SINGLON tabletkalari 5mg N28

So'rilishi

Montelukast ichga qabul qilingandan so'ng tez va deyarli to'liq so'riladi. Kattalarda och qoringa 10 mg dozada qabul qilinganda C_max ga 3 soatdan keyin (Т_max) erishiladi. Ichga qabul qilinganda o'rtacha biokiraolishligi 64% ni tashkil qiladi. Ovqat qabul qilish qon plazmasidagi C_max va preparatning biokiraolishligiga ta'sir qilmaydi.

Montelukast och qoringa 5 mg dozada qabul qilinganda C_max ga kattalarda 2 soatdan keyin erishiladi. Ichga qabul qilinganda o'rtacha biokiraolishligi 73% ni tashkil qiladi. 2 yoshdan 5 yoshgacha bo'lgan bolalarda och qoringa 4 mg dozada montelukast qabul qilingandan so'ng C_max ga 2 soatdan keyin erishiladi.

Taqsimlanishi

Montelukast qon plazmasi oqsillari bilan 99% dan ko'proq bog'lanadi. Muvozanatli holatdagi V_d o'rtacha 8-11 l ni tashkil qiladi. Radioaktiv nishonlangan montelukast bilan kalamushlarda o'tkazilgan tadqiqotlar GET orqali minimal kirishni ko'rsatadi. Bundan tashqari, kiritilgandan 24 soat o'tgach, nishonlangan preparatning kontsentratsiyasi barcha boshqa to'qimalarda minimal bo'lgan.

Metabolizmi

Montelukast faol metabollanadi. Kattalar va bolalarda terapevtik dozalarni o'rganishda montelukast metabolitlari qon plazmasida muvozanatli holatda aniqlanmaydi.

Odam jigar mikrosomalari yordamida in vitro tadqiqotlari shuni ko'rsatdiki, montelukast metabolizmida sitoxrom P450 izofermentlari: 3A4, 2C8 va 2C9 ishtirok etadi. Odam jigar mikrosomalarida in vitro o'tkazilgan keyingi tadqiqotlar natijalariga ko'ra, montelukast qon plazmasidagi terapevtik kontsentratsiyada CYP3A4, 2C9, 1A2, 2A6, 2C19 va 2D6 izofermentlarini ingibitsiya qilmaydi.

Chiqarilishi

Sog'lom kattalarda montelukastning plazma klirensi o'rtacha 45 ml/daq ni tashkil qiladi. Radioaktiv nishonlangan montelukast ichga qabul qilingandan so'ng uning miqdorining 86% ichak orqali 5 kun ichida va 0,2% dan kamrog'i - buyraklar orqali chiqariladi, bu montelukast va uning metabolitlari deyarli to'liq safro bilan ekskretsiya qilinishini tasdiqlaydi.

Yosh sog'lom kattalarda montelukastning T_{2,7 dan 5,5 soatgacha tashkil qiladi.}

Montelukastning farmakokinetikasi 50 mg dan ortiq dozalarda ichga qabul qilinganda deyarli chiziqli xususiyatni saqlab qoladi. Montelukast ertalabki va kechki soatlarda qabul qilinganda farmakokinetikada farqlar kuzatilmaydi. Montelukast 10 mg dozada kuniga 1 marta qabul qilinganda plazmada faol moddaning o'rtacha (taxminan 14%) to'planishi kuzatiladi.

Maxsus guruh bemorlarda farmakokinetikasi

Jins. Ayollar va erkaklarda montelukast farmakokinetikasi o'xshash.

Irq. Turli irqdagi bemorlarda klinik ahamiyatli farmakokinetik ta'sirlarda farqlar aniqlanmagan.

Jigar yetishmovchiligi. Yengil va o'rtacha og'irlikdagi jigar yetishmovchiligi va jigar sirrozi klinik ko'rinishlari bo'lgan bemorlarda montelukast metabolizmining sekinlashishi kuzatilgan, bu 10 mg dozada preparatni bir marta qabul qilgandan keyin AUC ning taxminan 41% ga oshishi bilan birga kelgan. Ushbu bemorlarda montelukastning chiqarilishi sog'lom ishtirokchilarga nisbatan biroz ortadi (o'rtacha T _{- 7,4 soat). Yengil va o'rtacha og'irlikdagi jigar yetishmovchiligi bo'lgan bemorlar uchun montelukast dozasini o'zgartirish talab etilmaydi. Og'ir jigar yetishmovchiligi (Chayld-Pyu shkalasi bo'yicha 9 balldan ortiq) bo'lgan bemorlarda montelukast farmakokinetikasining xususiyatlari to'g'risida ma'lumotlar yo'q.}

Buyrak yetishmovchiligi. Montelukast va uning metabolitlari buyraklar orqali ekskretsiya qilinmasligi sababli, buyrak yetishmovchiligi bo'lgan bemorlarda montelukast farmakokinetikasi baholanmagan. Ushbu guruh bemorlar uchun preparat dozasini to'g'irlash talab etilmaydi.

