IBUPROFEN tabletkalari 200mg N10
IBUPROFEN tabletkalari 200mg N10 qo'llanmasi
Farmakokinetikasi
Absorbsiya - yuqori, MIY dan tez va deyarli to'liq so'riladi. Ibuprofenning plazmadagi Cmax iga preparat qabul qilinganidan 1-2 soat o'tgach erishiladi. Plazma oqsillari bilan bog'lanishi 90% dan ortiq, T - 2 soat. Bo'g'im bo'shlig'iga sekin kiradi, sinovial to'qimada ushlanib qoladi va u yerda plazmadagiga qaraganda yuqori konsentratsiyalarni hosil qiladi. So'rilgandan so'ng farmakologik nofaol R-shaklining taxminan 60% sekin-asta faol S-shaklga aylanadi. Metabolizmga uchraydi. Buyraklar orqali (o'zgarmagan holda 1% dan ko'p bo'lmagan) va kamroq darajada safro bilan chiqariladi.
Farmakologik ta'siri
Preparat nosteroid yallig'lanishga qarshi vositalar (NYQV) guruhiga kiradi. Analgetik, isitmani tushiruvchi va yallig'lanishga qarshi ta'sir ko'rsatadi. COX1 va COX2 ni tanlamasdan bloklaydi.
Ibuprofenning ta'sir mexanizmi og'riq, yallig'lanish va gipertermik reaktsiya mediatorlari bo'lgan prostaglandinlar sintezini to'xtatish bilan bog'liq.
Nojo'ya samaralari
Me'da-ichak yo‘llari (MIY): NYQP-gastropatiya (abdominal og‘riqlar, ko‘ngil aynishi, qusish, jig‘ildon qaynashi, ishtahaning pasayishi, diareya, meteorizm, qabziyat; kam hollarda - MIY shilliq qavatining yaralanishi, ular bir qator hollarda perforatsiya va qon ketishlar bilan asoratlanadi); og‘iz bo‘shlig‘i shilliq qavatining ta'sirlanishi yoki qurishi, og‘izda og‘riq, milk shilliq qavatining yaralanishi, aftoz stomatit, pankreatit.
Gepatobiliar tizim: gepatit.
Nafas olish tizimi: hansirash, bronxospazm.
Sezgi a'zolari: eshitishning buzilishi: eshitishning pasayishi, quloqlarda jaranglash yoki shovqin; ko‘rishning buzilishi: ko‘rish nervining toksik shikastlanishi, noaniq ko‘rish yoki ikkita bo‘lib ko‘rinish, skotoma, ko‘zlarning qurishi va ta'sirlanishi, kon'yunktiva va qovoqlar shishi (allergik genezli).
Markaziy va periferik nerv tizimi: bosh og‘rig‘i, bosh aylanishi, uyqusizlik, xavotirlik, asabiylik va ta'sirchanlik, psixomotor qo‘zg‘alish, uyquchanlik, depressiya, ongning chalkashishi, gallyutsinatsiyalar, kam hollarda - aseptik meningit (ko‘pincha autoimmun kasalliklari bo‘lgan bemorlarda).
Yurak-qon tomir tizimi: yurak yetishmovchiligi, taxikardiya, qon bosimining oshishi.
Siydik chiqarish tizimi: o‘tkir buyrak yetishmovchiligi, allergik nefrit, nefrotik sindrom (shishlar), poliuriya, tsistit.
Allergik reaksiyalar: teri toshmasi (odatda eritematoz yoki eshakemi), teri qichishishi, Kvinke shishi, anafilaktoid reaksiyalar, anafilaktik shok, bronxospazm yoki dispnoe, isitma, ko‘p shaklli ekssudativ eritema (shu jumladan Stivens-Djonson sindromi), toksik epidermal nekroliz (Layell sindromi), eozinofiliya, allergik rinit.
