Ushbu dori vositasi qanday kasallikni davolash uchun ishlatiladi?

Dori vositalari, Nafas olish tizimi

Montelukast dori vositasi O'zbekiston dori vositalari reestrida ro'yxatdan o'tganmi?

Ha, preparat O'zbekiston dori vositalari reestrida ro'yxatdan o'tgan.

Montelukast dori vositasi ishlab chiqaruvchisi kim va u qaysi davlatda ishlab chiqarilgan?

Montelukast dori vositasi Aburaihan Pharmaceutical Co. tomonidan Eron mamlakatida ishlab chiqarilgan.

Bosh sahifa / Dori vositalari / Montelukast

Montelukast

Name: Montelukast
Rating: 4.25 (8 reviews)

Chiqarish shakllari Qo'llanma Analoglar Barcha rasmlar Savollar Fikr-mulohazalar

- Montelukast qabul qilish bo'yicha ma'lumot

- Montelukastning tarkibi

- Montelukast ko'rsatmalar va qarshi ko'rsatmalar

- Montelukast narxi Toshkent dorixonalarida

Montelukast qo'llanmasi

Ishlab chiqarilish joyi

Eron,

Rossiya Federatsiyasi,

Belarusiya

Kategoriya

Nafas olish tizimi Dori vositalari

Nimaga qarshi

Allergiyadan

Faol modda

Montelukast

Qo‘llash ko‘rsatmalari

— bronxial astmaning oldini olish va uzoq muddatli davolash, shu jumladan kasallikning kunduzgi va tungi simptomlarini oldini olish;
— atsetilsalitsil kislotasiga yuqori sezuvchanligi bo'lgan bemorlarda bronxial astmani davolash;
— jismoniy zo'riqish chaqirgan bronxospazm profilaktikasi;
— mavsumiy allergik rinitlar va doimiy allergik rinitlarning kunduzgi va tungi simptomlarini bartaraf etish.

Qo'llanilishi mumkin bo'lmagan holatlar

— preparatning har qanday komponentiga yuqori sezuvchanlik;
— 6 yoshgacha bo‘lgan bolalar;
— fenilketonuriya.
Homiladorlik va emizish davrida qo‘llanilishi
Homilador ayollar ishtirokida montelukastning klinik tadqiqotlari o‘tkazilmagan. Montelukast preparatini homiladorlik va ko‘krak suti bilan boqish davrida faqat ona uchun kutilayotgan foyda homila yoki bola uchun potentsial xavfdan yuqori bo‘lsagina qo‘llash kerak. Montelukastning ro‘yxatdan o‘tkazilgandan keyingi qo‘llanilishi davomida homiladorlik davrida Montelukast qabul qilgan onalarning yangi tug‘ilgan chaqaloqlarida oyoq-qo‘llarning tug‘ma nuqsonlari rivojlanishi haqida xabar berilgan. Ushbu ayollarning aksariyati homiladorlik davrida bronxial astmani davolash uchun boshqa preparatlarni ham qabul qilishgan. Montelukast qabul qilish va oyoq-qo‘llarning tug‘ma nuqsonlari rivojlanishi o‘rtasidagi sabab-oqibat bog‘liqligi aniqlanmagan.
Montelukast ko‘krak suti bilan ajralib chiqishi noma’lum. Ko‘pgina dori vositalari ko‘krak suti bilan ajralib chiqqanligi sababli, buni Montelukast preparatini tayinlashda hisobga olish kerak

Tarkibi

1 tab.
montelukast natriy 5.2 mg, bu montelukast 5 mg miqdoriga mos keladi
Yordamchi moddalar: mannitol - 203.3 mg, mikrokristall tsellyuloza - 81 mg, giproloza (gidroksipropiltsellyuloza) - 3 mg, magniy stearati - 3 mg, Olcha aromatizatori - 3 mg, aspartam - 1.5 mg.