Tsisteinil leykotrienlar (LTC_{, LTD, LTE) kuchli yallig‘lanish mediatorlari - eykozanoidlar bo‘lib, ular turli hujayralar, shu jumladan semiz hujayralar va eozinofillar tomonidan ajralib chiqadi. Bu muhim proastmatik mediatorlar tsisteinil leykotrien retseptorlari (CysLT) bilan bog‘lanadi. 1-turdagi tsisteinil leykotrien retseptorlari (CysLT-retseptorlari) odamning nafas yo‘llarida (shu jumladan bronxlar silliq mushaklari hujayralarida, makrofaglarda) va boshqa yallig‘lanishga olib keluvchi hujayralarda (jumladan eozinofillar va ba’zi miyeloid o‘zak hujayralarida) mavjud. Tsisteinil leykotrienlar bronxial astma va allergik rinit patofiziologiyasi bilan korrelyatsiya qiladi. Astmada leykotrien-vositachiligidagi samaralar bronxospazm, shilliq sekretsiyasining ortishi, tomirlar o‘tkazuvchanligining oshishi va eozinofillar sonining ko‘payishini o‘z ichiga oladi. Allergik rinitda allergen ta’siridan keyin allergik reaksiyaning erta va kech fazalarida burun bo‘shlig‘i shilliq qavatining yallig‘lanishga olib keluvchi hujayralaridan tsisteinil leykotrienlar ajralib chiqishi sodir bo‘ladi, bu allergik rinit simptomlari bilan namoyon bo‘ladi. Tsisteinil leykotrienlar bilan intranazal sinamada havo o‘tkazuvchi burun yo‘llari rezistentligining oshishi va nazal obstruksiya simptomlari namoyish etilgan.}

Montelukast - ichga qabul qilinganda yuqori faol dori vositasi bo‘lib, bronxial astmada yallig‘lanish ko‘rsatkichlarini sezilarli darajada yaxshilaydi. Biokimyoviy va farmakologik tahlil ma’lumotlariga ko‘ra, montelukast yuqori yaqinlik va tanlovchanlik bilan CysLT_{-retseptorlari bilan bog‘lanadi, nafas yo‘llaridagi boshqa farmakologik muhim retseptorlar (masalan, prostaglandin retseptorlari, xolino- yoki beta-adrenoretseptorlar) bilan o‘zaro ta’sirlashmaydi. Montelukast tsisteinil leykotrienlar LTC, LTD va LTE ning fiziologik ta’sirini CysL-retseptorlari bilan bog‘lanish orqali ingibitsiya qiladi, ushbu retseptorlarga rag‘batlantiruvchi ta’sir ko‘rsatmaydi.}

Montelukast nafas yo‘llarida epiteliy CysLT-retseptorlarini ingibitsiya qiladi, bu bronxial astmali bemorlarda LTD _{nafas olishga javoban bronxospazm rivojlanishini bloklash qobiliyati bilan tasdiqlanadi. Montelukast ichga qabul qilingandan so‘ng 2 soat davomida bronxodilatatsiyani chaqiradi va beta-adrenomimetiklar chaqirgan bronxodilatatsiyani to‘ldirishi mumkin. Montelukastni bir marta qabul qilinganda 10 mg/sut dan yuqori dozalarda qo‘llash preparat samaradorligini oshirmaydi.}

Umuman olganda, montelukast yaxshi o'zlashtiriladi. Nojo'ya effektlar odatda yengil bo'ladi va qoida tariqasida, preparatni bekor qilishni talab qilmaydi.

Quyida MedDRA tasnifiga muvofiq, montelukast qabul qilgan ≥1% bemorlarda tez-tez kuzatilgan noxush reaksiyalar tizim-organ sinflari bo'yicha keltirilgan.

Yuqumli va parazitar kasalliklar: yuqori nafas yo'llari infeksiyalari.

Qon yaratish tizimi tomonidan: qon ketishga moyillikning oshishi, trombotsitopeniya.

