Ibufen

• Ibufen — suspenziya, 1 yoshdan 12 yoshgacha bo'lgan bolalarda qo'llaniladi. Haroratni tushirish va og'riqni yengillashtirish uchun buyuriladi. Isitma tushiruvchi vosita sifatida: •shamollash kasalliklarida •o'tkir respirator virusli infektsiyalar, grippda •angina (faringit) da •tana harorati ko'tarilishi bilan kechuvchi bolalar infektsiyalarida •emlashdan keyingi reaktsiyalarda; Og'riqsizlantiruvchi sifatida: •tish og'rig'i, tish chiqishidagi og'riqda •bosh og'rig'i, migren, nevralgiya, mushak, bo'g'imlardagi og'riqlarda, travmalar va kuyishlarda.

• Ibuprofenga yoki boshqa nosteroid yallig‘lanishga qarshi preparatlarga (shu jumladan atsetilsalitsil kislotasiga), shuningdek preparatning yordamchi komponentlariga yuqori individual sezuvchanlik; Oshqozon yoki o‘n ikki barmoqli ichak yara kasalligi. Jigar, buyraklar, yurak-qon tomir tizimi funksiyasining yaqqol yetishmovchiligi; arterial gipertenziya. Gemofiliya, gipokoagulyatsiya, gemorragik diatezlar, glyukoza-6-fosfatdegidrogenaza tanqisligi. Atsetilsalitsil kislotasi yoki boshqa nosteroid yallig‘lanishga qarshi vositalarni qo‘llagandan keyin bronxospastik reaksiyalar (sh.n. «aspirin astmasi»). Kvinke shishi. Burun poliplari. Eshitishning pasayishi. Hayotining 6-oyigacha bo‘lgan bolalar yoshi (tana vazni 7 kg dan past).

• ibuprofen 100 mg Yordamchi moddalar: kremofor RH-40, karboksillangan metiltsellyuloza natriy tuzi, magniy-alyuminiy silikat (veegum), saxaroza, glitserin, propilenglikol, metilgidroksibenzoat, propilgidroksibenzoat, limon kislotasi monosuvi, natriy gidrofosfati, apelsin aromatizatori, bo‘yoqchi: zarg‘aldoq sariq, saxarin natriy tuzi, krospovidon, tozalangan suv. ibuprofen 100 mg/5ml Yordamchi moddalar: kremofor RH-40, karboksillangan metiltsellyuloza natriy tuzi, magniy-alyuminiy silikat (veegum), saxaroza, glitserin, propilenglikol, metilgidroksibenzoat, propilgidroksibenzoat, limon kislotasi monosuvi, natriy gidrofosfati, apelsin aromatizatori, bo‘yoqchi: zarg‘aldoq sariq, saxarin natriy tuzi, krospovidon, tozalangan suv.

Ibuprofen isitma tushiruvchi, og'riq qoldiruvchi va yallig'lanishga qarshi ta'sir ko'rsatuvchi propion kislotasini hosilasi hisoblanadi.

Ibuprofenning ta'sir mexanizmi araxidon kislotasini prostaglandinlarga, prostasiklin va tromboksanga aylanishini boshqaruvchi tsiklooksigenaza (sog) fermentini faolligini kamayishi hisobiga prostaglandinlar biosintezini susayishi bilan bog'liq. Bunda prostaglandinlar hosil bo'lishi araxidon kislotasining metabolizmining sog yo'li bilan qaytmas tormozlanish natijasida kamayadi. Yallig'lanish joyida prostaglandinlar kontsentrasiyasini kamayishi bradikinin, endogen pirogenlar, boshqa biologik faol moddalar, kislorod va NO radikallar hosil bo'lishi kamayadi. Har doim bu yallig'lanish jarayonining faolligi (ibuprofenning yallig'lanishga qarshi samarasi) kamayishiga olib keladi va og'riq sezishni (analgetik samara) kamayishi bilan birga sodir bo'ladi. Tserebrospinal suyuqlikda prostaglandinlar kontsentrasiyasini kamayishi tana haroratini (antipiretik samara) normallashuviga olib keladi. Tana xaroratini pasayishi qabul qilgandan keyin 30 minut o'tgach boshlanadi va uning maksimal ta'siri 3 soatdan keyin namoyon bo'ladi.

