ASIKLOVIR BELUPO tabletkalari 400mg N21
ASIKLOVIR BELUPO tabletkalari 400mg N21 haqida qo'llanma
Farmakokinetikasi
Ichga qabul qilinganda biologik kira olishligi 15-30% ni tashkil qiladi. Atsiklovir organizmning barcha organlari va to'qimalariga, shu jumladan bosh miya va teriga yaxshi kirib boradi. Plazma oqsillari bilan bog'lanishi 9-33% ni tashkil qiladi va uning plazmadagi kontsentratsiyasiga bog'liq emas. Orqa miya suyuqligidagi kontsentratsiya uning plazmadagi kontsentratsiyasining taxminan 50% ini tashkil qiladi. Atsiklovir yo'ldosh to'sig'i orqali o'tadi va ko'krak Sutida to'planadi. Ichga 200 mg dan sutkada 5 marta tayinlangandan so'ng maksimal kontsentratsiya - 0,7 mkg/ml, maksimal kontsentratsiyaga erishish vaqti - 1,5-2 soat.
Jigarda farmakologik faol bo'lmagan birikma 9-karboksimetoksimetilguanin hosil bo'lishi bilan metabolizmga uchraydi. Buyrak funktsiyasi normal bo'lgan kattalarda yarim chiqarilish davri 2-3 soatni tashkil qiladi. Og'ir buyrak yetishmovchiligi bo'lgan bemorlarda yarim chiqarilish davri - 20 soat, gemodializda - 5,7 soat (bunda plazmadagi atsiklovir kontsentratsiyasi boshlang'ich qiymatning 60% gacha kamayadi). Taxminan 84% buyraklar orqali o'zgarmagan holda va 14% - metabolit shaklida ajralib chiqadi. Atsiklovirning buyrak klirensi umumiy plazmatik klirensning 75-80% ini tashkil qiladi. Atsiklovirning 2% dan kamrog'i organizmdan ichak orqali chiqariladi.
Nojo'ya samaralari
Preparat odatda yaxshi o'zlashtiriladi.
OIT tomonidan: ayrim hollarda - qorinda og'riqlar, ko'ngil aynishi, qusish, diareya. Laboratoriya ko'rsatkichlari: jigar fermentlari faolligining o'tkinchi biroz oshishi, kam hollarda - mochevina va kreatinin darajasining biroz oshishi, giperbilirubinemiya, leykopeniya, eritropeniya.
MNS tomonidan: kam hollarda - bosh og'rig'i, holsizlik; alohida hollarda tremor, bosh aylanishi, yuqori toliqish, uyquchanlik, ongning chalkashishi, gallyutsinatsiyalar, paresteziya, ajitatsiya.
Allergik reaksiyalar: anafilaktik reaksiyalar, teri allergik reaksiyalari (qichishish, Layell sindromi, eshakemi, ko'p shaklli ekssudativ eritema, shu jumladan Stivens-Djonson sindromi), periferik shishlar.
Boshqalar: kam hollarda - alopetsiya, isitma, mialgiya, ko'rishning buzilishi, limfoadenopatiya.
Maxsus ko‘rsatmalari
Immuniteti pasaygan bemorlarni atsiklovir bilan uzoq muddatli yoki takroriy davolash uning ta'siriga sezgir bo'lmagan virus shtammlari paydo bo'lishiga olib kelishi mumkin. Kattalar va 3 yoshdan katta bolalarda asoratlarni oldini olish uchun faqat shifokor tayinlovi bo'yicha qo'llash kerak.
Buyrak funksiyasi buzilgan bemorlarga, atsiklovirning yarim chiqarilish davri uzayishi munosabati bilan keksa yoshdagi bemorlarga ehtiyotkorlik bilan tayinlanadi.
Preparatni qo'llashda yetarli miqdorda suyuqlik tushishini ta'minlash zarur.
Preparatni qabul qilganda buyrak funksiyasini (qondagi mochevina va qon plazmasidagi kreatinin darajasini) nazorat qilish kerak.
Atsiklovir gerpesning jinsiy yo'l bilan yuqishini oldini olmaydi, shuning uchun davolash davrida, hatto klinik ko'rinishlar bo'lmasa ham jinsiy aloqalardan saqlanish zarur.
Qo'llanilishi mumkin bo'lmagan holatlar
Atsiklovirga, gantsiklovirga, famtsiklovirga, valatsiklovirga yoki preparatning har qanday yordamchi moddasiga yuqori sezuvchanlik.
Laktatsiya davrida preparatni qabul qilish mumkin emas.
3 yoshgacha bo'lgan bolalar (ushbu dori shakli uchun).
Ehtiyotkorlik bilan:
Degidratatsiya, buyrak yetishmovchiligi, nevrologik buzilishlar, shu jumladan anamnezda.
Homiladorlik va laktatsiya:
Homiladorlik vaqtida qo'llash faqat ona uchun taxmin qilinadigan foyda homila uchun potentsial xavfdan ustun bo'lgan holdagina mumkin. Atsiklovir platsentar to'siq orqali o'tadi va ko'krak sutida to'planadi. Laktatsiya davrida atsiklovirni qabul qilish zarurati tug'ilganda emizishni to'xtatish talab etiladi.
