MIG DETSKIY suspenziya 100ml 100mg/5ml

25 °C dan yuqori boʼlmagan haroratda saqlansin.
Ushbu dori vositasi bolalar ololmaydigan joyda saqlansin.

Retseptsiz.

Tarkibi:
ichga qabul qilish uchun bir ml suspenziya saqlaydi:
faol modda: 20 mg ibuprofen;
yordamchi moddalar: natriy benzoati (E 211), suvsiz limon kislotasi, natriy sitrati, saxarin natriyli tuzi, natriy xloridi, gipromelloza, ksantan shirasi, malьtit siropi (E 965), glitserin, tozalangan suv, qulupnay aromatizatori (tabiiy aromatizatorlarga aynan oʼxshash moddalar, tabiiy aromatizator preparatlari, propilenglikol).

Chiqarilish shakli
Past zichlikdagi polietilen (PZPE) tiqin bilan taʼminlangan yuqori zichlikdagi polietilen (YuZPE)dan ishlangan burama qopqoqli polietilentereftalat (PETF)dan yasalgan jigar rangli flakon.
Oʼramlarning oʼlchamlari: ichga qabul qilish uchun 100 ml va 200 ml suspenziya.
Sotuvda barcha oʼlchamlardagi oʼramlar boʼlmasligi mumkin.
Cuspenziyani peroral yuborish uchun shprits 5 ml gacha 1/2 ml dan belgilangan, tibbiyotda qoʼllanilishiga doir yoʼriqnomasi bilan birga.

Taʼsir mexanizmi
Ibuprofen – nosteroid yalligʼlanishga qarshi vosita. Hayvonlarda oʼtkazilgan anʼanaviy tajribalarda ibuprofen prostaglandinlar sintezini bosuvchi taʼsir koʼrsatishi isbotlangan. Odamda ibuprofen isitmani tushiruvchi taʼsirga ega, yalligʼlanish tabiatli ogʼriq va shishlarni kamaytiradi. Bundan tashqari, ibuprofen АDF va kollagen chaqirgan trombotsitlar agregatsiyasini ortga qaytuvchi tarzda ingibirlaydi.
Klinik samaradorligi va xavfsizligi
Eksperimental maʼlumotlar koʼrsatishicha, bir vaqtda qoʼllaganda ibuprofen kichik dozalarda qabul qilingan atsetilsalitsil kislotasining trombotsitlar agregatsiyasiga taʼsirini raqobatbardosh ravishda ingibirlashi mumkin. Baʼzi farmakodinamik tadqiqotlar shuni koʼrsatdiki, tez eruvchan aspirin (81 mg) qabulidan 8 soat avval yoki 30 minut keyin bir martalik 400 mg dozada ibuprofen qabul qilganda atsetilsalitsil kislotasining tromboksan hosil boʼlishiga yoki trombotsitlar agregatsiyasiga taʼsiri susaygan. 
Ushbu maʼlumotlarni klinik vaziyatga koʼchirish borasida noaniqlik mavjud boʼlsa-da, ibuprofenni muntazam, uzoq muddatli qoʼllash past dozali atsetilsalitsil kislotasining kardioprotektiv taʼsirini kamaytirishi mumkinligini inkor etib boʼlmaydi. Ibuprofenni nomuntazam qoʼllashda klinik ahamiyatli taʼsirlar yuzaga kelish ehtimoli past («Dorilarning oʼzaro taʼsirlari» boʼlimiga qarang).

Soʼrilishi
Ichga qabul qilinganidan keyin ibuprofen qisman meʼdada, soʼngra toʼliq - ingichka ichakda soʼriladi. Oddiy ajralib chiqadigan dori shakli ichilganda plazmadagi eng yuqori kontsentratsiyaga 1-2 soat ichida erishiladi.
Taqsimlanishi
Plazma oqsillari bilan bogʼlanishi taxminan 99% ni tashkil qiladi.
Biotransformatsiyaci
Ibuprofen jigarda metabolizmga uchraydi (gidroksillanish, karboksillanish).
Chiqarilishi
Farmakologik faol boʼlmagan metabolitlar, asosan, buyraklar (90%) orqali, shuningdek, oʼt bilan toʼliq chiqariladi. Sogʼlom kishilarda va bemorlarda jigar va buyrak kasalliklariga chalinganda yarim chiqarilish davri 1,8-3,5 soatni tashkil qiladi.
Buyraklar funktsiyasining buzilishi
Buyraklar funktsiyasi yengil darajada buzilgan patsientlarda bogʼlanmagan (S)-ibuprofen, (S)-ibuprofen AUC darajasi va ikkita (S/R) enantiomerning AUC nisbati sogʼlom koʼngillilarga qaraganda yuqori boʼlganligi xabar qilingan.
Buyraklar patologiyasining soʼnggi bosqichidagi, gemodializ usulida davo olayotgan patsientlarda ibuprofen erkin fraktsiyasining oʼrtacha koʼrsatkichi taxminan 3% ni, sogʼlom koʼngillilarda esa taxminan 1% ni tashkil etgan. Buyraklar funktsiyasi ogʼir darajada buzilganda organizmda ibuprofen metabolitlari toʼplanishi mumkin. Ushbu taʼsirning ahamiyati aniqlanmagan. Metabolitlarni gemodializ yordamida chiqarish mumkin («Qoʼllash usuli va dozalari», «Qoʼllash mumkin boʼlmagan holatlar» va «Maxsus koʼrsatmalar» boʼlimlariga qarang).
Jigar funktsiyasining buzilishi
Ratsemik ibuprofen qabul qilgan jigar sirrozi va jigar funktsiyasining oʼrtacha darajadagi buzilishi boʼlgan patsientlarda (Chaylьd-Pьyu koʼrsatkichi 6-10 ni tashkil qiladi) yarim chiqarilish davri oʼrtacha 2 baravar uzaygan, (S/R) enantiomerlarning AUC nisbati sogʼlom koʼngillilarga qaraganda sezilarli darajada past boʼlgan, bundan ushbu patsientlarda (R)-ibuprofenning faol (S)-enantiomerga metabolik aylanishi buzilganligi kelib chiqadi («Qoʼllash usuli va dozalari», «Qoʼllash mumkin boʼlmagan holatlar» va «Maxsus koʼrsatmalar» boʼlimlariga qarang).
Toʼgʼri proportsionallik/Toʼgʼri boʼlmagan proportsionallik
200 mg dan 400 mg gacha boʼlgan dozalarda ibuprofenning toʼgʼri proportsionallik kinetikasi kuzatilgan. Yuqoriroq dozalarda dori vositasining nochiziqli kinetikasi kuzatilgan.

yalligʼlanishga qarshi va antirevmatik preparatlar, nosteroidlar. Propion kislotasining hosilalari

Nojoʼya taʼsirlarning uchrash tez-tezligini baholash uchun asos sifatida quyidagi mezonlar qoʼllaniladi:

