KYUPEN SMILE suspenziya 100ml 100mg/5ml

Yuborilgandan so'ng preparat me'da-ichak yo'lidan tez so'riladi va organizmda taqsimlanadi. Ibuprofenning zardobdagi maksimal konsentratsiyasi och qoringa qabul qilingandan 45 daqiqa o'tgach erishiladi. Ovqat ibuprofen so'rilishini kamaytiradi, ammo uning biologik kiraolishligini kamaytirmaydi va t max 1 – 2 soatni tashkil qiladi. Ibuprofen taxminan 99% plazma oqsillari bilan bog'lanadi. Preparatni bog'lovchi asosiy oqsillar albuminlar hisoblanadi. Ibuprofen va uning metabolitlari organizmdan buyraklar orqali tez va to'liq chiqariladi. Preparatning yarim chiqarilish davri taxminan 2 soatni tashkil qiladi. Oz sonli ma'lumotlarga ko'ra, ibuprofen ko'krak suti bilan juda past konsentratsiyada ajralib chiqadi.

Noxush samaralar namoyon bo'lishi xavfini, agar eng kichik samarali dozalar ishlatilsa, bunda simptomlarni bartaraf etish uchun zarur bo'lgan qisqa vaqt davomida, kamaytirish mumkin. Dori mahsulotini quyidagi bemorlarda qo'llashda ehtiyotkorlikka rioya qilish kerak: - anamnezida yara kasalligi bo'lgan, ayniqsa qon ketish yoki perforatsiya bilan asoratlangan, shuningdek keksa yoshdagi shaxslarda. Ushbu bemorlar minimal samarali dozani qabul qilishlari kerak - boshqa dori preparatlarini, masalan kortikosteroidlar, ivishga qarshi preparatlar (varfarin), serotoninni qayta qamrab olinishining selektiv ingibitorlari yoki antiagregantlar (atsetilsalitsil kislotasi) ni bir vaqtda qabul qilayotganlarda - jigar va buyrak kasalliklari bo'lganlarda - anamnezida bronxial astma bo'lganlarda - ichakning surunkali yallig'lanish kasalliklari (nospesifik yarali kolit, Kron kasalligi) bo'lganlarda - tizimli qizil yugurik va biriktiruvchi to'qimaning boshqa kasalliklari bo'lganlarda - anamnezida arterial gipertenziya va (yoki) yurak yetishmovchiligi bo'lganlarda Simptomlar: teri toshmasi, shilliq qavat shikastlanishi yoki yuqori sezuvchanlikning boshqa simptomlari paydo bo'lganda preparatni qo'llashni to'xtatish kerak. Ibuprofen qo'llanilganda toksik ambliopiyaning yakka holatlari qayd etilgan. Homiladorlik va laktatsiya davri. Homiladorlik vaqtida ayollarda ibuprofenni qo'llash xavfsizligi to'g'risida to'liq ma'lumot yo'qligi sababli, ibuprofenni homiladorlikning birinchi va ikkinchi trimestrida qo'llash tavsiya etilmaydi. Homiladorlikning III trimestrida ibuprofenni qo'llash mumkin emas, chunki bu arterial yo'lning muddatidan oldin yopilishiga yordam beradi va yangi tug'ilgan chaqaloqda o'pka gipertenziyasini chaqirishi mumkin, tug'ruq faoliyatini uzaytiradi, ona va bolada qon ketish xavfini oshiradi. Ibuprofen ko'krak sutiga juda past kontsentratsiyalarda o'tadi. Preparat qisqa muddat qo'llanilganda emizishni to'xtatish zarurati tug'ilmaydi. Dori vositasining transport vositasini yoki potentsial xavfli mexanizmlarni boshqarish qobiliyatiga ta'siri xususiyatlari Kyupen Smayl preparatini qabul qilishda bosh aylanishi rivojlanishi mumkin, buni transport vositalarini boshqarishda va harakatlanuvchi mexanizmlarga xizmat ko'rsatishda hisobga olish kerak.

ibuprofenga yoki preparatning boshqa komponentlariga, shuningdek boshqa nosteroid yallig'lanishga qarshi dori vositalariga yuqori sezuvchanlik atsetilsalitsil kislotasi (salitsilatlar) yoki boshqa NYQP qabul qilish bilan qo'zg'atilgan bronxial astma, eshakemi, rinit boshqa NYQP, shu jumladan siklooksigenaza-2 ning o'ziga xos ingibitorlarini bir vaqtda qo'llash oshqozon-ichak traktining yarali shikastlanishi (me'da va o'n ikki barmoqli ichak yarasi, yarali kolit) oshqozon-ichakdan qon ketish anamnezda NYQP terapiyasi bilan bog'liq oshqozon-ichakdan qon ketish yoki perforatsiya mavjudligi gemorragik vaskulit qon kasalliklari (qon ketishga moyillik, gemofiliya, gipokoagulyatsiya) og'ir buyrak yoki jigar yetishmovchiligi og'ir darajadagi yurak yetishmovchiligi glyukoza-6-fosfatdegidrogenaza yetishmovchiligi homiladorlikning III trimestri 3 oylikkacha bo'lgan bolalar