So‘rilishi Montelukast ichga qabul qilingandan so‘ng tez va deyarli to‘liq so‘riladi. 5 mg chaynash tabletkalari och qoringa qabul qilinganda kattalarda qon plazmasidagi Cmax 2 soatdan keyin erishiladi. Ichga qabul qilinganda o‘rtacha biokiraolishlik 73% ni tashkil qiladi. Taqsimlanishi Montelukast plazma oqsillari bilan 99% dan ortiq bog‘lanadi. Css holatida montelukastning Vd o‘rtacha 8-11 l ni tashkil qiladi. Kalamushlarda radioaktiv nishonlangan montelukast bilan o‘tkazilgan tadqiqotlar GEB orqali o‘tish minimal ekanligini ko‘rsatadi. Bundan tashqari, nishonlangan montelukast konsentratsiyasi yuborilgandan so‘ng 24 soat o‘tgach boshqa barcha to‘qimalarda minimal bo‘lgan. Metabolizmi Montelukast faol metabolizmga uchraydi. Terapevtik dozalar tadqiq qilinganda kattalar va bolalarda Css holatida qon plazmasida montelukast metabolitlari konsentratsiyasi aniqlanmaydi. In vitro tadqiqotlarda inson jigar mikrosomalari ishlatilganda ko‘rsatilishicha, sitoxrom P450, 3A4, 2C8 va 2C9 montelukast metabolizmida ishtirok etadi. Keyingi in vitro tadqiqot natijalariga ko‘ra, inson jigar mikrosomalarida montelukastning qon plazmasidagi terapevtik konsentratsiyasi sitoxrom P450 CYP: 3A4, 2C9, 1A2, 2A6, 2C19 va 2D6 izofermentlarini ingibitsiya qilmaydi. Chiqarilishi Sog‘lom kattalarda montelukastning plazma klirensi o‘rtacha 45 ml/daqiqani tashkil qiladi. Radioaktiv nishonlangan montelukast ichga qabul qilingandan so‘ng uning miqdorining 86% ichak orqali 5 kun ichida va 0,2% dan kami - buyraklar orqali chiqariladi, bu montelukast va uning metabolitlari deyarli faqat safro bilan ekskretsiya qilinishini tasdiqlaydi. Yosh sog‘lom kattalarda montelukastning T1/2 2,7 dan 5,5 soatgacha tashkil qiladi. 50 mg dan ortiq dozalar ichga qabul qilinganda montelukast farmakokinetikasi deyarli chiziqli xususiyatni saqlab qoladi. Montelukast ertalabki va kechki soatlarda qabul qilinganda farmakokinetikada farqlar kuzatilmaydi. Montelukast sutkasiga 10 mg qabul qilinganda qon plazmasida faol moddaning o‘rtacha (taxminan 14%) kumulyatsiyasi kuzatiladi. Turli guruh bemorlarida farmakokinetika xususiyatlari Jins Ayollar va erkaklarda montelukast farmakokinetikasi o‘xshash. Keksa bemorlar 10 mg montelukast bir marta ichga qabul qilinganda farmakokinetik profil va biokiraolishlik keksa bemorlarda va yosh bemorlarda o‘xshash. Qon plazmasidan montelukastning T1/2 keksa bemorlarda biroz kattaroq. Keksa bemorlarda preparat dozasini to‘g‘irlash talab etilmaydi. Irq Turli irq bemorlarida klinik ahamiyatga ega farmakokinetik ta'sirlarda farqlar aniqlanmagan. Jigar yetishmovchiligi Yengil va o‘rta darajadagi jigar yetishmovchiligi va jigar tsirrozi klinik belgilari bo‘lgan bemorlarda montelukast metabolizmining sekinlashuvi qayd etilgan, bu preparatning 10 mg dozasi bir marta qabul qilingandan so‘ng AUC ning taxminan 41% ga oshishi bilan kechadi. Ushbu bemorlarda montelukastning T1/2 biroz ortadi (o‘rtacha T1/2 - 7,4 soat). Yengil va o‘rta darajadagi jigar yetishmovchiligi bo‘lgan bemorlar uchun montelukast dozasini o‘zgartirish talab etilmaydi. Og‘ir jigar yetishmovchiligi (Chayld-Pyo shkalasi bo‘yicha 9 balldan yuqori) bo‘lgan bemorlarda montelukast farmakokinetikasi xususiyatlari to‘g‘risida ma'lumotlar yo‘q. Buyrak yetishmovchiligi Montelukast va uning metabolitlari buyraklar orqali ekskretsiya qilinmasligi sababli, buyrak yetishmovchiligi bo‘lgan bemorlarda montelukast farmakokinetikasi baholanmagan. Ushbu guruh bemorlari uchun preparat dozasini to‘g‘irlash talab etilmaydi.

