AMBROBENE 0,0075/ML eritma dlya priema vnutr 100ml
AMBROBENE 0,0075/ML eritma dlya priema vnutr 100ml haqida qo'llanma
Farmakokinetikasi
Ichga qabul qilingandan so'ng ambroksol me'da-ichak traktidan deyarli to'liq so'riladi. Maksimal kontsentratsiyaga ichga qabul qilingandan 1-3 soat o'tgach erishiladi. Tizim oldi metabolizmi tufayli ambroksolning mutlaq biologik kira olishligi ichga qabul qilingandan so'ng taxminan 1/3 ga kamayadi. Shu munosabat bilan hosil bo'lgan metabolitlar (dibromantranil kislotasi, glyukuronidlar kabi) buyraklarda eliminatsiya qilinadi. Plazma oqsillari bilan bog'lanishi taxminan 85% (80-90%) ni tashkil qiladi. Plazmadan yarim chiqarilish davri 7 dan 12 soatgacha o'zgarib turadi. Ambroksol va uning metabolitlarining umumiy yarim chiqarilish davri taxminan 22 soatni tashkil qiladi. Asosan buyraklar orqali metabolitlar ko'rinishida chiqariladi - 90%, 10% dan kamrog'i o'zgarmagan holda chiqariladi.
Plazma oqsillari bilan yuqori bog'lanishni, katta taqsimlanish hajmini va to'qimalardan qonga sekin qayta taqsimlanishni hisobga olgan holda, dializ yoki jadallashtirilgan diurezda ambroksolning sezilarli darajada chiqarilishi sodir bo'lmaydi.
Og'ir jigar kasalliklari bo'lgan bemorlarda ambroksol klirensi 20- 40% ga kamayadi. Og'ir buyrak funktsiyasi buzilishi bo'lgan bemorlarda ambroksol metabolitlarining yarim chiqarilish davri ortadi.
Ambroksol orqa miya suyuqligiga va yo'ldosh to'sig'i orqali o'tadi, shuningdek ko'krak sutiga ajralib chiqadi.
Nojo'ya samaralari
Nojo'ya ta'sirlarning rivojlanish tezligi Jahon sog'liqni saqlash tashkiloti tavsiyalariga muvofiq tasniflangan: juda tez-tez - kamida 10%; tez-tez - kamida 1%, lekin 10% dan kam; tez-tez emas - kamida 0,1%, lekin 1% dan kam; kam hollarda - kamida 0,01%, lekin 0,1% dan kam; juda kam hollarda - 0,01% dan kam.
Immun tizimi tomonidan: tez-tez emas - o'ta yuqori sezuvchanlik reaksiyasi, uchrash tezligi aniqlanmagan - anafilaktik reaksiyalar, shu jumladan toshma, qichishish, eshakemi, angionevrotik shish, anafilaktik shok.
Asab tizimi tomonidan: tez-tez - ta'm bilishning buzilishi.
OIT tomonidan: tez-tez - ko'ngil aynishi; tez-tez emas - og'iz va tomoq shilliq qavatining qurishi, qusish, dispepsiya, qorinda og'riq, diareya.
Maxsus ko‘rsatmalari
Balg'am ko'chishini qiyinlashtiruvchi yo'talga qarshi dori vositalari bilan kombinatsiyalamaslik kerak.
2 yoshgacha bo'lgan bolalarda preparatni qo'llash faqat shifokor tayinlovi bo'yicha mumkin.
Ambroksol qo'llanilganda juda kam hollarda Stivens-Djonson sindromi va Layell sindromi kabi og'ir shakldagi teri reaksiyalari kuzatilgan. Teri qoplamalari yoki shilliq qavatlar o'zgarganda darhol shifokorga murojaat qilish va preparat qabul qilishni to'xtatish kerak.
Transport vositalarini va mexanizmlarni boshqarish qobiliyatiga ta'siri:
Ambrobene preparatining transportni boshqarish va texnika bilan ishlash qobiliyatiga ta'siri bo'yicha tadqiqotlar o'tkazilmagan. Nojo'ya ta'sirlar rivojlanganda yuqori diqqatni jamlash va psixomotor reaksiyalar tezligini talab qiluvchi harakatlarni bajarishda ehtiyotkorlikka rioya qilish kerak.
Qo'llanilishi mumkin bo'lmagan holatlar
Ambroksolga yoki yordamchi moddalardan birortasiga yuqori sezuvchanlik; homiladorlik (I trimestr).
Ehtiyotkorlik bilan:
Bronxlar motor faoliyatining buzilishi va balg'am hosil bo'lishining kuchayishi (kiprikchalarning harakatsizligi sindromida), me'da va 12-barmoqli ichak yara kasalligi zo'rayish davrida, homiladorlik (II-III trimestr), emizish davri. Buyrak faoliyati buzilgan yoki og'ir jigar kasalliklari bo'lgan bemorlar Ambrobene preparatini alohida ehtiyotkorlik bilan, qabullar orasidagi katta intervallarga rioya qilgan holda yoki preparatni kamroq dozada qabul qilishlari kerak.
Homiladorlik va laktatsiya:
Homiladorlik. Homiladorlik davrida ambroksolni qo'llash bo'yicha ma'lumotlar yetarli emas. Xususan, bu homiladorlikning birinchi 28 haftasiga tegishli. Hayvonlarda o'tkazilgan tadqiqotlar teratogen ta'sirni aniqlamadi.