Qon yaratish a'zolari: anemiya (sh.j. gemolitik, aplastik), trombositopeniya va trombositopenik purpura, agranulotsitoz, leykopeniya.
Boshqalar: ko‘p terlash.
Yuqori dozalarda uzoq vaqt qo‘llanilganda me'da-ichak yo‘llari shilliq qavatining yaralanishi, qon ketishi (me'da-ichakdan, milkdan, bachadondan, gemorroidal), ko‘rishning buzilishi (rang ajratishning buzilishi, skotoma, ambliopiya) xavfi ortadi.
Laboratoriya ko‘rsatkichlari:
— qon ketish vaqti (uzayishi mumkin);
— zardobda glyukoza kontsentratsiyasi (pasayishi mumkin);
— kreatinin klirensi (kamayishi mumkin);
— gematokrit yoki gemoglobin (kamayishi mumkin);
— zardob kreatinin kontsentratsiyasi (oshishi mumkin);
— «jigar» transaminazalari faolligi (oshishi mumkin).
Agar preparatni qabul qilish sizning odatiy holatingiz o‘zgarishini chaqirsa, tabletkalarni qabul qilishni to‘xtating va darhol shifokorga murojaat qiling.
Maxsus saqlash sharoitlari
Preparat bilan davolashni minimal samarali dozada, imkon qadar qisqa kurs bilan o'tkazish kerak. Uzoq muddatli davolash vaqtida periferik qon manzarasi va jigar hamda buyraklarning funktsional holatini nazorat qilish zarur. Gastropatiya simptomlari paydo bo'lganda qat'iy nazorat, shu jumladan ezofagogastroduodenoskopiya o'tkazish, qonning umumiy tahlili (gemoglobinni aniqlash), axlatni yashirin qonga tahlil qilish ko'rsatilgan.
17-ketosteroidlarni aniqlash zarurati bo'lganda preparatni tekshiruvdan 48 soat oldin bekor qilish kerak.
Bemorlar yuqori diqqatni, tezkor ruhiy va harakat reaktsiyalarini talab qiluvchi barcha turdagi faoliyatlardan saqlanishlari kerak. Davolash davrida etanol qabul qilish tavsiya etilmaydi.
Qo'llanilishi mumkin bo'lmagan holatlar
- preparat tarkibiga kiruvchi har qanday ingredientga gipersezuvchanlik. Atsetilsalitsil kislotasiga yoki boshqa NYaQVlarga gipersezuvchanlik, shu jumladan atsetilsalitsil kislotasi yoki boshqa NYaQV qabul qilgandan keyin bronxoobstruksiya, rinit, eshakemi xuruji to'g'risida anamnestik ma'lumotlar; atsetilsalitsil kislotasiga toqat qilolmaslikning to'liq yoki to'liq bo'lmagan sindromi (rinosinusit, eshakemi, burun shilliq qavati poliplari, bronxial astma);
- me'da-ichak trakti organlarining eroziv-yarali kasalliklari zo'rayish bosqichida (shu jumladan me'da va o'n ikki barmoqli ichak yara kasalligi, Kron kasalligi, nospetsifik yarali kolit);
- ichakning yallig'lanish kasalliklari;
- gemofiliya va qon ivishining boshqa buzilishlari (shu jumladan gipokoagulyatsiya), gemorragik diatezlar;
- aortokoronar shuntlash o'tkazilgandan keyingi davr;
- me'da-ichakdan qon ketishlar va bosh suyagi ichiga qon quyilishlar;
- yaqqol jigar yetishmovchiligi yoki faol jigar kasalligi;
- buyrakning progressiv kasalliklari;
- kreatinin klirensi minutiga 30 ml dan kam bo'lgan yaqqol buyrak yetishmovchiligi, tasdiqlangan giperkaliemiya;
- homiladorlik;
- 6 yoshgacha bo'lgan bolalar.