Nojo'ya ta'sirlar

Nojo'ya ta'sirlar odatda yengil bo'ladi va, qoida tariqasida, preparatni bekor qilishni talab qilmaydi.
Asab tizimi tomonidan: bosh og'rig'i, bosh aylanishi, uyquchanlik, paresteziya/ginesteziya, tirishishlar.
Yurak-qon tomir tizimi tomonidan: tezlashgan yurak urishi.
Nafas olish tizimi, ko'krak qafasi va ko'ks oralig'i a'zolari tomonidan: burun qonashlari, o'pka eozinofiliyasi.
Ruhiyat tomonidan buzilishlar: ajitatsiya, shu jumladan agressiv xulq-atvor yoki dushmanlik, xavotirlik, depressiya, dezorientatsiya, diqqat buzilishi, patologik tushlar, gallyutsinatsiyalar, uyqusizlik, xotira buzilishi, psixomotor faollik (shu jumladan asabiylik, bezovtalik va tremor), somnambulizm, o'z joniga qasd qilish fikrlari va xulq-atvori (suitsidallik).
OHT tomonidan: diareya, dispepsiya, ko'ngil aynishi, qusish, pankreatit, qorinda og'riq.
Jigar va o't yo'llari tomonidan buzilishlar: ALT va AST faolligining oshishi, gepatit (shu jumladan xolestatik, gepatotsellyulyar va aralash jigar shikastlanishlari).
Tayanch-harakat tizimi a'zolari tomonidan: artralgiya, mialgiya, mushak tirishishlari.
Qon va limfa tizimi tomonidan: qon ketishga moyillikning oshishi, trombotsitopeniya.
Teri va teri osti to'qimalari tomonidan: gematomalar shakllanishiga moyillik, tugunli eritema, ko'p shaklli eritema, qichishish, toshmalar, eshakemi, angionevrotik shish.
Immun tizimi tomonidan: yuqori sezuvchanlik reaktsiyalari, shu jumladan anafilaksiya, jigarning eozinofil infiltratsiyasi.
Infektsion va parazitar kasalliklar: yuqori nafas yo'llari infektsiyalari.
Boshqalar: asteniya (holsizlik)/charchoq, shishlar, pireksiya.

Dozirovkasi

DozalashMontelukast preparati ovqatlanishdan qat'iy nazar sutkasiga 1 marta ichga qabul qilinadi. Tabletkani butunligicha yutish yoki yutishdan oldin chayash mumkin. Bronxial astmani davolash uchun preparatni kechqurun qabul qilish kerak. Allergik rinitlarni davolashda preparatni sutkaning istalgan vaqtida qabul qilish mumkin. Bronxial astma va allergik riniti bo'lgan bemorlar bitta tabletkani sutkasiga bir marta kechqurun qabul qilishlari kerak.

6 yoshdan 14 yoshgacha bo'lgan bolalar

Bitta chaynash uchun tabletka 5 mg dan sutkasiga bir marta.

Ushbu yosh guruhi uchun dozani tanlash talab etilmaydi.

15 yoshdan oshgan bolalar va kattalar

Kattalar va 15 yoshdan oshgan bolalar uchun doza sutkasiga 10 mg montelukastni tashkil qiladi. Montelukast preparatining bronxial astma kechishini aks ettiruvchi ko'rsatkichlarga terapevtik ta'siri birinchi kun davomida rivojlanadi. Bemor preparatni bronxial astma simptomlarini nazorat qilishga erishish davrida ham, kasallik zo'rayish davrida ham qabul qilishni davom ettirishi kerak.

Keksa bemorlar, buyrak yetishmovchiligi bo'lgan bemorlar, yengil yoki o'rtacha og'irlikdagi jigar funksiyasi buzilishlari bo'lgan bemorlar uchun dozani maxsus tanlash talab etilmaydi.

