Narxi 9 830 so'mdan / dona Dorixonalardan izlash

Mahsulotning ko'rinishi saytdagi rasmdan farq qilishi mumkin.

AMBROKSOL ADJIO sirop 30mg/5ml 100ml

Retseptli preparat
Kategoriya: - Shamollash va gripp
Ishlab chiqarilish joyi: - Hindiston
Ishlab chiqaruvchi: - Agio Pharmaceutical Limited
Vakil: - AGIO PHARMACEUTICALS LIMITED
ATX kodi: - R05CB06
Noaniqliq haqida habar berish
O'zbekiston Sog'liqni Saqlash Vazirligi tomonidan da registratsion raqami bilan ro'yxatdan o'tgan
Narxi 9 830 so'mdan / dona Dorixonalardan izlash Toshkentning 2 ta dorixonasida topildi

Mahsulot haqida tafsilotlar
Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!
Siropning har 5 ml quyidagilarni saqlaydi:
faol modda: 30 mg ambroksol gidroxloridi;
yordamchi moddalar: sorbit rastvori, propilena glikolь, natriy benzoati, sukraloza, limon kislotasi mogogidrati, xushbo'ylashtirilgan sirop asosi - q.s., bo'yovchi Ponso 4R.
Ambroksol bromgeksinning faol metabolitidir. U mukokinetik (shilliqni tashilishini yaxshilash) va sekretolitik (sekretni suyultirish) xususiyatlariga ega. U balg'amning mukopolisaxarid tolalarini kamaytirish va fragmentatsiyalash yo'li bilan bronxial sekretning strukturasini o'zgartiradi. Shuningdek kiprikchalarning xilpillovchi epiteliysini harakatini kuchaytirib, balg'amni transportini (tashilishini) yaxshilaydi. Ambroksol alьveolyar xujayralar tomonidan fosfolipidlar sintezini va xujayra sirtidagi lipidlarni hosil bo'lishini rag'batlantiradi u nafas olishni yaxshilaydi va biroz darajada yo'talni susaytiradi. Ambroksol xujayra sitokinlari va araxidon kislotasi metabolitlarini ishlab chiqarilishini tormozlashi tufayli yallig'lanishga qarshi xususiyatlarga ega.
So'rilishi
Ichga qabul qilingandan keyin ambroksol me'da-ichak yo'llaridan deyarli to'liq so'riladi. Maksimal kontsentratsiyasiga Cmax barcha peroral dori shakllarini ichga qabul qilingandan keyin 2 soat o'tgach erishiladi.
Metabolizmi
Ambroksol ko'proq jigarda metabolizmga uchraydi.
Tmax ga 1-3 soatdan keyin erishiladi. plazmadan yarim chiqarilish davri - T1/2 7-12 soatlar intervalida bo'ladi, plazmadan (ambroksol va uning metabolitlarini) umumiy yarim chiqarilish davri 22 soatni tashkil etadi. Jigarda kon'yugatsiya yo'li bilan metabolizmga uchraydi va farmakologik faol metabolitlari hosil bo'ladi.
Chiqarilishi
Yarim chiqarilish davri - 9-10 soat. Ambroksol, asosan metabolitlari ko'rinishida (taxminan 90% buyrak orqali) siydik bilan va o'zgarmagan holda – 10% chiqariladi. Jigar funktsiyasini og'ir buzilishlarida ambroksolning klirensi 20-40% ga kamayadi, og'ir buyrak yetishmovchiligi bo'lgan patsiyentlarda esa, ambroksol va uning metabolitlarini yarim chiqarilish davri uzayadi.
