ASIKLOVIR BELMED tabletkalari 200mg N20
ASIKLOVIR BELMED tabletkalari 200mg N20 qo'llanmasi
Farmakokinetikasi
So'rilishi
Atsiklovir ichakdan faqat qisman so'riladi. Har 4 soatda 200 mg atsiklovir qabul qilingandan so'ng plazmadagi o'rtacha maksimal muvozanatli kontsentratsiya (Cssmax) 3,1 mkM (0,7 mkg/ml), plazmadagi o'rtacha muvozanatli minimal kontsentratsiya (Cssmin) esa 1,8 mkM (0,4 mkg/ml) ni tashkil etdi. Har 4 soatda 400 mg va 800 mg atsiklovir qabul qilinganda Cssmax mos ravishda 5,3 mkM (1,2 mkg/ml) va 8 mkM (1,8 mkg/ml) ni, a Cssmin mos ravishda 2,7 mkM (0,6 mkg/ml) va 4 mkM (0,9 mkg/ml) ni tashkil etdi.
Taqsimlanishi
Orqa miya suyuqligidagi atsiklovir kontsentratsiyasi uning qon plazmasidagi kontsentratsiyasining taxminan 50 % ini tashkil qiladi.
Atsiklovir qon plazmasi oqsillari bilan arzimas darajada (9-33 %) bog'lanadi, shuning uchun qon plazmasi oqsillari bilan bog'lanish joylaridan siqib chiqarilishi oqibatidagi dori o'zaro ta'sirlari ehtimoldan yiroq.
Chiqarilishi
Kattalarda atsiklovir ichga qabul qilingandan so'ng qon plazmasidan yarim chiqarilish davri taxminan 3 soatni tashkil qiladi. Preparatning katta qismi buyraklar orqali o'zgarmagan holda chiqariladi. Atsiklovirning buyrak klirensi kreatinin klirensidan sezilarli darajada oshadi, bu atsiklovirning nafaqat kalavalar filtratsiyasi, balki naychalar sekretsiyasi orqali ham chiqarilishidan dalolat beradi. Atsiklovirning asosiy metaboliti 9-karboksimetoksi-metilguanin bo'lib, uning ulushiga siydikdagi preparatning yuborilgan dozasining taxminan 10-15% to'g'ri keladi. Atsiklovir 1 g probenetsid qabul qilingandan 1 soat o'tgach tayinlanganda, atsiklovirning yarim chiqarilish davri va AUC («kontsentratsiya - vaqt» farmakokinetik egri chizig'i ostidagi maydon) mos ravishda 18 va 40 % ga oshgan.
Bemorlarning alohida guruhlari
Surunkali buyrak yetishmovchiligi bo'lgan bemorlarda atsiklovirning yarim chiqarilish davri o'rtacha 19,5 soatni tashkil etdi. Gemodializ o'tkazilganda atsiklovirning o'rtacha yarim chiqarilish davri 5,7 soatni tashkil etdi. Dializ vaqtida qon plazmasidagi atsiklovir kontsentratsiyasi taxminan 60 % ga kamaygan.
Keksa bemorlarda atsiklovir klirensi yosh o'tishi bilan kreatinin klirensining pasayishiga parallel ravishda pasayadi, biroq atsiklovirning yarim chiqarilish davri arzimas darajada o'zgaradi.
OIV infektsiyasi bo'lgan bemorlarga atsiklovir va zidovudin bir vaqtda yuborilganda ikkala preparatning farmakokinetik xususiyatlari deyarli o'zgarmagan.
