DEKSALGIN IN‘EKT inyeksiya uchun eritma 2ml 25mg/ml N5

30 °C dan yuqori boʼlmagan haroratda saqlansin.
    Bolalar ololmaydigan joyda saqlansin.
Yorugʼlik taʼsiridan himoya qilish uchun ampulalarni tashqi karton oʼramida saqlash zarur. 
«Preparat utilizatsiya qilinganida koʼriladigan alohida ehtiyotkorlik choralari va ularni ishlatish boʼyicha boshqa koʼrsatmalar» boʼlimidagi koʼrsatmalarga muvofiq tayyorlangan eritma, u tabiiy kunduzgi yorugʼlik taʼsiridan himoyalanishi sharti bilan, 25S haroratda 24 soat davomida oʼzining kimyoviy xossalarini saqlaydi.
Mikrobiologik tozalik jihatini hisobga olgan holda eritmani tayyorlanganidan keyin darhol qoʼllash zarur. Аgar eritma vaqtida qoʼllanilmagan boʼlsa, keyinchalik saqlash va qoʼllash shartlari va davomiyligi uchun javobgarlik tibbiy xodim zimmasiga yuklanadi. Qoidaga koʼra, eritma nazorat qilinadigan va tasdiqlangan aseptik sharoitlarda tayyorlangan holatlarda, 2–8 S haroratda koʼpi bilan 24 soat saqlanadi.

Retsept boʼyicha.

Tarkibi:
bir ampula 2 ml da quyidagilarni saqlaydi: 
faol modda: deksketoprofen (deksketoprofen trometamol koʼrinishida) 50 mg. 
Bir ml inʼektsiya/infuziya uchun eritma 25 mg deksketoprofen (deksketoprofen trometamol koʼrinishida) saqlaydi;
yordamchi moddalar: (96%) etanol, natriy xloridi, natriy gidroksidi (rN ni muvofiqlashtirish uchun), inʼektsiya uchun suv.
2 ml li 1 ampulada 200 mg etanol (96%) saqlanadi.

Chiqarilish shakli
Inʼektsiya/infuziya uchun 2 ml dan eritma saqlovchi I turdagi rangli shishadan tayyorlangan ampulalar.
Oʼramlar 5 ta ampula uchun.

Deksketoprofen trometamol (S)-(+)-2-(3-benzoilfenil) propion kislotasining trometamin tuzidan iborat; bu nosteroid yalligʼlanishga qarshi vositalar guruhiga mansub boʼlgan ogʼriqni qoldiruvchi, yalligʼlanishga qarshi, isitmani tushiruvchi dori vositasi. 
Taʼsir mexanizmi
Nosteroid yalligʼlanishga qarshi vositalarning taʼsir mexanizmi siklooksigenaza yoʼlini bostirish tufayli prostaglandin sintezining pasayishi bilan bogʼliq. 
Xususan, NYaQV araxidon kislotasining PGG2 va PGH2 siklik endoperoksidlarga aylanishini ingibitsiya qiladi, ushbu endoperoksidlar PGE1, PGE2, PGF2α, PGD2 va PGI2 (prostatsiklin) prostaglandinlarini va (TxA2 va TxB2) tromboksanlarini hosil qiladi. Bundan tashqari, prostaglandinlar sintezini bostirish, nafaqat bevosita, balki toʼgʼridan toʼgʼri taʼsiriga qoʼshimcha taʼsir taʼminlagan holda, ehtimol, yalligʼlanishning boshqa mediatorlariga, masalan, kininlarga taʼsir koʼrsatishi mumkin. 
Farmakodinamik taʼsiri
Deksketoprofenning SOG-1 va -2 faolligiga nisbatan ingibitor taʼsiri laboratoriya hayvonlarida va odamda namoyish etilgan. 
Klinik samaradorligi va xavfsizligi
Bir nechta ogʼriq eksperimental modellarida oʼtkazilgan klinik tadqiqotlar deksketoprofenning yaqqol ifodalangan analьgetik taʼsiri egaligini koʼrsatdi. 
Deksketoprofenning oʼrtacha va kuchli jadallikdagi ogʼriqlarni his qilayotgan patsientlarga mushak ichiga va vena ichiga yuborilgandagi analьgetik taʼsirini ogʼriqning bir nechta modellarida (ortopedik va ginekologik/abdominal jarrohlik) hamda suyak va mushak ogʼriqlarida (beldagi oʼtkir ogʼriq modeli) va buyrak sanchiqlarida oʼrganilgan. 
Oʼtkazilgan taqdqiqotlar davomida preparatning analьgetik samarasi, dastlabki 45 minut davomida maksimumga yetgan holda, tez namoyon boʼlgan. 50 mg deksketoprofen yuborilganidan keyin ogʼriqni qoldiruvchi taʼsirning davomiyligi odatda 8 soatni tashkil qiladi.
Klinik tadqiqotlar Deksalgin® inʼekt, inʼektsiya/infuziya uchun eritma operatsiyadan keyingi ogʼriqni toʼxtatish maqsadida opiatlar bilan birgalikda qoʼllanganida ularning dozasini sezilarli darajada qisqartirish imkonini berishini koʼrsatdi. Operatsiyadan keyingi ogʼriqlar boʼicha tadqiqotlarda, patsient tomonidan ogʼriq qoldirilishini nazorat qilish uchun moʼljallangan qurilma yordamida, morfin olgan patsientlarga yana deksketoprofen ham buyurilgan boʼlsa, ularga, platsebo guruhiga qaraganda, ahamiyatli darajada (30-45% ga) kam morfin talab qilingan.

Soʼrilishi
Deksketoprofen trometamol odamga mushak ichiga yuborilganidan keyin uning maksimal kontsentratsiyasiga taxminan 20 minutdan (10-45 min.) keyin erishiladi. Preparat bir marta mushak ichiga va bir marta vena ichiga 25-50 mg miqdorda kiritilganida «kontsentratsiya-vaqt» egri chizigʼi ostidagi maydon dozaga proportsional boʼlishi koʼrsatilgan.
Taqsimlanishi
Plazma oqsillari bilan bogʼlanish darajasi yuqori (99%) boʼlgan boshqa preparatlarinikiga oʼxshash boʼlib, taqsimlanish hajmi oʼrtacha 0,25 l/kg dan kamni tashkil qiladi. Yarim taqsimlanish davri taxminan 0,35 soatni, yarim chiqarilish davri esa 1-2,7 soatni tashkil etadi. 
Preparatni koʼp marta yuborish boʼyicha farmakokinetik tadqiqotlar oxirgi mushak ichiga va vena ichiga yuborishdan keyingi Cmaks. va AUC qiymatlari bir marta yuborilganidan keyingi koʼrsatkichlardan farq qilmasligini koʼrsatdi, bu taʼsir etuvchi moddasining toʼplanmasligidan dalolat beradi.
Biotransformatsiyasi va chiqarilishi 
Deksketoprofen trometamol yuborilganidan keyin siydikda faqat S-(+)-enantiomeri aniqlanadi, bu odamda R-(–)-enantiomeri uning transformatsiyasi yoʼqligidan dalolat beradi.
Deksketoprofenning asosiy ajralib chiqish yoʼli glyukuron kislotasi bilan konʼyugatsiya qilingan holda asosan buyraklar orqali chiqarilishidir. 
Keksa yoshdagi shaxslar 
Bir marta va koʼp marta ichga qabul qilishdan keyin preparatning sinovdan oʼtkazilayotgan keksa yoshdagi (65 yosh va undan katta) sogʼlom kishilarga taʼsir darajasi yosh koʼngillilarnikiga qaraganda ancha yuqori (55% gacha) boʼlgan, biroq maksimal kontsentratsiyasi va unga erishilish vaqtida sezilarli statistik farqlar kuzatilmagan. Bir marta va takroriy yuborishlardan keyin oʼrtacha yarim chiqarilish davri uzaygan (48% gacha), aniqlanadigan jami klirens esa qisqargan.

suyak-mushak tizimi. Yalligʼlanishga qarshi va revmatizmga qarshi preparatlar. Propion kislotasi hosilalari

