MONTELUKAST 0.005 chaynaladigan tabletkalar N28

So'rilishi

Montelukast ichga qabul qilingandan so'ng tez va deyarli to'liq so'riladi. 5 mg chaynash tabletkalari och qoringa qabul qilinganda kattalarda qon plazmasidagi Cmax ga 2 soatdan keyin erishiladi. Ichga qabul qilinganda o'rtacha biokiraolishlik 73% ni tashkil qiladi.

Taqsimlanishi

Montelukast qon plazmasi oqsillari bilan 99% dan ortiq bog'lanadi. Css holatida montelukastning Vd i o'rtacha 8-11 l ni tashkil qiladi. Kalamushlarda radioaktiv nishonlangan montelukast bilan o'tkazilgan tadqiqotlar GET orqali minimal o'tishni ko'rsatadi. Bundan tashqari, nishonlangan montelukast konsentratsiyasi yuborilganidan 24 soat o'tgach barcha boshqa to'qimalarda minimal bo'lgan.

Metabolizmi

Montelukast faol metabolizmga uchraydi. Kattalar va bolalarda qon plazmasidagi Css holatida terapevtik dozalar o'rganilganda montelukast metabolitlari konsentratsiyasi aniqlanmaydi.

Inson jigari mikrosomalaridan foydalangan holda in vitro tadqiqotlari shuni ko'rsatdiki, sitoxromlar P450, 3A4, 2C8 va 2C9 montelukast metabolizmida ishtirok etadi. Inson jigari mikrosomalarida in vitro o'tkazilgan keyingi tadqiqotlar natijalariga ko'ra, qon plazmasidagi montelukastning terapevtik konsentratsiyasi sitoxrom P450 CYP izofermentlarini: 3A4, 2C9, 1A2, 2A6, 2C19 va 2D6 ni ingibitsiya qilmaydi.

Chiqarilishi

Sog'lom kattalarda montelukastning plazma klirensi o'rtacha 45 ml/daqiqani tashkil qiladi. Radioaktiv nishonlangan montelukast ichga qabul qilingandan so'ng uning miqdorining 86% 5 kun ichida ichak orqali va 0.2% dan kamrog'i - buyraklar orqali chiqariladi, bu montelukast va uning metabolitlari deyarli faqat safro bilan ekskretsiya qilinishini tasdiqlaydi. Yosh sog'lom kattalarda montelukastning T1/2 i 2.7 dan 5.5 soatgacha tashkil qiladi. Montelukast farmakokinetikasi 50 mg dan yuqori dozalar ichga qabul qilinganda deyarli chiziqli xususiyatni saqlab qoladi. Montelukast ertalabki va kechki soatlarda qabul qilinganda farmakokinetikada farqlar kuzatilmaydi. Sutkada 10 mg montelukast qabul qilinganda qon plazmasida faol moddaning o'rtacha (taxminan 14%) kumulyatsiyasi kuzatiladi.

Turli guruh pasientlarda farmakokinetika xususiyatlari

Jins

Montelukast farmakokinetikasi ayollar va erkaklarda o'xshash.

Keksa yoshdagi pasientlar

10 mg montelukast bir marta ichga qabul qilinganda farmakokinetik profil va biokiraolishlik keksa pasientlar va yosh pasientlarda o'xshash. Keksa pasientlarda qon plazmasidan montelukastning T1/2 i biroz kattaroq. Keksa pasientlarda preparat dozasini to'g'irlash talab etilmaydi.

Irq

Turli irq pasientlarida klinik ahamiyatli farmakokinetik effektlarda farqlar aniqlanmagan.

Jigar yetishmovchiligi

Yengil va o'rtacha og'irlikdagi jigar yetishmovchiligi va jigar sirrozi klinik ko'rinishlari bo'lgan pasientlarda 10 mg dozada preparat bir marta qabul qilingandan so'ng AUC ning taxminan 41% ga oshishi bilan kechuvchi montelukast metabolizmining sekinlashishi qayd etilgan. Ushbu pasientlarda montelukastning T1/2 i biroz ortadi (o'rtacha T1/2 - 7.4 soat). Yengil va o'rtacha og'irlikdagi jigar yetishmovchiligi bo'lgan pasientlar uchun montelukast dozasini o'zgartirish talab etilmaydi. Og'ir jigar yetishmovchiligi (Chayld-Pyo shkalasi bo'yicha 9 balldan yuqori) bo'lgan pasientlarda montelukast farmakokinetikasi xarakteri to'g'risida ma'lumotlar yo'q.