Nojo'ya samaralari
Uchrash tezligiga qarab noxush reaksiyalarning quyidagi tasnifi qo'llanilgan: juda tez-tez (>1/10), tez-tez (>1/100, 1/1000, 1/10000,
Qon yaratish va limfa tizimi tomonidan:
Juda kam hollarda: Anemiya, leykopeniya, trombotsitopeniya Immun tizimi tomonidan:
Kam hollarda: Anafilaksiya
Nerv-ruhiy holat tomonidan:
Tez-tez: Bosh og'rig'i, bosh aylanishi
Juda kam hollarda: qo'zg'alish, ongning chalkashishi, tremor, ataksiya, dizartriya, gallyutsinatsiyalar, psixotik, simptomlar, tirishishlar, uyquchanlik, entsefalopatiya, koma
Odatda bu nojo'ya ta'sirlar buyrak yetishmovchiligi bo'lgan bemorlarda yoki boshqa qo'zg'atuvchi omillar mavjud bo'lganda kuzatilgan, asosan qaytuvchan bo'lgan.
Nafas olish tizimi, ko'krak qafasi a'zolari va ko'ks oralig'i tomonidan:
Kam hollarda: hansirash
Oshqozon-ichak trakti tomonidan:
Tez-tez: ko'ngil aynishi, qusish, diareya, qorinda og'riq Jigar va o't yo'llari tomonidan:
Kam hollarda: bilirubin va jigar fermentlarining qaytuvchan oshishi Juda kam hollarda: gepatit, sariqlik Teri va teri osti kletchatkasi tomonidan:
Tez-tez: qichishish, toshma, shu jumladan fotosensibilizatsiya
Ba'zida: eshakemi, tez diffuz soch to'kilishi
Bunday alopetsiya turi turli kasalliklarda va ko'plab dori vositalari bilan davolashda kuzatilganligi sababli, uning atsiklovir qabul qilish bilan bog'liqligi aniqlanmagan.
Kam hollarda: angionevrotik shish
Juda kam hollarda: toksik epidermal nekroliz, ko'p shaklli ekssudativ eritema Siydik chiqarish tizimi tomonidan:
Kam hollarda: qon zardobida mochevina va kreatinin kontsentratsiyasining oshishi
Juda kam hollarda: o'tkir buyrak yetishmovchiligi, buyrak sanchig'i
Buyrak sanchig'i buyrak yetishmovchiligi va kristalluriya bilan bog'liq bo'lishi mumkin.
Boshqalar:
Tez-tez: Toliqish, isitma.
Maxsus saqlash sharoitlari
Gidratatsiya holati. Atsiklovir preparatini ichga yuqori dozalarda qabul qilayotgan bemorlar yetarli miqdorda suyuqlik olishlari kerak.
Keksa yoshdagi bemorlar va buyrak funksiyasi buzilgan bemorlar. Atsiklovir buyrak orqali chiqarilishi sababli, buyrak yetishmovchiligi bo'lgan bemorlarda dozalar kamaytirilishi kerak («Qo'llash usuli va dozalari» bo'limiga qarang). Keksa yoshdagi bemorlarda buyrak funksiyasining pasayishi mumkin, shuning uchun bemorlarning ushbu guruhi uchun ham dozani kamaytirish talab qilinishi mumkin. Keksa bemorlar ham, buyrak funksiyasi buzilgan bemorlar ham asab tizimi tomonidan nojo'ya ta'sirlar rivojlanishining yuqori xavf guruhida bo'ladilar (odatda bunday reaksiyalar preparat bekor qilinganda qaytuvchan) va mos ravishda qat'iy tibbiy kuzatuv ostida bo'lishlari kerak.
Yaqqol immunitet tanqisligi bo'lgan bemorlar. Yaqqol immunitet tanqisligi bo'lgan bemorlarda atsiklovir bilan uzoq muddatli yoki takroriy davolash kurslari atsiklovir bilan terapiyani davom ettirishga javob bermaydigan, atsiklovirga sezgirligi past bo'lgan virus shtammlari paydo bo'lishiga olib kelishi mumkin.
Infeksiya yuqishi. Barcha bemorlar, ayniqsa klinik ko'rinishlar mavjud bo'lganda, virusni yuqtirish ehtimolidan saqlanish uchun ehtiyotkorlikka rioya qilishlari kerak, shuningdek bemorlarni simptomsiz virus tashuvchanlik holatlari haqida xabardor qilish zarur.
