Ibufen® D odatda yaxshi o'zlashtiriladi, lekin qo'llanganda nojo'ya samaralar paydo bo'lishi mumkin. Qisqa muddatli ibuprofenni reseptsiz beriladigan dozalarda qo'llaganda quyidagi samaralar kuzatilishi mumkin. Uzoq muddat ibuprofenni qo'llash vaqtida boshqa ko'rsatmalarda boshqa nojo'ya samaralar kuzatilishi mumkin.
Nojo'ya ta'sirlar paydo bo'lish tez-tezligi bo'yicha quyidagicha tasniflanadi:
juda tez-tez (10 pasientdan bir nafar); tez-tez (100 pasientdan 1-10 nafardan ko'proq); tez-tez emas (1000 pasientdan 1-10 nafar dan ko'proq); kam hollarda (10000 nafar pasientdan 1-10 dan ko'proq); juda kam hollarda (10000 pasientdan bir nafardan kam).
Infektsion va parazitar kasalliklar:
Juda kam hollarda: nosteroid yallig'lanishga qarshi preparatlar qo'llanishi bilan bog'liq infektsion-yallig'lanish reaktsiyalarni zo'rayishi (masalan, nekrotik fassiitni namoyon bo'lishi) ta'riflangan. Ehtimol bu nosteroid yallig'lanishga qarshi preparatlar ta'sir mexanizmi bilan bog'liq bo'lishi mumkin.
Agar preparatni qo'llash vaqtida infektsiya simptomlari paydo bo'lsa yoki kuchaysa, pasient darhol shifokorga murojaat qilishi lozim. Infektsiyaga qarshi davolashga (antibiotikoterapiya) ko'rsatmalarni mavjudligini baholash lozim.
Ibuprofen qo'llanganda ensa mushaklarini rigidligi bilan aseptik meningit, bosh og'rig'i, ko'ngil aynishi, qusish, isitma yoki ongni buzilish simptomlari kuzatilishi mumkin. Autoimmun buzilishlari bo'lgan pasientlar bunga moyillikni namoyon qiladi (SLE, biriktiruvchi to'qimalarni aralash kasalligi).
Qon va limfatik tizimi tomonidan buzilishlar:
Juda kam hollarda: qon morfologiyasini ko'rsatkichlarini buzilishlari (anemiya, leykopeniya, trombositopeniya, pantsitopeniya, agranulositoz). Isitma, tomoqda og'riq, yuzaki stomatit, grippsimon simptomlar, charchoqlik, burundan qon ketish va teridan qon ketishlar birinchi simptomlari hisoblanadi. Uzoq muddat davolanganda muntazam qon morfologiyasini tekshirish lozim.
Immun tizimi tomonidan buzilishlar:
Tez-tez emas: teri toshmasi va qichishish bilan allergik reaktsiyalar, shuningdek bo'g'ilish xurujlari (arterial qon bosimni pasayishi bilan birga kuzatilishi mumkin).
Pasientni ogoxlantirish lozim, ushbu holatda u darhol shifokorga murojaat qilsin
va Ibufen® D preparatini boshqa qabul qilmasin.
Juda kam hollarda: og'ir tizimli allergik reaktsiyalar. Ular shu jumladan hayotga xavf soluvchi shok, yuz, til shishi ko'rinishida, nafas yo'llarini o'tkazuvchanligini buzilishlari bilan xalqumni ichki shishi, nafas etishmovchiligi, taxikardiya, arterial qon bosimni pasayishi paydo bo'lishi mumkin.
Agar yuqorida ko'rsatilgan simptomlar paydo bo'lsa, bu preparatni birinchi qo'llangandan keyin paydo bo'lishi mumkin va shoshilinch tibbiy yordam ko'rsatish zarur.
Ruhiyatni buzilishlari:
Juda kam hollarda: psixotik reaktsiyalar, depressiya.
Nerv tizimi tomonidan buzilishlar:
Tez-tez emas: bosh og'rig'i, bosh aylanishi, uyqusizlik, qo'zg'alish, ta'sirchanlik va charchoqlik xissi.
Ko'rish a'zosi tomonidan buzilishlar:
Tez-tez emas: ko'rishni buzilishi.
Eshitish a'zosi tomonidan buzilishlar va labirint buzilishlari:
Kam hollarda: quloqlarda shovqin.
Yurak tomonidan buzilishlar:
Juda kam hollarda: yurak urishi, yurak etishmovchiligi.
Qon-tomirlar tomonidan buzilishlar:
Juda kam hollarda: arterial gipertenziya.
Me'da-ichak yo'llari tomonidan buzilishlar:
Tez-tez: jig'ildon qaynashi, qorinda og'riq, ko'ngil aynishi, qusish, diareya, gazlar chiqishi bilan meteorizm, qabziyat va ayrim hollarda anemiyaga olib kelishi mumkin, kuchsiz bo'lgan me'da-ichak yo'llaridan qon ketishi.
Tez-tez emas: potentsial qon ketishi va perforasiya bo'lishi bilan me'da-ichak yo'larini yaralanishi. Yarali stomatit, kolit va Kron kasalligini zo'rayishi, gastrit.
Juda kam hollarda: ezofagit, pankreatit, ichakni membranoz torayishini hosil bo'lishi.
Epigastral sohada o'tkir og'riqlar, qatronsimon ahlat yoki qon bilan qusish paydo bo'lganida preparatni qabul qilishni to'xtatish va darxol shifokorga murojaat qilish lozim.
Jigar va safro chiqarish yo'llari tomonidan buzilishlar:
Juda kam hollarda: jigar funktsiyasini buzilishlari, ayniqsa uzoq muddat qo'llanganda, jigar etishmovchiligi, o'tkir gepatit.
Teri va teri osti to'qimalar tomonidan buzilishlar:
Tez-tez emas: turli teri toshmalari.
Juda kam hollarda: eksfoliativ dermatit, bullyoz reaktsiyalar, shu jumladan Stivens-Djonson sindromi, toksik epidermal nekroliz kabi og'ir teri reaktsiyalari.
Ayrim holatlarda suvchechak virusi yuqtirilganda og'ir teri infektsiyalari va yumshoq to'qimalarga tegishli asoratlar paydo bo'lishi mumkin.
Buyrak va siydik chiqarish yo'llari tomonidan buzilishlar:
Kam hollarda: buyrak to'qimalarni jarohatlanishi (nekrotik papillit) va qonda siydik kislotasining kontsentrasiyasini oshishi paydo bo'lishi mumkin.
Juda kam hollarda: ayniqsa arterial gipertenziyasi yoki buyrak etishmovchiligi bo'lgan pasientlarda shishlarni hosil bo'lishi, nefrotik sindrom, o'tkir buyrak etishmovchiligi bilan birga kechuvchi interstisial nefrit. Shuning uchun buyrak funktsiyasini muntazam tekshirish lozim.
Klinik tadqiqotlar natijalari ibuprofenni ayniqsa yuqori dozalarda (sutkada 2400 mg) qo'llangandagi arterial trombotik asoratlar bilan (masalan miokard infarkti yoki insult) bog'liq bo'lishi mumkinligini ko'rsatadi.
Hamma, shu jumladan yo'riqnomada ko'rsatilmagan paydo bo'lgan nojo'ya (noxush) samaralar to'g'risida davolovchi shifokorga xabar berish kerak.
