NIKSAR

Bilastinga yoki ushbu dori vositasining boshqa har qanday komponentlariga allergiya bo'lganda.

Niksar® preparati tarkibida antigistamin vositasi bo'lgan bilastin faol moddasi mavjud.

Agar sizda o'rtacha va og'ir darajadagi buyrak funktsiyasi buzilishlari bo'lsa va agar siz boshqa dori preparatlarini qabul qilayotgan bo'lsangiz, Niksar® preparatini qo'llashni boshlashdan oldin shifokor yoki dorixona xodimi bilan maslahatlashing.

Bilastinning avtomobilni boshqarish qobiliyatiga ta'siri o'rganilgan tadqiqot ma'lumotlariga ko'ra, bilastinni 20 mg dozada qo'llash transport vositalarini boshqarish qobiliyatiga ta'sir qilmaydi. Biroq juda kam hollarda preparat uyquchanlikni chaqirishi va shu bilan transport vositalarini boshqarish va mexanizmlarga xizmat ko'rsatish qobiliyatiga ta'sir qilishi mumkin.

Agar siz hozirda biron bir boshqa dori vositalarini, shu jumladan retseptsiz beriladigan dori vositalarini qabul qilayotgan bo'lsangiz, yaqinda qabul qilgan bo'lsangiz yoki qabul qilishingiz mumkin bo'lsa, bu haqda davolovchi shifokorga yoki dorixona xodimiga xabar bering.
Quyidagi dori vositalarini qo'llayotgan bo'lsangiz, shifokorni ogohlantirish qat'iy tavsiya etiladi:
- Ketokonazol (zamburug'ga qarshi preparat);
- Eritromitsin (antibiotik);
- Diltiazem (stenokardiyani davolash uchun vosita);
- Siklosporin (immunitetni bostiruvchi va shu bilan transplantat ko'chib ketishini oldini oluvchi yoki autoimmun va allergik tabiatli kasalliklar, masalan, psoriaz, diffuz neyrodermit va revmatoid artrit faolligini pasaytiruvchi preparat);
- Ritonavir (OITSni davolash uchun vosita);
- Rifampitsin (antibiotik).

Har doim ushbu preparatni qat'iy davolovchi shifokor yoki dorixona xodimi tavsiyalariga muvofiq qabul qiling. Agar sizda shubha bo'lsa, davolovchi shifokor yoki dorixona xodimi bilan maslahatlashing.
Kattalarda, shu jumladan keksa bemorlar va 12 yosh va undan katta o'smirlarda tavsiya etilgan doza sutkasiga 1 tabletkani (20 mg) tashkil qiladi.
Tabletkalar ichga qabul qilish uchun mo'ljallangan.
Tabletkani och qoringa, masalan, ertalab nonushtadan oldin qabul qilish kerak.
Bilastin qabul qilingandan so'ng 1 soat davomida ovqat iste'mol qilishdan tiyilish kerak.
Tabletkani bir stakan suv bilan ichib yutish kerak.
Chiziqcha faqat tabletkani butunligicha yutishda qiyinchiliklar yuzaga kelganda tabletkani sindirishni osonlashtirish uchun mo'ljallangan.
Niksar® preparatini qo'llash davomiyligini davolovchi shifokor sizning kasalligingiz turini aniqlab belgilaydi.

Tez-tez:
- bosh og‘rig‘i, uyquchanlik.

Ba’zan:
- elektrokardiogrammada o‘zgarishlar;
- jigar funksiyasi biokimyoviy ko‘rsatkichlarining buzilishi;
- bosh aylanishi;
- me’dada og‘riq;
- toliqish;
- ishtaha kuchayishi;
- yurak ishida uzilishlar;
- tana vaznining oshishi;
- ko‘ngil aynishi (holsizlik hissi);
- xavotirlik;
- burunda quruqlik yoki noxush hislar;
- qorinda og‘riqlar yoki diareya;
- gastrit (me’da devorining yallig‘lanishi);
- bosh aylanishi (aylanish yoki hushdan ketish hissi);
- holsizlik hissi;
- chanqoq;
- hansirash (nafas olishning qiyinlashishi);
- og‘iz qurishi;
- me’da hazm qilmasligi;
- yuz va og‘iz bo‘shlig‘i gerpesi;
- tana haroratining oshishi;
- quloqlarda jaranglash;
- uyqu buzilishlari;
- buyrak funksiyasi biokimyoviy ko‘rsatkichlarining buzilishi;
- qonda yog‘lar miqdorining oshishi.

Tezligi noma’lum:
- yurak urishini his qilish;
- taxikardiya (yurak qisqarishlari ritmining tezlashishi);

Nojo‘ya ta’sirlar haqida xabarlar
Agar biron-bir nojo‘ya ta’sirlar paydo bo‘lsa, shifokoringizga yoki dorixona xodimiga murojaat qiling. Bu har qanday nojo‘ya ta’sirlarga, shu jumladan ushbu ilova-varaqada ta’riflanmaganlarga ham tegishli.