Kam hollarda me'da-ichak yo'llari tomonidan nojo'ya reaktsiyalar (ko'ngil aynishi va qorinda og'riq) va allergik reaktsiyalar (terida toshma, yuzda shish, nafas olishni juda qiyinlashishi, qizib ketish va isitma) kuzatilishi mumkin.
Ambroksol Adjio me'da-ichak yo'llarining yarali shikastlanishi, tirishishli buzilishlari va bronxlarida o'tkazuvchalikni buzilishi (kam hollarda xavfli siliar diskineziya sindromi) bo'lgan patsiyentlar, sekretsiyani tutilish xavfi tufayli, preparatni ehtiyotkorlik bilan qabul qilishlari kerak. Jigar va buyrak yetishmovchiligi bo'lgan patsiyentlar preparatni ehtiyotkorlik bilan qabul qilishlari kerak.
Ambroksol quyidagilarda buyuriladi:
- yuqori va quyi nafas yo'llarining qovushqoq balg'amni ajralib chiqishi bilan kechuvchi o'tkir va surunkali bronxopulьmonal yallig'lanish kasalliklarida (o'tkir va surunkali bronxit, pnevmoniya);
- rino-faringeal yo'llarning qovushqoq balg'amni ajralib chiqishi bilan kechuvchi yallig'lanish kasalliklarida (laringit, faringit, sinusit va rinit);
- balg'amni ko'p miqdorda ajralib chiqishi bilan kechuvchi obstruktiv bronxitda va bronxial astmada;
- bronxoektatik kasallikda;
- surunkali pnevmoniyada qo'llanadi.
Ambroksol Adjio homiladorlikning birinchi uchoyligida va laktatsiya davrida, me'da va o'n ikki barmoq ichak yara kasalligida va preparatning faol moddasi va boshqa komponentlariga o'ta yuqori sezuvchanlikda qo'llash mumkin emas.
Ambroksol Adjio siropi boshqa yo'talga qarshi preparatlar bilan birga qo'llanganda, yo'tal refleksini susaytirishi tufayli, bronxial sekretsiyani xavfli tutilishiga olib kelishi mumkin. Bunday majmuaviy davolashni buyurishga bo'lgan ko'rsatmalarni sinchkov baholash lozim.
Mukozolni bir vaqtda qo'llanganda, amoksitsillin, sefuroksim va eritromitsin antibiotiklari bronxial sekretga yuqori darajada kirib boradi.
Peroral qabul qilinadi.
Kattalarda: birinchi 2-3 kuni sutkada 10 ml dan 3 marta, so'ngra sutkada 10 ml dan 2 marta yoki sutkada 5 ml dan 3 marta buyuriladi.
2 yoshgacha bo'lgan bolalarda: sutkada 2 ml dan 2-3 marta, 2 yoshdan 5 yoshgacha sutkada 2,5 ml dan 3 marta buyuriladi.
5 dan 12 yoshgacha bo'lgan bolalarda: sutkada 5 ml dan 2-3 marta buyuriladi.
Ambroksol Adjio homiladorolik vaqtida, ayniqsa birinchi uchoylikda qabul qilish mumikn emas. Ambroksol Adjio ona sutiga kiradi, biroq chaqaloqqa preparatning terapevtik dozalarini salbiy ta'sirining juda kam ehtimoli bor. Laktatsiya davrida preparatni qabul qilish zarurati tug'ilganda, emizishni to'xtatish to'g'risidagi masalani xal etish kerak.
Qo'llashdan oldin yo'riqnomani diqqat bilan o'qib chiqing.
AMBROKSOL ADJIO sirop 30mg/5ml 100ml qo'lanishi bo'yicha ko'rsatmalar
QO‘LLASH BO‘YICHA YO‘RIQNOMA
AMBROKSOL-VISHFA