Immun tizimi tomonidan: yuqori sezuvchanlik reaksiyalari, shu jumladan anafilaksiya; juda kam hollarda (<1/10 000) - jigarning eozinofil infiltratsiyasi.

Ruhiyat buzilishlari: ajitatsiya, shu jumladan tajovuzkor xulq-atvor yoki dushmanlik, xavotirlik, depressiya, dezorientatsiya, diqqat buzilishi, patologik tushlar, gallyutsinatsiyalar, uyqusizlik, xotira buzilishlari, psixomotor faollik (shu jumladan ta'sirchanlik, bezovtalik va tremor), somnambulizm, suitsidal fikrlar va xulq-atvor (suitsidallik), tik.

Asab tizimi tomonidan: bosh og'rig'i, bosh aylanishi, uyquchanlik, paresteziya/gipesteziya; juda kam hollarda (<1/10 000) - talvasalar.

Yurak-qon tomir tizimi tomonidan: yurak urishining tezlashishi.

Nafas olish tizimi tomonidan: burun qonashlari, o'pka eozinofiliyasi.

Ovqat hazm qilish tizimi tomonidan: diareya, dispepsiya, ko'ngil aynishi, qusish, pankreatit.

Jigar va o't yo'llari tomonidan: qon zardobida transaminazalar (ALT, AST) faolligining oshishi; juda kam hollarda (<1/10 000) - gepatit (shu jumladan jigarning xolestatik, gepatotsellyulyar va aralash shikastlanishlari).

Teri va teri osti to'qimalari tomonidan: angionevrotik shish, gematomalar hosil bo'lishiga moyillik, tugunli eritema, ko'p shaklli eritema, qichishish, toshma, eshakemi.

Suyak-mushak tizimi tomonidan: artralgiya, mialgiya, shu jumladan mushak spazmlari.

Siydik chiqarish tizimi tomonidan: bolalarda enurez.

Umumiy reaksiyalar: asteniya (holsizlik)/toliqish, shishlar, tana haroratining ko'tarilishi.

Ichga qabul qilish uchun montelukastning bronxial astma o'tkir xurujlarini bartaraf etishdagi samaradorligi aniqlanmagan, shuning uchun Singlon^® preparatini chaynash tabletkalari shaklida bronxial astma o'tkir xurujlarini bartaraf etish uchun tayinlash tavsiya etilmaydi. Bemorlarga o'zlari bilan doimo bronxial astma xurujlarini bartaraf etish uchun tez yordam preparatlarini (qisqa ta'sir etuvchi ingalyatsion beta₂-adrenomimetiklar) olib yurish bo'yicha ko'rsatmalar berilishi kerak.

Singlon^® preparatini qabul qilishni astma zo'rayishi davrida va xurujlarni bartaraf etish uchun tez yordam preparatlarini (qisqa ta'sir etuvchi ingalyatsion beta₂-agonistlar) qo'llash zarurati bo'lganda to'xtatmaslik kerak.

Asetilsalitsil kislotasi va boshqa NYAQV larga tasdiqlangan allergiyasi bo'lgan bemorlar Singlon^® preparati bilan davolash davrida ularni qabul qilmasliklari kerak, chunki montelukast allergik bronxial astmasi bo'lgan bemorlarda nafas olish funksiyasini yaxshilasa-da, ularda NYAQV chaqirgan bronxokonstriksiyani to'liq oldini ololmaydi.

Singlon^® preparati bilan bir vaqtda qo'llaniladigan ingalyatsion GKS dozasini shifokor nazorati ostida asta-sekin kamaytirish mumkin, ammo ingalyatsion yoki peroral GKS ni keskin ravishda Singlon^® preparatiga almashtirish mumkin emas.

Montelukast qabul qilgan bemorlarda psixonevrologik buzilishlar ta'riflangan. Ushbu simptomlar boshqa omillar tomonidan chaqirilgan bo'lishi mumkinligini hisobga olsak, ular montelukast qabul qilish bilan bog'liqligi noma'lum. Shifokor ushbu noxush holatlarni bemorlar va/yoki ularning ota-onalari/vasiylari bilan muhokama qilishi zarur. Bemorlar va/yoki ularning ota-onalari/vasiylariga shunday simptomlar paydo bo'lganda bu haqda davolovchi shifokorga xabar berish kerakligi tushuntirilishi lozim.