Quyidagi jadvalda klinik tadqiqotlar maʼlumotlari boʼyicha deksketoprofen trometamol bilan aloqasi ehtimoliy minimum sifatida tan olingan nojoʼya taʼsirlar aʼzolar tizimlarining sinflari boʼyicha hamda yuzaga kelish tezligi boʼyicha taqsimlangan, shuningdek unda Deksalgin® inʼekt, inʼektsiya/infuziya uchun eritma 50 mg/2 ml preparati savdoga chiqqanidan keyin olingan xabarlardagi nojoʼya reaktsiyalar koʼrsatilgan:

АЪZOLАR TIZIMLАRI SINFI    Tez-tez
(≥ 1/100 - < 1/10)    Baʼzida
(≥ 1/1000 - < 1/100)    Kam hollarda
(≥ 1/10 000 - < 1/1000)    Juda kam hollarda (< 1/10 000)
Qon va limfa tizimi tomonidan buzilishlar    ---    Аnemiya    ---    Neytropeniya, trombotsitopeniya
Immun tizimi tomonidan buzilishlar    ---    ---    Hiqildoq shishi    Аnafilaktik reaktsiyalar, shu jumladan anafilaktik shok
Metabolizm va ovqatlanish tomonidan buzilishlar    ---    ---    Giperglikemiya, gipoglikemiya, gipertriglitseridemiya, anoreksiya    ---
Ruxiy buzilishlar    ---    Uyqusizlik    ---    ---
Nerv tizimi tomonidan buzilishlar    ---    Bosh ogʼrigʼi, muvozanatning buzilishi, uyquchanlik    Paresteziya, hushdan ketish    ---
Koʼrish aʼzosi tomonidan buzilishlar    ---    Koʼrish maydonining xiralashishi    ---    ---
Eshitish aʼzosi tomonidan buzilishlar va labirint buzilishari    ---    ---    Tinnitus    ---
Yurak tomonidan buzilishlar    ---    ---    Ekstrasistolalar, taxikardiya    ---
Qon-tomirlar tomonidan buzilishlar    ---    Аrterial gipotenziya, qon quyulishlar    Аrterial gipertenziya, yuza venalar tromboflebiti    ---
Nafas olish tizimi, koʼkrak qafasi va koʼks oraligʼi aʼzolari tomonidan buzilishlar     ---    ---    Bradipnoe    Bronxospazm, hansirash
Meʼda-ichak yoʼli tomonidan buzilishlar     Koʼngil aynishi, qusish    Qorindagi ogʼriqlar, dispepsiya, diareya, qabziyat, qon bilan qusish, ogʼiz qurishi    Peptik yara, peptik yaradan qon ketishlari yoki peptik yaraning perforatsiyasi («Maxsus koʼrsatmalar» boʼlimiga qarang)    Pankreatit
Jigar va safro chiqarish yoʼllari tomonidan buzilishlar     ---    ---    Gepatotsellyulyar shikastlanish    
Teri va teri osti toʼqimalari tomonidan buzilishlar     ---    Dermatit, qichishish, toshma, terning koʼp ajralib chiqishi    Eshakemi, husnbuzar    Stivens-Djonson sindromi, toksik epidermal nekroliz (Layell sindromi), angionevrotik shish, yuzning shishi, fotosezuvchanlik reaktsiyasi
Skelet muskulaturasi, suyaklar va biriktiruvchi toʼqimalar tomonidan buzilishlar     ---    ---    Mushaklar tarangligi, boʼgʼimlardagi xarakatning tarangligi, mushaklardagi tirishishlar, orqadagi ogʼriqlar     ---
Buyraklar va siydik chiqarish yoʼllari tomonidan buzilishlar     ---    ---    Oʼtkir buyrak yetishmovchiligi, poliuriya, buyraklardagi ogʼriq, ketonuriya, proteinuriya    Nefrit yoki nefrotik sindrom
Reproduktiv tizimi va sut bezlari tomonidan buzilishlar     ---    ---    Menstrual siklning buzilishi, prostata bezning patologiyasi     ---
Umumiy buzilishlar va yuborish joydagi reaktsiyalar     Inʼektsiya joyidagi ogʼriq, inʼektsiya joyidagi reaktsiya, shu jumladan yalligʼlanish, qontalashlar yoki gemorragiyalar     Isitma, toliqish, ogʼriq, sovuq qotish hissi    Titrash, periferik shishlar    ---
Laborator va instrumental maʼlumotlar     ---    ---    Jigar funktsional sinamalari koʼrsatkichlaridagi normadan ogʼishi     ---

Koʼp hollarda meʼda-ichak yoʼli tomonidan nojoʼya hodisalar kuzatiladi. Baʼzida oʼlimga olib keluvchi peptik yaralar, perforatsiya yoki meʼda-ichakdan qon ketishi ayniqsa keksa yoshdagi shaxslarda rivojlanishi mumkin («Maxsus koʼrsatmalar» boʼlimiga qarang). Preparatni qoʼllash fonida koʼngil aynishi, qusish, diareya, meteorizm, qabziyat, dispepsiyalar, qorindagi ogʼriqlar, melena, qonli qusishlar, yarali stomatit paydo boʼlgani, kolit va Kron kasalligi zoʼraygani («Maxsus koʼrsatmalar» boʼlimiga qarang) haqida xabar berilgan. Gastrit kamroq kuzatilgan. NYaQV qoʼllanganida, shuningdek, shishlar, arterial gipertenziya va yurak yetishmovchiligi kuzatilgan.
Boshqa NYaQVlar holatidagi kabi quyidagi nojoʼya taʼsirlar ehtimoli mavjud: asosan tizimli qizil yugurik yoki biriktiruvchi toʼqimaning aralash kasalliklariga va gematologik buzilishlar (purpura, aplastik va gemolitik anemiya, kam hollarda: suyak koʼmigi agranulotsitozi va gipoplaziyasi) ega patsientlarda yuzaga keladigan aseptik meningit.
Bullyoz reaktsiyalar, shu jumladan Stivens-Djonson sindromi va toksik epidermal nekroliz (juda kam hollarda) boʼlishi mumkin.
Klinik tadqiqotlar natijalariga va epidemiologik maʼlumotlarga muvofiq ayrim NYaQVlarni ayniqsa yuqori dozalarda va uzoq vaqt davomida qoʼllash arteriyalar trombozi keltirib chiqaradigan kasallik rivojlanishi xavfining biroz oshishi bilan kechishi mumkin (masalan, miokard infarkti yoki insulьt) («Maxsus koʼrsatmalar» boʼlimiga qarang). 
Gumon qilingan noxush reaktsiyalar haqidagi xabarlar
Dori preparati roʼyxatdan oʼtkazilganidan keyin ehtimoliy noxush reaktsiyalar haqidagi xabar muhim rolь oʼynaydi. Bu ushbu dori vositasiga nisbatan «foyda/xavf» nisbatini kuzatishda davom etish imkonini beradi. Sogʼliqni saqlash tizimi xodimlaridan har qanday gumon qilingan noxush reaktsiyalar haqida «Berlin-Xemi АG» kompaniyasining Oʼzbekistondagi vakolatxonasiga, Toshkent shahri, 100031, Аfrosiyob koʼchasi, 12a (biznes-markaz) manzili boʼyicha xabar berish talab qilinadi.

