NIKSAR

Bilastinga yoki ushbu dori preparatining har qanday boshqa komponentlariga allergiya mavjud bo‘lganda.

Niksar® preparati tarkibida antigistamin vositasi bo'lgan bilastin faol moddasi mavjud.

Agar Sizda o'rtacha va og'ir darajadagi buyrak funksiyasi buzilishlari bo'lsa va agar Siz boshqa dori preparatlarini qabul qilayotgan bo'lsangiz, Niksar® preparatini qo'llashni boshlashdan oldin maslahat olish uchun shifokor yoki dorixona xodimiga murojaat qiling.

Bilastinning avtomobil boshqarish qobiliyatiga ta'sirini o'rganish bo'yicha tadqiqot ma'lumotlariga ko'ra, bilastinni 20 mg dozada qo'llash transport vositalarini boshqarish qobiliyatiga ta'sir qilmaydi. Biroq juda kam hollarda preparat uyquchanlik chaqirishi va shu bilan transport vositalarini boshqarish va mexanizmlarga xizmat ko'rsatish qobiliyatiga ta'sir qilishi mumkin.

Agar Siz hozirda boshqa dori preparatlarini, shu jumladan retseptsiz beriladigan preparatlarni qabul qilayotgan bo'lsangiz, yaqinda qabul qilgan bo'lsangiz yoki qabul qilishingiz mumkin bo'lsa, bu haqda davolovchi shifokorga yoki dorixona xodimiga xabar bering.
Agar Siz quyidagi dori vositalarini qo'llayotgan bo'lsangiz, shifokorni ogohlantirish qat'iy tavsiya etiladi:
- Ketokonazol (zamburug'ga qarshi preparat);
- Eritromitsin (antibiotik);
- Diltiazem (stenokardiyani davolash uchun vosita);
- Siklosporin (immunitetni bostiruvchi va shu bilan transplantat ko'chishining oldini oluvchi yoki autoimmun va allergik tabiatli kasalliklar, masalan, psoriaz, diffuz neyrodermit va revmatoid artrit faolligini pasaytiruvchi preparat);
- Ritonavir (OITSni davolash uchun vosita);
- Rifampitsin (antibiotik).

Ushbu preparatni har doim qat’iy davolovchi shifokor yoki dorixona xodimi tavsiyalariga muvofiq qabul qiling. Agar Sizda shubhalar bo‘lsa, davolovchi shifokor yoki dorixona xodimi bilan maslahatlashing.
Kattalar, shu jumladan keksa bemorlar va 12 yoshdan oshgan o‘smirlar uchun tavsiya etilgan doza sutkasiga 1 tabletkani (20 mg) tashkil qiladi.
Tabletkalar ichga qabul qilish uchun mo‘ljallangan.
Tabletkani och qoringa, masalan, ertalab nonushtadan oldin qabul qilish kerak.
Bilastin qabul qilingandan keyin 1 soat davomida ovqat qabul qilishdan tiyilish kerak.
Tabletkani bir stakan suv bilan ichib yutish kerak.
Riska faqat tabletkani butunligicha yutishda qiyinchiliklar yuzaga kelganda sindirishni osonlashtirish uchun mo‘ljallangan.
Niksar® preparatini qo‘llash davomiyligini davolovchi shifokor kasallik turini aniqlab belgilaydi.