AMBROKSOLVISHPHA

Preparatning savdo nomi: Ambroksol-Vishfa

Ta‘sir etuvchi modda (XPN): ambroksol gidroxloridi

Dori shakli: sirop

Tarkibi:

5 ml sirop quyidagilarni saqlaydi:

faol modda: ambroksol gidroxloridi – 15 mg;

yordamchi moddalar: propilenglikol, metilparagidroksibenzoat (Ye218), propilparagidroksibenzoat (Ye216), 96% li etanol, sorbit (Ye420), “Qulupnay xushbo‘yi” aromatizatori (Ye124 saqlaydi), tozalangan suv.

Ta‘rifi: pushti rangli, o‘ziga xos hidli, shirin ta‘mli tiniq siropsimon suyuqlik.

Farmakoterapevtik guruhi. Yo‘tal va shamollash kasalliklarida qo‘llanadigan vositalar. Mukolitik vositalar.
ATX kodi: R05CV06.

Farmakologik xususiyatlari

Ta‘sir etuvchi modda – ambroksol gidroxloridi – nafas yo‘llari bezlari sekresiyasini oshiradi. Ambroksol o‘pkada surfaktant ajralishini kuchaytiradi va siliar faollikni rag‘batlantiradi, buning oqibatida shilimshiq ajralishi va chiqarilishi yaxshilanadi (mukosiliar klirens). Suyuqlik sekresiyasi faollashuvi va mukosiliar klirensning oshishi shilimshiq chiqarilishini yaxshilaydi va yo‘talni kamaytiradi.

Ambroksol gidroxloridining natriy kanallarini bloklovchi xususiyati bilan tushuntiriladigan mahalliy og‘riqsizlantiruvchi samarasi quyon ko‘zi modelida kuzatilgan. In vitro sharoitida o‘tkazilgan tadqiqotlar ko‘rsatishicha, ambroksol gidroxloridi neyronli natriy kanallarini bloklaydi; bog‘lanishi qaytar va konsentrasiyasiga bog‘liq bo‘lgan.

In vivo sharoitidagi tajribalarda ambroksol gidroxloridi qondan sitokinlar ajralishi va mononuklear hamda polimorfnuklear hujayralarning to‘qimalarda bog‘lanishini ahamiyatli kamaytiradi.

Farmakokinetikasi

Ambroksol gidroxloridining so‘rilishi tez va yetarlicha to‘liq, terapevtik diapazonda chiziqli bog‘liqlikka ega. Qon plazmasidagi maksimal darajasiga tez ajraluvchi dori shaklini peroral qabul qilinganda 1-2,5 soatda erishiladi.

Peroral qabul qilinganda ambroksol gidroxloridining qondan to‘qimalarga taqsimlanishi faol moddaning o‘pkalarda eng yuqori konsentrasiyasi bilan tez va keskin ifodalangan. Peroral qabul qilinganda taqsimlanish hajmi 552 l deb aniqlangan. Qon plazmasida terapevtik diapazonda preparatning taxminan 90% oqsillar bilan bog‘lanadi.

Peroral qabul qilingandan keyin dozaning taxminan 30% tizim oldi metabolizmi orqali chiqariladi.

Ambroksol gidroxloridi, ba‘zi metabolitlaridan tashqari, asosan (taxminan 10%) jigarda glyukuronizasiya va dibromantranil kislotasiga parchalanish yo‘li bilan metabolizmga uchraydi.

Peroral 3 kun qabul qilinganida dozaning taxminan 6% erkin shaklda, ayni vaqtda taxminan 26% – kon‘yugasiya bo‘lgan shaklda siydikda bo‘ladi.

Qon plazmasidan yarim chiqarilish davri taxminan 10 soatni tashkil qiladi. Umumiy klirensi umumiy klirensning 8% ini tashkil qiladigan jigar klirensi bilan            660 ml/min o‘rtasida bo‘ladi.

Jigar funksiyasi buzilgan pasientlarda ambroksol gidroxloridining chiqarilishini kamayishi uning qon plazmasidagi darjasini 1,3-2 baravar yuqori bo‘lishini ta‘minlaydi.

Ambroksol gidroxloridining terapevtik diapazoni yetarlicha keng bo‘lganligi tufayli dozani o‘zgartirish shart emas.

Pasientning yoshi va jinsi ambroksol gidroxloridining farmakokinetikasiga klinik ahamiyatli ta‘sir qilmaydi, shu sababli dozaga tuzatish kiritish kerak emas.

Ovqat iste‘mol qilish ambroksol gidroxloridining biokiraolishligiga ta‘sir ko‘rsatmaydi.

Qo‘llanilishi

Bronxlar sekresiyasini buzilishi va shilimshiqning chiqarilishini susayishi bilan bog‘liq o‘tkir va surunkali bronxopulmonal kasalliklarda sekretolitik davolash uchun qo‘llanadi.

