ALDES tabletkalari 5mg N20

25°С dan yuqori bo'lmagan haroratda bolalar ololmaydigan joyda, original o'ramda saqlansin.

plyonka qobiq bilan qoplangan 1 tabletka quyidagilarni saqlaydi:
faol modda: dezloratadin - 5 mg;
yordamchi moddalar: mikrokristall sellyuloza, kremniy kolloid dioksidi, kalьtsiy gidrofosfati, makkajo'xori kraxmali, talьk, magniy stearati, Opadry II Blue 31F205006 (tozalangan suv, laktoza monogidrati, gipromelloza, titan dioksidi, propilenglikolь, FD&C Blue)

Dezloratadin N1-gistamin retseptorlarining uzoq ta'sirga ega antogonistdir. Sedativ ta'sir ko'rsatmaydi. Ichga qabul qilingandan keyin markaziy nerv tizimiga ta'sir qilmaydi.

So'rilishi
Ichga qabul qilinganda kattalar va o'smirlarda dezloratadinning qon plazmadagi kontsentratsiyasi 30 minutdan so'ng aniqlaniladi. Dezloratadin yaxshi so'riladi; plazmadagi maksimal kontsentratsiyasiga taxminan 3 soatdan keyin erishiladi. Yarim chiqarilishning terminal davri taxminan 27 soatni tashkil etadi.
Taqsimlanishi
Qon plazmasi oqsillari bilan bog'lanishi 83-87% ni tashkil etadi.
Biotransformatsiyasi
Dezloratadin jigarda metabolizmga uchraydi.
Chiqarilishi
Dezloratadinni bir martada 7,5 mg dozada qabul qilinganda ovqatlanish (yog'li va yuqori kaloriyali nonushta) dezloratadinni taqsimlanishiga ta'sir ko'rsatmaydi. Greypfrut sharbati xam dezloratadinga ta'sir qilmaydi.

Nojo'ya ta'sirlarni uchrash tezligi: juda tez-tez (≥1/10); tez-tez (≥1/100 dan ˂1/10 gacha); tez-tez emas (≥1/1000 dan ˂1/100 gacha); kam hollarda (≥10000 dan ˂1/100 gacha); juda kam hollarda (˂1/10000); tez-tezligi noma'lum (majud ma'lumotlar asosida baholab bo'lmaydi).
Nerv tizimi tomonidan
Tez-tez: charchoqlik
Tez-tez emas: bosh og'rig'i
Ovqat xazm qilish tizimi tomonidan
Tez-tez emas: og'izni qurishi.
Postmarketing tadqiqotlar
Ruhiyat tomonidan:
Juda kam hollarda: gallyutsinatsiyalar
Nerv tizimi tomonidan
Juda kam hollarda: bosh aylanishi, uyquchanlik, uyqusizlik, psixomotor qo'zg'aluvchanlik
Yurak qon-tomir tizimi tomonidan
Juda kam hollarda: taxikardiya, yurak urishini xis qilish.
Ovqat xazm qilish tizimi tomonidan
Juda kam hollarda: abdominal og'riqlar, ko'ngil aynishi, qusish, dispepsiya, diareya
Gepatobiliar tizim tomonidan
Juda kam hollarda: jigar fermentlari faolligi va bilirubin darajasini oshishi, gepatit
Suyak-mushak tizimi va biriktiruvchi to'qimalar tomonidan
Juda kam hollarda: mialgiya
Umumiy buzilishlar va mahalliy reaktsiyalar:
Juda kam hollarda: yuqori sezuvchanlik reaktsiyalari (anafilaksiya, angioedema, hansirash, qichishish, toshma, shish).
Shubxali nojo'ya reaktsiyalar kuzatilganda xabar berilishi
Dori preparati ro'yxatdan o'tkazilgandan so'ng shubxali nojo'ya reaktsiyalar kuzatilganda xabar berilishi muhim ahamiyatga ega. Bu dori vositasini qo'llashda xavf/foyda nisbatini uzoq muddat nazoratini o'tkazishga imkon beradi.
Noxush samaralar paydo bo'lganda shifokorga murojaat qiling.

