼlning torayishini antenatal kuzatish masalasini koʼrib chiqish kerak. Qogʼonok suvining tanqisligi yoki arterial yoʼlning torayishi aniqlanganda ibuprofen qabul qilishni bekor qilish kerak.
Homiladorlikni uchinchi trimestirda prostaglandinlar sintezining barcha ingibitorlari quyidagilarni chaqirishi mumkin
    homilada: 
-    yurak-oʼpkaga nisbatan toksiklik (arterial yoʼlning muddatidan avval torayishi / yopilishi va oʼpka arteriyasi tizimidagi gipertenziya);
-    buyraklar funktsiyaning buzilishi, u suvsizlik bilan kechadigan buyraklar yetishmovchiligiga oʼtishi mumkin (yuqoriga qarang);
    onada homiladorlikning oxirida va yangi tugʼilgan chaqaloqda: 
-    qon ketish vaqtining uzayishi, antiagregatsion taʼsiri, bu juda past dozalarda qabul qilinganda ham yuzaga kelishi mumkin;
-    tugʼish faoliyatini kechikishi yoki choʼzilishiga olib keluvchi bachadonning qisqarish faolligini bostirilishi.
Shuning uchun ibuprofenni homiladorlikning uchinchi trimestirda qoʼllash mumkin emas (“Qoʼllash mumkin boʼlmagan holatlar” va “Klinik qoʼllashgacha boʼlgan xavfsizlik maʼlumotlari” boʼlimlariga qarang).
Emizish davri
Ibuprofen va uning metabolitlari koʼkrak sutiga juda past kontsentratsiyada oʼtishi mumkin. Yangi tugʼilgan chaqaloqlar uchun hozirgi paytgacha salbiy oqibatlar haqida xabarlar kelib tushmaganligi sababli, tavsiya qilingan dozada ibuprofenni qisqa muddat qoʼllanilsa, odatda emizishni toʼxtatish zarurati vujudga kelmaydi (“Qoʼllash usuli va dozalari” boʼlimiga qarang).

Dozani oshirib yuborilishi simptomlari
Dozani oshirib yuborilishi belgilari sifatida markaziy nerv tizimi tomonidan bosh ogʼrigʼi, muvozanatning buzilishi, hushdan ketishdan oldingi holat, xushni yoʼqotish (bolalarda shu bilan birga mioklonik tirishishlar), hamda qorinda ogʼriq, koʼngil aynishi va qusish oʼrin tutishi mumkin. Bundan tashqari, meʼda-ichakdan qon ketishlar, buyraklar va jigar funktsiyasining buzilishi vujudga kelishi mumkin. Аrterial gipotenziya, nafasni olishning qiyinlashishi va sianoz vujudga kelishi ham mumkin. Jiddiy zaharlanishda metabolik atsidoz rivojlanishi mumkin.
Davolash
Ibuprofenning spetsifik antidoti mavjud emas.
Davolashning terapevtik imkoniyatlari intoksikatsiya darajasi, bosqichni va klinik simptomlariga bogʼliq, hamda intensiv terapiyada qabul qilingan standart choralariga mos keladi.

Kasallik simptomlarini kamaytirish uchun zarur boʼlgan minimal vaqt davomida preparatni eng kam samarali dozada qoʼllash orqali nojoʼya reaktsiyalar sonini kamaytirish mumkin (quyiga qarang - meʼda-ichak yoʼllari va yurak-qon tomir tizimi tomonidan xavf omillari).
Meʼda-ichak yoʼllariga nisbatan xavfsizlik
MIG® detskiy forte ichga qabul qilish uchun suspenziyani boshqa NYaQV, jumladan siklooksigenaza-2 selektiv ingibitorlari bilan birgalikda qoʼllamaslik kerak.
Keksa yoshdagi shaxslar
Keksa yoshdagi patsientlarda NYaQV nojoʼya taʼsirlarini, ayniqsa, hayot uchun xavf tugʼdiruvchi meʼda-ichakdan qon ketishi va yaraning teshilishi kabi nojoʼya taʼsirlarning vujudga kelish tez-tezligi yuqori (“Qoʼllash usuli va dozalari” boʼlimiga qarang).
Meʼda-ichakdan qon ketishlar, yara hosil boʼlishi va perforatsiya
 Barcha NYaQV lar uchun, anamnezida meʼda-ichak yoʼlining jiddiy buzilishlari mavjudligidan qatʼiy nazar, oʼlimga olib keladigan va davolashning barcha bosqichlarida darakchi simptomlar bilan yoki ularsiz rivojlanishi mumkin boʼlgan meʼda-ichakdan qon ketish, meʼda yarasi va perforatsiyasi haqida xabarlar qayd qilingan.
