AMBROKSOL eritma 100ml 15mg/5ml
AMBROKSOL eritma 100ml 15mg/5ml haqida qo'llanma
Farmakokinetikasi
So'rilishi - yuqori, qonda maksimal kontsentratsiyaga erishish vaqti (ТСmах) - 2 soat, plazma oqsillari bilan bog'lanishi - 80%. Gematoensefalik to'siq (GEB), yo'ldosh to'sig'i orqali o'tadi, ko'krak suti bilan ajralib chiqadi.
Metabolizmi - jigarda, dibromantranil kislotasi va glyukuron konyugatlari hosil qiladi. Yarim chiqarilish davri (Т1/2) - 7-12 soat. Buyraklar orqali: 90% suvda eruvchan metabolitlar ko'rinishida, o'zgarmagan holda - 5% chiqariladi.
Т1/2 og'ir surunkali buyrak yetishmovchiligida (SBYe) ortadi, jigar funktsiyasi buzilganda o'zgarmaydi.
Nojo'ya samaralari
Allergik reaksiyalar: teri toshmasi, eshakemi, angionevrotik shish, alohida hollarda - allergik kontakt dermatit, anafilaktik shok.
Kam hollarda - holsizlik, bosh og'rig'i, diareya, og'iz va nafas yo'llarining qurishi, ekzantemalar, rinoreya, qabziyat, dizuriya.
Yuqori dozalarda uzoq vaqt qo'llanilganda - gastralgiya, ko'ngil aynishi, qusish.
Maxsus ko‘rsatmalari
Balg'am ko'chishini qiyinlashtiruvchi yo'talga qarshi DV bilan kombinatsiyalamaslik kerak.
Ambroksol shakar saqlamaydi, ichga qabul qilish uchun eritma tarkibiga shakar o'rnini bosuvchilar kiradi, shuning uchun qandli diabeti, semizligi bo'lgan bemorlarda qo'llash mumkin.
Qo'llanilishi mumkin bo'lmagan holatlar
Yuqori sezuvchanlik, homiladorlik (I trimestr), 5 yoshgacha bo'lgan bolalar (ichish uchun eritma 30 mg/5 ml uchun), irsiy fruktoza o'zlashtiraolmaslik.
Ehtiyotkorlik bilan:
Buyrak yetishmovchiligi, jigar yetishmovchiligi, me'da va o'n ikki barmoqli ichak yara kasalligi.
Homiladorlik va laktatsiya:
Preparatni homiladorlikning I trimestri davomida qo'llash tavsiya etilmaydi. Homiladorlikning II-III trimestrlarida va emizish davrida ambroksolni qo'llash zarurati tug'ilganda ona uchun potentsial foydani homila/bola uchun mumkin bo'lgan xavf bilan baholash kerak.
Dori vositalarining o'zaro ta'siri
Yo'talga qarshi dori vositalari (DV) bilan birga qo'llash yo'talning kamayishi fonida balg'am ko'chishining qiyinlashishiga olib keladi.
Amoksitsillin, sefuroksim, eritromitsin, doksitsiklinning bronxial sekretga kirishini oshiradi.
Dozirovkasi
1 o'lchov qoshiq yoki 1 o'lchov stakan 5 ml ichga qabul qilish uchun eritma saqlaydi.
30 mg/5 ml ichga qabul qilish uchun eritma kattalar va 12 yoshdan katta bolalarga birinchi 2-3 kun 30 mg dan (5 ml), keyin 15 mg dan (2,5 ml) sutkasiga 2 marta, 5-12 yoshli bolalarga - 15 mg dan (2,5 ml) sutkasiga 2-3 marta tayinlanadi. Og'ir holatlarda dozani butun davolash kursi davomida kamaytirmaydilar.
15 mg/5 ml ichga qabul qilish uchun eritma bolalarga quyidagi dozalarda tayinlanadi: 2 yoshgacha - 7,5 mg dan (2,5 ml) sutkasiga 2 marta, 2-5 yoshda - 7,5 mg dan (2,5 ml) sutkasiga 3 marta, 5-12 yoshda - 15 mg dan (5 ml) sutkasiga 2-3 marta.
Shifokor tayinlovisiz 4-5 kundan ortiq qo'llash tavsiya etilmaydi.Dozani oshirib yuborishSimptomlari: ko'ngil aynishi, qusish, diareya, dispepsiya.
Davolash: sun'iy qusish, preparat qabul qilingandan keyingi birinchi 1-2 soat ichida oshqozonni yuvish, yog' saqlovchi mahsulotlarni qabul qilish.
Hajm/og'irlik
AMBROKSOL eritma 100ml 15mg/5ml o'xshash dorilari
AMBROKSOL eritma 100ml 15mg/5ml xususiyatlari
Ambroksol boshqa chiqarish shakllari
AMBROKSOL eritma 100ml 15mg/5ml analoglari