• Ovqat hazm qilish tizimi tomonidan – ko'ngil aynishi, qusish, ishtahaning pasayishi, jig'ildon qaynashi, qorin sohasida og'riqlar, ich ketishi, qabziyat, meteorizm, jigar funktsiyasining buzilishi, peptik yaralar, OHTdan qon quyilishlar. Allergik reaktsiyalar – qichishish, toshma, bronxospastik sindrom, allergik rinit, Kvinke shishi, Stiven-Djonson sindromi, Layell sindromi. MNT tomonidan – bosh og'rig'i, bosh aylanishi, uyqu buzilishi, xavotirlik, uyquchanlik, depressiyalar, qo'zg'alish, ko'rishning buzilishi (qaytuvchan toksik ambliopiya, noaniq ko'rish yoki ikkilanish). Siydik chiqarish tizimi tomonidan – o'tkir buyrak yetishmovchiligi, allergik nefrit, nefrotik sindrom (shishlar), poliuriya, tsistit. Qon yaratish organlari tomonidan – anemiya, trombotsitopeniya, agranulotsitoz, leykopeniya. Yurak-qon tomir tizimi tomonidan: yurak yetishmovchiligi, taxikardiya, AB oshishi. Ibufen qand saqlaganligi sababli, uni qandli diabeti bo'lgan bemorlarga ehtiyotkorlik bilan qo'llash kerak. Sanab o'tilgan nojo'ya ta'sirlardan birortasi paydo bo'lgan taqdirda preparat qabul qilishni to'xtatish va shifokor bilan maslahatlashish kerak

Agar zarur bo'lmasa ibuprofenni homiladorlikning birinchi va ikkinchi uch oylikda qabul qilish mumkin emas. Homiladorlikni rejalashtirayotgan yoki ikkinchi va uchinchi uch oyligida bo'lgan ayollarda ibuprofenni qo'llash zarur bo'lganida kichik dozada qisqa muddat davomida qo'llash kerak.

Homiladorlikning III uch oyligida ibuprofenni qo'llash mumkin emas.

Ibuprofen va uning metabolitlari emizadigan ayollarni sutiga kichik kontsentrasiyada (qo'llangan dozani 0,0008%) o'tadi. Hozirgi kungacha preparatni chaqaloqlarga zararli ta'siri to'g'risida xabarlar yo'q, ibuprofenni og'riq va isitmani davolash uchun qo'llanadigan dozalarda emizishni to'xtatish zarur emas

• 100 mg/5 ml

• Ichish uchun suspenziya

Preparatni quyidagi holatlarda qo'llanganda:

• tizimli qizil yugurik va biriktiruvchi to'qimalarning aralash kasalligida – aseptik meningitning yuqori xavfi;

• me'da-ichak yo'llarining kasalliklari, shuningdek ichakni surunkali yallig'lanish kasalliklari (yara koliti, Kron kasalligi);

• gipertoniya va (yoki) yurak funktsiyasini buzilishi bo'lgan pasientlarda chunki NYAQP qabul qilish bilan bog'liq bo'lgan suyuqlikni tutilib qolishi va shishlar to'g'risida xabar berilgan;

• porfirinlarning metabolizmni tug'ma buzilishlari (masalan o'tkir tez o'tib ketuvchi porfiriya);

• bevosita xirurgik operasiyadan keyin;

• buyrak funktsiyasini buzilishida;

• jigar funktsiyasini buzilishida;

• qon ivishini buzilishida (ibuprofen qon ketish vaqtini oshirishi mumkin);

• boshqa moddalarga allergiyasi bo'lgan pasientlarda Ibufen^® D preparati qabul qilinganda o'ta yuqori sezuvchanlik reaktsiyalarni chaqirishi mumkin;

• pichan isitmasi, burun poliplari yoki surunkali obstruktiv nafas buzilishlari bo'lgan pasientlarda, chunki ularda allergik reaktsiyalarni rivojlanish xavfi oshadi. Bu reaktsiyalar bo'g'ilish xurujlari (aspirin astmasi deb nomlanadigan), Kvinke shishi yoki eshakemi ko'rinishida paydo bo'lishi mumkin bo'lgan pasientlarda ehtiyotkorlikka rioya qilish lozim.

Simptomlarni kamaytirish uchun zarur bo'lgan minimal samarali dozada, qisqa muddatda ibuprofenni qabul qilinishi nojo'ya samaralari xavfini kamaytiradi (miy va qon aylanish tizimiga ta'siriga qarang).