Meʼda-ichak yoʼlidan qon ketish, meʼda yarasi yoki perforatsiyasi xavfi NYaQV dozasi oshirilsa, anamnezida yara boʼlgan patsientlarda, ayniqsa qon ketish yoki perforatsiya bilan asoratlangan boʼlsa («Qoʼllash mumkin boʼlmagan holatlar» boʼlimiga qarang), shuningdek, keksa shaxslarda ortadi. Bunday patsientlarni davolash preparatning mumkin boʼlgan eng past dozasi bilan boshlanishi lozim. Ushbu patsientlar uchun, shuningdek past dozalarda atsetilsalitsil kislotasi yoki meʼda-ichak yoʼllari tomonidan buzilishlarni vujudga keltirish xavfini oshiruvchi boshqa preparatlar bilan bir vaqtda davolashni talab qiladigan patsientlar uchun protektor preparatlar masalan, mizoprostol yoki proton nasosi ingibitorlari bilan majmuaviy davolash imkonini koʼrib chiqish kerak boʼladi (quyida shuningdek, “Dorilarning oʼzaro taʼsirlari” boʼlimiga qarang).
Аnamnezida meʼda-ichak yoʼllariga nisbatan toksiklik taʼsiri boʼlgan patsientlar, ayniqsa keksa yoshdagi patsientlar, qorin boʼshligʼidagi har qanday noodatiy simptomlar (xususan, meʼda-ichakdan qon ketishi) toʼgʼrisida, ayniqsa davolashning boshlangʼich bosqichlarida, xabar berishlari kerak.
Bir paytning oʼzida yara yoki qon ketish xavfini oshiradigan peroral kortikosteroidlar, antikoagulyantlar (masalan, varfarin), serotoninni qayta qamrab olinishining selektiv ingibitorlari yoki antiagregantlarni (masalan, atsetilsalitsil kislotasi) qabul qilayotgan patsientlarga preparatni ehtiyotkorlik bilan buyurish lozim (“Dorilarning oʼzaro taʼsirlari” boʼlimiga qarang).
MIG® detskiy forte preparatini qabul qilayotgan patsientlarda meʼda-ichakdan qon ketish yoki yarasi paydo boʼlsa, davolashni toʼxtatish kerak boʼladi.
Аnamnezda meʼda-ichak yoʼllari kasalliklari (yarali kolit, Kron kasalligi) mavjud boʼlgan patsientlarga NYaQV larni ehtiyotkorlik bilan buyurish kerak, chunki ular ushbu kasalliklarni zoʼraytirishi mumkin (“Nojoʼya taʼsirlari” boʼlimiga qarang).
Yurak qon-tomir tizimiga va bosh miya qon tomirlariga taʼsiri
Аnamnezida arterial gipertenziyasi va/yoki yurak yetishmovchiligi boʼlgan patsientlarga preparatni buyurishda ehtiyotkorlikka rioya qilish kerak (shifokor yoki dorixona xodimining maslahati), chunki NYaQV bilan davolashda organizmda suyuqlikni tutilishi, arterial gipertenziya va shishlar hosil boʼlishi haqida xabar berilgan 
Klinik tadqiqotlar natijalariga koʼra, ibuprofenni, ayniqsa yuqori dozalarda (sutkada 2400 mg) qoʼllash arterial tromboz (masalan, miokard infarkti yoki insulьt) xavfining baʼzan oshishi bilan birga kechishi mumkin. Umuman olganda epidemiologik tadqiqotlarda, ibuprofen past dozalarda (masalan, ≤ 1200 mg/sutka) arterial trombozlar rivojlanish xavfini oshirmasligi koʼrsatilgan.
Nazorat kilinmaydigan arterial gipertenziya, turgʼun yurak yetishmovchiligi (NYHA tasniflanishi boʼyicha II-III), tasdiqlangan yurak ishemik kasalligi, periferik arteriyalar va/yoki bosh miya tomirlarini kasalliklari boʼlgan patsientlarga ibuprofenni faqat holat puxta baholangandan keyin buyurilishi mumkin. Preparatni yuqori dozalarda (sutkada 2400 mg) buyurilishidan saqlanish kerak.
Yurak-qon tomir kasalliklariga (masalan, arterial gipertenziya, giperlipidemiya, qandli diabet va chekish) nisbatan xavf faktorlari boʼlgan patsientlarni uzoq muddatli davolashni boshlashdan avval holatni puxta baholansh kerak, ayniqsa agar ibuprofen yuqori dozalarda (sutkada 2400 mg) talab etilayotgan boʼlsa.