Kamdan-kam hollarda astmaga qarshi preparatlar, shu jumladan leykotrien retseptorlari antagonistlarini qabul qilgan bemorlarda quyidagi noxush holatlarning biri yoki bir nechtasi kuzatilgan: eozinofiliya, toshma, o'pka simptomlarining yomonlashishi, kardiologik asoratlar va/yoki neyropatiya, ba'zida Charg-Stross sindromi (tizimli eozinofil vaskulit) sifatida tashxis qo'yiladi. Bu holatlar ba'zida peroral GKS dozasini kamaytirish yoki bekor qilish bilan bog'liq bo'lgan. Garchi ushbu noxush holatlarning leykotrien retseptorlari antagonistlari bilan davolashga sababiy bog'liqligi aniqlanmagan bo'lsa-da, Singlon^® preparatini qabul qilayotgan bemorlarda ehtiyotkorlikka rioya qilish va tegishli klinik kuzatuv o'tkazish zarur.

Singlon^® 4 mg chaynash tabletkalari preparatini 2 yoshgacha bo'lgan bolalarda qo'llash xavfsizligi va samaradorligi aniqlanmagan.

Singlon^® preparati aspartam - fenilalanin manbasini saqlaydi. Shifokor har bir 4 mg chaynash tabletkasi 0,674 mg fenilalaninga ekvivalent miqdorda aspartam saqlashini, har bir 5 mg chaynash tabletkasi 1,5 mg aspartam saqlashini nazarda tutishi kerak, shuning uchun preparat fenilketonuriyasi bo'lgan bemorlarga qo'llash uchun tavsiya etilmaydi.

Transport vositalari va mexanizmlarni boshqarish qobiliyatiga ta'siri

Ushbu bo'lim Singlon^® 4 mg chaynash tabletkalari preparatiga taalluqli emas, chunki u 2 yoshdan 5 yoshgacha bo'lgan bolalarni davolash uchun mo'ljallangan. Shunday qilib, quyida keltirilgan ma'lumot faol modda - montelukastga tegishli.

Singlon^® preparatini qabul qilish transport vositalarini boshqarish va mexanizmlar bilan ishlash qobiliyatiga ta'sir qilishi kutilmaydi. Shunga qaramay, preparatga individual reaksiyalar turlicha bo'lishi mumkin. Montelukast qo'llanilganda juda kamdan-kam hollarda yuzaga kelgani xabar qilingan ba'zi nojo'ya ta'sirlar (bosh aylanishi va uyquchanlik kabi) ba'zi bemorlarning transport vositalarini boshqarish va harakatlanuvchi mexanizmlar bilan ishlash qobiliyatiga ta'sir qilishi mumkin.

• preparatning har qanday komponentiga yuqori sezuvchanlik;
• 2 yoshgacha bo'lgan bolalar (4 mg chaynash tabletkalari);
• 6 yoshgacha bo'lgan bolalar (5 mg chaynash tabletkalari);
• fenilketonuriya.

Singlon^® preparatini odatda bronxial astma profilaktikasi va uzoq muddatli davolash va/yoki allergik rinitni davolash uchun qo‘llaniladigan boshqa dori vositalari bilan birga tayinlash mumkin. Montelukastning tavsiya etilgan terapevtik dozasi quyidagi preparatlar farmakokinetikasiga klinik ahamiyatli ta’sir ko‘rsatmagan: teofillin, prednizon, prednizolon, peroral kontraseptivlar (etinilestradiol/noretisteron 35/1), terfenadin, digoksin va varfarin.

Fenobarbital bilan bir vaqtda qabul qilinganda montelukast AUC qiymati taxminan 40% ga kamayadi, ammo bu Singlon^® preparatini dozalash rejimini o‘zgartirishni talab qilmaydi.

In vitro tadqiqotlarda montelukast R450 sitoxromi tizimining CYP2C8 izofermentini ingibitsiya qilishi aniqlangan, ammo montelukast va rosiglitazon (CYP2C8 izofermenti ishtirokida metabolizmga uchraydi) dori vositalari o‘zaro ta’sirini in vivo tadqiq qilishda montelukast tomonidan CYP2C8 izofermenti ingibitsiya qilinishi tasdiqlanmagan. Shuning uchun klinik amaliyotda montelukastning dori preparatlari (shu jumladan paklitaksel, rosiglitazon, repaglinid) ning CYP2C8 orqali metabolizmiga ta’siri taxmin qilinmaydi.