Keksa yoshdagi shaxslar

Keksa yoshdagi pasientlarda yosh pasientlarga qaraganda ibuprofenni qabul qilishi natijasida nojo'ya samaralar paydo bo'lish xavfi yuqori. Nojo'ya samaralarni paydo bo'lish tez-tezligi va jadalligini preparatning minimal terapevtik dozada eng qisqa samarali muddatda qo'llab kamaytirish mumkin.

Qon ketishi, yaralanish va miy perforasiyasi

O'limga olib kelishi yoki har doim bo'lmagan oldindan ogohlantiruvchi simptomlarsiz yoki ogohlantiruvchi simptomlar kuzatilgan pasientlarda me'da-ichak yo'llaridan qon ketishi, yaralanish yoki perforasiyani paydo bo'lish xavfi mavjud. Me'da-ichak yo'llaridan qon ketishi yoki yaralanish paydo bo'lgan holatlarda preparatni qabul qilishni zudlik bilan to'xtatish lozim. Anamnezida me'da-ichak yo'llarining kasalliklari bo'lgan pasientlarga, ayniqsa keksa yoshdagi odamlarda davolashni boshlang'ich davrida me'da-ichak yo'llari bilan bog'langan hamma notipik simptomlar (ayniqsa qon ketishi) to'g'risida shifokorga xabar berish kerak. Ushbu pasientlar preparatni eng kichik dozasini qo'llashlari kerak.

Anamnezida, ayniqsa qon ketishi yoki perforasiya bilan asoratlangan pasientlarda va keksa yoshli odamlarda me'da-ichak yo'llaridan qon ketishi, yaralanish yoki perforasiya xavfi NYAQP dozasini oshishi bilan ortadi. Ushbu pasientlarda davolashni mumkin bo'lgan eng kichik dozadan boshlash lozim. Bu pasientlar va me'da-ichak yo'llaridagi o'zgarishlar xavfini oshirishi mumkin bo'lgan atsetilsalisil kislota yoki boshqa ta'sir etuvchi moddalarni kichik dozalarini bilan bir vaqtda davolanishi talab qiluvchi pasientlarda ham, himoya preparatlari bilan (masalan mizoprostol yoki proton nasosini ingibitorlari) majmuaviy davolashni ko'rib chiqish kerak.

Kortikosteroidlar yoki varfarin kabi antikoagulyantlar, serotoninni qayta qamrab oluvchi selektiv ingibitorlari yoki atsetilsalisil kislotasi kabi antiagregantlar bilan bir vaqtda qo'llanishi qon ketishlar yoki me'da-ichak buzilishlari xavfini oshirishi mumkin bo'lgan boshqa preparatlarni ishlatiladigan pasientlarda ehtiyotkorlik bilan qo'llash kerak. Anamnezda me'da-ichak yo'llarining kasalliklari (yarali kolit, Kron kasalligi) bo'lgan shaxslarga NYAQP ehtiyotkorlik bilan buyurish lozim, chunki ushbu kasalliklar zo'raishi mumkin.

Qon tizimiga ta'siri

Klinik tadqiqotlar natijalari ibuprofenni yuqori dozalarda (sutkada 2400 mg) qo'llash arterial trombotik asoratlar (masalan, miokard infarkti yoki insult) xavfini biroz oshishini ko'rsatgan. Umuman, epidemiologik tadqiqot natijalari ibuprofenni bilan assosiasiyalangan bo'lishi mumkinligini kichik dozalarda (masalan sutkada ≤1200 mg) qo'llash arterial trombotik asoratlarni rivojlanishini yuqori xavfi bilan assosiasiyalangan bo'lishi mumkinligini ko'rsatmaydi.

Yomon nazorat qilinadigan arterial gipertenziyasi, dimlangan yurak etishmovchiligi (NYHA bo'yicha II – III sinfi), tashhislangan yurak ishemik kasalligi, periferik arteriya kasalliklari va/yoki tserebrovaskulyar etishmovchiligi bo'lgan pasientlarga ibuprofenni faqat xavfni sinchkov baholangandan keyingina buyurish lozim, bunda undi yuqori dozalarda (sutkada 2400 mg) buyurishdan saqlanish lozim.

