IBUPROFEN tabletkalari 200mg N50

So'rilishi - yuqori, MITYdan tez va deyarli to'liq so'riladi. Plazmada ibuprofenning C_max siga preparat qabul qilinganidan 1-2 soat o'tgach erishiladi. Plazma oqsillari bilan bog'lanishi 90% dan ortiq, T _{- 2 soat. Bo'g'im bo'shlig'iga sekin kiradi, sinovial to'qimada ushlanib qoladi va unda plazmadagiga qaraganda kattaroq kontsentratsiyani hosil qiladi. So'rilgandan so'ng farmakologik faol bo'lmagan R-shaklining taxminan 60% sekin faol S-shaklga aylanadi. Metabolizmga uchraydi. Buyraklar orqali (o'zgarmagan holda 1% dan ko'p bo'lmagan) va kamroq darajada safro bilan chiqariladi.}

Preparat nosteroid yallig'lanishga qarshi vositalar (NYQV) guruhiga kiradi. Analgetik, isitmani tushiruvchi va yallig'lanishga qarshi ta'sir ko'rsatadi. COX1 va COX2 ni tanlamasdan bloklaydi.

Ibuprofenning ta'sir mexanizmi og'riq, yallig'lanish va gipertermik reaktsiya mediatorlari bo'lgan prostaglandinlar sintezini to'xtatish bilan bog'liq.

Oshqozon-ichak trakti (OIT): NYAQV-gastropatiyasi (abdominal og'riqlar, ko'ngil aynishi, qusish, zarda qaynashi, ishtahaning pasayishi, diareya, meteorizm, qabziyat; kamdan-kam hollarda - OIT shilliq qavati yaralanishi, ular bir qator hollarda perforatsiya va qon ketishlar bilan asoratlanadi); og'iz bo'shlig'i shilliq qavatining ta'sirlanishi yoki quruqligi, og'izda og'riq, milk shilliq qavatining yaralanishi, aftoz stomatit, pankreatit.

Gepato-biliar tizim: gepatit.

Nafas olish tizimi: nafas qisishi, bronxospazm.

Sezgi organlari: eshitishning buzilishi: eshitishning pasayishi, quloqlarda jaranglash yoki shovqin; ko'rishning buzilishi: ko'rish nervining toksik shikastlanishi, noaniq ko'rish yoki ikkita ko'rish, skotoma, ko'zlarning qurishi va ta'sirlanishi, kon'yunktiva va qovoqlarning shishi (allergik genezli).

Markaziy va periferik asab tizimi: bosh og'rig'i, bosh aylanishi, uyqusizlik, xavotirlik, asabiylik va ta'sirchanlik, psixomotor qo'zg'alish, uyquchanlik, depressiya, ongning chalkashishi, gallyutsinatsiyalar, kamdan-kam hollarda - aseptik meningit (ko'pincha autoimmun kasalliklari bo'lgan bemorlarda).

Yurak-qon tomir tizimi: yurak yetishmovchiligi, taxikardiya, arterial bosimning oshishi.

Siydik chiqarish tizimi: o'tkir buyrak yetishmovchiligi, allergik nefrit, nefrotik sindrom (shishlar), poliuriya, sistit.

Allergik reaksiyalar: teri toshmasi (odatda eritematoz yoki eshakemi), teri qichishishi, Kvinke shishi, anafilaktoid reaksiyalar, anafilaktik shok, bronxospazm yoki dispnoe, isitma, ko'p shaklli ekssudativ eritema (shu jumladan Stivens-Jonson sindromi), toksik epidermal nekroliz (Layell sindromi), eozinofiliya, allergik rinit.

Qon yaratish organlari: anemiya (shu jumladan gemolitik, aplastik), trombotsitopeniya va trombotsitopenik purpura, agranulotsitoz, leykopeniya.

Boshqalar: terlashning kuchayishi.

Oshqozon-ichak trakti shilliq qavati yaralanishi, qon ketish (oshqozon-ichak, milk, bachadon, gemorroidal), ko'rishning buzilishi (rang ajratishning buzilishi, skotomalar, ambliopiya) xavfi yuqori dozalarda uzoq muddat qo'llanilganda ortadi.