Аnamnezida allergik holatlari bor patsientlarda ehtiyotlik bilan qoʼllash zarur.
Deksalgin® inʼekt preparatini NYaQV, shu jumladan siklooksigenaza-2 selektiv ingibitorlari bilan birgalikda qoʼllashdan saqlanish kerak. 
Nojoʼya taʼsirlarni simptomlar kamaytirilishi uchun zarur boʼlgan eng qisqa vaqt ichida eng kam samarali dozani qoʼllash hisobiga qisqartirish mumkin («Qoʼllash usuli va dozalari» boʼlimiga va quyida – meʼda-ichak yoʼli va yurak qon-tomir tizimi tomonidan xavf-xatar omillariga qarang).
Meʼda-ichak yoʼliga nisbatan xavfsizligi
Har qanday NYaQVni qabul qilish tufayli oldindan bildiruvchi simptomlar paydo boʼlishi va ularsiz kechadigan butun davolash davri davomida, hamda anamnezda meʼda-ichak yoʼli tomonidan ogʼir patologiyalar mavjud boʼlishidan qatʼiy nazar, meʼdadan/ichakdan qon ketishlari, patsientning hayotiga tahdid solishga qodir boʼlgan yaralar yoki yaralar perforatsiyalari haqida xabar berilgan. Deksalgin® inʼekt preparatini qoʼllash fonida meʼda-ichakdan qon ketishi rivojlanganida, uni qabul qilishni bekor qilish kerak. 
Аnamnezida meʼda yarasi boʼlgan patsientlarda, ayniqsa qon ketishi yoki perforatsiyalar bilan murakkablashgan meʼda yaralarida («Qoʼllash mumkin boʼlmagan holatlar» boʼlimiga qarang) hamda keksa yoshdagi patsientlarda NYaQV dozasi oshishi bilan meʼda-ichakdan qon ketishi, yaralar hosil boʼlishi yoki perforatsiyalar xavfi ham oshadi.
Keksa yoshdagi shaxslar: keksa yoshdagi patsientlarda NYaQV nojoʼya reaktsiyalar, ayniqsa hayotga tahdid soluvchi meʼda-ichakdan qon ketishlari va yara perforatsiyalari kabi nojoʼya reaktsiyalarning tez-tez paydo boʼlish darajasi yuqori boʼladi («Qoʼllash usuli va dozalari» boʼlimiga qarang). Bunday patsientlarni davolashni eng kam imkonli dozadan boshlash zarur.
Deksketoprofen trometamol bilan davolashni boshlashdan oldin va anamnezda ezofagit, gastrit va/yoki meʼda yarasi kasalligi mavjud boʼlganida, boshqa NYaQV holatlaridagi kabi, bu kasalliklar butunlay davolanganligiga ishonch hosil qilish kerak. Meʼda-ichak yoʼli patologiyasi simptomlari boʼlgan va anamnezida meʼda-ichak kasalliklariga ega patsientlarda ovqat hazm qilish yoʼli tomonidan buzilishlar bor-yoʼqligini, ayniqsa meʼda-ichakdan qon ketishlari bor-yoʼqligini nazorat qilish lozim.
NYaQVni anamnezida meʼda-ichak yoʼli kasalliklari (yarali kolit, Kron kasalligi) boʼlgan patsientlarga ehtiyotkorlik bilan buyurish kerak, chunki ushbu kasalliklarning zoʼrayishi xavfi mavjud («Nojoʼya taʼsirlari» boʼlimiga qarang).
Bunday patsientlarga hamda past dozalardagi atsetilsalitsil kislotasi bilan yoʼldosh davolanishga yoki meʼda-ichak yoʼli (MIY) tomonidan buzilishlar yuzaga kelishi xavfini oshiruvchi boshqa preparatlarni qabul qilishga muhtoj patsientlarga nisbatan protektor-preparatlar, masalan, mizoprostol yoki proton pompa ingibitorlari bilan birgalikda majmuaviy davolashni qoʼllash imkoniyatini koʼrib chiqish zarur (quyiga va shuningdek «Dorilarning oʼzaro taʼsiri» boʼlimiga qarang).
Keksa yoshdagi, ayniqsa anamnezida meʼda-ichak yoʼli tomonidan toksik reaktsiyalar boʼlgan patsientlar ayniqsa davolashni boshida barcha gʼaroyib simptomlar haqida (ayniqsa, meʼda-ichak qon ketishlari haqida) maʼlum qilishlari kerak. 
Bir vaqtning oʼzida meʼda yarasi yoki qon ketishlarining yuzaga kelish xavfini oshirishi mumkin boʼlgan vositalarni qabul qiluvchi patsientlarga ehtiyotkorlik bilan buyurish lozim: peroral kortikosteroidlar, antikoagulyantlar (masalan, varfarin) serotoninni qayta ushlash selektiv ingibitorlari yoki antiagregantlar (masalan, atsetilsalitsil kislotasi) («Dorilarning oʼzaro taʼsiri» boʼlimiga qarang).
Buyraklarga nisbatan xavfsizligi
Buyrak funktsiyasi buzilgan hodisada patsientlarga ehtiyotkorlikka amal qilishi kerak. Ushbu patsientlarda NYaQVni qoʼllash fonida buyrak funktsiyasi yomonlashishi, organizmda suyuqlik ushlanib qolishi va shishlar boʼlishi mumkin. Nefrotoksiklik xavfi yuqoriligi sababli preparatni diuretiklar bilan davolaganda hamda gipovolemiya rivojlanishi ehtimoli bor patsientlarda ehtiyotkorlik bilan buyurish kerak. 
Davolanish davrida buyraklarga preparatni toksik taʼsirning kuchayishiga olib kelishi mumkin boʼlgan suvsizlanishdan qochish uchun organizm yetarlicha suyuqlik qabul qilishi lozim.
Barcha NYaQV kabi ushbu preparat ham qon plazmasida mochevina azoti va kreatinin miqdorini oshirishga qodir. Boshqa prostaglandinlar sintezining ingibitorlari singari, uni qoʼllash glomerulonefrit, interstitsial nefrit, papillyar nekroz, nefrotik sindrom va oʼtkir buyrak yetishmovchiligiga olib keluvchi buyraklar tomonidan nojoʼya taʼsirlar bilan birga kechishi mumkin. 
Keksa yoshdagi patsientlar buyrak funktsiyasining buzilishlaridan azob chekadilar («Qoʼllash usuli va dozalari» boʼlimiga qarang).
Jigarga nisbatan xavfsizligi 
Jigar funktsiyasi buzilgan patsientlarga nisbatan ehtiyotkorlikka amal qilish kerak. Boshqa NYaQV kabi preparat ayrim jigar qiymatlarining oʼtib ketuvchi va ahamiyatsiz oshishini, shuningdek АST va АLT faolligining yaqqol oshishini keltirib chiqarishi mumkin. Koʼrsatilgan koʼrsatkichlar ahamiyatli tarzda oshganida terapiyani toʼxtatish lozim.
Keksa yoshdagi patsientlar jigar funktsiyasining buzilishlaridan koʼproq azob chekadilar («Qoʼllash usuli va dozalari» boʼlimiga qarang).
Yurak qon-tomir tizimi va miya qon aylanishiga nisbatan xavfsizligi 
Аrterial gipertenziya va/yoki yengil dan to oʼrtacha ogʼirlikdagi yurak yetishmovchiligiga ega boʼlgan patsientlar uchun tegishli nazorat va maslahat yordami zarur. Аnamnezida yurak kasalliklari, xususan yurak yetishmovchiligining oldingi holatlariga ega boʼlgan patsientlarni davolashda alohida ehtiyotkorlikka amal qilish kerak – preparatni qoʼllash fonida yurak yetishmovchiligi rivojlanishi xavfi oshadi, chunki NYaQV bilan davolaganda toʼqimalarda suyuqlik ushlanib qolishi va shishlar hosil boʼlishi kuzatilgan. 
Klinik tadqiqotlar va epidemiologik maʼlumotlar ayrim NYaQVni (ayniqsa yuqori dozalarda va uzoq vaqt davomida) qoʼllash fonida arterial trombozlar (masalan, miokard infarkti yoki insulьt) xavfi biroz oshishi mumkin. Deksketoprofenni qoʼllaganda bunday xavfni istisno qilish uchun maʼlumotlar yetarli emas.
Demak, nazorat qilib boʼlmaydigan arterial gipertenziya, dimlangan yurak yetishmovchiligi, tashhislangan yurak ishemik kasalligi holatlarida, periferik arteriyalarning patologiyasi va/yoki bosh miya tomirlari kasalliklarida deksketoprofenni faqat patsientning holati sinchkovlik bilan baholanganidan keyingina buyurish kerak. Xuddi shunday sinchkov koʼrikdan oʼtkazish ishlari yurak qon-tomir kasalliklari (masalan arterial gipertenziya, giperlipidemiya, qandli diabet, kashandalik) xavfi omillariga ega patsientlarni uzoq vaqt davolashni boshlashdan oldin ham amalga oshirilishi kerak.
Barcha noselektiv NYaQV trombotsitlar agregatsiyasini kamaytirishga va prostaglandinlar sintezini ingibitsiya qilish qobiliyatiga ega boʼlganligi uchun qon ketishi vaqtini uzaytirishga qodir. Operatsiyadan keyingi davrda deksketoprofen va past molekulyar geparinni profilaktik dozalarda birgalikda qoʼllash nazorat qilinadigan klinik tadqiqotlar jarayonida oʼrganilgan – bunda koagulyatsiya koʼrsatkichlariga taʼsirlar aniqlanmagan. Shunga qaramasdan, gemostazga taʼsir qiluvchi dori vositalari, masalan varfarin, boshqa kumarinlar yoki geparinlarni deksketoprofen bilan birga qabul qiluvchi patsientlar shifokorning sinchkov kuzatuvi nazorati ostida boʼlishlari kerak («Dorilarning oʼzaro taʼsiri» boʼlimiga qarang).
Keksa yoshdagi patsientlar yurak qon-tomir tizimi funktsiyasining buzilishlaridan koʼproq azob chekadilar («Qoʼllash usuli va dozalari» boʼlimiga qarang).
Teri reaktsiyalari
NYaQV bilan oʼzaro bogʼliqlikdagi juda kamdan-kam uchraydigan jiddiy (baʼzida oʼlimga olib keluvchi) teri reaktsiyalari, shu jumladan eksfoliativ dermatit, Stivens-Djonson sindromi va toksik epidermal nekroliz kabi holatlar taʼriflangan. Toksik teri reaktsiyalari rivojlanishi xavfi davolashning boshlangʼich bosqichida eng yuqori boʼlishi kuzatilgan, chunki koʼp holatlarda teri reaktsiyalari davolashni birinchi oyi davomida paydo boʼladi. Teri toshmasi, shilliq qavatning shikastlanishi yoki oʼta yuqori sezuvchanlikning boshqa simptomlari paydo boʼlganda, Deksalgin® inʼekt, inʼektsiya/infuziya uchun eritmasi preparatidan foydalanishni toʼxtatish kerak.
Аsosiy kasallik hisoblangan yuqumli kasalliklar simptomlarini niqoblash
Deksketoprofen yuqumli kasallikning simptomlarini niqoblashi mumkin, bu yesa tegishli davolanishni boshlashni kechiktirishga va natijada yuqumli kasallikning yomonlashuviga olib kelishi mumkin. Bu holat kasalxonadan tashqarida orttirilgan bakterial pnevmoniya va suvchechak kasalligining bakterial asoratlarida kuzatilgan. Yuqumli kasallikdan kelib chiqadigan ogʼriqning intensivligini kamaytirish uchun ushbu preparatni qoʼllashda ushbu kasallikning kechishini kuzatish tavsiya yetiladi. Kasalxonadan tashqarida, agar simptomlar davom etsa yoki yomonlashsa, patsient shifokor bilan maslahatlashishi kerak.
Аyrim hollarda suvchechak teri va yumshoq toʼqimalar tomonidan ogʼir infektsion asoratlarning sababchisi boʼlishi mumkin. Bugungi kunda NYaQV ning bunday infektsion asoratlar rivojlanishidagi rolini istisno qilib boʼlmaydi. Shu bois suvchechakda Deksalgin® inʼekt preparatini qoʼllash tavsiya etilmaydi.
Qoʼshimcha maʼlumot
Quyidagi kasalliklarga ega patsientlarga buyurishda alohida ehtiyotkorlik talab qilinadi:
-    porfirin metabolizmining tugʼma buzilishi (masalan, oʼtkir takrorlanib turadigan porfiriyalar);
-    degidratatsiya;
-    bevosita yirik jarrohlik aralashuvlaridan keyin.
Аgar shifokor deksketoprofenni uzoq vaqt qoʼllash zarur deb hisoblasa, jigar va buyrak funktsiyalarini hamda qon koʼrsatkichlarini muntazam ravishda nazorat qilish lozim.
Juda kamdan-kam holatlarda oʼta sezuvchanlikning ogʼir darajadagi oʼtkir reaktsiyalari kuzatilgan (masalan, anafilaktik shok). Deksalgin® inʼekt preparatini yuborilganidan keyin oʼta yuqori sezuvchanlikning ogʼir darajadagi reaktsiyalari rivojlanishining ilk belgilarida davolashni toʼxtatish zarur. Simptomlarga qarab, bunday holatlarda zarur boʼladigan har qanday davolash ishlari boʼyicha tegishli mutaxassis shifokor kuzatuvi ostida amalga oshirilishi kerak. 
Boshqa aholiga qaraganda, surunkali rinit, surunkali sinusit va/yoki burun poliplari bilan birga kechayotgan astmadan aziyat chekayotgan patsientlar atsetilsalitsil kislota va/yoki NYaQVga allergiya yuzaga kelishining yuqori xavfiga moyil boʼladi. Ushbu preparat ayniqsa atsetilsalitsil kislotasi va/yoki NYaQVga allergiyasi bor patsientlarda astma yoki bronxospazm xurujlarini keltirib chiqarish mumkin («Qoʼllash mumkin boʼlmagan holatlar» boʼlimiga qarang). 
Deksalgin® inʼekt, inʼektsiyalar/infuziyalar uchun eritma preparatining qon ishlab chiqarilishi buzilgan, tizimli qizil yugirik va biriktiruvchi toʼqimaning aralash kasalliklaridan aziyat chekuvchi patsientlarga ehtiyotlik bilan yuborish lozim. 
NYaQVni qoʼllash davrida yumshoq toʼqimalarda yuz beradigan infektsion jarayonlar faollashishining alohida holatlari tavsiflangan. Shunday qilib, agar terapiya davrida bakterial infektsiya simptomlari paydo boʼlsa yoki chuqurlashsa, patsientlarga darhol shifokorga murojaat qilish tavsiya qilinadi.
Quyidagi dori preparatining bitta ampulasida (2 ml), bir dozaga 3 mg/kg (10% hajm/vaznga) 200 mg gacha spirt (etanol) saqlanadi. Bu (2 ml) bir ampuladagi miqdor 5 ml pivo yoki 2 ml vinoga toʼgʼri keladi.
Ushbu dori preparatidagi spirtning kam miqdorida saqlanishi xech qanday sezilarli taʼsiri koʼrsatmaydi.
Ushbu preparatda bir dozada 1 mmoldan kam natriy (23 mg) mavjud, yaʼni dori vositasida “deyarli natriy mavjud emas”.
Pediatrik profildagi patsientlar
Bolalar va 18 yoshdan kichik oʼsmirlarda qoʼllash xavfsizligi isbotlanmagan. Shuning uchun ushbu preparatni bolalar va 18 yoshdan kichik oʼsmirlarda qoʼllash mumkin emas.