 

Qo‘llash usuli va dozalari

Agar boshqacha tayinlanmagan bo‘lsa,  preparatning tavsiya etilgan dozasi quyidagicha:

2 yoshgacha bo‘lgan bolalarga: 2,5 ml dan sutkada 2 marta (sutkada 15 mg ambroksol gidroxloridiga ekvivalent);

2 dan 6 yoshgacha bo‘lgan bolalarga: – 2,5 ml dan sutkada 3 marta (sutkada 22,5 mg ambroksol gidroxloridiga ekvivalent);

6 dan 12 yoshgacha bo‘lgan bolalarga: – 10 ml dan sutkada 3 marta (sutkada 30-45 mg ambroksol gidroxloridiga ekvivalent);

kattalar va 12 yoshdan oshgan bolalarga: dastlabki 2-3 kunda 10 ml dan sutkada 3 marta (sutkada 90 mg ambroksol gidroxloridiga ekvivalent), keyin – 10 ml dan 2 marta (sutkada 60 mg ambroksol gidroxloridiga ekvivalent).

Zarur bo‘lganda kattalar va 12 yoshdan oshgan bolalarga terapevtik samara dozalari 20 ml dan sutkada 2 marta oshirilishi bilan kuchaytirilishi mumkin (sutkada 120 mg ambroksol gidroxloridiga ekvivalent).

Preparatni ovqat iste‘mol qilishga bog‘liq bo‘lmagan holda qabul qilish mumkin. Umuman qo‘llash davomiyligi bo‘yicha cheklovlar yo‘q, lekin davomli davolashni tibbiy kuzatuv ostida olib borish lozim.

Ambroksol-JFF, 15 mg/5ml li siropni shifokor maslahatisiz 4-5 kundan uzoq vaqt qo‘llamaslik kerak.

 

Nojo‘ya ta‘sirlari

Nojo‘ya ta‘sirlarning tez-tezligini baholash uchun quyidagi tasnif qo‘llanilgan:

juda tez-tez: ≥1/10;

tez-tez: ≥1/100-≥1/10;

tez-tez emas: ≥1/1000-≥1/100;

kam hollarda: ≥1/10000-≥1/1000;

juda kam hollarda: <10000;

noma‘lum: mavjud ma‘lumotlar asosida aniqlashning imkoni yo‘q.

Immun tizim, teri va teri osti kletchatkasi tomonidan:

kam hollarda – teri toshmasi, eshakemi;

noma‘lum – eritema, angionevrotik shish, qichishish, anafilaktik reaksiyalar (jumladan anafilaktik shok), boshqa o‘ta yuqori gipersezuvchanlik reaksiyalari; terining og‘ir shikastlanishlari: Stivens-Djonson sindromi va toksik epidermal nekroliz (Layell sindromi);

Nerv tizimi tomonidan:

tez-tez – disgevziya (ta‘m sezishning buzilishi);

Me‘da-ichak tomonidan:

tez-tez – ko‘ngil aynashi, og‘izda sezuvchanlikning pasayishi;

tez-tez emas – qusish, diareya, dispepsiya, qorinda og‘riq, og‘iz qurishi;

juda kam hollarda – qabziyat, so‘lak oqishi;

noma‘lum – tomoq qurishi.

Nafas tizimi, ko‘krak qafasi a‘zolari va ko‘ks oralig‘i tomonidan:

tez-tez – xalqumda sezuvchanlikning pasayishi;

juda kam hollarda – rinoreya;

noma‘lum – dipnoe, (o‘ta yuqorisezuvchanlik reaksiyalari simptomlari kabi).

Siydik chiqarish tizimi tomonidan:

juda kam hollarda – dizuriya.

Umumiy buzilishlar:

tez-tez emas – isitma, shilliq qavatlar tomonidan reaksiyalar bo‘lishi mumkin.

Qo‘llash mumkin bo‘lmagan holatlar

Ambroksol gidroxloridi yoki preparatning boshqa komponentlariga yuqori sezuvchanlik. Preparatning yordamchi moddalari bilan nomutanosibligi mavjud bo‘lgani tufayli kam uchraydigan nasliy holatlarda preparatni qo‘llash mumkin emas (“Maxsus ogohlantirishlar” bo‘limiga qarang).