Klinik tadqiqotlardan olingan mavjud ma'lumotlar atsiklovirni qo'llash immunokompetent bemorlarda suvchechak bilan kasallanish xavfini kamaytiradi degan xulosaga kelish uchun yetarli emas.
Boshqa nefrotoksik preparatlar bilan bir vaqtda qo'llanilganda buyrak yetishmovchiligi rivojlanishi xavfi ortadi.
Transport vositalarini, mexanizmlarni boshqarish qobiliyatiga ta'siri
Atsiklovirning transport vositalarini yoki mexanizmlarni boshqarish qobiliyatiga ta'siri bo'yicha tadqiqotlar o'tkazilmagan. Faol moddaning farmakologik xususiyatlari asosida atsiklovirning ushbu faoliyat turlariga salbiy ta'sirini prognoz qilish imkonsiz, ammo atsiklovirning nojo'ya ta'sirlar profilini hisobga olish kerak.
Qo'llanilishi mumkin bo'lmagan holatlar
Atsiklovirga, valatsiklovirga yoki preparatning har qanday yordamchi moddasiga yuqori sezuvchanlik.
3 yoshgacha bo'lgan bolalar (ushbu dori shakli uchun).
Ehtiyotkorlik bilan
Homiladorlik, emizish davri, keksa yosh, buyrak yetishmovchiligi, degidratatsiya, boshqa nefrotoksik preparatlar bilan bir vaqtda qo'llash. Homiladorlik va laktatsiya
Homiladorlik. Homiladorlik davrida ayollarni atsiklovir bilan davolash tahlili umumiy populyatsiyaga nisbatan ularning bolalarida tug'ma nuqsonlar sonining oshishini aniqlamadi. Biroq, homiladorlik davrida ayollarga Atsiklovir preparatini buyurishda ehtiyotkorlikka rioya qilish va ona uchun taxmin qilinadigan foyda va homila uchun mumkin bo'lgan xavfni baholash kerak. Laktatsiya. Atsiklovir preparati ichish uchun sutkasiga 5 marta 200 mg dozada qabul qilingandan so'ng, atsiklovir ko'krak sutida plazma kontsentratsiyasining 60 dan 410% gacha bo'lgan kontsentratsiyada aniqlangan. Ko'krak sutidagi bunday kontsentratsiyalarda ko'krak suti bilan boqiladigan bolalar atsiklovirni 0,3 mg/kg/sutka gacha dozada olishlari mumkin. Buni hisobga olgan holda, emizikli ayollarga Atsiklovir preparatini buyurishda ehtiyotkorlikka rioya qilish kerak. Fertillik. Atsiklovirning ayollar fertilligiga ta'siri haqida ma'lumotlar yo'q. Spermasida spermatozoidlar soni normal bo'lgan 20 nafar erkak ishtirok etgan tadqiqotda, ular 6 oygacha sutkasiga 1,0 g gacha dozada peroral atsiklovir qabul qilganda, spermatozoidlar morfologiyasi, soni va harakatchanligiga sezilarli klinik ta'sir qayd etilmagan.
Dori vositalarining o'zaro ta'siri
Atsiklovir preparati qo'llanilganda hech qanday klinik ahamiyatli o'zaro ta'sirlar qayd etilmagan.
Atsiklovir siydik bilan faol naychalar sekretsiyasi yo'li bilan o'zgarmagan holda chiqariladi. Chiqarilish yo'li o'xshash bo'lgan barcha preparatlar atsiklovir plazma konsentratsiyasini oshirishi mumkin. Mikrosomal oksidlanish ingibitorlari bo'lgan probenetsid va simetidin atsiklovir AUC ko'rsatkichini ("plazmadagi konsentratsiya - vaqt" egri chizig'i ostidagi maydon) oshiradi, uning buyrak klirensini pasaytiradi va plazma konsentratsiyasini oshiradi. Ikkala preparat bir vaqtda qo'llanilganda transplantologiyada qo'llaniladigan immunodepressant mikofenolat mofetilning nofaol metaboliti va atsiklovir uchun AUC ko'rsatkichi oshishi qayd etilgan. Biroq, atsiklovirning terapevtik dozalari keng diapazoni tufayli dozani to'g'irlash talab etilmaydi.