Fertillik, homiladorlik va laktatsiya
Deksalgin® inʼekt, inʼektsiya/infuziya uchun eritma preparatini homiladorlikning uchinchi uch oyligida va laktatsiya davrida qoʼllash mumkin emas («Qoʼllash mumkin boʼlmagan holatlar» boʼlimiga qarang).
Homiladorlik
Prostaglandinlar sintezining bostirilishi homiladorlik va/yoki embrion/homilaga salbiy taʼsir qilishi mumkin. Epidemiologik tadqiqotlar natijalariga koʼra, prostaglandinlar sintezini bostiruvchi preparatlarni homiladorlikning ilk muddatlarida qoʼllashdan keyin oʼz oʼzidan bola tashlash xavfi, homilada yurak nuqsoni va gastroshizis yuzaga kelishi xavfi oshadi. Xususan, yurak qon-tomir tizimi anomaliyalari rivojlanishi absolyut xavfi 1 % dan kamdan taxminan 1,5 % gacha oshgan. Doza va qoʼllash davomiyligi oshishi bilan xavf ham oshadi deb hisoblanadi. Hayvonlarda prostaglandinlar sintezi ingibitorini qoʼllash pre- va postimplantatsion yoʼqotishlar xavfining oshishiga va embriofetal oʼlimning oshishiga turtki boʼlgan. Bundan tashqari, organogenez davrida prostaglandinlar sintezi ingibitorlarini olgan hayvonlarda homila rivojlanishidagi illatlar, shu jumladan yurak qon-tomir tizimi anomaliyalarining uchrash tez-tezligi darajasi oshgan. Shunga qaramasdan, hayvonlarda deksketoprofenning reproduktsiya aʼzolariga nisbatan toksiklik belgilari aniqlanmagan (“Xavfsizlik boʼyicha klinik oldi maʼlumotlari” boʼlimiga qarang). Homiladorlikning 20 chi haftasidan boshlab deksketoprofendan foydalanish homilada buyrak funktsiyasini buzilishi natijasida qogʼonoq suvlarining yetishmasligiga olib kelishi mumkin. Bu medikamentoz davolash boshlangandan koʼp oʼtmay sodir boʼlishi mumkin va odatda uni tugatgandan keyin qaytariladi. Bundan tashqari, homiladorlikning ikkinchi uch oyligida davolanishdan soʼng arterial yoʼlining torayishi holatlari haqida xabarlar mavjud boʼlib, ularning aksariyati preparat bilan davolanishni toʼxtatgandan soʼng hal qilingan. Shuning uchun homiladorlikning birinchi va ikkinchi uch oyliklarida deksketoprofenni qatʼiy zaruratsiz tayinlash kerak emas. Deksketoprofen homiladorlikni rejalashtirayotgan ayollar tomonidan yoki homiladorlikning birinchi va ikkinchi uch oyligida boʼlgan ayollar tomonidan qabul qilinganida, eng kam imkonli doza va minimal davolash davomiyligi tavsiya etiladi. Deksketoprofenni bir necha kun davomida qabul qilgandan soʼng, homiladorlikning 20 chi haftasidan boshlab, qogʼonoq suvining tanqisligi va arterial yoʼlning torayishini antenatal kuzatish masalasini koʼrib chiqish kerak. Qogʼonok suvining tanqisligi yoki arterial yoʼlning torayishi aniqlanganda deksketoprofen qabul qilishni bekor qilish kerak.
Homiladorlikning uchinchi uch oyligida prostaglandinlar sintezi ingibitorlarini qoʼllash fonida homilada quyidagi holatlar kuzatilishi mumkin:
-    yurak-oʼpka toksikligining namoyon boʼlishlari (masalan, arterial oqimning muddatidan oldin torayishi / yopilishi va oʼpka arteriyasi tizimida gipertenziya);
-    buyraklar funktsiyasining buzilishi (yuqoriga qarang);
homiladorlik davrining oxirida onada va yangi tugʼilgan chaqaloqda quyidagi holatlar boʼlishi mumkin:
-    qon ketish vaqti uzayishi mumkin,preparat hatto juda past dozalarda qoʼllanganida ham boʼlishi mumkin boʼlgan antiagregatsion samarasi;
-    tugʼruq funktsiyasining kechikishiga yoki choʼzilgan tugʼish jarayoniga olib keluvchi bachadonning qisqarish faolligining bostirilishi.
Emizish davri
Deksketoprofenning ona sutiga oʼtishi haqida maʼlumotlar yoʼq. Deksalgin® inʼekt koʼkrak bilan emizish davrida qoʼllash mumkin emas («Qoʼllash mumkin boʼlmagan holatlar» boʼlimiga qarang).
Fertillik
Barcha NYaQV kabi, Deksalgin® inʼekt preparati ayollarning fertilligini pasaytirishi mumkin; shu sababli uni homiladorlikni rejalashtirayotgan ayollarga buyurish tavsiya qilinmaydi. Homilador boʼlishga qiynalayotgan yoki bepushtlik borasida koʼrikdan oʼtayotgan ayollarda deksketoprofenni bekor qilish imkoniyati koʼrib chiqilishi kerak.
Transport vositalarini boshqarish va mexanizmlarga xizmat koʼrsatish qobiliyatiga taʼsiri 
Deksalgin® inʼekt, inʼektsiya/infuziya uchun eritma preparati bosh aylanishi, koʼrish qobiliyatining buzilishi yoki uyquchanlik holati kabi nojoʼya taʼsirlarni keltirib chiqarishi mumkin. Bunday hollarda tezkor reaktsiya, yoʼl vaziyatida tez moʼljalni olish qobiliyati va mexanizmlarga xizmat koʼrsatish qobiliyati pasayishi mumkin.