Ogʼir teri reaktsiyalari
NYaQV qoʼllash fonida juda kam hollarda baʼzida oʼlimga olib keladigan ogʼir teri reaktsiyalari kuzatilgan, jumladan eksfoliativ dermatit, Stivens-Djonson sindromi, hamda toksik epidermal nekroliz (“Nojoʼya taʼsirlari” boʼlimiga qarang). Аftidan, yuqori xavfga patsientlar davolanishni boshida uchraydilar, koʼpchilik patsientlarda koʼrsatib oʼtilgan reaktsiyalar davolanishni birinchi oyida rivojlangan. Ibuprofen saqlovchi dorilar bilan bogʼliq boʼlgan oʼtkir umumiy ekzantematoz pustulez (OʼUEP) toʼgʼrisida xabar berilgan. Teri toshmalari, shilliq qavatning shikastlanishi yoki oʼta yuqori sezuvchanlikning boshqa simptomlarini birinchi belgilarida MIG® detskiy forte preparatini qabul qilinishini toʼxtatish kerak boʼladi.
Аyrim xolatlarda suvchechak fonida teri va yumshoq toʼqimalar tomonidan ogʼir yuqumli asoratlar rivojlanish ehtimoli mavjud. Bugungi kunga kelib, bunday yuqumli asoratlar rivojlanishida NYaQV larning rolini inkor etib boʼlmaydi. Shuning uchun suvchechak mavjudligida MIG® detskiy forte preparatini qoʼllashdan saqlanish tavsiya qilinadi.
Asosiy kasallik boʼlgan yuqumli kasalliklarning simptomlarini niqoblash
MIG® detskiy yuqumli kasallikning alomatlarini niqoblashi mumkin, bu tegishli davolanishni boshlashning kechikishiga va natijada yuqumli kasallik oqibatini yomonlashishiga olib kelishi mumkin. Bu kasalxonadan tashqari bakterial pnevmoniya va suvchechakning bakterial asoratlarida kuzatilgan. MIG® detskiy preparatini koʼtarilgan tana haroratini pasaytirish yoki yuqumli kasallik tufayli kelib chiqqan ogʼriq intensivligini kamaytirish uchun buyurishda ushbu kasallikning kechishini kuzatish tavsiya etiladi. Kasalxonadan tashqari sharoitlarda, agar simptomlar saqlanib qolsa yoki yomonlashsa, bemor shifokor bilan maslahatlashishi lozim.
Boshqa maʼlumot
MIG® detskiy forte quyidagilar mavjud boʼlganda faqat foyda va xavf nisbatini puxtalik bilan baholangandan keyingina qoʼllash mumkin boʼladi:
-    porfirin metabolizmining nasliy buzilishi (masalan, oʼtkir koʼchib yuruvchi porfiriya);
-    tizimli qizil yugurik (TQYu) va biriktiruvchi toʼqimalarni aralash kasalliklarida - aseptik meningit xavfi oshadi (“Nojoʼya taʼsirlari” boʼlimiga qarang).
Quyidagi holatlarda ayniqsa sinchkov shifokor kuzatuvi talab etiladi:
-    buyraklar funktsiyasining buzilishida (chunki oldindan buyraklar kasalligi bor boʼlgan patsientlarda buyraklar funktsiyasi oʼtkir buzilishi rivojlanishi mumkin);
-    degidratatsiyada;
-    jigar funktsiyasining buzilishida;
-    bevosita katta xirurgik aralashuvlardan keyin;
-    pollinozi, burun poliplari, burun shilliq qavatining surunkali shishishi yoki surunkali obstruktiv respirator kasalliklari boʼlgan patsientlarda, chunki ularda allergik reaktsiyalarni rivojlanish xavfi yuqori. Bu reaktsiyalar astma xuruji (analgetik astma deb nomlanadigan), Kvinke shishi yoki eshakemi koʼrinishida namoyon boʼlishi mumkin;
-    boshqa moddalarga allergiyasi boʼlgan patsientlar, chunki ularda ham MIG® detskiy forte preparatini qoʼllaganda yuqori sezuvchanlik reaktsiyalarini rivojlanish xavfi ortadi.
Juda kam hollarda ogʼir darajadagi oʼtkir yuqori sezuvchanlik reaktsiyalari kuzatilgan (masalan, anafilaktik shok). MIG® detskiy forte preparatini qoʼllagandan keyin yuqori sezuvchanlik reaktsiyalarini birinchi belgilarida davolashni toʼxtatish kerak boʼladi. Kerakli terapevtik tadbirlar kuzatilayotgan simptomlarga muvofiq ravishda tegishli malakali mutaxassislar tomonidan amalga oshirilishi lozim.