12 yoshgacha bo'lgan bolalarda Aldes 5 mg plyonka qobiq bilan qoplangan tabletkasining samaradorligi va xavfsizligi isbotlanmagan.
Galaktozani nasliy o'zlashtiraolmaslik, Lapp laktaza tanqisligi yoki glyukoza-galaktoza malьabsorbtsiyasi bo'lgan patsiyentlarda preparatni qo'llash mumkin emas.
Og'ir buyrak yetishmovchiligi bo'lgan patsiyentlarda preparatni ehtiyotkorlik bilan qo'llash kerak.
Aldes 5 mg plyonka qobiq bilan qoplangan tabletkasi 1,8 mg laktoza monogidrati saqlaydi, buni qandli diabeti bo'lgan patsiyentlarda e'tiborga olish lozim.
Aldes 5 mg plyonka qobiq bilan qoplangan tabletkasi propilenglikolь saqlaydi; bunday miqdorda propilenglikolь bilan bog'liq qandaydir nojo'ya samara kuzatilmaydi.

Allergik rinitlarning simptomlari (masalan, burun oqishi, burun bitishi va qichishishi, ko'zni qichishishi va qizarishi, ko'z yoshini oqishi, tanglayni ta'sirlanishi, yo'tal) va eshakemi (masalan, terini shishi va qizarishi) ni yengillashtirishda qo'llaniladi.

Faol moddaga, preparatning birorta komponentiga yoki dezloratadinga o'ta yuqori sezuvchanlikda qo'llash mumkin emas.

Klinik tadqiqotlarda dezloratadin tabletkalarini eritromitsin va ketokonazol bilan birga qo'llaganda o'zaro ta'sir kuzatilmagan. Dezloratadin alkogolning salbiy samarasini potentsiya qilmaydi. Dezloratadin peroral kontratseptiv vositalar bilan o'zaro ta'sirga kirishishi mumkin. Shu sababdan, davolash vaqtida kontratseptsiyaning alьternativ samarali va xavfsiz usullaridan foydalanish tavsiya etiladi.

Vaqti-vaqti bilan avj oluvchi allergik rinitda (haftada 4 kundan kam yoki yilida 4 haftadan kam vaqt davomida simptomlarni bo'lishi) Aldes preparatini qo'llash mumkin. Davolashni, simptomlar o'tib ketgandan keyin to'xtatish va simptomlar qayta paydo bo'lgandan keyin qayta tiklash mumkin. Doimiy rivojlanib turuvchi allergik riniti bo'lgan patsiyentlarda (simptomlarni haftada 4 va undan ko'p kun va yiliga 4 haftadan ko'p vaqt davomida bo'lishi) allergenlar ta'sir ko'rsatganida preparatni uzoq vaqt qo'llash tavsiya qilinadi.
Kattalar va o'smirlarda (12 yosh va undan kattalar): ovqatlanishdan qat'iy nazar sutkada
1 tabletkadan buyuriladi.
Alohida guruh bemorlar xususida qo'shimcha ma'lumotlar
Buyrak yetishmovichligi
Og'ir buyrak yetishmovchiligida preparatni ehtiyotkorlik bilan buyurish kerak.
Jigar yetishmovchiligi
Jigar yetishmovchiligida preparatni qo'llash yuzasidan ma'lumotlar mavjud emas.
Pediatrik patsiyentlar
12 yoshgacha bo'lgan bolalarda dezloratadin 5 mg plyonka qobiq bilan qoplangan tabletkalarni qo'llash bo'yicha ma'lumotlar mavjud emas.
Geriatrik patsiyentlar
Keksa yoshdagi patsiyentlarda preparatni qo'llash bo'yicha spetsifik tadqiqotlar yo'q.

Dozani oshrib yuborilishida so'rilmagan ta'sir etuvi moddani chiqarishga qaratilgan standart choralar o'tkaziladi. Simptomatik va tutib turuvchi davolash tavsiya qilinadi. Dezloratadin gemodializ orqali chiqarilmaydi. Uni peritonial dializ orqali chiqarilishi noma'lum.

Preparatni homilador ayollarda qo'llash yuzasidan ma'lumotlar yetarli emas.
Homiladorlik davrida preparatni qo'llashdan saqlanish tavsiya etiladi. Dezloratadin ko'krak sutiga o'tishi sababli uni laktatsiya davrida qo'llash mumkin emas.