Montelukastni bronxodilatatorlar va ingalyatsion glyukokortikosteroidlar (GKS) bilan davolashga qo'shish mumkin.

Dori shaklining ta'rifi

Olcha hidli, oq yoki deyarli oq rangli, dumaloq, ikki tomonlama qavariq chaynash tabletkalari.

Maxsus saqlash sharoitlari

Ichga qabul qilish uchun montelukastning o'tkir bronxial astma xurujlarini davolashga nisbatan samaradorligi aniqlanmagan. Shuning uchun Montelukast tabletkalarini o'tkir bronxial astma xurujlarini davolash uchun tayinlash tavsiya etilmaydi. Bemorlarga bronxial astma xurujlarini bartaraf etish uchun shoshilinch yordam preparatlarini (qisqa ta'sir etuvchi ingalyatsion beta-agonistlar) doimo o'zlari bilan olib yurishlari haqida yo'riqnoma berilishi kerak.

Bronxial astma zo'rayishi davrida Montelukast preparatini qabul qilishni to'xtatmaslik kerak. Xurujlarni bartaraf etish uchun shoshilinch yordam preparatlarini (qisqa ta'sir etuvchi ingalyatsion beta-agonistlarni) qo'llash zarurligini yodda tutish kerak.

Atsetilsalitsil kislotasi va boshqa nosteroid yallig'lanishga qarshi preparatlarga (NYQP) tasdiqlangan allergiyasi bo'lgan bemorlar Montelukast preparati bilan davolash davrida ushbu preparatlarni qabul qilmasliklari kerak, chunki montelukast allergik bronxial astmasi bo'lgan bemorlarda nafas olish funktsiyasini yaxshilasa-da, shunga qaramay, ularda nosteroid yallig'lanishga qarshi preparat chaqirgan bronxokonstriktsiyani to'liq oldini ololmaydi.

Montelukast bilan davolash fonida qabul qilinadigan ingalyatsiya yoki ichga qabul qilish uchun glyukokortikosteroidlar dozasini shifokor nazorati ostida asta-sekin kamaytirish mumkin. Biroq glyukokortikosteroidlarni Montelukast preparatiga keskin almashtirishni o'tkazish mumkin emas.

Montelukast qabul qilgan bemorlarda psixonevrologik buzilishlar tasvirlangan ("Nojo'ya ta'siri" bo'limiga qarang). Ushbu simptomlar boshqa omillar tomonidan chaqirilgan bo'lishi mumkinligini hisobga olib, ular montelukastni qabul qilish bilan bog'liqligi noma'lum. Shifokor ushbu noxush ko'rinishni bemorlar va/yoki ularning ota-onalari/vasiylari bilan muhokama qilishi zarur. Bemorlarga va/yoki ularning ota-onalari/vasiylariga shunday simptomlar paydo bo'lgan taqdirda bu haqda davolovchi shifokorga xabar berish kerakligini tushuntirish kerak.

Kamdan-kam hollarda astmaga qarshi preparatlarni, shu jumladan leykotrien retseptorlari antagonistlarini olgan bemorlar quyida sanab o'tilgan noxush ko'rinishlardan birini yoki bir nechtasini boshdan kechirishgan: eozinofiliya, toshma, o'pka simptomlarining yomonlashishi, kardiologik asoratlar va/yoki neyropatiya, ba'zan Chardj-Stross sindromi, tizimli eozinofil vaskulit sifatida tashxis qo'yiladi. Bu holatlar ba'zan ichga qabul qilish uchun kortikosteroidlar bilan terapiya dozasini kamaytirish yoki bekor qilish bilan bog'liq bo'lgan. Garchi ushbu noxush ko'rinishlarning leykotrien retseptorlari antagonistlari bilan terapiya bilan sabab-oqibat bog'liqligi aniqlanmagan bo'lsa-da, montelukast qabul qilayotgan bemorlarda ehtiyotkorlikka rioya qilish va tegishli klinik kuzatuv o'tkazish zarur.