Nafas olish aʼzolari tomonidan buzilishlar: bronxial astmadan aʼziyat chekayotgan yoki oldin aʼziyat chekkan bemorlarda MIG® detskiy forte preparatini ehtiyotkorlik bilan qoʼllash kerak, chunki bunday patsientlarda NYaQV lar bronxospazmga olib kelishi mumkinligi haqida xabarlari kelib tushgan.
MIG® detskiy forte preparatini faol moddasi boʼlgan ibuprofen, trombotsitlar funktsiyasini vaqtincha ingibirlashi mumkin (trombotsitlarni agregatsiyasi). Shu sababdan qon ivishining buzilishi boʼlgan patsientlar sinchkov shifokor kuzatuvi ostida boʼlishi talab etiladi.
Ibuprofenni uzoq muddat davomida qoʼllashda jigar fermentlarini darajasi, buyraklar funktsiyasini muntazam nazorati, hamda qon formulasini aniqlash zarur boʼladi. 
Boshqa ogʼriq qoldiradigan yoki haroratni tushiradigan preparatlarni yoki antibiotiklarni qabul qilishni boshlagan patsientlarga nisbatan ehtiyotkorlikka rioya qilish zarur boʼladi.
Bosh ogʼrigʼini davolashda qoʼllaniladigan har qanday ogʼriq qoldiradigan vositalarni uzoq muddat qoʼllanilishi, uni yanada kuchayishiga olib kelishi mumkin. Аgar Siz ushbu holatda boʼlayotganligingizga ishonayotgan yoki taxmin qilayotgan boʼlsangiz, davolashni toʼxtatish va tibbiy yordamga murojaat qilish zarur boʼladi. Bosh ogʼrigʼiga qarshi dori vositalarni muntazam ravishda qoʼllashga qaramasdan (yoki ular tufayli) tez-tez yoki har kuni bosh ogʼrigʼidan aziyat chekuvchi patsientlarda dorilar qoʼzgʼatuvchi bosh ogʼrigʼi shubha qilinadi. 
Umuman olganda, analgetiklarni, ayniqsa, bir nechta ogʼriq qoldiruvchi vositalarning kombinatsiyasini odatiy ishlatish, buyrak yetishmovchiligi (analgetik nefropatiya) xavfi rivojlanishiga olib keluvchi ortga qaytmas buyrak shikastlanishiga olib kelishi mumkin. 
NYaQV lar bilan davolash bilan birga alkogol isteʼmol qilish taʼsir etuvchi moddaning nojoʼya taʼsirlarini, xususan, meʼda-ichak yoʼllari yoki markaziy nerv tizimi tomonidan kuzatiladigan nojoʼya taʼsirlarni kuchayishiga olib kelishi mumkin.
Ushbu dori preparatining 1 ml da 500 mg malьtitli sirop (E 965) saqlanadi. Fruktozani koʼtara olmaslik bilan bogʼliq kam uchraydigan nasliy kasalliklari boʼlgan patsientlarda ushbu preparatni qoʼllamaslik kerak.
Ushbu dori preparatining 1 ml da 6,0 mg natriy saqlanadi, bu JSST tavsiya qilgan kattalar uchun natriyning kunlik maksimal miqdorining (2 g) 0,3% ini tashkil qiladi.
Ushbu dori preparatining 1 ml da 1 mg natriy benzoati (E 211) saqlanadi.
Ushbu dori preparatining 1 ml da 0,0002 mg benzil spirti saqlanadi.
Benzil spirti allergik reaktsiyalar chaqirishi mumkin.
Yosh bolalarda kumulyatsiya sababli, bu xavf ortadi.
Dori preparati koʼp miqdorda, ayniqsa homilador yoki emizikli ayollarda, shuningdek jigar yoki buyraklar funktsiyasi buzilgan patsientlarda ehtiyotkorlik bilan faqat zarur holatlarda qoʼllanilishi lozim, chunki ularda moddaning toʼplanishi va uning toksikligining namoyon boʼlish xavfi mavjud boʼladi (metabolik atsidoz). 
Pediatrik profildagi patsientlar
Bolalarda va oʼsmirlarda suvsizlanishda buyraklarni shikastlanish xavfi mavjud.
Fertillik, homiladorlik va laktatsiya
Homiladorlik
Prostaglandinlarni sintezini bostirish homiladorlik va/yoki embrion/homilaning rivojlanishiga salbiy taʼsir qilishi mumkin. 