 

Dorilarning o‘zaro ta‘siri

Dori vositasini yo‘talga qarshi dori vositalari bilan bir vaqtda qo‘llash yo‘tal refleksi susayishi tufayli shilliqning haddan tashqari ko‘p yig‘ilishiga olib kelishi mumkin. Shuning uchun bunday majmua shifokor tomonidan kutilayotgan samara va mumkin bo‘lgan xavf nisbati baholangandan keyin mumkin bo‘ladi. .

 

Maxsus ko‘rsatmalar

Qo‘llashda zarur xavfsizlik choralari

Teri shikastlanishi haqida faqatgina bir necha xabarlar kelib tushgan: Stivens-Djonson va Layell sindromlari ambroksol qabul qilish vaqti bilan mos kelgan. Ko‘pincha ularni asosiy kasallik kechishining og‘irligi va/yoki boshqa preparat bilan bir vaqtda qo‘llash bilan tushuntirish mumkin. Shuning uchun teri yoki shilliq qavatlarning yangi shikastlanishlari paydo bo‘lganda darhol tibbiy yordamga murojaat qilish va ambroksol gidroxloridi bilan davolashni to‘xtatish zarur.

Shuningdek Stivens-Djonson va Layell sindromlarining boshlang‘ich bosqichlari pasientlarda nospesifik, isitma, tanani zirqirashi, rinit, yo‘tal va tomoqda og‘riq kabi gripp simptomlarining boshlanish belgilariga o‘xshash bo‘lishi mumkin. Bunday nospesifik, gripp simptomlarini boshlanish belgilariga o‘xshash bo‘lganda yo‘tal va shamollashga qarshi preparatlar bilan noto‘g‘ri simtomatik davo olib borilishi mumkin.

Bronxlar motorikasi buzilganda va shilimshiq sekresiyasi kuchayganda (masalan, birlamchi siliar diskineziya kabi kam uchraydigan kasalliklarda) Ambroksol-JFF, siropini ehtiyotkorlik bilan qo‘llash zarur, chunki ambroksol shilimshiq sekresiyasini kuchaytirishi mumkin.

Buyrak funksiyasi buzilgan yoki og‘ir darajadagi buyrak yetishmovchiligi bo‘lgan pasientlar preparatni faqat shifokor maslahatidan keyin qabul qilishlari kerak. Og‘ir buyrak yetishmovchiligi bo‘lgan pasientlar ambroksol va jigarda metabolizmga uchraydigan, keyin esa buyrak orqali chiqariladigan boshqa ta‘sir etuvchi moddalarni qabul qilganda jigarda hosil bo‘ladigan metabolitlarning to‘planishi sodir bo‘ladi.

Preparatning har bir tavsiya etilgan maksimal sutkalik dozasida (30 ml) 10,5 g sorbit saqlanadi. Kam uchraydigan fruktozani nasliy o‘zlashtira olmaydigan pasientlar ushbu preparatni qabul qilishlari mumkin emas. Preparat shuningdek surgi samarasiga ega.

Preparat qand saqlamaydi, shu tufayli uni qandli diabet bemorlariga qo‘llash mumkin.

1 ml preparat 2% dan 3% gacha etanol saqlaydi, shuning uchun 6 yoshgacha bo‘lgan bolalarga preparat iliq qaynagan suv bilan suyultiriladi.

Homiladorlik yoki emizish davrida qo‘llanishi.

Ambroksol gidroxloridi yo‘ldosh to‘sig‘i orqali o‘tadi. Hayvonlarda olib borilgan tadqiqotlarda ambroksol gidroxloridining homiladorlik kechishiga, embrion/homila rivojlanishiga yoki postnatal rivojlanishga bevosita yoki bilvosita zararli ta‘siri aniqlanmadi.

Ambroksol gidroxloridini qo‘llanilishi klinik tadqiqotlar natijasida homiladorlikning 28-haftasidan keyin homilaga birorta ham zararli ta‘siri aniqlanmagan.

Homiladorlikning I uch oyligida preparatni qo‘llash tavsiya etilmaydi.