Ehtiyotkorlik bilan. Keksa yosh, yurak yetishmovchiligi, arterial gipertenziya, yurak ishemik kasalligi, serebrovaskulyar kasalliklar, dislipidemiya, qandli diabet, periferik arteriya kasalliklari, chekish, spirtli ichimliklarni tez-tez iste'mol qilish, portal gipertenziya bilan kechuvchi jigar sirrozi, kreatinin klirensi minutiga 60 ml dan kam bo'lgan jigar va/yoki buyrak yetishmovchiligi, nefrotik sindrom, giperbilirubinemiya, me'da va o'n ikki barmoqli ichak yara kasalligi (anamnezda), H. Pylori infeksiyasi mavjudligi, gastrit, enterit, kolit, kelib chiqishi noma'lum qon kasalliklari (leykopeniya va anemiya), laktatsiya davri, NYaQVlarni uzoq muddat qo'llash, og'ir somatik kasalliklar, peroral GKS (shu jumladan prednizolon), antikoagulyantlar (shu jumladan varfarin), antiagregantlar (shu jumladan atsetilsalitsil kislotasi, klopidogrel), serotonin qayta qamrab olinishi selektiv ingibitorlarini (shu jumladan tsitalopram, fluoksetin, paroksetin, sertralin) bir vaqtda qabul qilish.
Dori vositalarining o'zaro ta'siri
Ibuprofenni atsetilsalitsil kislotasi va boshqa NYQPV bilan bir vaqtda qabul qilish tavsiya etilmaydi. Bir vaqtda tayinlanganda ibuprofen atsetilsalitsil kislotasining yallig'lanishga qarshi va antiagregant ta'sirini kamaytiradi (ibuprofen qabul qilish boshlangandan keyin antiagregant vosita sifatida atsetilsalitsil kislotasining kichik dozalarini qabul qilayotgan bemorlarda o'tkir koronar yetishmovchilik rivojlanish chastotasi oshishi mumkin). Antikoagulyant va trombolitik dori vositalari (alteplaza, streptokinaza, urokinaza) bilan bir vaqtda tayinlanganda qon ketish xavfi ortadi. Serotoninni qayta qamrab olish ingibitorlari (tsitalopram, fluoksetin, paroksetin, sertralin) bilan bir vaqtda qabul qilish jiddiy OIT qon ketishlari rivojlanish xavfini oshiradi.
Tsefamandol, tsefaperazon, tsefotetan, valproat kislotasi, plikamitsin gipoprotrombinemiya rivojlanish chastotasini oshiradi. Siklosporin va oltin preparatlari ibuprofenning buyraklarda prostaglandinlar sinteziga ta'sirini kuchaytiradi, bu nefrotoksiklikning oshishi bilan namoyon bo'ladi. Ibuprofen siklosporinning plazma kontsentratsiyasini va uning gepatotoksik ta'siri rivojlanish ehtimolini oshiradi. Naychalar sekretsiyasini bloklovchi dori vositalari ibuprofenning chiqarilishini kamaytiradi va plazma kontsentratsiyasini oshiradi. Mikrosomal oksidlanish induktorlari (fenitoin, etanol, barbituratlar, rifampitsin, fenilbutazon, tritsiklik antidepressantlar) gidroksillangan faol metabolitlar ishlab chiqarilishini oshirib, og'ir intoksikatsiyalar rivojlanish xavfini oshiradi. Mikrosomal oksidlanish ingibitorlari - gepatotoksik ta'sir xavfini kamaytiradi. Vazodilatatorlarning gipotenziv faolligini, furosemid va gidroxlorotiazidning natriyuretik va diuretik faolligini pasaytiradi. Urikozurik preparatlar samaradorligini pasaytiradi, bevosita bo'lmagan antikoagulyantlar, antiagregantlar, fibrinolitiklar ta'sirini kuchaytiradi (gemorragik buzilishlar paydo bo'lish xavfi ortadi), mineralokortikosteroidlar, glyukokortikosteroidlar, kolxitsin, estrogenlar, etanolning qon ketish bilan kechuvchi ultserogen ta'sirini kuchaytiradi. Peroral gipoglikemik dori vositalari va insulin, sulfonilmoчевина hosilalari samarasini kuchaytiradi. Antatsidlar va kolestiramin so'rilishni kamaytiradi. Qonda digoksin, litiy preparatlari, metotreksat kontsentratsiyasini oshiradi. Kofein analgetik samaraning kuchaytiradi.