Dori vositalarining o'zaro ta'siri
Probenetsid bilan bir vaqtda qo'llash o'rtacha yarim chiqarilish davri oshishiga va atsiklovir klirensi pasayishiga olib keladi.
Nefrotoksik preparatlar bilan bir vaqtda qabul qilinganda buyrak funktsiyalari buzilishi xavfi oshadi.
Immunostimulyatorlar bir vaqtda tayinlanganda samara kuchayishi qayd etiladi.
Dozirovkasi
Davolashni iloji boricha tezroq, kasallikning birinchi alomatlari paydo bo'lishi bilanoq boshlash kerak.
Kasallikning og'irlik darajasiga qarab individual ravishda belgilanadi.
Herpes simplex I va II turi chaqirgan teri va shilliq qavatlar infektsiyalarini davolashda kattalar va 3 yoshdan katta bolalarga preparat 200 mg dan 5 marta sutkasiga 5 kun davomida kunduzi 4 soatlik intervallar bilan va tunda 8 soatlik interval bilan tayinlanadi. Kasallikning og'irroq hollarida davolash kursi shifokor ko'rsatmasi bo'yicha uzaytirilishi mumkin. Yaqqol immunitet tanqisligida, shu jumladan OIV-infektsiyasining kengaytirilgan klinik manzarasida (shu jumladan OIV-infektsiyasining erta klinik ko'rinishlari va OITS bosqichi), suyak iligi implantatsiyasidan keyin kompleks terapiya tarkibida 400 mg dan sutkasiga 5 marta tayinlanadi.
Herpes simplex I va II turi viruslari chaqirgan infektsiyalar retsidivlari profilaktikasi uchun immunitet statusi normal bo'lgan bemorlarga va kasallik retsidivida 200 mg dan sutkasiga 4 marta har 6 soatda tayinlanadi.
Herpes simplex I va II turi viruslari chaqirgan infektsiyalar profilaktikasi uchun immunitet tanqisligi bo'lgan kattalar va 3 yoshdan katta bolalarga preparatni 200 mg dan sutkasiga 4 marta har 6 soatda tayinlash tavsiya etiladi, maksimal doza - infektsiya og'irligiga qarab sutkasiga 5 marta 400 mg atsiklovir.
Varicella zoster chaqirgan infektsiyalarni davolashda kattalarga 800 mg dan sutkasiga 5 marta kunduzi har 4 soatda va tunda 8 soatlik interval bilan tayinlanadi. Davolash kursi davomiyligi 7-10 kun. 3 yoshdan katta bolalarga 20 mg/kg dan sutkasiga 4 marta 5 kun davomida tayinlanadi, tana vazni 40 kg dan ortiq bo'lgan bolalarga preparat kattalar uchun dozada tayinlanadi.
Herpes zoster chaqirgan infektsiyalarni davolashda kattalarga 800 mg dan sutkasiga 4 marta har 6 soatda 5 kun davomida tayinlanadi.
Buyrak funktsiyasi buzilgan bemorlarda:
Herpes simplex chaqirgan infektsiyalarni davolash va profilaktikasida kreatinin klirensi 10 ml/daq dan kam bo'lgan bemorlarda preparat dozasini 200 mg gacha sutkasiga 2 marta 12 soatlik intervallar bilan kamaytirish kerak.
Varicella zoster chaqirgan infektsiyalarni davolashda kreatinin klirensi 10 ml/daq dan kam bo'lgan bemorlarda preparat dozasini 800 mg gacha sutkasiga 2 marta 12 soatlik intervallar bilan kamaytirish tavsiya etiladi; kreatinin klirensi 25 ml/daq gacha bo'lganda 800 mg dan sutkasiga 3 marta 8 soatlik intervallar bilan tayinlanadi.
Preparat ovqat vaqtida yoki ovqatdan so'ng darhol qabul qilinadi va yetarli miqdordagi suv bilan ichiladi.Dozani oshirib yuborish20 g atsiklovirni peroral qabul qilish o'ziga xos simptomlar rivojlanishiga olib kelmagan. MNS tomonidan nojo'ya hodisalar - tirishishlar, tremor, letargiya namoyon bo'lishi mumkin.
Ichga qabul qilingandan keyin doza oshirib yuborilganda qusishni chaqirish (yaxshisi preparat qabul qilingandan keyin 30 daqiqa ichida) va absorbentlar qabul qilish kerak.
O'tkir buyrak yetishmovchiligi va anuriyada: hayotiy muhim funktsiyalarni ushlab turish, gemodializ.
Hajm/og'irlik
ASIKLOVIR BELUPO tabletkalari 400mg N21 o'xshash dorilari
ASIKLOVIR BELUPO tabletkalari 400mg N21 xususiyatlari
Atsiklovir boshqa chiqarish shakllari
ASIKLOVIR BELUPO tabletkalari 400mg N21 analoglari