Epidemiologik tadqiqotlar natijalariga koʼra, homiladorlikning dastlabki bosqichlarida qoʼllaniladigan prostaglandin sintezi ingibitorlari, beixtiyor abort xavfini, hamda yurak nuqsonlari va gastroshizis xavfini oshirishi mumkin. Yurak-tomir tizimining anomaliyasini rivojlanishining mutloq xavfi < 1% dan taxminan 1,5% ga koʼtarilgan. Ushbu xavf preparatning dozasi va terapiya davomiyligi oshishi bilan ortadi deb hisoblanadi. 
Hayvonlarda prostaglandin sintezi ingibitorlarini qoʼllash pre- va postimplantatsion yoʼqotishlar, shuningdek embriofetal oʼlim sonining oshishiga olib kelgan. Bundan tashqari, organogenez davrida prostaglandinlar sintezining ingibitorlari bilan davolangan hayvonlarda homila rivojlanishining nuqsonlari, jumladan yurak-tomir tizimining nuqsonlari oshgan.
Homiladorlikning 20 chi haftasidan boshlab ibuprofendan foydalanish homilada buyrak funktsiyasini buzilishi natijasida qogʼonok suvlarining yetishmasligiga olib kelishi mumkin. Bu medikamentoz davolash boshlangandan koʼp oʼtmay sodir boʼlishi mumkin va odatda uni tugatgandan keyin qaytariladi. Bundan tashqari, homiladorlikning ikkinchi uch oyligida davolanishdan soʼng arterial yoʼlining torayishi holatlari haqida xabarlar mavjud boʼlib, ularning aksariyati preparat bilan davolanishni toʼxtatgandan soʼng hal qilingan.
Shuning uchun homiladorlikning birinchi va ikkinchi trimestirlarda ibuprofen buyurilishi, faqat bunga qatʼiy zarurat boʼlgandagina mumkin. Аgar homiladorlikni rejalashtirayotgan ayollar yoki homiladorlikning birinchi va ikkinchi trimestridagi ayollar ibuprofenni qoʼllashsa, ibuprofen dozasi va davolash davomiyligi imkon qadar minimal boʼlishi lozim. Ibuprofenni bir necha kun davomida qabul qilgandan soʼng, homiladorlikning 20 chi haftasidan boshlab, qogʼonok suvining tanqisligi va arterial yoʼlning torayishini antenatal kuzatish masalasini koʼrib chiqish kerak. Qogʼonok suvining tanqisligi yoki arterial yoʼlning torayishi aniqlanganda ibuprofen qabul qilishni bekor qilish kerak.
Homiladorlikni uchinchi trimestirda prostaglandinlar sintezining barcha ingibitorlari quyidagilarni chaqirishi mumkin
    homilada: 
-    yurak-oʼpkaga nisbatan toksiklik (arterial yoʼlning muddatidan avval torayishi / yopilishi va oʼpka arteriyasi tizimidagi gipertenziya);
-    buyraklar funktsiyaning buzilishi, u suvsizlik bilan kechadigan buyraklar yetishmovchiligiga oʼtishi mumkin (yuqoriga qarang);
    onada homiladorlikning oxirida va yangi tugʼilgan chaqaloqda: 
-    qon ketish vaqtining uzayishi, antiagregatsion taʼsiri, bu juda past dozalarda qabul qilinganda ham yuzaga kelishi mumkin;
-    tugʼish faoliyatini kechikishi yoki choʼzilishiga olib keluvchi bachadonning qisqarish faolligini bostirilishi.
Shuning uchun ibuprofenni homiladorlikning uchinchi trimestirda qoʼllash mumkin emas (“Qoʼllash mumkin boʼlmagan holatlar” va “Klinik qoʼllashgacha boʼlgan xavfsizlik maʼlumotlari” boʼlimlariga qarang).
Emizish davri
Ibuprofen va uning metabolitlari koʼkrak sutiga juda past kontsentratsiyada oʼtishi mumkin. Yangi tugʼilgan chaqaloqlar uchun hozirgi paytgacha salbiy oqibatlar haqida xabarlar kelib tushmaganligi sababli, tavsiya qilingan dozada ibuprofenni qisqa muddat qoʼllanilsa, odatda emizishni toʼxtatish zarurati vujudga kelmaydi (“Qoʼllash usuli va dozalari” boʼlimiga qarang).
Fertillik
Siklooksigenazani/prostaglandinlar sintezini ingibirlovchi dori vositalari ovulyatsiyaga taʼsir qilish orqali ayollar fertilligini buzishi mumkinligini tasdiqlaydigan maʼlumotlar mavjud. Bu taʼsir davolash toʼxtatilgandan keyin ortga qaytuvchi hisoblanadi.
