ANALGIN inyeksiya uchun eritma 1ml 50% N5

Allergik reaksiyalar: teri toshmasi, Kvinke shishi; kam hollarda — anafilaktik shok, toksik epidermal nekroliz (Layell sindromi), kamdan-kam hollarda — Stivens-Djonson sindromi.

Uzoq muddat qo'llanilganda leykopeniya, trombotsitopeniya, agranulotsitoz paydo bo'lishi mumkin.

Bronxospazmga moyillik bo'lganda xuruj qo'zg'atilishi mumkin; AQB pasayishi.

Buyrak funktsiyasining buzilishi, oliguriya, anuriya, proteinuriya, interstitsial nefrit, metabolit ajralishi hisobiga siydikning qizil rangga bo'yalishi kuzatilishi mumkin.

Barcha nojo'ya (g'ayrioddiy) ta'sirlar, shu jumladan yuqorida ko'rsatilmaganlar haqida davolovchi shifokorga xabar berish va preparatni qabul qilishni to'xtatish kerak.

Bronxial astma va pollinozlardan aziyat chekuvchi bemorlarda yuqori sezuvchanlik reaksiyalari rivojlanishi mumkin.

Uzoq muddat qo'llanilganda (7 sutkadan ortiq) periferik qon manzarasini nazorat qilish zarur.

Qorindagi o'tkir og'riqlarni bartaraf etish uchun qo'llash mumkin emas (sabablari aniqlanguncha).

5 yoshgacha bo'lgan bolalarni va sitostatik vositalar olayotgan bemorlarni davolashda metamizol natriy qabul qilish faqat shifokor nazorati ostida o'tkazilishi kerak.

Spirtli ichimliklarni suiiste'mol qiluvchi bemorlarga tayinlashda alohida ehtiyotkorlik talab etiladi.

2 yoshgacha bo'lgan bolalarga bolalar dori shakllarini ishlatish tavsiya etiladi.

18 yoshgacha bo'lgan bolalar va o'smirlarga faqat shifokor ko'rsatmasi bo'yicha qo'llash kerak.

pirazolon hosilalariga (butadion, tribuzon) yuqori sezuvchanlik;

bronxial astma;

bronxospazm bilan kechuvchi kasalliklar;

«aspirin astmasi»;

qon yaratishning susayishi (agranulotsitoz, neytropeniya, leykopeniya);

og'ir jigar yoki buyrak faoliyati buzilishlari;

qon kasalliklari;

glyukoza-6-fosfatdegidrogenaza tanqisligi bilan bog'liq irsiy gemolitik anemiya;

homiladorlik (ayniqsa I trimestrda va oxirgi 6 haftada);

laktatsiya davri.

Ehtiyotkorlik bilan — chaqaloqlik yoshi (3 oygacha).

Analginni boshqa nonarkotik analgetiklar bilan bir vaqtda qo'llash toksik samaralarning o'zaro kuchayishiga olib kelishi mumkin.

Tritsiklik antidepressantlar, ichga qabul qilish uchun homiladorlikka qarshi vositalar va allopurinol jigarda metamizol metabolizmini buzadi va uning toksikligini oshiradi.

Barbituratlar va fenilbutazon analgin ta'sirini susaytiradi.

Analgin alkogol saqlovchi ichimliklar samaralarini kuchaytiradi.

Rentgenokontrast moddalar, kolloid qon o'rnini bosuvchilar va penitsillin metamizol bilan davolash vaqtida qo'llanilmasligi kerak.

Metamizol peroral gipoglikemik preparatlar, bilvosita antikoagulyantlar, GKS va indometatsinni oqsil bilan bog'lanishdan siqib chiqarib, ularning faolligini oshiradi.

Analgin siklosporin bilan bir vaqtda qo'llanilganda qonda oxirgisining darajasini kamaytiradi. Tiamazol va sarkolizin leykopeniya rivojlanish xavfini oshiradi. Kodein, propranolol samarani kuchaytiradi (inaktivatsiyani sekinlashtiradi).

Sedativ vositalar va trankvilizatorlar analginning og'riqsizlantiruvchi ta'sirini kuchaytiradi.

Ichga, kattalarga — 1 tabl. dan kuniga 2–3 marta ovqatdan keyin. Maksimal bir martalik doza — 1 g (2 tabl.), sutkalik — 3 g (6 tabl.). Uzoq muddat (bir haftadan ortiq) qo'llanilganda periferik qon manzarasi va jigar funktsional holatini nazorat qilish zarur.

Bolalarga tana vazniga 5–10 mg/kg hisobidan kuniga 3–4 marta ko'pi bilan 3 kun tayinlanadi (tabletkani oldindan maydalab).

Isitmani tushiruvchi vosita sifatida tayinlanganda 3 kundan ortiq va og'riq qoldiruvchi vosita sifatida tayinlanganda 5 kundan ortiq (shifokor maslahatisiz) qo'llanilmasin.