Juda tez-tez:    ≥ 1/10.
Tez-tez:     1/100 dan  1/10 gacha.
Baʼzan:     1/1 000 dan  1/100 gacha.
Kamdan-kam:     1/10 000 dan  1/1 000 gacha.
Juda kam:    < 1/10 000.
Nomaʼlum:    mavjud maʼlumotlar asosida baholab boʼlmaydi.
Quyidagi nojoʼya taʼsirlar roʼyxati ibuprofen bilan, jumladan revmatizm bilan ogʼrigan patsientlarda yuqori dozalarda uzoq muddatli davolash paytida yuzaga kelgan barcha nojoʼya taʼsirlarni oʼz ichiga oladi. Juda kam holatlardan ham kam tez-tezlikda uchragan nojoʼya taʼsirlar ichga qabul qilinuvchi dori shakllari uchun 1200 mg va shamchalar (suppozitoriy) uchun 1800 mg gacha boʼlgan sutkalik dozalarda ibuprofen bilan qisqa muddatli davolanish uchun tegishlidir.
Quyida sanab oʼtilgan nojoʼya dori reaktsiyalari asosan preparatning dozasiga bogʼliqligini va alohida patsientlarda farq qilishi mumkinligini hisobga olish lozim.
Meʼda-ichak yoʼli tomonidan nojoʼya xodisalar eng koʼp kuzatiladi. Аyniqsa keksa yoshdagi shixislarda peptik yarasi, perforatsiyalar yoki, baʼzan, meʼda-ichakdan qon ketishi oʼlimga olib keluvchi kuzatilishi mumkin («Maxsus koʼrsatmalar» boʼlimiga qarang). Preparatni qabul qilgandan keyin koʼngil aynishi, qusish, diareya, flatulentsiya, ich qotishi, dispepsiya, qorin ogʼrigʼi, melena, gematemezis, yarali stomatit, kolit va Kron kasalligining zoʼpayishi toʼgʼrisida xabar berilgan («Maxsus koʼrsatmalar» boʼlimiga qarang). Kam hollarda gastrit kuzatilgan. Meʼda-ichak yoʼlidan qon ketish xavfi darajasi preparatning dozasiga va davolanish davomiyligiga bogʼliq.
NYaQVlarni qoʼllash bilan bogʼliq shish, arterial gipertenziya va yurak yetishmovchiligining rivojlanishi haqida xabar berilgan.
Klinik tadqiqotlar natijalariga koʼra, ibuprofenni, ayniqsa yuqori dozalarda (sutkada 2400 mg) qoʼllash arterial tromboz va uning oqibatlari (masalan, miokard infarkti yoki insulьt) xavfining biroz oshishi bilan birga kechishi mumkin («Maxsus koʼrsatmalar» boʼlimiga qarang).
Infektsiyalar va invaziyalar
Juda kam: nosteroid yalligʼlanishga qarshi vositalarni qoʼllash fonida infektsion tabiatli yalligʼlanish jarayonlarining zoʼrayish holatlari kuzatilgan (masalan, nekrozlanuvchi fastsiit rivojlanishi). Ehtimol, bu nosteroid yalligʼlanishga qarshi vositalarning taʼsir qilish mexanizmiga bogʼliqdir.
MIG® detskiy preparatidan foydalanish fonida yangi infektsiya yoki mavjud infektsiyaning zoʼrayish belgilari paydo boʼlsa, patsientga darhol shifokor bilan maslahatlashish tavsiya etiladi. Bunday holda, infektsiyaga qarshi/antibakterial terapiya uchun koʼrsatmalar mavjudligini tekshirish lozim.
Juda kam: ibuprofenni qoʼllash fonida boʼyin mushaklarining rigidligi, bosh ogʼrigʼi, koʼngil aynishi, qusish, isitma yoki alahlash kabi aseptik meningit belgilari kuzatilgan. Bunday holatlarning paydo boʼlishiga autoimmun kasalliklarga (tizimli qizil yugurik, aralash kollagenoz) chalingan patsientlar moyil boʼlishadi.
Qon va limfa tizimi tomonidan buzilishlar
Juda kam: qon hosil boʼlishining buzilishlari (anemiya, leykopeniya, trombotsitopeniya, pantsitopeniya, agranulotsitoz).
Isitma, tomoq ogʼrigʼi, ogʼizdagi yuzaki yaralar, grippga oʼxshash simptomlar, yaqqol holsizlik, burundan qon ketishi va teriga qon quyilishi dastlabki belgilar boʼlishi mumkin. Bunday hollarda bemor preparatni qabul qilishni darhol toʼxtatishi va shifokorga murojaat qilishi lozim; ogʼriq qoldiruvchi vositalarni yoki isitma tushiruvchi vositalarni oʼzboshimchalik bilan qabul qilmaslik lozim. 
Preparat bilan uzoq muddatli davolanishda umumiy qon tahlilini muntazam ravishda oʼtkazib turish lozim.
Immun tizimi tomonidan buzilishlar 
Baʼzan: teri toshmasi va qichishish, shuningdek, astma xurujlari bilan kechadigan yuqori sezuvchanlik reaktsiyalari (baʼzi hollarda qon bosimining pasayishi bilan).
Patsientga bunday reaktsiyalar haqida darhol shifokorga xabar berish va MIG® detskiy preparatini qabul qilmaslik boʼyicha koʼrsatma berish kerak.