Transport vositalarini boshqarish va mexanizmlarga xizmat koʼrsatish qobiliyatiga taʼsir
MIG® detskiy forte preparati transport vositalarini boshqarish va mexanizmlarga xizmat koʼrsatish qobiliyatiga ahamiyatsiz taʼsir koʼrsatishi mumkin. 
MIG® detskiy forte qoʼllanilganida charchoqlilik va muvozanatning buzilishi kabi nojoʼya taʼsirlar vujudga kelishi mumkin. Buning oqibatida, ayrim holatlarda reaktsiya pasayishi va avtomobilni boshqarish va mexanizmlarga xizmat koʼrsatish qobiliyatining yomonlashish ehtimoli mavjud. Koʼrsatib oʼtilgan simptomlar alkogol bilan qoʼllanilganda kuchayishi mumkin. Аyniqsa alkogol bilan oʼzaro taʼsiriga tegishli.

Ibuprofen (boshqa NYaQV lar kabi) quyidagi dori vositalari bilan birgalikda qabul qilinishida alohida ehtiyotkorlikni talab qiladi:
Boshqa nosteroid yalligʼlanishga qarshi vositalar (NYaQV) va atsetilsalitsil kislotasi
Bitta yoki bir nechta NYaQV larni birgalikda buyurilishi sinergik taʼsir oqibatida meʼda-ichak yoʼlida yaraning va qon ketishini vujudga kelish xavfini oshishiga olib kelishi mumkin. Shu sababli ibuprofen va boshqa NYaQV larni bir vaqtda qabul qilinishdan saqlanish zarur (“Maxsus koʼrsatmalar” boʼlimiga qarang).
Аtsetilsalitsil kislotasi
Ibuprofen va atsetilsalitsil kislotasini birgalikda buyurilishi umuman olganda nojoʼya taʼsirlarning kuchayish ehtimoli sababli tavsiya etilmaydi.
Ibuprofen bilan bir vaqtda qoʼllanilganda, past dozada atsetilsalitsil kislotasining trombotsitlar agregatsiyasiga yoʼnaltirilgan taʼsiri raqobatli ingibirlanishi mumkinligini tajribaviy maʼlumotlar asosida taxmin qilsa boʼladi. Ushbu maʼlumotlarni klinik vaziyatga koʼchirish borasida noaniqlik mavjud boʼlsa-da, ibuprofenni muntazam, uzoq muddat davomida qoʼllanilganida past dozada atsetilsalitsil kislotasining kardioprotektiv taʼsiri pasayishi ehtimolini istisno qilib boʼlmaydi. Ibuprofen nomuntazam qoʼllanilganida klinik ahamiyatli taʼsirlar ehtimoli kam boʼladi (“Farmakodinamikasi” boʼlimiga qarang).
Digoksin, fenitoin, litiy 
MIG® detskiy forte preparatini digoksin, fenitoin yoki litiy bilan birgalikda qoʼllashda, ushbu moddalarning plazmadagi kontsentratsiyasi oshishi mumkin. Toʼgʼri qoʼllanilganida zardobda litiy, digoksin va fenitoinni kontsentratsiyasining nazorat qilish, odatda talab etilmaydi (4 kundan ortiq boʼlmagan muddatda). 
Diuretiklar, ААF ingibitorlari, beta-blokatorlar va angiotenzin II retseptorlarni antagonistlari
NYaQV lar diuretiklarni va boshqa gipotenziv preparatlarni samaradorligini pasaytirishi mumkin. Buyraklar funktsiyasini buzilgan baʼzi patsientlarda (masalan, suvsizlangan patsientlarda yoki buyraklar funktsiyasi buzilgan keksa yoshdagi patsientlarda) ААF ingibitorlari, beta-blokatorlar va angiotenzin II antagonistlari va siklooksigenaza tizimini bostiradigan vositalarni birgalikdagi qoʼllanilishi odatda ortga qaytuvchi oʼtkir buyrak yetishmovchiligini oʼz ichiga oladigan buyraklar funktsiyasining yanada yomonlashishiga olib kelishi mumkin. Shuning uchun mazkur preparatlarni birgalikda, ayniqsa keksa yoshdagi patsientlarga, ehtiyotkorlik bilan buyurish kerak boʼladi. Patsientlar yetarli miqdorda suyuqlik ichishlari kerak va majmuada davolash boshlanganidan keyin buyraklar parametrlarini muntazam nazorat qiish zarur boʼladi.