Dozirovkasi
Ibuprofen kattalar va 12 yoshdan katta bolalarga ichishga, 200 mg tabletkalarda kuniga 3-4 marta buyuriladi. Tez terapevtik samaraga erishish uchun doza 400 mg (2 tabletka) gacha kuniga 3 marta oshirilishi mumkin. Davolash samarasiga erishilganda preparatning sutkalik dozasi 600-800 mg gacha kamaytiriladi. Ertalabki doza ovqatdan oldin, yetarli miqdordagi suv bilan (preparat tezroq so'rilishi uchun) qabul qilinadi. Qolgan dozalar kun davomida ovqatdan keyin qabul qilinadi.
Maksimal sutkalik doza 1200 mg ni tashkil qiladi (24 soat ichida 6 tabletkadan ko'p qabul qilmaslik kerak). Takroriy dozani 4 soatdan tez-tez qabul qilmaslik kerak. Shifokor maslahatisiz preparatni qo'llash davomiyligi 5 kundan oshmasligi kerak.
12 yoshdan kichik bolalarda shifokor maslahatisiz qo'llash mumkin emas.
6 dan 12 yoshgacha bo'lgan bolalarga: 1 tabletkadan kuniga 4 martadan ko'p emas; preparat faqat bola tana vazni 20 kg dan ortiq bo'lgan holda ishlatilishi mumkin. Tabletkalarni qabul qilish oralig'i kamida 6 soat (sutkalik doza 30 mg/kg dan oshmasligi kerak).
Hajm/og'irlik
IBUPROFEN tabletkalari 200mg N10 o'xshash dorilari
Ibuprofen boshqa chiqarish shakllari
IBUPROFEN tabletkalari 200mg N10 analoglari
{
"data": {
"id": 63089,
"stores_apteka_id": 412229,
"slug": "ibuprofen-tabletki-pokrytye-obolochkoy-200-mg-n10",
"stores_apteka_slug": "ibuprofen-200mg-tab-10",
"name": "IBUPROFEN tabletkalari 200mg N10",
"brand_name": "IBUPROFEN",
"image": "uploads/iblock/da5/da570c230bbb92fc976ebad3b186a83b.webp",
"atx_code": "M01AЕ01",
"drug_form_id": 1,
"over_the_counter": false,
"prescription_type": "non_prescription",
"availability": "not_available",
"reviews_count": 0,
"reviews_rating": 0,
"has_pickup": false,
"has_delivery": false,
"manufacturer": null,
"manufacturer_plain": "Borisovskiy zavod medisinskix preparatov, OAO",
"representative": null,
"representative_plain": null,
"distributor": null,
"distributor_plain": null,
"is_manufacturer_advertiser": false,
"is_representative_advertiser": false,
"is_dietary_supplement": false,
"is_medical_device": false,
"category": {
"id": 491,
"slug": "protivovospalitelnye",
"name": "Yallig'lanishga qarshi",
"external_link_title": "",
"external_link": ""
},
"drug_group": {
"id": 6628,
"slug": "ibuprofen",
"name": "Ibuprofen"
},
"is_purchasable": false,
"country": {
"id": 119,
"slug": "belarusiya",
"name": "Belarusiya"
},
"active_ingredients": [
{
"id": 7254,
"slug": "ibuprofen",
"name": "Ibuprofen"
}
],
"tags": []
}
}