Montelukast 5 mg chaynash tabletkalari preparati aspartam - fenilalanin manbaini saqlaydi. Fenilketonuriyasi bo'lgan bemorlar har bir chaynash tabletkasi 0,842 mg fenilalaninga ekvivalent miqdorda aspartam saqlashi va Montelukast 5 mg chaynash tabletkalari preparatini fenilketonuriyasi bo'lgan bemorlar qabul qilmasliklari kerakligi haqida xabardor qilingan bo'lishlari kerak.

Transport vositalarini va mexanizmlarni boshqarish qobiliyatiga ta'siri

Montelukastni qabul qilish avtomobilni yoki harakatlanuvchi mexanizmlarni boshqarish qobiliyatiga ta'sir qilishidan dalolat beruvchi ma'lumotlar aniqlanmagan. Biroq preparat qo'llanilganda bosh aylanishi va uyquchanlik kabi nojo'ya ta'sirlar yuzaga kelishi mumkin. Shu sababli, avtotransportni boshqarishda va psixomotor reaktsiyalar tezligini talab qiluvchi harakatlarni bajarishda ehtiyotkorlikka rioya qilish kerak.

Dori vositalarining o'zaro ta'siri

Montelukastni bronxial astma profilaktikasi va uzoq muddatli davolash va/yoki allergik rinitni davolash uchun odatda qo‘llaniladigan boshqa dori vositalari bilan birga tayinlash mumkin. Montelukastning tavsiya etilgan terapevtik dozasi quyidagi preparatlar farmakokinetikasiga klinik ahamiyatli ta’sir ko‘rsatmagan: teofillin, prednizon, prednizolon. peroral kontraseptivlar (etinilestradiol/noretisteron 35/1). terfenadin, digoksin va varfarin. Fenobarbital bir vaqtda qabul qilinganda montelukastning AUC qiymati taxminan 40% ga kamayadi. lekin bu Montelukast preparatini dozalash tartibini o‘zgartirishni talab qilmaydi. In vitro tadqiqotlarda montelukast sitoxrom P450 tizimining CYP2S8 izofermentini ingibitsiya qilishi aniqlangan. Biroq in vivo montelukast va rosiglitazon (sitoxrom tizimining CYP2S8 izofermenti ishtirokida metabolizmga uchraydi) dori o‘zaro ta’sirini o‘rganishda montelukast tomonidan CYP2S8 izofermenti ingibitsiya qilinishi tasdiqlanmagan. Shuning uchun klinik amaliyotda montelukastning qator dori preparatlari, shu jumladan paklitaksel, rosiglitazon, repaglinid va boshq. CYP2S8-vositachiligidagi metabolizmiga ta’siri taxmin qilinmaydi. In vitro tadqiqotlar montelukast CYP2S8, 2S9 va 3A4 izofermentlari substrati ekanligini ko‘rsatdi. Montelukast va gemfibrozil (ham CYP2S8, ham 2S9 ingibitori) dori o‘zaro ta’sirining klinik tadqiqoti ma’lumotlari shuni ko‘rsatadiki, gemfibrozil montelukastning tizimli ta’siri samarasini 4.4 baravar oshiradi. Itrakonazolni. CYP3A4 izofermentining kuchli ingibitorini gemfibrozil va montelukast bilan birga qabul qilish montelukastning tizimli ta’siri samarasi qo‘shimcha oshishiga olib kelmagan. Gemfibrozilning montelukast tizimli ta’siriga ta’siri kattalar uchun tasdiqlangan 10 mg dozadan yuqori dozalarda qo‘llanganda xavfsizlik ma’lumotlari asosida klinik ahamiyatli deb hisoblanishi mumkin emas (masalan, kattalar uchun 22 hafta davomida 200 mg/sut va preparatni taxminan bir hafta davomida qabul qilgan bemorlar uchun 900 mg/sut gacha, klinik ahamiyatli salbiy ta’sirlar kuzatilmagan). Shu tariqa, gemfibrozil bilan birga qabul qilinganda montelukast dozasini to‘g‘irlash talab etilmaydi. In vitro tadqiqotlar natijalariga ko‘ra CYP2S8 izofermentining boshqa ma’lum ingibitorlari (masalan, trimetoprim bilan) bilan klinik ahamiyatli dori o‘zaro ta’sirlari taxmin qilinmaydi. Bundan tashqari, montelukastni faqat itrakonazol bilan birga qabul qilish montelukast tizimli ta’siri samarasining sezilarli oshishiga olib kelmagan. Bronxodilatatorlar bilan kombinatsiyalangan davolash Agar bronxodilatatorlar bronxial astmaning adekvat nazoratini ta’minlamasa, montelukast bronxodilatatorlar bilan monoterapiyaga asoslangan qo‘shimcha hisoblanadi. Montelukast bilan terapiya fonida terapevtik samaraga erishilganda bronxodilatatorlar dozasini asta-sekin kamaytirishni boshlash mumkin. Ingalyatsion GKS bilan kombinatsiyalangan davolash Montelukast bilan davolash ingalyatsion GKS qo‘llayotgan bemorlarga qo‘shimcha terapevtik samara beradi. Bemor holati barqarorlashganda shifokor nazorati ostida GKS dozasini asta-sekin kamaytirishni boshlash mumkin. Ba’zi hollarda ingalyatsion GKSni to‘liq bekor qilishga yo‘l qo‘yiladi, ammo ingalyatsion GKSni montelukastga keskin almashtirish tavsiya etilmaydi.