Ambroksol gidroxloridi ko‘krak sutiga o‘tadi. Garchi go‘daklarga noxush ta‘siri kutilmasa ham, preparatni emizish davrida qo‘llash tavsiya etilmaydi.

Avtotransportni boshqarish yoki boshqa mexanizmlar bilan ishlashda reaksiya tezligiga ta‘sir qilish qobiliyati.

Avtotransportni boshqarish yoki boshqa mexanizmlar bilan ishlashda reaksiya tezligiga ta‘sir qilishiga oid ma‘lumotlar mavjud emas. Ambroksol gidroxloridining avtotransportni va boshqa mexanizmlarni boshqarishdagi reaksiya tezligiga ta‘sirining sinovlari o‘tkazilmagan.

Bolalar.

Preparatni pediatrik amaliyotda qo‘llash mumkin. 2 yoshgacha bo‘lgan bolalarda shifokor ko‘rsatmasiga ko‘ra qo‘llaniladi.

Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Bugungi kunda dozani oshirib yuborilishining spesifik simptomlariga oid xabarlar mavjud emas. Dozani oshirib yuborilishi va/yoki preparatni noto‘g‘ri qo‘llash holatlari haqidagi ayrim xabarlarda ma‘lum qilingan simptomlar dori vositasining tavsiya etilgan dozalardagi ma‘lum nojo‘ya ta‘sirlariga mos keladi va simptomatik davoni talab etadi.

 

Chiqarilish shakli

100 ml dan flakonda yoki bankada, dozalovchi stakanchasi bilan qutida.

 

Saqlash sharoiti

25°S dan yuqori bo‘lmagan haroratda saqlansin.

Yaroqlilik muddati

4 yil.

O‘ram birinchi ochilgandan keyin preparat 6 oy davomida yaroqli.

Dorixonalarpdan berish tartibi

Reseptsiz.

 

Ulashish:

Ishlab chiqaruvchining dorilari
RINIL XOTMIKS poroshok so vkusom apelsina 5g N5
Narx: 16 790 so'mdan Batafsil
Adjisept pastilkalar so vkusom meda N24
Narx: 13 800 so'mdan Batafsil
Kofasma sirop 100 ml
RINIL tabletkalari N100
Narx: 23 500 so'mdan Batafsil
ADJIFER inyeksiya uchun eritma 20mg/ml 5ml N5
Narx: 330 000 so'mdan Batafsil
PANZAK poroshok 40mg N1
Narx: 30 100 so'mdan Batafsil
Adjisept pastilkalar ananas N24
Narx: 13 800 so'mdan Batafsil
Adjisept pastilkalar olcha N24
Narx: 13 800 so'mdan Batafsil
Adjisept pastilkalar qulupnay N24
Narx: 13 800 so'mdan Batafsil
Adjisept pastilkalar limon N24
Narx: 13 800 so'mdan Batafsil
Adjisept pastilkalar banan N24
Narx: 13 800 so'mdan Batafsil
Adjisept pastilkalar apelsin N24
Narx: 13 800 so'mdan Batafsil
Adjisept pastilkalar med N24
Narx: 13 800 so'mdan Batafsil
Adjisept pastilkalar malina N24
Narx: 13 800 so'mdan Batafsil
Adjisept pastilkalar mentol i evkalipt N24
Narx: 13 800 so'mdan Batafsil
Adjisept pastilkalar so vkusom klassik N24
Narx: 13 800 so'mdan Batafsil
Prednizolon eritma 30mg/ml 1ml N3
Narx: 8 000 so'mdan Batafsil
Deksametazon eritmasi 4 mg/ml 1 ml N25
Narx: 25 000 so'mdan Batafsil
RINIL XOTMIKS poroshok so vkusom limona 5g N5
Narx: 16 790 so'mdan Batafsil
KLOTRIZ krem 15g
Narx: 32 000 so'mdan Batafsil
EKZOBETA maz 0,05% 15g
PANZAK tabletkalari 40mg N10
ASINOPRAZ kapsulalar 20mg N30
LIPIROZ 10 tabletkalari 10mg N30
LEVOFAST infuziya uchun eritma 500mg/100ml 100ml