Kardiovaskulyar asoratlarini xavf omillari (masalan arterial gipertenziya, giperlipidemiya, qandli diabet, chekuvchilar) bo'lgan pasientlarga ibuprofenni uzoq muddat buyurishdan oldin xavf/foyda nisbatini, ayniqsa agar ibuprofenni yuqori dozalarda (sutkada 2400 mg) qo'llash talab qilinsa sinchiklab baholash zarur.

Teri tomonidan reaktsiyalar

NYAQP guruhidan preparatlarni qo'llanishi bilan bog'liq og'ir teri reaktsiyalarining ba'zi o'limga olib kelishi mumkin bo'lgan, shu jumladan eksfoliativ dermatit, Stivens-Djonson sindromi va toksik eksfoliativ nekroliz juda kam hollarda ta'riflangan. Ko'p hollarda davolashni birinchi oyida bu og'ir reaktsyalarni paydo bo'lishini eng katta xavfi kuzatiladi. Birinchi simptomlar: teri toshmasi, shilliq qavatlarni shikastlanishi yoki allergiyani boshqa simptomlari paydo bo'lgandan keyin preparatni qo'llashni to'xtatish kerak.

Kamdan-kam hollarda suvchechak teri va yumshoq to'qimalarning og'ir infektsion asoratlarini

sababi bo'lishi mumkin. Hozirgi vaqtda ushbu infektsiyalar kuchayishida NYAQP ning rolini inkor qilib bo'lmaydi. Shuning uchun preparatni suvchechak bo'lgan hollarda qo'llashdan saqlanish tavsiya qilinadi.

Boshqa izoxlar

Turli og'riq qoldiruvchi preparatlarni uzoq muddat bir vaqtda qo'llash buyrak etishmovchiligi xavfi bilan bo'lgan buyraklarni jarohatlanishiga (analgetik nefropatiya) olib kelishi mumkin.

NYAQP guruhidan preparatlar infektsiya va isitma simptomlarini niqoblashi mumkin.

Juda kam hollarda o'tkir og'ir allergik reaktsiyalar (masalan anafilaktik shok) kuzatiladi. Ibufen^®D preparatini qabul qilgandan keyin allergik reaktsiyalarning birinchi simptomlari paydo bo'lganida davolashni to'xtatish kerak. Ixtisoslashgan xodim paydo bo'lgan simptomlarga qarab zaruriyat tibbiy muolajalarini o'tkazishi kerak.

Ibufen^®D preparatining ta'sir etuvchi moddasi ibuprofen trombositlarni faolligini (trombositlar agregasiyasi) vaqtincha susaytirishi mumkin. Shuning uchun qon ivishini buzilishlari bo'lgan pasientlarni diqqat bilan nazorat qilish tavsiya qilinadi.

Preparat uzoq muddat qo'llanganda jigar, buyrak funktsiyasini ko'rsatkichlarini va qon morfologiyasini muntazam nazorat qilish kerak.

Tsiklooksigenazani (prostaglandinlar sintezi) susaytiruvchi preparatlar ovulyasiyaga ta'sir qilib ayollarda fertillikni buzilishini chaqiradi. Bu ta'sir vaqtinchalik va davolash to'xtatilgandan keyin o'tib ketadi.

Ibuprofen qo'llanganda toksik ambliopiyaning yagona holatlari kuzatilagan, shuning uchun ko'rishning xamma buzilishlari to'g'risida shifokorga xabar berish kerak.

Suvsizlangan bolalar va o'smirlarda buyrak etishmovchiligining xavfi mavjud.

Preparat maltitol saqlaydi va uni fruktozani kam uchraydigan nasliy o'zlashtiraolmasligi bo'lgan pasientlarda qo'llash mumkin emas.

Preparat natriy benzoatini ham saqlaydi, shuning uchun o'ta yuqori sezuvchanligi bo'lgan pasientlarda, ayniqsa bolalarda uni o'ta ehtiyotkorlik bilan buyurish kerak.

Peroral qo'llash uchun.

Ibufen^® qisqa muddatli qo'llash uchun mo'ljallangan. Nojo'ya ta'sirlarni simptomlarni nazorat qilishga imkon beradigan eng kam samarali dozada eng kam zarur vaqt davomida preparatni qo'llash orqali minimallashtirish mumkin.

Iste'mol qilishdan oldin flakonni chayqatish kerak.

Suspenziyani aniq dozalash uchun flakonga dozator-shprits ilova qilinadi.