Juda kam: yuqori sezuvchanlikning umumiy ogʼir reaktsiyalari. Bu reaktsiyalar yuz shishi, nafas yoʼllarining torayishi bilan kechadigan til va halqumning shishi, hansirash, yurak tez urishi, qon bosimining hayot uchun xavfli shokgacha pasayishi bilan namoyon boʼlishi mumkin.
Preparatni ilk bora qoʼllaganda ham paydo boʼlishi mumkin boʼlgan ushbu simptomlardan biri yuzaga kelsa, shoshilinch tibbiy yordam zarur.
Ruhiyatni buzilishlari
Juda kam:     psixotik reaktsiyalar, depressiya.
Nerv tizimi tomonidan buzilishlar
Baʼzan: bosh ogʼrigʼi, muvozanat buzilishi, uyqusizlik, qoʼzgʼalish, asabiylashish yoki toliqish kabi markaziy nerv tizimi tomonidan buzilishlar.
Koʼrish aʼzolari tomonidan buzilishlar
Baʼzan: koʼrishning buzilishi.
Patsientga bunday hollarda darhol shifokorga xabar berish va ibuprofenni qabul qilishni toʼxtatish toʼgʼrisida koʼrsatma berish lozim.
Eshitish va labirint aʼzolari tomonidan buzilishlar 
Kamdan-kam: tinnitus.
Yurak tomonidan buzilishlar
Juda kam:     yurak urib ketishini his qilish, yurak yetishmovchiligi, miokard infarkti.
Qon-tomirlar tomonidan buzilishlar
Juda kam:     arterial gipertenziya.
Nafas tizimi, koʼkrak qafasi va koʼks oraligʼi aʼzolari tomonidan buzilishlar
Juda kam:     astma, bronxospazm, dispnoe va xushtaksimon nafas.
Meʼda-ichak yoʼli tomonidan buzilishlar
Tez-tez: jigʼildon qaynashi, qorin ogʼrigʼi, koʼngil aynishi, qusish, flatulentsiya, diareya, qabziyat va ayrim hollarda anemiyaga olib kelishi mumkin boʼlgan oz miqdorda meʼda-ichakdan qon ketishi kabi meʼda-ichak yoʼllari tomonidan buzilishlar.
Baʼzan: qon ketishi va perforatsiyalar ehtimoli boʼlgan meʼda-ichak yoʼli yaralari. Yarali stomatit, kolit va Kron kasalligining zoʼrayishi («Maxsus koʼrsatmalar» boʼlimiga qarang), gastrit.
Juda kam: ezofagit, pankreatit, ichakning diafragmasimon strikturalari hosil boʼlishi.
Patsientga qorinning yuqori qismida kuchli ogʼriqlar, melena (qatronli axlat) va qonli qusish boʼlsa, preparatni qoʼllashni toʼxtatish va darhol shifokor bilan maslahatlashish kerakligini tushuntirish lozim.
Jigar va oʼt chiqarish yoʼllari tomonidan buzilishlar 
Juda kam: jigar funktsiyasining buzilishi, jigar shikastlanishi, ayniqsa uzoq muddatli terapiyada, jigar yetishmovchiligi, oʼtkir gepatit.
Teri va teri osti toʼqimalari tomonidan buzilishlar
Baʼzan: har xil turdagi teri toshmalari.
Juda kam: terining bullyoz reaktsiyalari, jumladan, Stivens-Djonson sindromi va toksik epidermal nekroliz (Layell sindromi), alopetsiya.
Nomaʼlum: eozinofiliyali va tizimli simptomlar bilan kechadigan dori reaktsiyasi (DRESS sindrom), oʼtkir tarqalgan ekzantematoz pustulez (OʼTEP), fotosezuvchanlik reaktsiyalari.
Suvchechakda, ayrim hollarda, terining ogʼir infektsiyalari va yumshoq toʼqimalar tomonidan asoratlar rivojlanishi mumkin (shuningdek, «Infektsion va parazitar kasalliklar» ga qarang).
Buyraklar va siydik chiqarish yoʼllari tomonidan buzilishlar
Kamdan-kam: buyraklar toʼqimasining shikastlanishi (papillyar nekroz), ayniqsa uzoq muddatli terapiyada, qonda siydik kislotasi kontsentratsiyasining oshishi kuzatilishi mumkin.
Juda kam: siydik chiqarishning pasayishi va shishlar paydo boʼlishi, ayniqsa arterial gipertoniya yoki buyrak yetishmovchiligiga chalingan patsientlarda, nefrotik sindrom, oʼtkir buyrak yetishmovchiligi bilan kechadigan interstitsial nefrit.
Shuning uchun buyraklar funktsiyasini muntazam ravishda kuzatib borish lozim.

Boʼlishi mumkin boʼlgan noxush reaktsiyalar toʼgʼrisida xabar berish
Dori preparatini roʼyxatdan oʼtkazgandan keyin boʼlishi mumkin boʼlgan nojoʼya reaktsiyalar toʼgʼrisida xabar berish muhimdir. Bu dori vositasining “foyda/xavf” nisbatini kuzatib borishga yordam beradi. Tibbiyot xodimlari yuzaga kelishi mumkin boʼlgan har qanday nojoʼya taʼsirlar toʼgʼrisida «Berlin-Xemi АG» Kompaniyasining Oʼzbekistondagi vakolatxonasiga xabar berishlari mumkin: Toshkent shahri, 100031, Afrosiyob koʼchasi, 12a-uy (biznes markazi).