Laboratoriya ko'rsatkichlari:

— qon ketish vaqti (uzayishi mumkin);

— zardobda glyukoza kontsentratsiyasi (pasayishi mumkin);

— kreatinin klirensi (kamayishi mumkin);

— gematokrit yoki gemoglobin (kamayishi mumkin);

— zardob kreatinin kontsentratsiyasi (oshishi mumkin);

— «jigar» transaminazalari faolligi (oshishi mumkin).

Nojo'ya effektlar paydo bo'lganda preparat qabul qilishni to'xtatish va shifokorga murojaat qilish kerak.

Preparat bilan davolashni minimal samarali dozada, imkon qadar qisqa kurs bilan o'tkazish kerak. Uzoq muddatli davolash vaqtida periferik qon manzarasi va jigar va buyrak funksional holatini nazorat qilish zarur. Gastropatiya simptomlari paydo bo'lganda ezofagogastroduodenoskopiya, umumiy qon tahlili (gemoglobinni aniqlash), yashirin qonga axlat tahlilini o'z ichiga olgan sinchkov nazorat ko'rsatilgan.

17-ketosteroidlarni aniqlash zarur bo'lganda, tekshiruvdan 48 soat oldin preparatni bekor qilish kerak.

Bemorlar diqqatni yuqori jamlashni, tezkor ruhiy va harakat reaksiyasini talab qiladigan barcha faoliyat turlaridan saqlanishlari kerak. Davolash davrida etanol qabul qilish tavsiya etilmaydi.

• preparat tarkibiga kiruvchi har qanday ingredientga yuqori sezuvchanlik. Atsetilsalitsil kislotasi yoki boshqa NYQP ga yuqori sezuvchanlik, shu jumladan anamnezda atsetilsalitsil kislotasi yoki boshqa NYQP qabul qilgandan keyin bronxoobstruktsiya, rinit, eshakemi xuruji; atsetilsalitsil kislotasini to'liq yoki qisman o'zlashtiraolmaslik sindromi (rinosinusit, eshakemi, burun shilliq qavati poliplari, bronxial astma);
• me'da-ichak trakti a'zolarining eroziv-yarali kasalliklari zo'rayish bosqichida (shu jumladan me'da va o'n ikki barmoqli ichak yara kasalligi, Kron kasalligi, nospetsifik yarali kolit);
• ichakning yallig'lanish kasalliklari;
• gemofiliya va qon ivishining boshqa buzilishlari (shu jumladan gipokoagulyatsiya), gemorragik diatezlar;
• aortokoronar shuntlash o'tkazilgandan keyingi davr;
• me'da-ichakdan qon ketish va bosh miya ichiga qon quyilishlar;
• yaqqol jigar yetishmovchiligi yoki faol jigar kasalligi;
• rivojlanib boruvchi buyrak kasalliklari;
• kreatinin klirensi 30 ml/daq dan kam bo'lgan yaqqol buyrak yetishmovchiligi, tasdiqlangan giperkaliemiya;
• homiladorlik;
• 6 yoshgacha bo'lgan bolalar.

Ehtiyotkorlik bilan. Keksa yosh, yurak yetishmovchiligi, arterial gipertenziya, yurak ishemik kasalligi, tserebrovaskulyar kasalliklar, dislipidemiya, qandli diabet, periferik arteriyalar kasalliklari, chekish, spirtli ichimliklarni tez-tez iste'mol qilish, portal gipertenziya bilan kechuvchi jigar sirrozi, kreatinin klirensi 60 ml/daq dan kam bo'lgan jigar va/yoki buyrak yetishmovchiligi, nefrotik sindrom, giperbilirubinemiya, me'da va o'n ikki barmoqli ichak yara kasalligi (anamnezda), H. Pylori infektsiyasi mavjudligi, gastrit, enterit, kolit, kelib chiqishi noma'lum qon kasalliklari (leykopeniya va anemiya), laktatsiya davri, NYQP dan uzoq muddat foydalanish, og'ir somatik kasalliklar, peroral GKS (jumladan prednizolon), antikoagulyantlar (jumladan varfarin), antiagregantlar (jumladan atsetilsalitsil kislotasi, klopidogrel), serotoninni qayta qamrab oluvchi selektiv ingibitorlar (jumladan tsitalopram, fluoksetin, paroksetin, sertralin) ni bir vaqtda qabul qilish.

