ASIKLOVIR maz 10g 5%

Maz shikastlanmagan teriga qo'llanilganda: so'rilishi minimal; qon va siydikda aniqlanmaydi.

Shikastlangan teri: so'rilishi o'rtacha; buyrak funktsiyasi normal bo'lgan bemorlarda qon zardobidagi kontsentratsiya 0,28 mkg/ml gachani, surunkali buyrak yetishmovchiligi bo'lgan bemorlarda - 0,78 mkg/ml gachani tashkil qiladi. Buyraklar orqali chiqariladi (sutkalik dozaning 9,4% gacha).

Sirtqi qo'llanilganda - og'riqlilik, achishish, qichishish, teri toshmasi, vulvit, allergik reaksiyalar, surtilgan joyda shish.

Mazni og'iz bo'shlig'i va ko'z shilliq qavatlariga surtish mumkin emas. Atsiklovir mazi lab gerpesi retsidivlari profilaktikasi uchun samarali. Davolash qanchalik erta (infeksiyaning birinchi belgilarida) boshlansa, samaradorligi shunchalik yuqori bo'ladi.

Atsiklovirning davolovchi samarasini amalga oshirish uchun organizm immun tizimining holati ahamiyatga ega. Immuniteti pasaygan bemorlarga (OIV/OITSda yoki suyak ko'migi transplantatsiyasidan so'ng) atsiklovir mazini mahalliy qo'llash fonida, xuddi gerpetik infeksiyaning og'ir va retsidiv kechishidagi kabi, preparatni tizimli yuborishni tayinlash kerak.

Terining boshqa sohalariga autoinokulyatsiyani oldini olish uchun barmoq qoplamalari yoki rezina qo'lqoplardan foydalanish zarur.

Atsiklovir gerpesning jinsiy yo'l bilan yuqishini oldini olmaydi, shuning uchun davolash davrida, hatto klinik ko'rinishlar bo'lmasa ham jinsiy aloqalardan saqlanish zarur.

Avtotransportni va mexanizmlarni boshqarish qobiliyatiga ta'siri. Atsiklovir avtotransportni boshqarish va psixomotor reaksiyalarning yuqori tezligini talab qiluvchi ishlarni bajarish qobiliyatiga ta'sir qilmaydi.

Yuqori sezuvchanlik.

Homiladorlik va laktatsiya:

Homiladorlik vaqtida qo'llash faqat ona uchun taxmin qilinadigan foyda homila uchun potentsial xavfdan ustun bo'lgan holdagina mumkin. Laktatsiya davrida atsiklovirni qabul qilish zarurati tug'ilganda emizishni to'xtatish talab etiladi.

Immunostimulyatorlar bir vaqtda tayinlanganda samara kuchayishi qayd etiladi.