MIG® detskiy forte preparatini kaliy saqlaydigan diuretiklar bilan bir vaqtda qabul qilinganida giperkaliemiya ehtimoli mavjud.
Kortikosteroidlar
Meʼda-ichak yoʼllari yarasi va qon ketish xavfi ortadi (“Maxsus koʼrsatmalar” boʼlimiga qarang).
Аntiagregantlar va serotoninni qayta qamrab olinishining selektiv ingibitorlari (SQQOSI)
Meʼda-ichakdan qon ketish xavfi ortadi (“Maxsus koʼrsatmalar” boʼlimiga qarang). 
Аntikoagulyantlar 
NYaQV lar varfarin kabi antikoagulyantlarning taʼsirini kuchaytirishi mumkin (“Maxsus koʼrsatmalar” boʼlimiga qarang).
Metotreksat
MIG® detskiy forte ichga qabul qilish uchun suspenziya metotreksat buyurilishidan 24 soat oldin yoki keyin qoʼllanilishi metotreksat kontsentratsiyasining oshishi va toksikligining ortishiga olib kelishi mumkin. 
Sulьfonilmochevina hosilalari
Klinik tadqiqotlar nosteroid yalligʼlanishga qarshi vositalarning diabetga qarshi vositalar bilan (sulьfonilmochevina preparatlari) oʼzaro taʼsirini koʼrsatdi. Ibuprofenning sulьfonilmochevina hosilalari bilan oʼzaro taʼsiri hali bayon etilmagan boʼlsada, ushbu dori vositalarini bir vaqtda qoʼllaganda, ehtiyot chorasi sifatida, qonda glyukoza miqdorini nazorat qilish tavsiya qilinadi.
Zidovudin
MIG® detskiy forte ichga qabul qilish uchun suspenziya bilan bir vaqtda qoʼllanilganida gemofiliya bilan aʼziyat chekayotgan OITV-ijobiy patsientlarda boʼgʼimlarda suyuqlik yigʼilishi va qon talashlar xavfi oshishi mumkin.
Siklosporin
Siklosporin tomonidan chaqirilgan nefrotik taʼsirning rivojlanish xavfi baʼzi NYaQV lar bilan bir vaqtda qabul qilinganida ortadi. Ushbu taʼsirning paydo boʼlishini siklosporin va ibuprofen birgalikda qoʼllanilganida ham istisno qilib boʼlmaydi.
Takrolimus
MIG® detskiy forte ichga qabul qilish uchun suspenziya bilan bir vaqtda qabul qilinganida nefrotik taʼsirning rivojlanish xavfi oshadi.
Probenitsid va sulьfinpirazon
Tarkibida probenetsid va sulьfinpirazon mavjud boʼlgan dori preparatlari organizmdan ibuprofenning chiqarilishini kechiktirishi mumkin.
Xinolon qatori antibiotiklari 
Hayvonlarda oʼtkazilgan tajribaviy tadqiqotlarga koʼra, NYaQV lar xinolon qatori antibiotiklarini qoʼllash bilan bogʼliq boʼlgan tirishishlar xavfini oshirishi mumkin. NYaQV va xinolonlarni qabul qilayotgan patsientlarda, tirishishlar xavfi oshishi mumkin.
CYP2C9 ingibitorlari
Ibuprofenni CYP2C9 ingibitorlari bilan birgalikda qoʼllanilganda, ibuprofenning (CYP2C9 substrat) taʼsiri kuchayishi mumkin. Vorikonazol va flukonazol (CYP2C9 ingibitori) bilan tadqiqotlarda S(+)-ibuprofen taʼsir qilishini koʼrsatkichi taxminan 80-100% ga koʼtarilgan. Аgar ibuprofen bir vaqtning oʼzida kuchli CYP2C9 ingibitorlari bilan bir vaqtda qoʼllanilayotgan boʼlsa, ayniqsa, agar ibuprofen yuqori dozalarda vorikonazol yoki flukonazol bilan bir vaqtda buyurilayotgan boʼlsa, ibuprofen dozasini pasaytirish maqsadga muvofiq boʼladi.

Dozalash
Dozalash quyidagi jadvalda koʼrsatilgan qoʼrsatkichlarga bogʼliq boʼladi. Bolalarda va oʼsmirlarda MIG® detskiy forte preparatini qoʼllanilishi tana vazniga (TV) bogʼliq; maksimal umumiy sutkalik doza 30 mg/kg TV ga teng boʼlsa bir martalik doza odatda 7-10 mg/kg, TV ni tashkil qiladi. 
Qabul qilishlar orasidagi intervalni simptomlar va maksimal sutkalik dozaga bogʼliq holda tanlash kerak. Interval kamida 6 soatni tashkil qilishi kerak. Tavsiya etilgan maksimal sutkalik dozani oshirish kerak emas.