Buyrak yetishmovchiligi

Montelukast va uning metabolitlari buyraklar orqali ekskretsiya qilinmaganligi sababli, buyrak yetishmovchiligi bo'lgan pasientlarda montelukast farmakokinetikasi baholanmagan. Ushbu guruh pasientlari uchun preparat dozasini to'g'irlash talab etilmaydi.

Nojo‘ya ta’sirlar odatda yengil bo‘ladi va, qoida tariqasida, preparatni bekor qilishni talab etmaydi.

Asab tizimi tomonidan: bosh og‘rig‘i, bosh aylanishi, uyquchanlik, paresteziya/ginesteziya, tirishishlar.

Yurak-qon tomir tizimi tomonidan: yurak urishining tezlashishi.

Nafas olish tizimi, ko‘krak qafasi a’zolari va ko‘ks oralig‘i tomonidan: burun qonashlari, o‘pka eozinofiliyasi.

Ruhiyat tomonidan buzilishlar: ajitatsiya, sh.j. agressiv xulq-atvor yoki dushmanlik, xavotirlik, depressiya, dezorientatsiya, diqqat buzilishi, patologik tush ko‘rishlar, gallyutsinatsiyalar, uyqusizlik, xotira buzilishlari, psixomotor faollik (shu jumladan ta’sirchanlik, bezovtalik va tremor), somnambulizm, suitsidal fikrlar va xulq-atvor (suitsidallik).

MITY tomonidan: diareya, dispepsiya, ko‘ngil aynishi, qusish, pankreatit, qorinda og‘riq.

Jigar va o‘t chiqarish yo‘llari tomonidan buzilishlar: ALT va AST faolligining oshishi, gepatit (shu jumladan xolestatik, gepatotsellyulyar va jigarning aralash shikastlanishlari).

Tayanch-harakat tizimi a’zolari tomonidan: artralgiya, mialgiya, mushak tirishishlari.

Qon va limfa tizimi tomonidan: qon ketishlarga moyillikning oshishi, trombotsitopeniya.

Teri va teri osti to‘qimalari tomonidan: gematomalar shakllanishiga moyillik, tugunli eritema, ko‘p shaklli eritema, qichishish, toshmalar, eshakemi, angionevrotik shish.

Immun tizimi tomonidan: o‘ta yuqori sezuvchanlik reaksiyalari, sh.j. anafilaksiya, jigarning eozinofil infiltratsiyasi.

Yuqumli va parazitar kasalliklar: yuqori nafas yo‘llari infeksiyalari.

Boshqalar: asteniya (holsizlik)/toliqish, shishlar, pireksiya.

Ichga qabul qilish uchun montelukastning o'tkir bronxial astma xurujlarini davolashga nisbatan samaradorligi aniqlanmagan. Shuning uchun Montelukast tabletkalarini o'tkir bronxial astma xurujlarini davolash uchun tayinlash tavsiya etilmaydi. Bemorlarga bronxial astma xurujlarini bartaraf etish uchun shoshilinch yordam preparatlarini (qisqa ta'sir etuvchi ingalyatsion ?2-agonistlar) doimo o'zlari bilan olib yurishlari haqida yo'riqnoma berilishi kerak.

Bronxial astma zo'rayishi davrida Montelukast preparatini qabul qilishni to'xtatmaslik kerak. Xurujlarni bartaraf etish uchun shoshilinch yordam preparatlarini (qisqa ta'sir etuvchi ingalyatsion ?2-agonistlarni) qo'llash zarurligini yodda tutish kerak.

Atsetilsalitsil kislotasi va boshqa NYQP larga tasdiqlangan allergiyasi bo'lgan bemorlar Montelukast preparati bilan davolash davrida ushbu preparatlarni qabul qilmasliklari kerak, chunki montelukast allergik bronxial astmasi bo'lgan bemorlarda nafas olish funktsiyasini yaxshilasa-da, shunga qaramay, ularda NYQP chaqirgan bronxokonstriktsiyani to'liq oldini ololmaydi.

Montelukast bilan davolash fonida qabul qilinadigan ingalyatsiya yoki ichga qabul qilish uchun GKS dozasini shifokor nazorati ostida asta-sekin kamaytirish mumkin. Biroq GKS ni Montelukast preparatiga keskin almashtirishni o'tkazish mumkin emas. Montelukast qabul qilgan bemorlarda psixonevrologik buzilishlar tasvirlangan ("Nojo'ya ta'siri" bo'limiga qarang). Ushbu simptomlar boshqa omillar tomonidan chaqirilgan bo'lishi mumkinligini hisobga olib, ular montelukastni qabul qilish bilan bog'liqligi noma'lum. Shifokor ushbu noxush ko'rinishni bemorlar va/yoki ularning ota-onalari/vasiylari bilan muhokama qilishi zarur. Bemorlarga va/yoki ularning ota-onalari/vasiylariga shunday simptomlar paydo bo'lgan taqdirda bu haqda davolovchi shifokorga xabar berish kerakligini tushuntirish kerak.