Kasallik simptomlarini jadalligini kamaytirish uchun zarur boʼlgan minimal vaqt davomida preparatni eng kam samarali dozada qoʼllash orqali nojoʼya reaktsiyalar sonini kamaytirish mumkin («Qoʼllash usuli va dozalari» va «Nojoʼya taʼsirlari» boʼlimlariga qarang).
Meʼda-ichak yoʼliga nisbatan xavfsizlik
MIG® detskiy preparatini boshqa NYaQV lar, jumladan, siklooksigenaza-2 selektiv ingibitorlari bilan birgalikda qoʼllamaslik lozim.
Keksa yoshdagi shaxslar
Keksa patsientlarda NYaQV larga reaktsiyalar, ayniqsa, hayot uchun xavfli boʼlgan meʼda-ichakdan qon ketish va perforatsiya kabi nojoʼya reaktsiyalar koʼpayadi («Qoʼllash usuli va dozalari» boʼlimiga qarang).
Meʼda-ichak yoʼlidan qon ketishi, yara hosil boʼlishi va perforatsiya 
Barcha NYaQV larni qoʼllaganda, anamnezida meʼda-ichak yoʼlining jiddiy buzilishlari mavjudligidan qatʼi nazar, oʼlimga olib keladigan va davolashning barcha bosqichlarida darakchi simptomlar bilan yoki ularsiz rivojlanishi mumkin boʼlgan meʼda-ichakdan qon ketish, oshqozon yarasi va perforatsiyasi haqida xabarlar mavjud.
Meʼda-ichak yoʼlidan qon ketish, meʼda ichak yarasi yoki perforatsiyasi xavfi NYaQV dozasi oshirilsa, anamnezida yara boʼlgan patsientlarda, ayniqsa qon ketish yoki perforatsiya bilan asoratlangan boʼlsa («Qoʼllash mumkin boʼlmagan holatlar» boʼlimiga qarang), shuningdek, keksa patsientlarda ortadi. Bunday patsientlarni davolash preparatning mumkin boʼlgan eng past dozasi bilan boshlanishi lozim. Ushbu patsientlar, shuningdek, past dozada atsetilsalitsil kislotasi (АSK) yoki meʼda ichak-ichak yoʼli kasalliklari xavfini oshiradigan boshqa dorilar bilan bir vaqtda davolanishni talab qiladigan patsientlar uchun himoya preparatlari (masalan, mizoprostol yoki proton nasosi ingibitorlari) bilan birgalikdagi terapiyani koʼrib chiqish kerak (quyida, shuningdek, «Dorilarning oʼzaro taʼsirlari» boʼlimiga qarang).
Аnamnezida meʼda-ichak yoʼliga nisbatan toksiklik boʼlgan patsientlar, ayniqsa keksalar, qorin boʼshligʼidagi har qanday noodatiy simptomlar (ayniqsa, meʼda-ichakdan qon ketishi) toʼgʼrisida, ayniqsa davolashning dastlabki bosqichlarida, xabar berishlari lozim.
Bir paytning oʼzida yara yoki qon ketish xavfini oshiradigan peroral kortikosteroidlar, antikoagulyantlar (masalan, varfarin), serotoninni qayta qamrab olinishining selektiv ingibitorlari yoki antiagregantlarni (masalan, atsetilsalitsil kislotasi (ASK)) qabul qilayotgan patsientlarga preparatni ehtiyotkorlik bilan buyurish lozim («Dorilarning oʼzaro taʼsirlari» boʼlimga qarang).
Meʼda-ichakda qon ketish yoki yara paydo boʼlsa, MIG® detskiy preparatini qabulni toʼxtatish lozim.
Аnamnezida meʼda-ichak yoʼli kasalliklari (yarali kolit, Kron kasalligi) boʼlgan patsientlarda vaziyatning mumkin boʼlgan yomonlashuvi sababli NYaQV larni ehtiyotkorlik bilan qoʼllash kerak («Nojoʼya taʼsirlari» boʼlimiga qarang).
Yurak qon-tomir tizimi va bosh miya qon tomirlariga taʼsiri
Arterial gipertenziya va/yoki yurak yetishmovchiligi boʼlgan patsientlar davolanishni boshlashdan oldin ehtiyot boʼlishlari lozim (shifokor yoki dorixona xodimi maslahati), chunki NYaQV bilan davolash vaqtida tanada suyuqlikni tutib qolinishi, arterial gipertenziya va shishlar paydo boʼlishi haqida xabar berilgan.
Klinik tadqiqotlar natijalariga koʼra, ibuprofenni, ayniqsa yuqori dozalarda (sutkada 2400 mg) qoʼllash arterial tromboz (masalan, miokard infarkti yoki insulьt) xavfining biroz oshishi bilan birga kechishi mumkin. Epidemiologik tadqiqotlar shuni koʼrsatdiki, ibuprofenni past dozalarda (masalan, ≤ sutkada 1200 mg) qoʼllash odatda arterial tromboz xavfini oshirmaydi.
Nazorat qilinmagan arterial gipertenziya, turgʼun yurak yetishmovchiligi (NYHA tasnifiga koʼra II-III), tasdiqlangan yurak tomirlari kasalligi, periferik arteriyalar va/yoki bosh miya qon tomirlarini kasalliklariga chalingan patsientlarga ibuprofenni faqat vaziyatni toʼliq baholagandan keyin buyurish mumkin, preparatni yuqori dozalarda (sutkada 2400 mg) ishlatishdan saqlanish lozim.
Yurak qon-tomir kasalliklari uchun xavf omillari (masalan, arterial gipertenziya, giperlipidemiya, qandli diabet va chekish) boʼlgan patsientlarda uzoq muddatli davolanishni boshlashdan oldin vaziyatni diqqat bilan baholash lozim, ayniqsa ibuprofenning yuqori dozalari (sutkada 2400 mg) talab qilingan holatlarda.
Ogʼir teri reaktsiyalari
Maʼlumotlarga koʼra, juda kam hollarda baʼzida oʼlimga olib keladigan ogʼir teri reaktsiyalarining, jumladan eksfoliativ dermatit, Stivens-Djonson sindromi va toksik epidermal nekroliz rivojlanishi NYaQV larni qoʼllash bilan bogʼliq boʼlgan («Nojoʼya taʼsirlari» boʼlimiga qarang). Аftidan patsientlar davolanishning boshida eng koʼp xavf ostida boʼladi, chunki koʼp hollarda bu reaktsiyalar terapiyaning birinchi oyida rivojlangan. Ibuprofen saqlovchi dorilar bilan bogʼliq boʼlgan oʼtkir umumiy ekzantematoz pustulez (OʼUEP) toʼgʼrisida xabar berilgan.
Teri toshmasi, shilliq qavatning shikastlanishi yoki yuqori sezuvchanlikning boshqa belgilari birinchi paydo boʼlganda, MIG® detskiy preparatini qabulni toʼxtatish lozim.
Аyrim holatlarda suvchechak teri va yumshoq toʼqimalar tomonidan ogʼir yuqumli asoratlar rivojlanishiga olib kelishi mumkin. Bugungi kunga kelib, bunday yuqumli asoratlar rivojlanishida NYaQV larning rolini inkor etib boʼlmaydi. Shuning uchun, suvchechak mavjud boʼlganda, MIG® detskiy preparatini qoʼllashdan saqlanish tavsiya etiladi.
Asosiy kasallik boʼlgan yuqumli kasalliklarning simptomlarini niqoblash
MIG® detskiy yuqumli kasallikning alomatlarini niqoblashi mumkin, bu tegishli davolanishni boshlashning kechikishiga va natijada yuqumli kasallik oqibatini yomonlashishiga olib kelishi mumkin. Bu kasalxonadan tashqari bakterial pnevmoniya va suvchechakning bakterial asoratlarida kuzatilgan. MIG® detskiy preparatini koʼtarilgan tana haroratini pasaytirish yoki yuqumli kasallik tufayli kelib chiqqan ogʼriq intensivligini kamaytirish uchun buyurishda ushbu kasallikning kechishini kuzatish tavsiya etiladi. Kasalxonadan tashqari sharoitlarda, agar simptomlar saqlanib qolsa yoki yomonlashsa, bemor shifokor bilan maslahatlashishi lozim.

Boshqa koʼrsatmalar
MIG® detskiy preparatini quyidagi hollarda faqat foyda va xavf muvozanatini toʼliq baholagandan keyin qoʼllash lozim:
-    tizimli qizil yugirik (TQYu) va aralash kollagenozlarda – aseptik meningit xavfi ortadi («Nojoʼya taʼsirlari» boʼlimiga qarang).
-    porfirinlar metabolizmining tugʼma buzilishlarida (masalan, oʼtkir qoʼchib yuruvchi porfiriya).

Quyidagi hollarda ayniqsa sinchkov shifokor nazorati talab qilinadi:
-    buyraklar funktsiyasi buzilganda (chunki ilgari buyraklar kasalligi boʼlgan patsientlarda oʼtkir buyrak yetishmovchiligi rivojlanishi mumkin);
-    suvsizlanishda (suvsizlanishga chalingan bolalar va oʼsmirlarda buyraklar yetishmovchiligini rivojlanish xavfi mavjud);
-    jigar funktsiyasining buzilganda;
-    bevosita katta jarrohlik operatsiyalaridan keyin;
-    oʼsimlik changiga nisbatan allergiya, burun poliplari, burun shilliq qavatining surunkali shishi yoki surunkali obstruktiv respirator kasalliklarda, chunki bu holatlarda allergik reaktsiyalarning rivojlanish xavfi oshadi. Bu reaktsiyalar astma xurujlari (analgetik astma deb ataladigan), Kvinke shishi yoki eshakemi sifatida namoyon boʼlishi mumkin;
-    boshqa moddalarga allergiyasi boʼlgan patsientlarda, chunki ularda MIG® detskiy preparatini qoʼllaganda yuqori sezuvchanlik reaktsiyalarini rivojlanish xavfi ortadi.

Juda kam hollarda ogʼir darajadagi oʼtkir yuqori sezuvchanlik reaktsiyalari (masalan, anafilaktik shok) kuzatilgan. Preparatni qabul qilgandan keyin yuqori sezuvchanlik reaktsiyalarining birinchi belgilari paydo boʼlganida, davolashni darhol toʼxtatish lozim. Kerakli terapevtik tadbirlar kuzatilayotgan simptomlarga muvofiq ravishda tegishli malakali mutaxassislar tomonidan amalga oshirilishi lozim.