Аgar bolalar va oʼsmirlarda ushbu preparatni 3 kundan ortiq qabul qilinishi zarur yoki simptomlar ogʼirlashib borayotgan boʼlsa, shifokorga murojaat qilish kerak boʼladi.
Аgar kattalarda tana xarorati koʼtarilayotgan boʼlsa ushbu preparatni 3 kundan ortiq qabul qilish yoki ogʼriqni 4 kundan ortiq davolash zarur boʼlsa, hamda agar simptomlar ogʼirlashsa, shifokorga murojaat qilish kerak boʼladi.

MIG® detskiy forte preparatini ogʼiz orqali yuborish uchun oʼramda shprits mavjud. 
Peroral yuborish uchun 5 ml shprits 0,25 ml dan belgilangan.
5 ml ogʼiz orqali yuborish uchun suspenziya 200 mg ibuprofenga muvofiq boʼladi.
Qoʼllashdan avval flakonni yaxshilab chayqatish zarur boʼladi.

Kerakli simptomlarni kuchini va nojoʼya taʼsirlarni kamaytirish uchun minimal vaqt davomida eng kam miqdordagi samarali dozani qoʼllash kerak («Maxsus koʼrsatmalar» boʼlimiga qarang). 
Patsientlarning maxsus guruhlari
Keksa yoshdagi shaxslar
Keksa yoshdagi shaxslarda dozani maxsus tuzatish kiritish talab etilmaydi. Keksa yoshdagi patsientlarda nojoʼya taʼsirlar boʼlishi mumkinligi sababli, ularning holatini sinchkov nazorat qilish zarur boʼladi (“Maxsus koʼrsatmalar” boʼlimiga qarang).
Buyraklar funktsiyasining buzilishi
Buyraklar funktsiyasi yengil va oʼrtacha darajada buzilgan patsientlar uchun dozani kamaytirish talab etilmaydi (ogʼir darajadagi buyrak yetishmovchiligi boʼlgan patsientlar uchun “Qoʼllash mumkin boʼlmagan holatlar” boʼlimiga qarang).
Jigar funktsiyasining buzilishi (“Farmakokinetikasi” boʼlimiga qarang)
Jigar funktsiyasi yengil va oʼrtacha darajada buzilgan patsientlar uchun dozani kamaytirish talab etilmaydi (ogʼir darajadagi jigar yetishmovchiligi mavjud boʼlgan patsientlar uchun “Qoʼllash mumkin boʼlmagan holatlar” boʼlimiga qarang).
Pediatrik profildagi patsientlar
MIG® detskiy forte 1 yoshgacha yoki tana vazni 10 kg dan kam boʼlgan bolalarda qoʼllanilishi tavsiya etilmaydi.

Qoʼllash usuli 
Faqat ichga qabul qilish va qisqa muddatli davolash uchun.
Qoʼllashdan avval flakonni yaxshilab chayqatish zarur boʼladi.
Ichga qabul qilish uchun suspenziyani ovqat isteʼmol qilishdan qatʼiy nazar qabul qilish mumkin. Meʼda sezgir boʼlgan shaxslarga MIG® detskiy forte preparatini ovqat vaqtida qabul qilishni tavsiya qilinadi.
1. Ishlatishdan oldin flakonni chayqatish lozim.
2. Flakonni ochish uchun qopqoqni bosing 
va uni strelkalar koʼrsatgan tarafga burang.
3. Suspenziyani ichishda qoʼllanadigan shpritsni teshikka joylang.
4. Flakonni pastga qarating, shpritsni tutib turing va porshenni tegishli belgigacha sekin torting.
5. Idishni tik holatiga qaytaring va shpritsni ehtiyotkorlik bilan aylantirib, chiqarib oling.
6. Siropni yuborish uchun shpritsning uchini bolaning ogʼziga soling va porshenni sekin silindrga bosib kiriting. Iltimos, yuborish tezligini bolangiz yutadigan tarzda rostlang.
Foydalanishdan soʼng flakonni qopqoq bilan yoping. Porshenni shprits korpusidan chiqarib oling, ularni iliq suv bilan yuvib tashlang va quriguncha qoldiring. Ichishda qoʼllanadigan shpritsni bolalar ololmaydigan joyda saqlang.
Аgar Siz MIG® detskiy forte preparatini qabul qilishni unutgan boʼlsangiz
Oʼtkazib yuborilgan qabulni oʼrnini toʼldirish uchun preparatni ikkilangan dozada qabul qilmang.