Homiladorlikda (II-III trimestr) Ambrobene preparatini qo'llash faqat shifokor ko'rsatmasi bo'yicha, xavf/foyda nisbati sinchkovlik bilan baholangandan keyin mumkin.
Emizish davri. Hayvonlarda o'tkazilgan tadqiqotlar shuni ko'rsatdiki, ambroksol ko'krak sutiga o'tadi. Emizish davridagi ayollarda preparatni qo'llash yetarlicha o'rganilmaganligi sababli, Ambrobeneni qo'llash faqat shifokor ko'rsatmasi bo'yicha, xavf/foyda nisbati sinchkovlik bilan baholangandan keyin mumkin.
Dori vositalarining o'zaro ta'siri
Ambroksol va yo'talga qarshi vositalar bir vaqtda qo'llanilganda yo'tal refleksi bostirilishi tufayli sekret turg'unligi yuzaga kelishi mumkin. Bunday kombinatsiyalarni ehtiyotkorlik bilan tanlash kerak.
Ambroksol va amoksitsillin, sefuroksim, eritromitsin va doksitsiklin antibiotiklari birga qabul qilinganda balg'am va bronxial sekretda oxirgilarining konsentratsiyasi oshadi.
Dozirovkasi
Ichga preparat ovqatdan keyin, suv, sharbat yoki choyga qo'shib, to'plamga kiritilgan o'lchov stakanchasi yordamida qabul qilinadi.
2 yoshgacha bo'lgan bolalarga kuniga 2 marta 1 ml preparat qabul qilish kerak (kuniga 15 mg ambroksol).
2 yoshdan 6 yoshgacha bo'lgan bolalarga kuniga 3 marta 1 ml preparat qabul qilish kerak (kuniga 22,5 mg ambroksol).
6 yoshdan 12 yoshgacha bo'lgan bolalarga kuniga 2-3 marta 2 ml preparat qabul qilish kerak (kuniga 30-45 mg ambroksol).
Kattalar va 12 yoshdan katta bolalarga davolashning birinchi 2-3 kunida kuniga 3 marta 4 ml preparat qabul qilish kerak (kuniga 90 mg ambroksol). Terapiya samarasiz bo'lganda kattalar dozani kuniga 2 marta 8 ml preparatgacha oshirishlari mumkin (kuniga 120 mg ambroksol). Keyingi kunlarda kuniga 2 marta 4 ml preparat qabul qilish kerak (kuniga 60 mg ambroksol).
Preparatni ingalyatsiyalar ko'rinishida qo'llash
Ambrobene preparatini ingalyatsiyalar ko'rinishida qo'llashda har qanday zamonaviy uskunadan (bug'li ingalyatorlardan tashqari) foydalanish mumkin. Ingalyatsiyadan oldin preparat 0,9% li natriy xlorid eritmasi bilan aralashtiriladi (havoni optimal namlash uchun 1:1 nisbatda suyultirish mumkin) va tana haroratigacha isitiladi. Ingalyatsion terapiyada chuqur nafas olish yo'tal turtkilarini qo'zg'atishi mumkinligi sababli, ingalyatsiyalarni oddiy nafas olish rejimida o'tkazish kerak. Bronxial astmasi bo'lgan bemorlarga ingalyatsiyani bronxolitik preparatlarni qabul qilgandan keyin o'tkazish tavsiya etilishi mumkin.
Ingalyatsiyalar uchun quyidagi dozalar qo'llaniladi (1 ml eritmada 7,5 mg ambroksol mavjud):
2 yoshgacha bo'lgan bolalar: kuniga 1-2 marta 1 ml eritmadan (kuniga 7,5-15 mg ambroksol); 2 yoshdan 6 yoshgacha bo'lgan bolalar: kuniga 1-2 marta 2 ml eritmadan (kuniga 15-30 mg ambroksol); 6 yoshdan katta bolalar va kattalar: kuniga 1-2 marta 2-3 ml eritmadan (kuniga 15-45 mg ambroksol).
Davolash davomiyligi kasallikning kechishiga qarab individual ravishda tanlanadi. Ambrobene preparatini shifokor tayinlovisiz 4-5 kundan ortiq qabul qilish tavsiya etilmaydi.
Preparatning mukolitik ta'siri ko'p miqdorda suyuqlik qabul qilinganda namoyon bo'ladi, shuning uchun davolash paytida ko'p suyuqlik ichish tavsiya etiladi.Dozani oshirib yuborishSimptomlari. Ambroksol dozasi oshirib yuborilganda intoksikatsiya belgilari aniqlanmagan. Asabiy qo'zg'alish va diareya haqida ma'lumotlar mavjud.
Ambroksol kuniga 25 mg/kg gacha dozada ichga qabul qilinganda yaxshi o'zlashtiriladi.
Og'ir dozani oshirib yuborish holatida so'lak oqishining kuchayishi, ko'ngil aynishi, qusish, arterial qon bosimining pasayishi mumkin.
Davolash. Qusishni chaqirish, oshqozonni yuvish kabi intensiv terapiya usullari faqat og'ir dozani oshirib yuborish hollarida, preparat qabul qilingandan keyingi birinchi 1-2 soat ichida qo'llanilishi kerak. Simptomatik davolash ko'rsatilgan.
Hajm/og'irlik
AMBROBENE 0,0075/ML eritma dlya priema vnutr 100ml o'xshash dorilari
AMBROBENE 0,0075/ML eritma dlya priema vnutr 100ml xususiyatlari
Ambrobene boshqa chiqarish shakllari
AMBROBENE 0,0075/ML eritma dlya priema vnutr 100ml analoglari