In vitro tadqiqotlar shuni ko‘rsatdiki, montelukast CYP2C8, 2С9 va 3А4 izofermentlari substrati hisoblanadi. Montelukast va gemfibrozil (ham CYP2C8, ham 2С9 ingibitori) dori vositalari o‘zaro ta’sirining klinik tadqiqot ma’lumotlari shuni ko‘rsatadiki, gemfibrozil montelukastning tizimli ta’siri samarasini 4,4 baravar oshiradi. Kuchli CYP3A4 ingibitori bo‘lgan itrakonazolni gemfibrozil va montelukast bilan birga qabul qilish montelukast tizimli ta’siri samarasining qo‘shimcha oshishiga olib kelmagan. Gemfibrozilning montelukast tizimli ta’siriga ta’siri kattalar uchun tasdiqlangan 10 mg dozadan yuqori dozalarda qo‘llash xavfsizligi bo‘yicha ma’lumotlarga asoslanib, klinik ahamiyatli deb hisoblanishi mumkin emas (masalan, kattalarga 200 mg/sut dozada 22 hafta davomida va 900 mg/sut gacha dozada taxminan bir hafta davomida qo‘llanilganda klinik ahamiyatli salbiy ta’sirlar kuzatilmagan). Shunday qilib, gemfibrozil bilan birga qabul qilinganda montelukast dozasini to‘g‘irlash talab etilmaydi.

In vitro tadqiqotlar natijalariga ko‘ra, boshqa ma’lum CYP2C8 ingibitorlari (masalan, trimetoprim) bilan klinik ahamiyatli dori vositalari o‘zaro ta’siri taxmin qilinmaydi. Bundan tashqari, montelukastni faqat itrakonazol bilan birga qabul qilish montelukast tizimli ta’siri samarasining sezilarli oshishiga olib kelmagan.

Bronxodilatatorlar bilan majmuaviy davolash

Singlon^® preparati, agar bronxodilatatorlar bronxial astmaning yetarli nazoratini ta’minlamasa, bronxodilatatorlar bilan monoterapiyaga asoslangan qo‘shimcha hisoblanadi. Singlon^® preparati bilan davolashdan terapevtik samaraga erishilganda bronxodilatatorlar dozasini asta-sekin kamaytirishni boshlash mumkin.

Ingalyatsion GKS bilan majmuaviy davolash

Singlon^® preparati bilan davolash ingalyatsion GKS qo‘llayotgan bemorlarga qo‘shimcha terapevtik samara beradi. Holat barqarorlashuviga erishilganda shifokor nazorati ostida GKS dozasini asta-sekin kamaytirishni boshlash mumkin. Ba’zi hollarda ingalyatsion GKS ni to‘liq bekor qilishga yo‘l qo‘yiladi, ammo ingalyatsion GKS ni Singlon^® preparatiga keskin almashtirish tavsiya etilmaydi.

Ichga kuniga 1 marta ovqatlanishdan qat'i nazar.

Bronxial astmani davolash uchun Singlon^® preparatini kechqurun qabul qilish kerak.

Allergik rinitlarni davolash uchun preparatni bemor xohishiga ko'ra sutkaning istalgan vaqtida qabul qilish mumkin.

Bronxial astma va allergik rinitlardan aziyat chekadigan bemorlarga Singlon^® preparatini sutkasiga 1 marta kechqurun 1 tabletkadan tayinlash kerak.

2 dan 5 yoshgacha bo'lgan bolalar uchun bronxial astma va/yoki allergik rinitda preparat dozasi - sutkasiga 4 mg li 1 chaynash uchun tabletka.

6 dan 14 yoshgacha bo'lgan bolalar uchun bronxial astmada preparat dozasi - sutkasiga 5 mg li 1 chaynash uchun tabletka.

Umumiy tavsiyalar

Singlon^® preparatining bronxial astma kechishini aks ettiruvchi ko'rsatkichlarga terapevtik ta'siri birinchi kun ichida rivojlanadi. Bemor Singlon^® preparatini bronxial astma simptomlari nazoratiga erishilgan davrda ham, bronxial astma zo'rayishi davrlarida ham qabul qilishni davom ettirishi kerak.

Keksa yoshdagi bemorlar, buyrak yetishmovchiligi bo'lgan bemorlar, yengil va o'rtacha darajadagi jigar yetishmovchiligi bo'lgan bemorlar, shuningdek jinsga bog'liq holda dozani maxsus tanlash talab etilmaydi.

Singlon^® preparatini bronxial astmani davolashning boshqa turlari bilan bir vaqtda tayinlash

Singlon^® preparatini bronxodilatatorlar va ingalyatsion GKS bilan terapiyaga qo'shish mumkin.