DEKSALGIN tabletkalari 25mg N10

So'rilishi

Preparat ichga qabul qilingandan so'ng odamda deksketoprofenning C_max ga o'rtacha 30 daqiqadan (15-60 daqiqa) so'ng erishiladi.

Taqsimlanishi va chiqarilishi

Plazma oqsillari bilan bog'lanishi - 99%. Deksketoprofenning taqsimlanish vaqti va T _{mos ravishda 0,35 va 1,65 soatni tashkil qiladi. O'rtacha Vd - 0,25 l/kg dan kam. Preparatning asosiy qismi metabolitlar ko'rinishida (glyukuronizatsiyadan keyin) siydik bilan chiqariladi.}

Nosteroid yallig'lanishga qarshi preparat. Yallig'lanishga qarshi, analgetik va isitmani tushiruvchi ta'sir ko'rsatadi. Preparatning ta'sir mexanizmi siklooksigenazani bostirish oqibatida prostaglandinlar sintezini susaytirishga asoslanadi. Analgetik ta'sir preparat qabul qilingandan 30 daqiqa o'tgach boshlanadi, uning davomiyligi 4 soatdan 6 soatgacha tashkil qiladi.

Ovqat hazm qilish tizimi tomonidan: jig'ildon qaynashi, qorinda og'riqlar; kamdan-kam hollarda - MIT eroziv-yarali shikastlanishlari.

MNT va periferik asab tizimi tomonidan: bosh og'riqlari, bosh aylanishi, asabiylik, uyqu buzilishi, paresteziyalar.

Yurak-qon tomir tizimi tomonidan: yurak urishi, AB oshishi.

Allergik reaksiyalar: teri toshmasi, bronxospazm.

Boshqalar: titroq, oyoq-qo'llar shishi, fotosensibilizatsiya; kamdan-kam hollarda - periferik qon ko'rinishining o'zgarishi, buyrak faoliyatining buzilishi.

Ko'rsatmalar bo'yicha va tavsiya etilgan dozalarda qo'llanilganda preparat yaxshi o'zlashtiriladi.

Keksa yoshdagi bemorlarga, allergik reaksiyalari, biriktiruvchi to'qimaning tizimli kasalliklari va qon yaratish buzilishi bo'lgan bemorlarga preparatni tayinlashda ehtiyotkorlikka rioya qilish kerak.

Bemorlarga nojo'ya ta'sirlar paydo bo'lgan taqdirda, shuningdek davolashning 3-5 kuni davomida klinik samara bo'lmaganda, bu haqda davolovchi shifokorga xabar berish kerakligi haqida ma'lumot berish kerak.

Deksalgin 25 ni fenitoin, sulfonamidlar va qon ivishini pasaytiruvchi preparatlar bilan bir vaqtda qo'llashda alohida ehtiyotkorlik talab etiladi.

Avtotransportni haydash va mexanizmlarni boshqarish qobiliyatiga ta'siri

Deksalgin 25 bosh aylanishi va uyquchanlik chaqirishi mumkinligi sababli, diqqatni yuqori jamlash va psixomotor reaksiyalar tezligini talab qiluvchi potensial xavfli faoliyat turlari bilan shug'ullanadigan bemorlarga preparatni ehtiyotkorlik bilan tayinlash kerak.

• oshqozon va o‘n ikki barmoqli ichak yara kasalligi;
• oshqozon-ichak qon ketishlari;
• turli genezli faol qon ketishlar;
• yuqori qonash;
• antikoagulyantlar bilan terapiya;
• Kron kasalligi;
• nomaxsus yarali kolit;
• bronxial astma (sh.j. anamnezda);
• og‘ir yurak yetishmovchiligi;
• og‘ir darajadagi buyrak yetishmovchiligi;
• og‘ir jigar yetishmovchiligi;
• homiladorlik;
• laktatsiya davri;
• deksketoprofenga yoki boshqa NYQV larga yuqori sezuvchanlik.

Deksalgin 25 ni boshqa NYQV bilan bir vaqtda qo'llash nojo'ya ta'sirlar paydo bo'lish xavfini oshirishi mumkin.

Deksalgin 25 ni litiy preparatlari bilan bir vaqtda qo'llash oxirgisining qon plazmasidagi kontsentratsiyasini oshirishi mumkin.

NYQVni metotreksat qo'llash boshlanishidan 24 soat oldin yoki terapiya tugagandan keyin qo'llashda ehtiyot bo'lish kerak, chunki uning qondagi darajasi (va demak, toksikligi) oshishi mumkin.

NYQV va antikoagulyantlar bir vaqtda qo'llanilganda qon ketishlar paydo bo'lishining alohida holatlari tasvirlangan.

Individual belgilanadi.

O‘rtacha tavsiya etilgan bir martalik doza 12,5 mg (1/2 tab.) zaruratga qarab har 4-6 soatda sutkasiga 1 dan 6 martagacha yoki 25 mg (1 tab.) har 8 soatda sutkasiga 1 dan 3 martagacha.

Maksimal sutkalik doza 75 mg (6 tab.) ni tashkil qiladi.

Jigar yoki buyrak funksiyasi buzilgan bemorlarda, keksa yoshdagi shaxslarda preparatni qabul qilishni pastroq dozalardan boshlash kerak - sutkasiga 50 mg dan oshmasligi kerak.

Preparat uzoq muddat qo‘llash uchun mo‘ljallanmagan: qabul qilish davomiyligi 3-5 kundan oshmasligi kerak.