Nojo'ya samaralari

Nojo‘ya ta’sirlar odatda yengil bo‘ladi va, qoida tariqasida, preparatni bekor qilishni talab etmaydi.

Asab tizimi tomonidan: bosh og‘rig‘i, bosh aylanishi, uyquchanlik,

paresteziya/gipesteziya, tirishishlar.

Yurak-qon tomir tizimi tomonidan: yurak urishining tezlashishi.

Nafas olish tizimi, ko‘krak qafasi a’zolari va ko‘ks oralig‘i tomonidan: burun qonashlari, o‘pka eozinofiliyasi.

Ruhiyat tomonidan buzilishlar: ajitatsiya, shu jumladan agressiv xulq-atvor yoki dushmanlik, xavotirlik, depressiya, dezorientatsiya, diqqat buzilishi, patologik tush ko‘rishlar, gallyutsinatsiyalar, uyqusizlik, xotira buzilishlari, psixomotor faollik (shu jumladan ta’sirchanlik, bezovtalik va tremor), somnambulizm, suitsidal fikrlar va xulq-atvor (suitsidallik).

Me’da-ichak yo‘llari tomonidan: diareya, dispepsiya, ko‘ngil aynishi, qusish, pankreatit, qorinda og‘riq.

Jigar va o‘t chiqarish yo‘llari tomonidan buzilishlar: alaninaminotransferaza (ALT) va aspartataminotransferaza (AST) faolligining oshishi, gepatit (shu jumladan xolestatik, gepatotsellyulyar va jigarning aralash shikastlanishlari).

Tayanch-harakat tizimi a’zolari tomonidan: artralgiya, mialgiya, mushak tirishishlari.

Qon va limfa tizimi tomonidan: qon ketishlarga moyillikning oshishi, trombotsitopeniya.

Teri va teri osti to‘qimalari tomonidan: gematomalar shakllanishiga moyillik, tugunli eritema, ko‘p shaklli eritema, qichishish, toshmalar, eshakemi, angionevrotik shish. Immun tizimi tomonidan: o‘ta yuqori sezuvchanlik reaksiyalari, shu jumladan anafilaksiya, jigarning eozinofil infiltratsiyasi.

Yuqumli va parazitar kasalliklar: yuqori nafas yo‘llari infeksiyalari. Boshqalar: asteniya (holsizlik)/toliqish, shishlar, pireksiya.

Diqqat: ushbu sahifadagi preparat tavsifi rasmiy yo‘riqnomaning soddalashtirilgan va to‘ldirilgan versiyasidir. Ma’lumot faqat tanishish maqsadida taqdim etilgan va o‘z-o‘zini davolash uchun qo‘llanma sifatida foydalanilmasligi kerak. Montelukast preparatini qabul qilishdan oldin albatta shifokor bilan maslahatlashing