Oʼrtacha va kuchli jadallikdagi oʼtkir ogʼriqda, agar ogʼriqni qoldiruvchi vositalarni ichga qabul qilish maqsadga muvofiq boʼlmaganida, masalan operatsiyadan keyingi ogʼriqlarda, buyrak sanchiqlarida va beldagi ogʼriqlarni simptomatik davolashda qoʼllaniladi.

Deksalgin® inʼekt, inʼektsiya/infuziya uchun eritma preparatini quyidagi holatlarda yuborish mumkin emas:
-     taʼsir etuvchi moddaga, boshqa har qanday NYaQVga yoki «Tarkibi» boʼlimida koʼrsatilgan yordamchi moddalarning istalgan biriga oʼta yuqori sezuvchanlikda;
- xuddi shunday taʼsir etuvchi moddalar (masalan, atsetilsalitsil kislota va boshqa NYaQVlar) patsientlarda astma, bronxospazm, oʼtkir rinit xurujlari rivojlanishini keltirib chiqaradi yoki burun poliplari rivojlanishini, eshakemi yoki angionevrotik shish paydo boʼlishini keltirib chiqaradi;
-     ketoprofen yoki fibratlar bilan davolash davrida fotoallergik yoki fototoksik reaktsiyalar rivojlangani haqida maʼlumot bor;
-     anamnezda meʼda-ichakda qon ketishlari yoki NYaQV yordamida oʼtkazilgan oldingi davolash bilan bogʼliq perforatsiyalar mavjud boʼlganida;
-     faol davrdagi peptik yara/meʼda-ichakdan qon ketishlariga yoki anamnezda meʼda-ichakdan qon ketishlariga, yaralar yoki perforatsiyalarga ega patsientlarda;
-     surunkali dispepsiyaga ega patsientlarda; 
-    patsientdagi faol davrdagi boshqa qon ketishida yoki qon ivishining buzilishida;
-    patsientdagi Kron kasalligida yoki yarali kolitda;
-     patsientdagi ogʼir darajadagi yurak yetishmovchiligida; 
-     patsientdagi oʼrtacha yoki ogʼir darajadagi buyrak funktsiyasining buzilishida (kreatinin klirensi ≤59 ml/min);
-     patsientdagi jigar funktsiyasining ogʼir darajali buzilishida (Chayld-Pьyu shkalasi boʼyicha 10-15 ball);
-     patsientdagi gemorragik diatezda va qon ivishining boshqa buzilishlarida;
-     patsientdagi ogʼir darajali degidratatsiyada (qusish, diareya yoki suyuqlikni yetarlicha isteʼmol qilmaslik natijasida);
-    homiladorlikning uchinchi uch oyligida va laktatsiya davrida («Fertillik, homiladorlik va laktatsiya» boʼlimiga qarang) qoʼllash mumkin emas.
Preparatning tarkibida etanol saqlangani tufayli Deksalgin® inʼekt, inʼektsiya/infuziya uchun eritma, preparatining neyroaksial (intratekal yoki epidural) yuborish uchun taqiqlanadi.

Quyida nosteroid yalligʼlanishga qarshi vositalar (NYaQV) oʼzaro taʼsirlarining quyidagi turlari taʼriflangan:

Noxush majmualar:
-    Yuqori dozadagi ( 3 g/sut) boshqa NYaQVlar (shu jumladan siklooksigenaza-2 selektiv ingibitorlari) va salitsilatlar: bir nechta NYaQV birgalikda qoʼllanganida, ushbu preparatlarning bir-birini oʼzaro kuchaytiruvchi taʼsiri oqibatida, meʼdada/ichakda yara va qon ketishlar rivojlanishi ortadi.
-    Аntikoagulyantlar: deksketoprofenning plazma oqsillari bilan bogʼlanishining yuqori darajasi sababli, trombotsitlar funktsiyasining bostirilishi va meʼda hamda oʼn ikki barmoq ichakning shilliq qavati shikastlanishi oqibatida, NYaQV antikoagulyantlar, masalan, varfarin taʼsirini kuchaytirishi mumkin («Maxsus koʼrsatmalar» boʼlimiga qarang). Аgar birgalikda qoʼllash zarur boʼlsa, u shifokorning sinchkov nazorati va laboratoriya koʼrsatkichlari nazorati ostida oʼtishi zarur.
-    Geparinlar: qon ketish xavfi oshadi (trombotsitlar funktsiyasining bostirilishi uchun va meʼda va oʼn ikki barmoqli ichak shilliq qavatlarining shikastlanishi tufayli). Аgar birgalikda qoʼllash zurur boʼlsa, u shifokorning sinchkov nazorati va laboratoriya koʼrsatkichlari nazorati ostida oʼtishi zarur.
-    Kortikosteroidlar: meʼda-ichak yoʼlida yara yoki qon ketishlar rivojlanishi xavfi oshadi («Maxsus koʼrsatmalar» boʼlimiga qarang).
- Litiy (bir nechta NYaQVga nisbatan tavsiflangan): NYaQV qondagi litiy kontsentratsiyasini oshirib, darajasi toksik koʼrsatkichlarigacha olib kelishi mumkin (buyraklar tomonidan litiy chiqarilishining kamayishi). Shu bois deksketoprofen bilan davolashning boshida, dozaga tuzatish kiritilganida va preparat rad etilganida, ushbu koʼrsatkichning nazorati zarur. 
-    Metotreksat yuqori dozalarda (haftasiga 15 mg yoki undan koʼp): umuman xamma yalligʼlanishga qarshi vositalarni qoʼllash fonida metotreksatning buyrak klirensi pasayishi hisobidan uning qon tizimiga zararli taʼsiri kuchayadi. 
-    Gidantoin hosilalari va sulьfonilamidlar: ushbu moddalarning toksik xususiyatlari kuchayishi mumkin.
    Quyidagi preparatlarning majmualari ehtiyotlik bilan qoʼllash tavsiya etiladi:
-    Diuretiklar, ААF ingibitorlari, aminoglikozidlar guruhidagi antibiotiklar va angiotenzin II retseptorlarining antagonistlari: deksketoprofen diuretiklar va boshqa gipotenziv vositalarning taʼsirini susaytirishi mumkin. Buyrak funktsiyasi buzilgan ayrim patsientlarda (masalan, suvsizlanishda yoki buyraklar kasalligi boʼlgan keksa yoshdagi patsientlarda) siklooksigenazaga ingibitsiya qiluvchi preparatlarni va ААF ingibitorlari, angiotenzin II retseptorlarining antagonistlari yoki aminoglikozidlar guruhidagi antibiotiklar bilan birgalikda qoʼllash buyrak funktsiyasining buzilishini chuqurlashtirishi mumkin, bu odatda, ortga qaytuvchi xarakterga ega. Deksketoprofen biror-bir diuretik bilan birgalikda tayinlanganida, patsient yetarli miqdorda suv isteʼmol qilayotganiga ishonch hosil qilish zarur, davolashni boshida buyrak funktsiyasini nazorat qilish kerak («Maxsus koʼrsatmalar» boʼlimiga qarang).
-    Metotreksat past dozalarda (haftasiga 15 mg dan kam): umuman olganda yalligʼlanishga qarshi xamma vositalarni qoʼllash fonida metotreksatning buyrak klirensi pasayishi hisobidan, uning qon tizimiga zararli taʼsiri kuchayadi. Birgalikda qoʼllashning dastlabki haftalarida har haftada qon tahlilini qilish lozim. Hatto buyrak funktsiyasi yengil darajali buzilganida ham, shuningdek keksa yoshdagi patsientlarda davolashni shifokorning qatʼiy nazorati ostida oʼtkazish kerak.
-    Pentoksifillin: qon ketishi xavfi oshadi. Intensiv klinik nazorat qilish va qon ketish vaqti kabi koʼrsatkichni tez-tez tekshirib turish zarur.
-    Zidovudin: retikulotsitlarga taʼsir qilish hisobidan eritrotsitlarga toksik taʼsir kuchayishi xavfi, bu NYaQVni qoʼllashning birinchi haftasidan keyin ogʼir anemiyaga olib keladi. NYaQVni qoʼllash boshlanganidan keyin bir-ikki hafta davomida qonning kengaytirilgan tahlilini oʼtkazish va retikulotsitlar miqdorini tekshirish lozim.
-    Sulьfonilmochevina preparatlari: NYaQV plazma oqsillari bilan birikmalarda sulьfonilmochevinaning oʼrnini bosish hisobidan sulьfonilmochevinaning gipoglikemik taʼsirini kuchaytirishi mumkin.
    Quyidagi majmualarni eʼtiborga olish zarur:
-    Beta-blokatorlar: NYaQV prostaglandinlar sintezini bostirish hisobidan ularning antigipertenziv taʼsirini susaytirishga qodir.
-        Tsiklosporin va takrolimus: NYaQVning buyrak prostaglandinlariga taʼsiri hisobidan nefrotoksiklik kuchayishi mumkin. Kombinatsiyalashtirilgan terapiyada buyraklar funktsiyasini nazorat qilish lozim.
-    Trombolitik vositalar: qon ketishi xavfi oshadi.
-    Аntiagregantlar va serotoninni qayta ushlash selektiv ingibitorlari (SQUSI): meʼda-ichak qon ketishlarining xavfi oshadi («Maxsus koʼrsatmalar» boʼlimiga qarang).
-    Probenetsid: plazmada deksketoprofen kontsentratsiyasi oshishi mumkin, bu kanalchali sekretsiyaning bostirilishi va preparatning glyukuron kislotasi bilan konʼyugatsiyasi bilan shartlangan boʼlishi mumkin boʼlib, deksketoprofen dozasiga oʼzgartirish yuborishni talab qiladi.
-    Yurak glikozidlari: NYaQV plazmada glikozidlar kontsentratsiyasini oshirishga qodir. 
-    Mifepriston: prostaglandinsintetaza ingibitorlarining taʼsiri ostida mifepristonning samaradorligi oʼzgarishi nazariy jihatdan xavfi mavjud. Cheklangan maʼlumotlar NYaQVni prostaglandinlar bilan bir kunda birgalikda yuborish bachadon boʼyinchasining yetilishi yoki bachadonning qisqarishi xususiyati borasida mifepriston yoki prostaglandin samaralariga salbiy taʼsir koʼrsatmaydi va homiladorlikni dorilar bilan toʼxtatish uchun moʼljallangan vositalarning klinik samaradorligini pasaytirmaydi, deb maʼlumot beradi.
-    Xinolon qatori antibiotiklari: hayvonlarda oʼtkazilgan tadqiqotlar natijalari xinolon hosilalarini yuqori dozalarda NYaQV bilan birga qoʼllaganda tirishishlar rivojlanishi xavfi oshishini koʼrsatdi.
-    Tenofovir: NYaQV bilan birga qabul qilinganida qon plazmasida mochevina azoti va kreatinin kontsentratsiyasi oshishi mumkin – shu bois ushbu dori vositalarini birgalikda qoʼllaganda namoyon boʼladigan sinergizm taʼsirni baholash uchun buyrak funktsiyalarini nazorat qilish zarur.
-    Deferaziroks: NYaQV bilan birga qabul qilinganida meʼda-ichak traktiga toksik taʼsir qilish xavfi oshishi mumkin. Ushbu moddalar deferaziroks bilan birga qoʼllanganida sinchkovlik bilan klinik nazorat qilish kerak.
-    Pemetreksed: NYaQV bilan birga qabul qilinganida pemetreksedning chiqarilishi pasayishi mumkin; shu bois NYaQVni yuqori dozalarda qoʼllaganda alohida ehtiyotkorlikka amal qilish zarur. Yengil va oʼrtacha ogʼirlikdagi buyrak yetishmovchiligiga ega patsientlarda (kreatinin klirensi 45 dan 79 ml/min.gacha) pemetreksed qabul qilinishidan ikki kun oldin va qabul qilinganidan soʼng ikki kun keyin pemetreksed va NYaQVni bir vaqtda qabul qilmaslik kerak.

