AMBROKSOL eritma 40ml 0,0075/ml

Ambroksol uchun kontsentratsiyalarning terapevtik intervalida dozaga chiziqli bog'liqlik bilan me'da-ichak traktidan (MITY) tez va deyarli to'liq so'rilish xosdir.

Biologik kira olishligi 70-80% ni tashkil qiladi. Peroral qabul qilinganda qon plazmasidagi maksimal kontsentratsiyaga (Сmax) 0,5 - 3 soatdan keyin erishiladi. Kontsentratsiyalarning terapevtik intervalida plazma oqsillari bilan bog'lanishi taxminan 90% ni tashkil qiladi.

Peroral qo'llanilganda ambroksolning qondan to'qimalarga o'tishi tez sodir bo'ladi. Preparat faol komponentining eng yuqori kontsentratsiyalari o'pkada kuzatiladi. Gematoensefalik to'siq, yo'ldosh to'sig'i orqali o'tadi, ko'krak suti bilan ajralib chiqadi.

Yuborilgan peroral dozaning taxminan 30% jigardan birlamchi o'tish effektiga uchraydi. Odam jigar mikrosomalarida o'tkazilgan tadqiqotlar shuni ko'rsatdiki, С?РЗА4 izofermenti ambroksol metabolizmi uchun javobgar bo'lgan asosiy izoforma hisoblanadi.

Ambroksolning qolgan qismi jigarda faol bo'lmagan metabolitlargacha metabolizmga uchraydi. Ambroksolning yarim chiqarilish davri (Т1/2) 10 soatni tashkil qiladi. Buyraklar orqali chiqariladi: 90% metabolitlar ko'rinishida, 10% o'zgarmagan holda. Yosh va jinsning ambroksol farmakokinetikasiga klinik ahamiyatga ega ta'siri aniqlanmagan, shuning uchun ushbu belgilar bo'yicha dozani to'g'rilash uchun asoslar yo'q.

Nojo'ya ta'sirlarning uchrash tezligi quyidagi darajalarda taqdim etilgan: juda tez-tez (? 1/10); tez-tez (? 1/100 dan
Oshqozon-ichak buzilishlari: tez-tez - ko'ngil aynishi, og'iz bo'shlig'i va halqumda sezuvchanlikning pasayishi; tez-tez emas - dispepsiya; qorinning yuqori qismida og'riq, qusish, diareya; kam hollarda - jig'ildon qaynashi, og'iz bo'shlig'i va halqum shilliq qavatining qurishi, qabziyat.

Nafas olish tizimi tomonidan: kam hollarda - nafas yo'llari shilliq qavatining qurishi, rinoreya.

Asab tizimi tomonidan buzilishlar: tez-tez - disgevziya (ta'm sezgilarining buzilishi).

Allergik reaksiyalar: kam hollarda - o'ta yuqori sezuvchanlik reaksiyalari, teri toshmasi, eshakemi, qichishish, angionevrotik shish; juda kam hollarda - anafilaktik reaksiyalar, shu jumladan anafilaktik shok, Stivens-Djonson sindromi, Layell sindromi.

Boshqalar: kam hollarda - adinamiya, isitma.

Ambroksolni yo'tal refleksini tormozlashi mumkin bo'lgan yo'talga qarshi preparatlar bilan bir vaqtda qabul qilish mumkin emas. Balg'am to'planishi mumkinligi sababli, yo'tal refleksi susaygan yoki mukotsiliar transport buzilgan bemorlarda ambroksolni ehtiyotkorlik bilan qo'llash kerak. Ambroksolni qabul qilayotgan bemorlarga nafas gimnastikasini bajarishni tavsiya etmaslik kerak; kasalliklar og'ir kechayotgan bemorlarda suyultirilgan balg'am aspiratsiyasini bajarish lozim. Bronxial astmasi bo'lgan bemorlarda ambroksol yo'talni kuchaytirishi mumkin. Ambroksolni bevosita uyqudan oldin qabul qilish kerak emas. Terining og'ir shikastlanishlari

- Stivens-Djonson sindromi yoki Layell sindromi bo'lgan bemorlarda - erta fazada harorat, badanda og'riq, rinit, yo'tal va tomoqda og'riq paydo bo'lishi mumkin. Simptomatik davolashda ambroksol gidroxloridi kabi mukolitik

vositalarni yanglish tayinlash mumkin. Stivens-Djonson sindromi va Layell sindromi aniqlanishi preparat tayinlanishi bilan vaqt bo'yicha mos kelganligi haqida yagona xabarlar mavjud; biroq preparatni qabul qilish bilan sabab-oqibat bog'liqligi yo'q. Yuqorida sanab o'tilgan sindromlar rivojlanganda

davolashni to'xtatish va darhol tibbiy yordamga murojaat qilish tavsiya etiladi.

Buyrak funksiyasi buzilishida ambroksolni faqat shifokor tavsiyasi bo'yicha qo'llash zarur.

Ambroksol eritmasini kromoglitsiy kislotasi va ishqoriy eritmalar bilan aralashtirish tavsiya etilmaydi.

Giponatriyevik parhezga rioya qilayotgan bemorlar 1 ml ambroksol eritmasida 10 mg natriy borligini yodda tutishlari kerak. Kattalar va 12 yoshdan katta bolalar uchun maksimal sutkalik dozada 120 mg natriy mavjud.

Ambroksol eritmasi benzalkoniy xlorid (konservant) saqlaydi. Nafas yo'llari giperfaolligi bo'lgan bemorlarda bu konservant ingalyatsiya vaqtida bronxlar spazmini chaqirishi mumkin.

Avtotransport vositalarini va mexanizmlar bilan ishlashni boshqarish qobiliyatiga ta'siri

Hozirgi vaqtgacha transportni haydash va mexanizmlarni boshqarish qobiliyatiga ta'siri ma'lum emas.

Ambroksolga yoki preparatning boshqa komponentlariga yuqori sezuvchanlik, homiladorlik (I trimestr), emizish davri.

EHTIYOTKORLIK BILAN

Bronxlar motor faoliyatining buzilishi va balg'am hosil bo'lishining kuchayishi (kiprikchalarning harakatsizligi sindromida), me'da va 12-barmoqli ichak yara kasalligi zo'rayish davrida, homiladorlik (II-III trimestr).

Buyrak faoliyati buzilgan yoki og'ir jigar kasalliklari bo'lgan bemorlar ambroksolni alohida ehtiyotkorlik bilan, preparat qabullari orasidagi katta intervallarga rioya qilgan holda yoki preparatni kamroq dozada qabul qilishlari kerak.

HOMILADORLIK VA EMIZISH DAVRIDA QO'LLANILISHI

Preparatni homiladorlikning I trimestri davomida qo'llash mumkin emas. Homiladorlikning II-III trimestrlarida ambroksolni qo'llash zarurati tug'ilganda ona uchun potentsial foydani homila uchun mumkin bo'lgan xavf bilan baholash kerak.

Emizish davrida preparatni qo'llash mumkin emas, chunki u ko'krak suti bilan ajralib chiqadi

Yo'talga qarshi preparatlar bilan qo'llanilganda yo'tal refleksi bostirilishi natijasida balg'am ko'chishi qiyinlashishi mumkin. Amoksitsillin, doksitsiklin, sefuroksi-

m, eritromitsin bilan bir vaqtda qo'llanilganda ambroksol ularning bronxial secretdagi konsentratsiyasini oshiradi. Boshqa dori vositalari bilan klinik ahamiyatli nomaqbul o'zaro ta'sirlar haqida xabar berilmagan