Kamdan-kam hollarda astmaga qarshi preparatlarni, shu jumladan leykotrien retseptorlari antagonistlarini olgan bemorlar quyida sanab o'tilgan noxush ko'rinishlardan birini yoki bir nechtasini boshdan kechirishgan: eozinofiliya, toshma, o'pka simptomlarining yomonlashishi, kardiologik asoratlar va/yoki neyropatiya, ba'zan Chardj-Stross sindromi, tizimli eozinofil vaskulit sifatida tashxis qo'yiladi. Bu holatlar ba'zan ichga qabul qilish uchun kortikosteroidlar bilan terapiya dozasini kamaytirish yoki bekor qilish bilan bog'liq bo'lgan. Garchi ushbu noxush ko'rinishlarning leykotrien retseptorlari antagonistlari bilan terapiya bilan sabab-oqibat bog'liqligi aniqlanmagan bo'lsa-da, Montelukast qabul qilayotgan bemorlarda ehtiyotkorlikka rioya qilish va tegishli klinik kuzatuv o'tkazish zarur.

Montelukast 5 mg chaynash tabletkalari preparati aspartam - fenilalanin manbaini saqlaydi. Fenilketonuriyasi bo'lgan bemorlar har bir chaynash tabletkasi 0,842 mg fenilalaninga ekvivalent miqdorda aspartam saqlashi va Montelukast 5 mg chaynash tabletkalari preparatini fenilketonuriyasi bo'lgan bemorlar qabul qilmasliklari kerakligi haqida xabardor qilingan bo'lishlari kerak.

Transport vositalarini va mexanizmlarni boshqarish qobiliyatiga ta'siri

Montelukastni qabul qilish avtomobilni yoki harakatlanuvchi mexanizmlarni boshqarish qobiliyatiga ta'sir qilishidan dalolat beruvchi ma'lumotlar aniqlanmagan. Biroq preparat qo'llanilganda bosh aylanishi va uyquchanlik kabi nojo'ya ta'sirlar yuzaga kelishi mumkin. Shu sababli, avtotransportni boshqarishda va psixomotor reaktsiyalar tezligini talab qiluvchi harakatlarni bajarishda ehtiyotkorlikka rioya qilish kerak.

Dozani oshirib yuborilishi

Simptomlari

Bronxial astmasi bo'lgan bemorlar tomonidan montelukast 22 hafta davomida sutkada 200 mg dan ortiq dozada va bir hafta davomida sutkada 900 mg dozada qabul qilinganda dozani oshirib yuborish simptomlari haqida ma'lumotlar aniqlanmagan.

Ro'yxatdan o'tkazilgandan keyingi davrda va kattalar va bolalarda klinik tadqiqotlar vaqtida montelukast bilan o'tkir dozani oshirib yuborish (sutkada kamida 1000 mg qabul qilish) holatlari yuz bergan. Klinik va laboratoriya ma'lumotlari bolalar, kattalar va keksa bemorlarda montelukastning xavfsizlik profillari o'xshashligidan dalolat bergan.

Eng ko'p uchraydigan nojo'ya ta'sirlar chanqoqlik hissi, uyquchanlik, qusish, psixomotor qo'zg'alish, bosh og'rig'i, qorinda og'riq, midriaz bo'lgan. Ushbu nojo'ya ta'sirlar montelukastning xavfsizlik profiliga mos keladi.

Davolash

O'tkir dozani oshirib yuborish holatida davolash simptomatik. Montelukast dozasini oshirib yuborishni spesifik davolash haqida ma'lumot yo'q. Peritoneal dializ yoki gemodializ samaradorligi to'g'risida ma'lumotlar yo'q.

— preparatning har qanday komponentiga yuqori sezuvchanlik;

— 6 yoshgacha bo'lgan bolalar;

— fenilketonuriya.

Homiladorlik va emizish davrida qo'llanilishi

Homilador ayollar ishtirokida montelukastning klinik tadqiqotlari o'tkazilmagan. Montelukast preparatini homiladorlik va emizish davrida faqat ona uchun kutilayotgan foyda homila yoki bola uchun potentsial xavfdan yuqori bo'lgan holdagina qo'llash kerak. Montelukastni ro'yxatdan o'tkazilgandan keyingi qo'llash davomida, onalari homiladorlik davrida Montelukast qabul qilgan yangi tug'ilgan chaqaloqlarda oyoq-qo'llarning tug'ma nuqsonlari rivojlanishi haqida xabar berilgan. Bu ayollarning ko'pchiligi homiladorlik davrida bronxial astmani davolash uchun boshqa preparatlarni ham qabul qilganlar. Montelukast qabul qilish va oyoq-qo'llarning tug'ma nuqsonlari rivojlanishi o'rtasidagi sabab-oqibat bog'liqligi aniqlanmagan.