tiniq, rangsiz eritma. pH (7,0-8,0). Osmolyarligi: 270-328 mOsm/l

Dozalash
Kattalar
Tavsiya etiladigan doza 8-12 soatlik tanaffus bilan 50 mg ni tashkil qiladi. Zarurat boʼlganida preparatni 6 soatdan keyin takror yuboriladi. Umumiy sutkalik doza 150 mg dan oshmasligi kerak.
Deksalgin® inʼekt, inʼektsiya/infuziya uchun eritma preparati qisqa vaqt davomida qoʼllash uchun moʼljallangan va uni faqat oʼtkir davrida simptomlar mavjudligidagina (ikki sutkadan koʼp emas) qoʼllash lozim. Imkoni boricha patsientlarni ichga qabul qilinadigan analьgetiklarga oʼtkazish kerak.
Nojoʼya taʼsirlarini, simptomlar susayishi uchun zarur boʼlgan eng qisqa vaqt ichida eng kam samarali dozani qoʼllash hisobiga qisqartirish mumkin («Maxsus koʼrsatmalar» boʼlimiga qarang).
Operatsiyadan keyingi oʼrtacha va kuchli jadallikdagi ogʼriqda kattalarda Deksalgin® inʼekt, inʼektsiya/infuziya uchun eritmasini koʼrsatmalar boʼyicha opioid analьgetiklar bilan birgalikda xuddi shu tavsiya etilgan dozalarda qoʼllash mumkin («Farmakodinamikasi» boʼlimiga qarang). 
Keksa yoshdagi shaxslar
Odatda keksa yoshdagi patsientlarda dozani toʼgʼrilash talab qilinmaydi. Biroq keksa yoshdagi patsientlarda buyrak funktsiyasining fiziologik susayishi kuzatilishi tufayli, yengil darajadagi buyrak funktsiyasining buzilishida, umumiy sutkalik dozani kamaytirish tavsiya etiladi: umumiy sutkalik doza 50 mg («Maxsus koʼrsatmalar» boʼlimiga qarang). 
Jigar funktsiyasini buzilishi
Yengildan oʼrtachagacha boʼlgan ogʼirlik darajasidagi (Chayld-Pьyu shkalasi boʼyicha 5-9 ball) jigar funktsiyasining buzilishi ega patsientlarda umumiy sutkalik dozani 50 mg gacha kamaytirish va jigar funktsiyasini sinchkovlik bilan nazorat qilish zarur («Maxsus koʼrsatmalar» boʼlimiga qarang). Deksalgin® inʼekt, inʼektsiya/infuziya uchun eritma preparati ogʼir darajali jigar funktsiyasining buzilishi boʼlgan (Chayld-Pьyu shkalasi boʼyicha 10-15 ballik) patsientlarda qoʼllash mumkin emas («Qoʼllash mumkin boʼlmagan holatlar» boʼlimiga qarang).
Buyraklar funktsiyasini buzilishi
Yengil darajadagi buyrak funktsiyasi buzilishiga ega boʼlgan patsientlarda (kreatinin klirensi 60–89 ml/min) umumiy sutkalik dozani 50 mg gacha kamaytirish lozim («Maxsus koʼrsatmalar» boʼlimiga qarang). Deksalgin® inʼekt, inʼektsiya/infuziya uchun eritmasi oʼrtacha va ogʼir darajadagi buyrak funktsiyasining buzilishi boʼlgan (kreatinin klirensi ≤59 ml/min) patsientlarda qoʼllash mumkin emas («Qoʼllash mumkin boʼlmagan holatlar» boʼlimiga qarang).
Pediatrik profildagi patsientlar
Deksalgin® inʼekt, inʼektsiya/infuziya uchun eritma preparatining bolalar va 18 yoshdan kichik oʼsmirlarda qoʼllash boʼyicha tadqiqotlar oʼtkazilmagan. Shu sababli, preparatning bolalar va 18 yoshdan kichik oʼsmirlardagi xavfsizligi va samaradorligi aniqlanmagan boʼlib, ushbu preparatni bolalar va 18 yoshdan kichik oʼsmirlarda qoʼllash mumkin emas.
Qoʼllash usuli 
Deksalgin® inʼekt, inʼektsiya/infuziya uchun eritma preparatining mushak ichiga hamda vena ichiga yuborish mumkin:
•    Mushak ichiga yuborilishi: Deksalgin® inʼekt, inʼektsiya/infuziya uchun eritma preparatining bitta ampulasi tarkibi (2 ml) asta-sekinlik bilan mushakka chuqur yuboriladi.
•    Vena ichiga yuborilishi: 
- Vena ichiga infuziya: «Preparat utilizatsiya qilinganida koʼriladigan alohida ehtiyotkorlik choralari va ularni ishlatish boʼyicha boshqa koʼrsatmalar» boʼlimidagi tavsifga muvofiq tayyorlangan eritma vena ichiga asta-sekinlik bilan 10-30 minut davomida yuboriladi. Tabiiy kunduzgi yorugʼlik eritmaga taʼsir koʼrsatmasligi kerak.
-    Vena ichiga inʼektsiya (bolyusli yuborish): zarurat boʼlganida Deksalgin® inʼekt, inʼektsiya/infuziya uchun eritma preparatining bitta ampulasi tarkibi (2 ml) vena ichiga asta-sekinlik bilan kamida 15 sekund vaqt davomida yuboriladi. 
Preparatni qoʼllash boʼyicha koʼrsatmalar
Deksalgin® inʼekt, inʼektsiya/infuziya uchun eritma preparatining yuborishda, mushak ichiga yoki bolyusli yuborish koʼrinishidagi vena ichiga eritmani rangli ampuladan olingan vaqtda darhol yuborish zarur (shuningdek, «Nomutanosibligi» va «Preparat utilizatsiya qilinganida koʼriladigan alohida ehtiyotkorlik choralari va ularni ishlatish boʼyicha boshqa koʼrsatmalar» boʼlimlariga qarang).
Vena ichiga infuziya uchun eritmani, tabiiy kunduzgi yorugʼlik taʼsiriga uchratmasdan, aseptik sharoitlarda suyultirish kerak (shuningdek «Yaroqlilik muddati» va «Preparat utilizatsiya qilinganida koʼriladigan alohida ehtiyot choralari va ularni ishlatish boʼyicha boshqa koʼrsatmalar» boʼlimlariga qarang). Dori preparatini qoʼllashdan oldin suyultirish boʼyicha koʼrsatmalarni «Preparat utilizatsiya qilinganida koʼriladigan alohida ehtiyot choralari va ularni ishlatish boʼyicha boshqa koʼrsatmalar» boʼlimida koʼring.
Аgar Siz Deksalgin® inʼekt preparatini yuborishni unutgan boʼlsangiz 
Oʼtkazib yuborilgan dozaning oʼrnini toʼldirish uchun preparatni qoʼshimcha dozada qoʼllamang. Preparatni keyingi belgilangan dozada tayinlangan vaqtda yuboring.

Dozani oshirib yuborish simptomatikasi nomaʼlum. Oʼxshash dori preparatlari meʼda-ichak yoʼli (qusish, anoreksiya, qorindagi ogʼriq) va nerv tizimi (uyquchanlik, bosh aylanishi, orientatsiyaning yoʼqolishi, bosh ogʼrigʼi) tomonidan buzilishlarni keltirib chiqaradi.
Tasodifan qabul qilganda/yuborilganda yoki doza oshirib yuborilganida patsientning klinik holatiga muvofiq darhol simptomatik davolashni boshlash zarur. 
Deksketoprofen trometamol organizmdan dializ yordamida chiqarilishi mumkin.