Ibuprofenni asetilsalisil kislotasi va boshqa NYQP bilan bir vaqtda qabul qilish tavsiya etilmaydi. Bir vaqtda tayinlanganda ibuprofen asetilsalisil kislotasining yallig'lanishga qarshi va antiaggregant ta'sirini kamaytiradi (antiaggregant vosita sifatida kichik dozalarda asetilsalisil kislotasi olayotgan bemorlarda ibuprofen qabul qilish boshlangandan keyin o'tkir koronar yetishmovchilik rivojlanish tez-tezligi oshishi mumkin). Antikoagulyant va trombolitik dori vositalari (alteplaza, streptokinaza, urokinaza) bilan bir vaqtda tayinlanganda qon ketishlar rivojlanish xavfi oshadi. Serotoninni qayta qamrab olinishi ingibitorlari (tsitalopram, fluoksetin, paroksetin, sertralin) bilan bir vaqtda qabul qilish jiddiy OIT qon ketishlari rivojlanish xavfini oshiradi.

Sefamandol, sefaperazon, sefotetan, valproat kislotasi, plikamitsin, gipoprotrombinemiya rivojlanish tez-tezligini oshiradi. Siklosporin va oltin preparatlari ibuprofenning buyraklarda prostaglandinlar sinteziga ta'sirini kuchaytiradi, bu nefrotoksiklik oshishi bilan namoyon bo'ladi. Ibuprofen siklosporinning plazmadagi konsentratsiyasini va uning gepatotoksik samaralari rivojlanishi ehtimolini oshiradi. Kanalchalar sekretsiyasini bloklovchi dori vositalari ibuprofenning chiqarilishini kamaytiradi va plazmadagi konsentratsiyasini oshiradi. Mikrosomal oksidlanish induktorlari (fenitoin, etanol, barbituratlar, rifampitsin, fenilbutazon, tritsiklik antidepressantlar) gidroksillangan faol metabolitlar mahsulini oshiradi, og'ir intoksikatsiyalar rivojlanish xavfini oshiradi. Mikrosomal oksidlanish ingibitorlari - gepatotoksik ta'sir xavfini kamaytiradi. Vazodilatatorlarning gipotenziv faolligini, furosemid va gidroxlorotiazidning natriyuretik va diuretik faolligini pasaytiradi. Urikazurik preparatlar samaradorligini pasaytiradi, bilvosita antikoagulyantlar, antiaggregantlar, fibrinolitiklar ta'sirini kuchaytiradi (gemorragik buzilishlar paydo bo'lish xavfini oshiradi), mineralokortikosteroidlar, glyukokortikosteroidlar, kolxitsin, estrogenlar, etanolning ulserogen ta'siri va qon ketishlarni kuchaytiradi. Peroral gipoglikemik dori vositalari va insulin, sulfonil-mochevina hosilalari samarasini kuchaytiradi. Antatsidlar va kolestiramin so'rilishni pasaytiradi. Qonda digoksin, litiy preparatlari, metotreksat konsentratsiyasini oshiradi. Kofein analgetik samarasini kuchaytiradi.

Ibuprofen kattalar va 12 yoshdan katta bolalarga ichga, 200 mg tabletkalardan sutkasiga 3-4 marta buyuriladi. Tez terapevtik samaraga erishish uchun doza sutkasiga 3 marta 400 mg (2 tabletka) gacha oshirilishi mumkin. Davolash samarasiga erishilganda preparatning sutkalik dozasi 600-800 mg gacha kamaytiriladi. Ertalabki doza ovqatdan oldin, yetarli miqdordagi suv bilan ichiladi (preparat tezroq so'rilishi uchun). Qolgan dozalar kun davomida ovqatdan keyin qabul qilinadi.

Maksimal sutkalik doza 1200 mg ni tashkil qiladi (24 soat ichida 6 tabletkadan ko'p qabul qilmaslik kerak). Takroriy dozani kamida 4 soatdan keyin qabul qilish kerak. Shifokor maslahatisiz preparatni qo'llash davomiyligi 5 kundan oshmasligi kerak.

12 yoshdan kichik bolalarda shifokor maslahatisiz qo'llanilmasin.

6 yoshdan 12 yoshgacha bo'lgan bolalarga: 1 tabletkadan kuniga ko'pi bilan 4 marta; preparat faqat bola vazni 20 kg dan ortiq bo'lgan holda qo'llanilishi mumkin. Tabletkalarni qabul qilish oralig'i kamida 6 soat (sutkalik doza 30 mg/kg dan oshmasligi kerak).