Ibuprofen dozasini aniqlashda bemorning tana vazni (t.v.) va yoshini hisobga olish kerak. Ibuprofenning qo'llaniladigan bir martalik dozasi, qoida tariqasida,
7-10 mg/kg t.v. ni tashkil qiladi, maksimal sutkalik doza 20-30 mg/kg t.v. Tavsiya etilgan dozadan oshirmaslik kerak.

Preparat quyida keltirilgan sxema bo'yicha bir martalik dozalarda buyuriladi:

Og'riq va isitma

3 dan 6 oygacha bo'lgan chaqaloqlar (5-7,6 kg): sutka davomida 3 marta 2,5 ml dan (bu sutkasiga 150 mg ibuprofenga to'g'ri keladi).

6 dan 12 oygacha bo'lgan chaqaloqlar (7,7-9 kg): sutka davomida 3 dan 4 martagacha 2,5 ml dan (bu sutkasiga 150-200 mg ibuprofenga to'g'ri keladi).

1 yoshdan 3 yoshgacha bo'lgan bolalar (10-15 kg): sutka davomida 3 marta 5 ml dan (bu sutkasiga 300 mg ibuprofenga to'g'ri keladi).

4 dan 6 yoshgacha bo'lgan bolalar (16-20 kg): sutka davomida 3 marta 7,5 ml dan (bu sutkasiga 450 mg ibuprofenga to'g'ri keladi).

7 dan 9 yoshgacha bo'lgan bolalar (21-29 kg): sutka davomida 3 marta 10 ml dan (bu sutkasiga 600 mg ibuprofenga to'g'ri keladi).

10 dan 12 yoshgacha bo'lgan bolalar (30-40 kg): sutka davomida 3 marta 15 ml dan (bu sutkasiga 900 mg ibuprofenga to'g'ri keladi).

Dozani navbatdagi dozalar orasida kamida 4 soatlik oraliqqa rioya qilgan holda har 6-8 soatda takrorlash mumkin.

6 oygacha bo'lgan bolalarga preparatni shifokor bilan maslahatlashgandan so'ng, uning tavsiyalariga muvofiq qo'llash mumkin. Agar 3 oydan 5 oygacha bo'lgan bolalarda preparat qabul qilingandan keyin 24 soat ichida simptomlar saqlanib qolsa yoki kuchaysa, shifokorga murojaat qilish kerak. Agar 6 oydan 12 yoshgacha bo'lgan bolada preparatni qabul qilish fonida simptomlar 3 kundan ortiq saqlanib qolsa, shifokorga murojaat qilish kerak.

Vaksina olgandan keyingi isitma

Bir martalik 2,5 ml suspenziya qabuli, zarurat bo'lganda, 6 soatlik tanaffusni saqlash sharti bilan dozani takrorlash mumkin. 24 soat ichida har biri 2,5 ml suspenziyadan iborat ikki dozadan ortiq berish mumkin emas. Agar isitma to'xtamasa, shifokorga murojaat qilish kerak.

Dozator-shpritsni ishlatish bo'yicha yo'riqnoma

1. Flakon qopqog'ini burab ochish kerak (pastga bosib, soat miliga teskari yo'nalishda burish).

2. Dozatorni flakon teshigiga kuch bilan bosib kiritish kerak.

3. Flakonni kuchli chayqatish kerak.

4. Dozatorni to'ldirish uchun flakonni to'ntarish kerak, so'ngra porshenni ehtiyotkorlik bilan pastga tushirib, suspenziyani o'lchov shkalasidagi kerakli joygacha to'ldirish kerak.

5. Flakonni dastlabki holatiga qaytarish va dozatorni ehtiyotkorlik bilan burab, flakondan chiqarish kerak.

6. Dozator uchini bola og'ziga joylashtirish kerak, so'ngra porshenni sekin bosib, dozator tarkibini ehtiyotkorlik bilan siqib chiqarish kerak.

7. Ishlatilgandan so'ng, flakonni buraladigan qopqoq bilan yopish, dozatorni esa yuvish va quritish kerak.

Ibufen^® preparati dozasini o'tkazib yuborish

Agar preparat aniq belgilangan vaqtda qabul qilinmagan bo'lsa, uni imkon qadar tezroq qabul qilish kerak (agar preparatning navbatdagi qabuligacha hali yetarli vaqt bo'lsa) yoki preparatni muntazam qabul qilishni davom ettirish kerak. O'tkazib yuborilgan dozani to'ldirish maqsadida ikki baravar dozani qabul qilish mumkin emas.