Nafas olish organlari tomonidan buzilishlar: MIG® detskiy preparatini bronxial astmaga chalingan yoki oʼtmishda undan aziyat chekkan patsientlarga buyurishda ehtiyot boʼlish kerak, chunki ushbu patsientlarda NYaQV lar bronxospazmga olib kelishi mumkinligi haqida xabarlar mavjud.
MIG® detskiy preparatining faol moddasi boʼlgan ibuprofen, trombotsitar faollikni vaqtincha ingibirlashi mumkin (trombotsitlar agregatsiyasi). Shu sababdan qon ivishida muammosi bor patsientlar sinchkov kuzatilishi lozim.
MIG® detskiy preparatini uzoq muddat qoʼllaganda jigar va buyraklar faoliyati koʼrsatkichlarini, shuningdek qon koʼrsatkichlarini muntazam ravishda kuzatib borish lozim.
Bosh ogʼrigʼini davolash uchun ishlatiladigan har qanday ogʼriq qoldiruvchi vositalardan uzoq muddat foydalanish, uni yanada kuchaytirishi mumkin. Agar siz ushbu vaziyatda ekanligingizga amin boʼlsangiz yoki shunday fikrda boʼlsangiz, terapiyani toʼxtatishingiz va tibbiy yordamga murojaat qilishingiz lozim. Bosh ogʼrigʼiga qarshi dori vositalarni muntazam ravishda qoʼllashga qaramasdan (yoki ular tufayli) tez-tez yoki har kuni bosh ogʼrigʼidan aziyat chekuvchi patsientlarda dorilar qoʼzgʼatuvchi bosh ogʼrigʼi shubha qilinadi.
Umuman olganda, analgetiklarni, ayniqsa, bir nechta ogʼriq qoldiruvchi vositalarning kombinatsiyasini odatiy ishlatish, buyrak yetishmovchiligi (analgetik nefropatiya) xavfi rivojlanishiga olib keluvchi ortga qaytmas buyrak yetishmovchiligigaga olib kelishi mumkin.
NYaQV larni qoʼllash va spirtli ichimliklarni bir vaqtda qabul qilish faol moddalarning nojoʼya taʼsiri, ayniqsa meʼda-ichak yoʼli yoki markaziy nerv tizimiga nojoʼya taʼsirlar kuchayishi mumkin.
Ayollarning reproduktiv qobiliyatiga taʼsiri boʼyicha «Fertillik, homiladorlik va laktatsiya» boʼlimiga qarang.
Ushbu dori preparatining 1 ml da 500 mg malьtit siropi (E 965) mavjud. Fruktozani koʼtara olmaslikning kam uchraydigan irsiy shakllarida patsientlarga ushbu preparat buyurilmaydi.
Ushbu dori preparatining 1 ml da 3,8 mg natriy saqlanadi, bu JSST tavsiya qilgan kattalar uchun kunlik natriyning 2 g maksimal miqdorining 0,2% ni tashkil qiladi.
Ushbu dori preparatining 1 ml da 1 mg natriy benzoat (E 211) mavjud.
Ushbu dori preparatining 1 ml da 0,0002 mg benzil spirti mavjud.
Benzil spirti allergik reaktsiyalarga olib kelishi mumkin.
Yosh bolalarda (3 yoshgacha) uning toʼplanish xavfi ortadi.
Dori preparati koʼp miqdorda, ayniqsa homilador yoki emizikli ayollarda, shuningdek jigar yoki buyraklar funktsiyasi buzilgan patsientlarda ehtiyotkorlik bilan faqat zarur holatlarda qoʼllanilishi lozim, chunki ularda moddaning toʼplanishi va uning toksikligining namoyon boʼlish xavfi mavjud boʼladi (metabolik atsidoz).

Fertillik, homiladorlik va laktatsiya
Homiladorlik
Prostaglandin sintezini bostirish homiladorlik va/yoki embrion va homilaning rivojlanishiga salbiy taʼsir koʼrsatishi mumkin. Epidemiologik tadqiqotlar shuni koʼrsatadiki, homiladorlikning dastlabki bosqichlarida qoʼllaniladigan prostaglandin sintezi ingibitorlari beixtiyor abort xavfini, shuningdek, yurak nuqsonlari va gastroshizis xavfini oshirishi mumkin. Ushbu xavf preparatning dozasi va terapiya davomiyligi oshishi bilan ortadi deb hisoblanadi.
Hayvonlarda prostaglandin sintezi ingibitorlarini qoʼllash pre- va postimplantatsion yoʼqotishlar, shuningdek, embriofetal oʼlimning oshishiga olib kelgan. Bundan tashqari, organogenez jarayonida prostaglandinlar sintezining ingibitorlari bilan davolangan hayvonlarda homila rivojlanishining nuqsonlari, jumladan, yurak-qon tomir tizimining nuqsonlari oshgan.
Homiladorlikning 20 chi haftasidan boshlab ibuprofendan foydalanish homilada buyrak funktsiyasini buzilishi natijasida qogʼonok suvlarining yetishmasligiga olib kelishi mumkin. Bu medikamentoz davolash boshlangandan koʼp oʼtmay sodir boʼlishi mumkin va odatda uni tugatgandan keyin qaytariladi. Bundan tashqari, homiladorlikning ikkinchi uch oyligida davolanishdan soʼng arterial yoʼlining torayishi holatlari haqida xabarlar mavjud boʼlib, ularning aksariyati preparat bilan davolanishni toʼxtatgandan soʼng hal qilingan.
Shuning uchun homiladorlikning birinchi va ikkinchi uch oyligida ibuprofen faqat hayotiy koʼrsatmalar boʼyicha buyuriladi. Аgar homiladorlikni rejalashtirayotgan ayollar yoki homiladorlikning birinchi va ikkinchi uch oyligida ayollar ibuprofenni qoʼllashsa, ibuprofen dozasi va davolash davomiyligi imkon qadar minimal boʼlishi lozim. Ibuprofenni bir necha kun davomida qabul qilgandan soʼng, homiladorlikning 20 chi haftasidan boshlab, qogʼonok suvining tanqisligi va arterial yoʼlning torayishini antenatal kuzatish masalasini koʼrib chiqish kerak. Qogʼonok suvining tanqisligi yoki arterial yoʼlning torayishi aniqlanganda ibuprofen qabul qilishni bekor qilish kerak.

Homiladorlikning uchinchi uch oyligida barcha prostaglandin sintezining ingibitorlari:
-    homilada quyidagilarning rivojlanishiga olib kelishi mumkin:
•    yurak-oʼpka toksikligining namoyon boʼlishi (arterial yoʼlning muddatidan oldin torayishi / yopilishi va oʼpka arteriyasi tizimidagi gipertenziya);
•    buyraklar disfunktsiyasi, bu holat kuchayib, suvsizlik bilan kechadigan buyraklar yetishmovchiligiga oʼtishi mumkin (yuqoriga qarang);

-    homiladorlikning oxirida onada va yangi tugʼilgan chaqaloqda quyidagilarning rivojlanishiga olib kelishi mumkin:
•    preparatning trombotsitlar agregatsiyasiga ingibirlovchi taʼsiri tufayli qon ketish vaqti uzayishi mumkin, bu juda past dozalarda qabul qilinganda ham yuzaga kelishi mumkin;
•    tugʼruqning kechikishi yoki uzayishiga olib keladigan bachadonning qisqarish faolligini bostirilishi.

Shu sababdan, ibuprofen homiladorlikning uchinchi uch oyligida buyurilmaydi (“Qoʼllash mumkin boʼlmagan holatlar” va “Klinik oldi xavfsizlik maʼlumotlari” boʼlimlariga qarang).