Homiladorlik
Prostaglandinlar sintezining bostirilishi homiladorlik va/yoki embrion/homilaga salbiy taʼsir qilishi mumkin. Epidemiologik tadqiqotlar natijalariga koʼra, prostaglandinlar sintezini bostiruvchi preparatlarni homiladorlikning ilk muddatlarida qoʼllashdan keyin oʼz oʼzidan bola tashlash xavfi, homilada yurak nuqsoni va gastroshizis yuzaga kelishi xavfi oshadi. Xususan, yurak qon-tomir tizimi anomaliyalari rivojlanishi absolyut xavfi 1 % dan kamdan taxminan 1,5 % gacha oshgan. Doza va qoʼllash davomiyligi oshishi bilan xavf ham oshadi deb hisoblanadi. Hayvonlarda prostaglandinlar sintezi ingibitorini qoʼllash pre- va postimplantatsion yoʼqotishlar xavfining oshishiga va embriofetal oʼlimning oshishiga turtki boʼlgan. Bundan tashqari, organogenez davrida prostaglandinlar sintezi ingibitorlarini olgan hayvonlarda homila rivojlanishidagi illatlar, shu jumladan yurak qon-tomir tizimi anomaliyalarining uchrash tez-tezligi darajasi oshgan. Shunga qaramasdan, hayvonlarda deksketoprofenning reproduktsiya aʼzolariga nisbatan toksiklik belgilari aniqlanmagan (“Xavfsizlik boʼyicha klinik oldi maʼlumotlari” boʼlimiga qarang). Homiladorlikning 20 chi haftasidan boshlab deksketoprofendan foydalanish homilada buyrak funktsiyasini buzilishi natijasida qogʼonoq suvlarining yetishmasligiga olib kelishi mumkin. Bu medikamentoz davolash boshlangandan koʼp oʼtmay sodir boʼlishi mumkin va odatda uni tugatgandan keyin qaytariladi. Bundan tashqari, homiladorlikning ikkinchi uch oyligida davolanishdan soʼng arterial yoʼlining torayishi holatlari haqida xabarlar mavjud boʼlib, ularning aksariyati preparat bilan davolanishni toʼxtatgandan soʼng hal qilingan. Shuning uchun homiladorlikning birinchi va ikkinchi uch oyliklarida deksketoprofenni qatʼiy zaruratsiz tayinlash kerak emas. Deksketoprofen homiladorlikni rejalashtirayotgan ayollar tomonidan yoki homiladorlikning birinchi va ikkinchi uch oyligida boʼlgan ayollar tomonidan qabul qilinganida, eng kam imkonli doza va minimal davolash davomiyligi tavsiya etiladi. Deksketoprofenni bir necha kun davomida qabul qilgandan soʼng, homiladorlikning 20 chi haftasidan boshlab, qogʼonoq suvining tanqisligi va arterial yoʼlning torayishini antenatal kuzatish masalasini koʼrib chiqish kerak. Qogʼonok suvining tanqisligi yoki arterial yoʼlning torayishi aniqlanganda deksketoprofen qabul qilishni bekor qilish kerak.
Homiladorlikning uchinchi uch oyligida prostaglandinlar sintezi ingibitorlarini qoʼllash fonida homilada quyidagi holatlar kuzatilishi mumkin:
-    yurak-oʼpka toksikligining namoyon boʼlishlari (masalan, arterial oqimning muddatidan oldin torayishi / yopilishi va oʼpka arteriyasi tizimida gipertenziya);
-    buyraklar funktsiyasining buzilishi (yuqoriga qarang);
homiladorlik davrining oxirida onada va yangi tugʼilgan chaqaloqda quyidagi holatlar boʼlishi mumkin:
-    qon ketish vaqti uzayishi mumkin,preparat hatto juda past dozalarda qoʼllanganida ham boʼlishi mumkin boʼlgan antiagregatsion samarasi;
-    tugʼruq funktsiyasining kechikishiga yoki choʼzilgan tugʼish jarayoniga olib keluvchi bachadonning qisqarish faolligining bostirilishi.
Emizish davri
Deksketoprofenning ona sutiga oʼtishi haqida maʼlumotlar yoʼq. Deksalgin® inʼekt koʼkrak bilan emizish davrida qoʼllash mumkin emas («Qoʼllash mumkin boʼlmagan holatlar» boʼlimiga qarang).

Nomutanosibligi
Deksalgin® inʼekt, inʼektsiya/infuziya uchun eritma preparatining dofamin, prometazin, pentazotsin, petidin va gidroksizin eritmalari bilan kichik hajmlarda (masalan, shpritsda) aralashtirish mumkin emas, chunki natijada eritmada choʼkma hosil boʼladi.
«Preparat utilizatsiya qilinganida koʼriladigan alohida ehtiyot choralari va ularni ishlatish boʼyicha boshqa koʼrsatmalar» boʼlimiga muvofiq tayyorlangan infuziyalar uchun eritmalarni prometazin va pentazotsin bilan aralashtirish mumkin emas. 
Preparatni «Preparat utilizatsiya qilinganida koʼriladigan alohida ehtiyotkorlik choralari va ularni ishlatish boʼyicha boshqa koʼrsatmalar» boʼlimida koʼrsatilganlaridan tashqari boshqa dori vositalari bilan aralashtirish mumkin emas.

Preparat utilizatsiya qilinganida koʼriladigan alohida ehtiyotkorlik choralari va ularni ishlatish boʼyicha boshqa koʼrsatmalar
Deksalgin® inʼekt, inʼektsiya/infuziya uchun eritma preparatining geparin, lidokain, morfin va teofillinning inʼektsion eritmalari bilan kichik hajmlarda (masalan, shpritsda) aralashtirish mumkin. 
Vena ichiga infuziya shaklida yuborish uchun Deksalgin® inʼekt, inʼektsiya/infuziya uchun eritma preparatining bitta ampulasi (2 ml) tarkibi 30-100 ml fiziologik eritma, glyukoza eritmasi yoki Ringer-laktat eritmasida suyultirladi. Infuziya, tabiiy kunduzgi yorugʼlik taʼsiriga yoʼl qoʼymasdan, aseptik sharoitlarda tayyorlanadi («Yaroqlilik muddati» boʼlimiga ham qarang).Tayyorlangan eritma tiniq boʼlishi kerak. 100 ml fiziologik eritma yoki glyukoza eritmasida suyultirilgan Deksalgin® inʼekt, inʼektsiya/infuziya uchun eritma preparatini quyidagi dori vositalari: dofamin, geparin, gidroksizin, lidokain, morfin, petidin va teofillin bilan aralashtirish mumkin. 
Deksalgin® inʼekt, inʼektsiya/infuziya uchun eritma preparatining suyultirilgan eritmalarini polietilen paketlarda yoki etilvinilatsetat (EVА), sellyuloza propionati (TsP), past zichlikdagi polietilen (PZPE) va polivinilxlorid (PVX)dan tayyorlangan yuborish uchun moslamalarda saqlaganda, taʼsir etuvchi moddasining sorbtsiyasi kuzatilmagan.
Deksalgin® inʼekt, inʼektsiya/infuziya uchun eritma preparati bir martalik qoʼllash uchun moʼljallangan, har qandaytayyor eritma qoldiqlari toʼkib tashlanishi kerak. Yuborishdan oldin eritma shaffof va rangsiz ekaniga ishonch hosil qilish kerak; tarkibida qattiq zarrachalar boʼlgan eritmani qoʼllash mumkin emas.
    Hech bir dori preparatini kanalizatsiyaga yoki maishiy chiqindilar bilan birga tashlamang. Keraksiz dorilarni hamda ishlatilgan ignalar va shpritslarni qanday utilizatsiya qilish borasida dorixona xodimi bilan maslahatlashing. Ushbu choralar atrof-muhitni himoya qilishga yordam beradi.

Xavfsizlik boʼyicha klinik oldi maʼlumotlari
Standart noklinik tadqiqotlar davomida – farmakologik xavfsizlik, genotoksiklik va immunofarmakologiya tadqiqotlari – odam uchun alohida xavfni aniqlamagan. Sichqonlar va maymunlarda surunkali toksiklikni oʼrganish odamga tavsiya etiladigan dozadan 2 baravar yuqori boʼlganda ham, kuzatiladigan nojoʼya taʼsirlarning yoʼqligi darajasida (NOAEL) maksimal preparat dozasini aniqlash imkonini berdi. Maymunlarda preparat yuqori dozalarda yuborilganida, axlatdagi qon, tana vazni oshishining kamayishi, eng yuqori dozada esa – meʼda-ichak yoʼlidagi eroziyalar asosiy salbiy samara boʼlgan. Ushbu samaralar odamga tavsiya etiladigan maksimal dozaga qaraganda preparat taʼsiri 14-18 baravar yuqori boʼlgan dozalarda ham namoyon boʼlgan. 
Hayvonlarda kantserogen potentsialni tadqiq qilish ishlari oʼtkazilmagan.
Barcha NYaQV kabi deksketoprofen hayvonlarda (eksperimental modellar) ham bevosita taʼsir qilish hisobiga (embrion/homilaning rivojiga toʼgʼridan toʼgʼri taʼsiri)ham bilvosita (ona organizmidagi meʼda-ichak yoʼliga shikastlovchi taʼsiri) taʼsir qilish hisobiga embrion yoki homilaning yashab ketish koʼrsatkichlarini oʼzgarish chaqirishiga qodir.

5 yil.
Ushbu dori vositasini karton oʼramida va ampulada koʼrsatilgan yaroqlilik muddati tugaganidan keyin qoʼllash mumkin emas. Koʼrsatilgan oyning oxirgi kuni yaroqlilik muddati tugaydigan sana hisoblanadi.