ASIKLOVIR maz 10g 5%
ASIKLOVIR maz 10g 5% haqida qo'llanma
Farmakokinetikasi
Maz butun teriga qo'llanilganda: so'rilishi minimal; qon va siydikda aniqlanmaydi. Shikastlangan teri: so'rilishi o'rtacha.
Farmakologik ta'siri
Atsiklovir sintetik atsiklik purin nukleozidi — DNK komponenti bo‘lgan dezoksiguanidinning analoglari guruhiga mansub viruslarga qarshi vositadir. Atsiklovir Herpes simplex 1 va 2-tiplari virusiga, suvchechak va o‘rab oluvchi temiratkini chaqiruvchi virus (Varicella zoster), Epshteyn-Barr virusiga nisbatan yuqori o‘ziga xoslikka ega. Sitomegaloviruslarga nisbatan o‘rtacha faol.
Atsiklovir bevosita virus bilan infeksiyalangan hujayralarga kiradi. Virus bilan infeksiyalangan hujayralar virusli timidinkinazani ishlab chiqaradi, u o‘z navbatida atsiklovirni atsiklovirtrifosfatgacha fosforlaydi, bu esa viruslar DNK-polimerazasining faol va selektiv ingibitori hisoblanadi.
Ehtimol, atsiklovirtrifosfat tomonidan DNK sintezini ingibitsiya qilish mexanizmi shundan iboratki, u ushbu ferment uchun substrat bo‘lib, DNK zanjirini uzaytirish uchun zarur bo‘lgan 3-5 bog‘lanishini amalga oshirishga imkon beradi.
Shu tariqa, DNK zanjirining muddatidan oldin uzilishi amalga oshiriladi, bu esa virus replikatsiyasining bostirilishiga olib keladi.
Nojo'ya samaralari
Giperemiya, quruqlik, teri qipiqlanishi; shilliq qavatlarga tushganda achishish, yallig'lanish. Allergik dermatit rivojlanishi mumkin.
Maxsus ko‘rsatmalari
Davolash samaradorligi terapiya qancha erta (infektsiyaning birinchi belgilarida) boshlansa, shuncha yuqori bo'ladi.
Atsiklovir gerpesning jinsiy yo'l bilan yuqishini oldini olmaydi, shuning uchun davolash davrida, hatto klinik ko'rinishlar bo'lmasa ham, jinsiy aloqalardan saqlanish kerak.
Atsiklovirning davolovchi samarasini amalga oshirish uchun organizm immun tizimining holati ahamiyatga ega. Immuniteti pasaygan bemorlar (OIV/OITSda yoki suyak iligi transplantatsiyasidan keyin) shifokorga murojaat qilishlari kerak, chunki atsiklovir kremini mahalliy qo'llash fonida preparatni tizimli yuborishni tayinlash kerak, xuddi gerpetik infektsiyaning og'ir va qaytalanuvchi kechishidagi kabi.
Qo'llanilishi mumkin bo'lmagan holatlar
Atsiklovirga yoki preparatning boshqa har qanday komponentiga yuqori sezuvchanlik.
Ehtiyotkorlik bilan:
Homiladorlik, laktatsiya davri, degidratatsiya, buyrak yetishmovchiligi.
Dori vositalarining o'zaro ta'siri
Immunostimulyator bir vaqtda tayinlanganda samaraning kuchayishi qayd etiladi.
Dozirovkasi
Sirtga. Maz zararlangan sohalarga sutkasiga 4-6 marta (infektsiya boshlanganidan keyin iloji boricha ertaroq) surtiladi. Zararlangan sohalar qo'shimcha infektsiyalanishining oldini olish uchun maz paxtali tampon bilan yoki toza qo'llar bilan surtiladi. Terapiyani pufakchalarda qobiq hosil bo'lguniga qadar yoki ular to'liq bitguniga qadar davom ettirish kerak. Davolash davomiyligi kamida 5 kun, ko'pi bilan 10 kun.
ASIKLOVIR maz 10g 5% o'xshash dorilari
Atsiklovir boshqa chiqarish shakllari
ASIKLOVIR maz 10g 5% analoglari