Montelukast ko'krak suti bilan ajralib chiqishi noma'lum. Ko'plab dori vositalari ko'krak suti bilan ajralib chiqishi sababli, buni Montelukast preparatini emizikli ayollarga tayinlashda hisobga olish kerak.

Montelukastni bronxial astma profilaktikasi va uzoq muddatli davolash va/yoki allergik rinitni davolash uchun odatda qo'llaniladigan boshqa dori vositalari bilan birga buyurish mumkin. Montelukastning tavsiya etilgan terapevtik dozasi quyidagi preparatlarning farmakokinetikasiga klinik ahamiyatga ega ta'sir ko'rsatmagan: teofillin, prednizon, prednizolon, peroral kontraseptivlar (etinilestradiol/noretisteron 35/1), terfenadin, digoksin va varfarin. Fenobarbital bilan bir vaqtda qabul qilinganda montelukastning AUC qiymati taxminan 40% ga kamayadi, ammo bu Montelukast preparatining dozalash rejimini o'zgartirishni talab qilmaydi.

In vitro tadqiqotlarda montelukast sitoxrom R450 tizimining CYP 2C8 izofermentini ingibitsiya qilishi aniqlangan, ammo montelukast va rosiglitazonning (sitoxrom tizimining CYP 2C8 izofermenti ishtirokida metabollanadi) in vivo dori o'zaro ta'siri tadqiqotida montelukast tomonidan CYP 2C8 izofermentining ingibitsiya qilinishi tasdiqlanmadi. Shuning uchun klinik amaliyotda montelukastning bir qator dori vositalari, jumladan paklitaksel, rosiglitazon, repaglinid va boshqalarning CYP 2C8 vositachiligidagi metabolizmiga ta'siri taxmin qilinmaydi.

In vitro tadqiqotlar shuni ko'rsatdiki, montelukast CYP 2C8, 2C9 va 3A4 izofermentlarining substrati hisoblanadi. Montelukast va gemfibrozil (ham CYP 2C8, ham 2C9 ingibitori) o'zaro ta'sirining klinik tadqiqot ma'lumotlari shuni ko'rsatadiki, gemfibrozil montelukastning tizimli ta'sirini 4,4 baravar oshiradi. Itrakonazol (kuchli CYP 3A4 ingibitori), gemfibrozil va montelukastni birga qabul qilish montelukastning tizimli ta'sirining qo'shimcha oshishiga olib kelmadi. Gemfibrozilning montelukastning tizimli ta'siriga ta'siri kattalar uchun tasdiqlangan 10 mg dozadan yuqori dozalarda qo'llashdagi xavfsizlik ma'lumotlariga asoslanib klinik ahamiyatga ega deb hisoblanmaydi (masalan, kattalar uchun 200 mg/kun 22 hafta davomida va 900 mg/kun taxminan bir hafta davomida qo'llanilganda klinik ahamiyatga ega salbiy ta'sirlar kuzatilmagan). Shunday qilib, gemfibrozil bilan birga qabul qilinganda montelukast dozasini to'g'irlash talab etilmaydi. In vitro tadqiqotlar natijalariga ko'ra, CYP 2C8 izofermentining boshqa ma'lum ingibitorlari (masalan, trimetoprim) bilan klinik ahamiyatga ega dori o'zaro ta'sirlari kutilmaydi. Bundan tashqari, montelukastni faqat itrakonazol bilan birga qabul qilish montelukastning tizimli ta'sirining sezilarli oshishiga olib kelmadi.

Bronxodilatatorlar bilan kombinatsiyalangan davolash

Agar bronxodilatatorlar bronxial astmani yetarli darajada nazorat qilmasa, montelukast monoterapiyaga asosli qo'shimcha hisoblanadi. Montelukast fonida terapevtik samaraga erishilganda bronxodilatatorlar dozasini asta-sekin kamaytirishni boshlash mumkin.

Ingalyatsion GKS bilan kombinatsiyalangan davolash

Montelukast bilan davolash ingalyatsion GKS qo'llayotgan bemorlarga qo'shimcha terapevtik ta'sir beradi. Bemor holati barqarorlashganda shifokor nazorati ostida GKS dozasini asta-sekin kamaytirishni boshlash mumkin. Ba'zi hollarda ingalyatsion GKSni to'liq bekor qilish mumkin, ammo ingalyatsion GKSni keskin ravishda montelukastga almashtirish tavsiya etilmaydi.