Koʼkrak bilan emizish
Ibuprofen va uning metabolitlari ona sutiga faqat juda past kontsentratsiyalarda oʼtadi. Preparatning chaqaloqlarga salbiy taʼsiri haqida xabarlar hali mavjud boʼlmaganligi sababli, ibuprofenni tavsiya etilgan dozada qisqa muddat qoʼllaganda, odatda emizishni toʼxtatish zarurati tugʼilmaydi.
Reproduktiv funktsiya
Siklooksigenaza/prostaglandin sintezini ingibirlovchi dorilar ovulyatsiyaga taʼsir qilib, ayollarning reproduktiv tizimi buzilishiga olib kelishi mumkinligi toʼgʼrisida dalillar mavjud. Ushbu taʼsir davolash toʼxtatilgandan soʼng ortga qaytadi.

Transport vositasini boshqarish va mexanizmlarga xizmat koʼrsatish qobiliyatiga taʼsiri
MIG® detskiy preparati yuqori dozalarda markaziy nerv tizimi tomonidan nojoʼya reaktsiyalarni keltirib chiqarishi mumkin, masalan, toliqish, muvozanatning buzilishi, baʼzi hollarda reaktsiya pasayishi va koʼcha harakatida yoki mexanizmlarni boshqarishda faol ishtirok etish qobiliyatining buzilishi. Ushbu holatlar preparatni spirtli ichimliklarni isteʼmol qilish bilan birgalikda qoʼllaganda kuchayadi.

Qisqa muddatli simptomatik davolash uchun:
 • tana haroratining oshishi;
• yengildan to oʼrtacha jadallikdagi ogʼriqlarda qoʼllaniladi.
MIG® detskiy tana vazni 5 kg (6 oy) dan 29 kg (9 yosh) gacha boʼlgan bolalarda qoʼllash uchun moʼljallangan.

MIG® detskiy preparatini quyidagi holatlarda:
•    taʼsir qiluvchi moddaga yoki «Tarkibi» boʼlimida sanab oʼtilgan har qanday yordamchi moddaga yuqori sezuvchanlik;
•    anamnezda atsetilsalitsil kislotasi yoki boshqa nosteroid yalligʼlanishga qarshi vositalarni (NYaQV) qabul qilish bilan bogʼliq bronxospazm, bronxial astma, rinit, angionevrotik shish yoki eshakemi borligi;
•    kelib chiqishi nomaʼlum boʼlgan qon hosil boʼlishining buzilishi;
•    hozirda yoki oʼtmishda qaytalanuvchi peptik yara/qon ketishi (meʼda ichak yarasi yoki qon ketishining ikki yoki undan ortiq tasdiqlangan alohida epizodlari);
•    anamnezda ilgarigi NYaQV terapiyasi bilan bogʼliq meʼda-ichakdan qon ketishi yoki meʼda ichak yarasining perforatsiyalari;
•    hozirda mavjud boʼlgan serebrovaskulyar qon ketish yoki boshqa qon ketish;
•    jigar yoki buyraklar funktsiyasining ogʼir darajada buzilishi;
•    ogʼir darajadagi yurak yetishmovchiligi (NYHA boʼyicha IV sinf);
•    kuchli suvsizlanish (qusish, diareya yoki suyuqlikni yetarli darajada isteʼmol qilmaslik natijasida);
•    homiladorlikning oxirgi uch oyligida («Fertillik, homiladorlik va laktatsiya» boʼlimiga qarang) qoʼllash mumkin emas.

Ibuprofen (boshqa NYaQV lar kabi) quyidagi dorilar bilan ehtiyotkorlik bilan qoʼllanilishi lozim:
Boshqa NYaQV lar, jumladan, salitsilatlar
Bir vaqtning oʼzida bir nechta turli xil NYaQV larni qabul qilganda, sinergik taʼsir tufayli meʼda-ichak yoʼli yaralari va qon ketish xavfi ortishi mumkin. Shuning uchun ibuprofen va boshqa NYaQV larni bir vaqtda qoʼllamaslik lozim («Maxsus koʼrsatmalar» boʼlimiga qarang).
Digoksin, fenitoin, litiy preparatlari
MIG® detskiy preparatini digoksin, fenitoin yoki litiy bilan birgalikda qoʼllash ularning qon plazmasidagi kontsentratsiyasini oshirishi mumkin. Toʼgʼri qoʼllanilganida zardobdagi litiy, digoksin va fenitoin kontsentratsiyasini (koʼpi bilan 3 kun) nazorat qilish odatda talab qilinmaydi.
Diuretiklar, ААF ingibitorlari, beta-blokatorlar va angiotenzin-II antagonistlari
NYaQVlar diuretiklar va boshqa antigipertenziv dorilarning taʼsirini susaytirishi mumkin. Buyraklar funktsiyasi buzilgan baʼzi patsientlarda (masalan, suvsizlangan patsinetlarda yoki buyraklar funktsiyasi cheklangan keksa yoshdagi patsientlarda) ААF ingibitorlari, beta-blokatorlar va angiotenzin II antagonistlari yoki siklooksigenaza tizimini bostiradigan vositalarni bir vaqtda qoʼllash odatda ortga qaytuvchi oʼtkir buyrak yetishmovchiligini oʼz ichiga oladigan buyraklar funktsiyasini yanada yomonlashishiga olib kelishi mumkin. Shuning uchun ushbu dorilarni birgalikda, ayniqsa keksa patsientlarda ehtiyotkorlik bilan buyurish lozim. Patsientlar yetarli miqdorda suyuqlik qabul qilishlari kerak va buyraklar funktsiyasini kombinatsiyalangan terapiyaning dastlabki bosqichida, keyin esa muntazam ravishda nazorat qilish tavsiya etiladi.
MIG® detskiy preparatini va kaliy saqlaydigan diuretiklarni bir vaqtda qoʼllaganda giperkaliemiya rivojlanishi mumkin.
Kortikosteroidlar
Meʼda-ichak yoʼlida yaralar yoki qon ketish xavfi ortadi («Maxsus koʼrsatmalar» boʼlimiga qarang).
Аntiagregantlar va serotoninni qayta qamrab olinishining selektiv ingibitorlari (SQQOSI)
Meʼda-ichak yoʼlidan qon ketish xavfi ortadi («Maxsus koʼrsatmalar» boʼlimiga qarang).
Atsetilsalitsil kislotasi
Ibuprofenni atsetilsalitsil kislotasi bilan bir vaqtda qabul qilish, odatda, nojoʼya taʼsirlarning kuchayishi sababli tavsiya etilmaydi.
Eksperimental maʼlumotlar shuni koʼrsatadiki, birgalikda qoʼllanilganida ibuprofen kichik dozalarda qabul qilingan atsetilsalitsil kislotasining trombotsitlar agregatsiyasiga taʼsirini raqobatbardosh ravishda ingibirlashi mumkin. Ushbu maʼlumotlarni klinik holatga oʼtkazish boʼyicha noaniqlik mavjud boʼlsa-da, ibuprofenni muntazam va uzoq muddatli qoʼllash past dozalarda atsetilsalitsil kislotasining kardioprotektiv taʼsirini susaytirishi mumkinligini istisno qilib boʼlmaydi. Ibuprofenni muntazam qoʼllanilmaganda klinik jihatdan ahamiyatli taʼsir koʼrsatishi dargumon («Farmakodinamikasi» boʼlimiga qarang).
Metotreksat 
Metotreksatni 24 soat davomida MIG® detskiy preparatini qabul qilishdan oldin yoki keyin qullash, metotreksat kontsentratsiyasining oshishiga va uning toksik taʼsirining kuchayishiga olib kelishi mumkin.
Siklosporin
Baʼzi nosteroid yalligʼlanishga qarshi vositalarni bir vaqtda qoʼllash siklosporinning nefrotoksik taʼsirini kuchaytiradi. Siklosporin ibuprofen bilan birgalikda qoʼllanilganida bu taʼsirni istisno qilib boʼlmaydi.
Antikoagulyantlar
NYaQV lar varfarin kabi antikoagulyantlarning taʼsirini kuchaytirishi mumkin («Maxsus koʼrsatmalar» boʼlimiga qarang).
Sulьfonilmochevina hosilalari
Klinik tadqiqotlar nosteroid yalligʼlanishga qarshi vositalarning diabetga qarshi vositalar (sulfonilmochevina preparatlari) bilan oʼzaro taʼsirini koʼrsatadi. Ibuprofenning sulfonilmochevina hosilalari bilan oʼzaro taʼsiri hali bayon etilmagan boʼlsada, ushbu dorilarni qabul qilishda ehtiyot chorasi sifatida qondagi glyukoza darajasini kuzatish tavsiya etiladi.
Takrolimus
Ikki preparat bir vaqtda qoʼllanilganida nefrotoksik taʼsir xavfi ortadi.
Zidovudin
Gemofiliyaga chalingan OIV bilan kasallangan patsientlarda zidovudin va ibuprofenni bir vaqtda qoʼllash gemartroz va gematomalarning rivojlanish xavfini oshirishi haqida dalillar mavjud.
Probenetsid va sulьfinpirazon
Probenetsid yoki sulfinpirazonni oʼz ichiga olgan dori preparatlari ibuprofenning organizmdan chiqarilishini kechiktirishi mumkin.
Xinolon qatori antibiotiklari
Hayvonlarda oʼtkazilgan eksperimental tadqiqotlariga koʼra, NYaQV lar xinolon qatori antibiotiklarini qoʼllash bilan bogʼliq boʼlgan tirishishlar xavfini oshirishi mumkin. NYaQV va xinolonlarni qabul qiladigan patsientlarda tirishishlar xavfi yuqori boʼlishi mumkin.
CYP2C9 ingibitorlari
Ibuprofenni CYP2C9 ingibitorlari bilan bir vaqtda qoʼllaganda, ibuprofenning (CYP2C9 substrati) taʼsiri kuchayishi mumkin. Vorikonazol va flukonazol (CYP2C9 ingibitorlari) bilan oʼtkazilgan tadqiqotda S(+)-ibuprofen taʼsirining taxminan 80-100% ga oshishi koʼrsatildi. Agar ibuprofen kuchli CYP2C9 ingibitorlari bilan bir vaqtda qoʼllanilsa, ayniqsa ibuprofen yuqori dozada vorikonazol yoki flukonazol bilan birgalikda qoʼllanilsa, ibuprofenning dozasini kamaytirish tavsiya etiladi.