Kyupen Smayl (NYQVS guruhidagi boshqa dori vositalari kabi) quyidagi dori vositalari bilan bir vaqtda qo'llanilmasligi kerak: - past dozalarda atsetilsalitsil kislotasi, noxush ta'sirlar xavfi yuqori bo'lganligi sababli - boshqa NYQVS, ayniqsa siklooksigenaza-2 selektiv ingibitorlari: ikki yoki undan ortiq NYQVSni bir vaqtda qo'llashdan saqlanish kerak, chunki bu noxush ta'sirlar paydo bo'lish xavfini oshirishi mumkin Quyidagi preparatlar bilan bir vaqtda qo'llanilganda ehtiyotkorlikka rioya qilish kerak: -  antigipertenziv preparatlar: chunki ularning samaradorligi pasayadi -  diuretiklar: chunki ular NYQVSning nefrotoksik ta'sirini oshirishi mumkin - antitrombotik preparatlar: varfarin kabi qon ivishini pasaytiruvchi preparatlarning ta'siri NYQVS bilan tayinlanganda kuchayishi - litiy va metotreksat, yurak glikozidlari: NYQVS plazmada ushbu preparatlar kontsentratsiyasini oshirishi mumkin (ularni zardobda vaqti-vaqti bilan nazorat qilish tavsiya etiladi) - zidovudin: bir vaqtda ibuprofen va zidovudin bilan davolangan bemorlarda qon ketish vaqti uzayishi to'g'risida ma'lumotlar mavjud - antiagregant dori preparatlari va serotoninni qayta qamrab olish selektiv ingibitorlari (SIO'SI), kortikosteroidlar: oshqozon-ichakdan qon ketish rivojlanish xavfi yuqori - mifepriston: NYQVSni mifepriston qabul qilingandan keyin 8-12 kun davomida ishlatmaslik kerak, chunki NYQVS uning ta'sirini susaytirishi mumkin - takrolimus, siklosporin: ushbu dori preparatlari bilan bir vaqtda qo'llanilganda nefrotoksik ta'sir xavfi ortadi - xinolon antibiotiklari: NYQVS va xinolonlar kombinatsiyasini qabul qilayotgan bemorlarda tirishishlar paydo bo'lish xavfi bo'lishi mumkin

Ichga qo'llaniladi. 5 ml suspenziya 100 mg ibuprofen saqlaydi. Iste'mol qilishdan oldin bir xil suspenziya hosil bo'lguncha chayqatish kerak. O'ram dozator-shprits bilan birga keladi. Preparat ovqatdan keyin, suyuqlik bilan ichiladi. Og'riq sindromi va tana haroratining ko'tarilishi Bir martalik doza bola tana vaznining 5-10 mg/kg ni tashkil qiladi, sutkasiga 3-4 marta. Kyupen Smayl dori preparatining sutkalik dozasi tana vaznining 20-30 mg/kg ni tashkil qiladi. Maksimal sutkalik doza bola tana vaznining 30 mg/kg dan oshmasligi kerak. Preparatni dozalashning tavsiya etilgan sxemasi: 3 oylikdan 6 oylikgacha bo'lgan go'daklar (5 kg dan 7,6 kg gacha): 2,5 ml dan sutkasiga 3 marta tayinlanadi (sutkasiga 150 mg ibuprofendan ko'p emas). 6 oylikdan 12 oylikgacha bo'lgan go'daklar (7,7 kg dan 9 kg gacha): 2,5 ml dan sutkasiga 3-4 marta tayinlanadi (sutkasiga 200 mg ibuprofendan ko'p emas). 1-3 yoshli bolalar (10 kg dan 15 kg gacha): 5 ml dan sutkasiga 3 marta tayinlanadi (sutkasiga 300 mg ibuprofendan ko'p emas). 4 dan 6 yoshgacha bo'lgan bolalar (16 kg dan 20 kg gacha): 7,5 ml dan sutkasiga 3 marta tayinlanadi (sutkasiga 450 mg ibuprofendan ko'p emas). 7-9 yoshli bolalar (21 kg dan 29 kg gacha): 10 ml dan sutkasiga 3 marta tayinlanadi (sutkasiga 600 mg ibuprofendan ko'p emas). 10-12 yoshli bolalar (30 kg dan 40 kg gacha): 15 ml dan sutkasiga 3 marta tayinlanadi (sutkasiga 900 mg ibuprofendan ko'p emas). Preparat simptomatik davolash uchun mo'ljallangan. Preparat dozalari 6-8 soatlik interval bilan qo'llaniladi (yoki agar bu zarur bo'lsa, qabullar orasida kamida 4 soatlik intervalga rioya qilish kerak). 1 yoshgacha bo'lgan bolalarga dori preparatini faqat shifokor bilan maslahatlashgandan so'ng, uning tavsiyalariga muvofiq qo'llash mumkin. Agar 3 oylikdan 5 oylikgacha bo'lgan bolalarda preparat qabul qilingandan so'ng 24 soat ichida mavjud simptomlar saqlanib qolsa, kuchaysa yoki yangilari paydo bo'lsa, shifokorga murojaat qilish zarur. Agar 6 oylikdan 12 yoshgacha bo'lgan bolalarda mavjud simptomlar 3 kundan ortiq saqlanib qolsa, kuchaysa yoki yangilari paydo bo'lsa, shifokorga murojaat qilish zarur. Emlashdan keyin tana haroratining ko'tarilishi Bir marta 2,5 ml suspenziya tayinlanadi, zarurat bo'lganda dozani 6 soatdan keyin takrorlash mumkin. 24 soat ichida 2,5 ml suspenziyadan ikki dozadan ortiq qabul qilmaslik kerak. Agar harorat pasaymasa, shifokorga murojaat qilish zarur. Preparatning tavsiya etilgan dozasini oshirmaslik kerak!