oq yoki deyarli oq rangli yopishqoq suspenziya

Dozalash
Doza quyidagi jadvalda koʼrsatilgan parametrlarga bogʼliq. Bolalarni davolashda MIG® detskiy preparatining dozasi tana vazniga (TV) va yoshga bogʼliq va odatda bir martalik doza 7-10 mg/kg TV ga, maksimal sutkalik doza 30 mg/kg TV ga hisoblanadi.
Qoʼllash orasidagi interval kasallik simptomlari va maksimal sutkalik dozaga qarab tanlanishi lozim. Interval kamida 6 soat boʼlishi lozim. Tavsiya etilgan dozani oshirib boʼlmaydi.

Ichga qabul qilish uchun.
Faqat qisqa muddatli terapiya uchun.
Ushbu dori preparatini 3 kundan ortiq qabul qilish zarur boʼlsa yoki simptomlar yomonlashsa, shifokorga murojaat qilish lozim.

   Аhvolni yaxshilash uchun zarur boʼlgan minimal vaqt davomida eng kam miqdordagi samarali dozani qoʼllash orqali nojoʼya taʼsirlarni kamaytirish mumkin («Maxsus koʼrsatmalar» boʼlimiga qarang).
Patsientlarning maxsus guruhlari
Buyraklar funktsiyasining buzilishi («Maxsus koʼrsatmalar» va «Farmakokinetikasi» boʼlimlariga qarang)
Buyraklar funktsiyasi yengil va oʼrtacha darajadagi buzilishlari boʼlgan patsientlar uchun dozani kamaytirish talab qilinmaydi (ogʼir darajadagi buyrak yetishmovchiligiga chalingan patsientlar uchun tavsiyalarni «Qoʼllash mumkin boʼlmagan holatlar» boʼlimida qarang).
Jigar funktsiyasining buzilishi («Maxsus koʼrsatmalar» va «Farmakokinetikasi» boʼlimlariga qarang)
Jigar funktsiyasi yengil va oʼrtacha darajadagi buzilishlari boʼlgan patsientlar uchun dozani kamaytirish talab qilinmaydi (ogʼir darajadagi jigar yetishmovchiligiga chalingan patsientlar uchun tavsiyalarni «Qoʼllash mumkin boʼlmagan holatlar» boʼlimida qarang).
Pediatrik profildagi patsientlar
MIG® detskiy preparatini 6 oygacha boʼlgan yoki vazni 5 kg dan kam boʼlgan bolalarda qoʼllash tavsiya etilmaydi.
Qoʼllash usuli
MIG® detskiy ovqat bilan yoki ovqatdan keyin qabul qilinishi lozim.
Meʼdani yuqori sezuvchan boʼlgan patsientlarga MIG® detskiy preparatini ovqat bilan birga qabul qilish tavsiya etiladi.
Qoʼllashdan oldin chayqating. Preparatni ogʼiz orqali qabul qilishda aniq dozalash uchun oʼram ichiga (5 ml gacha 0,5 ml dan belgilangan) shprits joylangan.
1. Ishlatishdan oldin flakonni chayqatish lozim.
2. Flakonni ochish uchun qopqoqni bosing va uni strelkalar koʼrsatgan tarafga burang.
3. Suspenziyani ichishda qoʼllanadigan shpritsni teshikka joylang.
4. Flakonni pastga qarating, shpritsni tutib turing va porshenni tegishli belgigacha sekin torting.
5. Idishni tik holatiga qaytaring va shpritsni ehtiyotkorlik bilan aylantirib, chiqarib oling.
6. Suspenziyani yuborish uchun shpritsning uchini bolaning ogʼziga soling va porshenni sekin silindrga bosib kiriting. Iltimos, yuborish tezligini bolangiz yutadigan tarzda rostlang.

Foydalanishdan soʼng flakonni qopqoq bilan yoping. Porshenni shprits korpusidan chiqarib oling, ularni iliq suv bilan yuvib tashlang va quriguncha qoldiring. Ichish uchun qoʼllaniladigan shpritsni bolalar ololmaydigan joyda saqlang.
Аgar siz MIG ® detskiy preparatini qabul qilishni unutgan boʼlsangiz
Oʼtkazib yuborilgan dozani oʼrnini bosish uchun ikkilangan dozani qabul qilmang.

Dozani oshirib yuborilishi simptomlari
Dozani oshirib yuborilishi simptomlari sifatida markaziy nerv tizimi tomonidan bosh ogʼrigʼi, muvozanatning buzilishi, hushdan ketishdan oldingi holat va hushdan ketish (shuningdek, bolalarda mioklonik tirishishlar) kabi buzilishlar, shuningdek qorin ogʼrigʼi, koʼngil aynishi va qusish paydo boʼlishi mumkin. Bundan tashqari, meʼda-ichakdan qon ketish, shuningdek, jigar va buyraklar tomonidan funktsional buzilishlar boʼlishi mumkin. Arterial gipotenziya, nafas olish qiyinlashishi va sianoz ham yuzaga kelishi mumkin. Jiddiy zaharlanishda metabolik atsidoz paydo boʼlishi mumkin.
Dozani oshirib yuborilganda davolash choralari
Maxsus antidot yoʼq.
Davolashning terapevtik imkoniyatlari intoksikatsiya darajasi va klinik simptomariga bogʼliq, hamda intensiv terapiyada qabul qilingan standart choralariga mos keladi.

Homiladorlik
Prostaglandin sintezini bostirish homiladorlik va/yoki embrion va homilaning rivojlanishiga salbiy taʼsir koʼrsatishi mumkin. Epidemiologik tadqiqotlar shuni koʼrsatadiki, homiladorlikning dastlabki bosqichlarida qoʼllaniladigan prostaglandin sintezi ingibitorlari beixtiyor abort xavfini, shuningdek, yurak nuqsonlari va gastroshizis xavfini oshirishi mumkin. Ushbu xavf preparatning dozasi va terapiya davomiyligi oshishi bilan ortadi deb hisoblanadi.
Hayvonlarda prostaglandin sintezi ingibitorlarini qoʼllash pre- va postimplantatsion yoʼqotishlar, shuningdek, embriofetal oʼlimning oshishiga olib kelgan. Bundan tashqari, organogenez jarayonida prostaglandinlar sintezining ingibitorlari bilan davolangan hayvonlarda homila rivojlanishining nuqsonlari, jumladan, yurak-qon tomir tizimining nuqsonlari oshgan.
Homiladorlikning 20 chi haftasidan boshlab ibuprofendan foydalanish homilada buyrak funktsiyasini buzilishi natijasida qogʼonok suvlarining yetishmasligiga olib kelishi mumkin. Bu medikamentoz davolash boshlangandan koʼp oʼtmay sodir boʼlishi mumkin va odatda uni tugatgandan keyin qaytariladi. Bundan tashqari, homiladorlikning ikkinchi uch oyligida davolanishdan soʼng arterial yoʼlining torayishi holatlari haqida xabarlar mavjud boʼlib, ularning aksariyati preparat bilan davolanishni toʼxtatgandan soʼng hal qilingan.
Shuning uchun homiladorlikning birinchi va ikkinchi uch oyligida ibuprofen faqat hayotiy koʼrsatmalar boʼyicha buyuriladi. Аgar homiladorlikni rejalashtirayotgan ayollar yoki homiladorlikning birinchi va ikkinchi uch oyligida ayollar ibuprofenni qoʼllashsa, ibuprofen dozasi va davolash davomiyligi imkon qadar minimal boʼlishi lozim. Ibuprofenni bir necha kun davomida qabul qilgandan soʼng, homiladorlikning 20 chi haftasidan boshlab, qogʼonok suvining tanqisligi va arterial yoʼlning torayishini antenatal kuzatish masalasini koʼrib chiqish kerak. Qogʼonok suvining tanqisligi yoki arterial yoʼlning torayishi aniqlanganda ibuprofen qabul qilishni bekor qilish kerak.

Homiladorlikning uchinchi uch oyligida barcha prostaglandin sintezining ingibitorlari:
-    homilada quyidagilarning rivojlanishiga olib kelishi mumkin:
•    yurak-oʼpka toksikligining namoyon boʼlishi (arterial yoʼlning muddatidan oldin torayishi / yopilishi va oʼpka arteriyasi tizimidagi gipertenziya);
•    buyraklar disfunktsiyasi, bu holat kuchayib, suvsizlik bilan kechadigan buyraklar yetishmovchiligiga oʼtishi mumkin (yuqoriga qarang);

-    homiladorlikning oxirida onada va yangi tugʼilgan chaqaloqda quyidagilarning rivojlanishiga olib kelishi mumkin:
•    preparatning trombotsitlar agregatsiyasiga ingibirlovchi taʼsiri tufayli qon ketish vaqti uzayishi mumkin, bu juda past dozalarda qabul qilinganda ham yuzaga kelishi mumkin;
•    tugʼruqning kechikishi yoki uzayishiga olib keladigan bachadonning qisqarish faolligini bostirilishi.

Shu sababdan, ibuprofen homiladorlikning uchinchi uch oyligida buyurilmaydi (“Qoʼllash mumkin boʼlmagan holatlar” va “Klinik oldi xavfsizlik maʼlumotlari” boʼlimlariga qarang).

Koʼkrak bilan emizish
Ibuprofen va uning metabolitlari ona sutiga faqat juda past kontsentratsiyalarda oʼtadi. Preparatning chaqaloqlarga salbiy taʼsiri haqida xabarlar hali mavjud boʼlmaganligi sababli, ibuprofenni tavsiya etilgan dozada qisqa muddat qoʼllaganda, odatda emizishni toʼxtatish zarurati tugʼilmaydi.

Hayvonlarda oʼtkazilgan sinovlarda ibuprofenning surunkali osti va surunkali toksikligi, birinchi navbatda, meʼda-ichak yoʼlining shikastlanishi va yaralari koʼrinishida namoyon boʼlgan.
In vitro va in vivo tadqiqotlarda ibuprofenning klinik jihatdan ahamiyatli mutagen taʼsirining belgilari aniqlanmagan. Sichqonlar va kalamushlarda olib borilgan tadqiqotlarda ibuprofenning kantserogen taʼsiri aniqlanmagan.
Ibuprofen quyonlarda ovulyatsiyani bostirilishiga va turli xil hayvonlar turlarida (quyonlar, kalamushlar, sichqonlar) implantatsiyaning buzilishiga olib kelgan. Sichqonlar va quyonlarda oʼtkazilgan eksperimental tadqiqotlar ibuprofen platsenta toʼsigʼidan oʼtishini koʼrsatdi. Preparatni kalamushlarda ona hayvon uchun toksik dozalarda qoʼllanganida, naslda tugʼma nuqsonlar (qorinchalar oʼrtasidagi toʼsiq nuqsonlari) koʼpayishi kuzatildi.

3 yil; flakon ochilgandan keyin: 25 °C dan yuqori boʼlmagan haroratda saqlansa, 6 oy.
Ushbu preparatni yorliqda va karton qutida koʼrsatilgan yaroqlilik muddati oʼtganidan keyin va «goden do» soʼzlaridan keyin ishlatmang. Koʼrsatilgan oyning oxirgi kuni yaroqlilik muddati yakun topadigan sana hisoblanadi.
Dori preparatlarini kanalizatsiyaga yoki maishiy chiqindilar bilan birga tashlamang. Keraksiz dorini yoʼq qilish toʼgʼrisida dorixona ishchisidan maslahat oling. Ushbu chora-tadbirlar atrof-muhitni muhofaza qilishga yordam beradi.