Atsiklovir bir vaqtda qabul qilinganda teofillin AUC ni taxminan 50% ga oshiradi; atsiklovir bir vaqtda tayinlanganda teofillin plazma konsentratsiyalarini o'lchash tavsiya etiladi.
Dozirovkasi
Kattalar
Oddiy gernes virusi chaqirgan infektsiyalarni davolash
Oddiy gernes virusi chaqirgan infektsiyalarni davolash uchun Atsiklovir preparatining tavsiya etilgan dozasi 200 mg dan sutkasiga 5 marta (har 4 soatda, tungi uyqu davridan tashqari). Odatda davolash kursi 5 kunni tashkil qiladi, ammo og'ir birlamchi infektsiyalarda uzaytirilishi mumkin.
Yaqqol immunitet tanqisligi (masalan, suyak iligi transplantatsiyasidan keyin) yoki ichakdan so'rilish buzilganda ichga qabul qilish uchun Atsiklovir preparati dozasi 400 mg gacha oshirilishi mumkin. Alternativa sifatida infuziya uchun eritma tayyorlash uchun liofilizat dori shaklidagi Atsiklovir preparatini qo'llash imkoniyatini ko'rib chiqish mumkin.
Davolashni infektsiya paydo bo'lishi bilanoq iloji boricha tezroq boshlash kerak; retsidivlarda atsiklovirni prodromal davrda yoki toshmaning birinchi elementlari paydo bo'lganda tayinlash tavsiya etiladi.
Immunitet statusi normal bo'lgan bemorlarda oddiy gerpes virusi chaqirgan infektsiyalar retsidivlari profilaktikasi
Immunitet statusi normal bo'lgan bemorlarda oddiy gerpes virusi chaqirgan infektsiyalar retsidivlari profilaktikasi uchun Atsiklovir preparatining tavsiya etilgan dozasi 200 mg dan sutkasiga 4 marta (har 6 soatda).
Ko'pgina bemorlarga qulayroq terapiya sxemasi mos keladi - 400 mg dan sutkasiga 2 marta (har 12 soatda).
Bir qator hollarda Atsiklovir preparatining pastroq dozalari samarali bo'ladi - 200 mg dan sutkasiga 3 marta (har 8 soatda) yoki 200 mg dan sutkasiga 2 marta (har 12 soatda).
Ba'zi bemorlarda 800 mg umumiy sutkalik doza qabul qilinganda infektsiya zo'rayishi mumkin.
Atsiklovir preparati bilan davolashni vaqti-vaqti bilan 6-12 oyga to'xtatib turish kerak, kasallik kechishidagi ehtimoliy o'zgarishlarni aniqlash uchun.
Immunitet tanqisligi bo'lgan bemorlarda oddiy gerpes virusi chaqirgan infektsiyalar profilaktikasi Immunitet tanqisligi bo'lgan bemorlarda oddiy gerpes virusi chaqirgan infektsiyalar profilaktikasi uchun Atsiklovir preparatining tavsiya etilgan dozasi 200 mg dan sutkasiga 4 marta (har 6 soatda).
Yaqqol immunitet tanqisligi (masalan, suyak iligi transplantatsiyasidan keyin) yoki ichakdan so'rilish buzilganda ichga qabul qilish uchun Atsiklovir preparati dozasi 400 mg dan sutkasiga 4 martagacha oshirilishi mumkin. Alternativa sifatida infuziya uchun eritma tayyorlash uchun liofilizat dori shaklidagi Atsiklovir preparatini qo'llash imkoniyatini ko'rib chiqish mumkin.
Profilaktik terapiya kursi davomiyligi infektsiyalanish xavfi mavjud bo'lgan davr davomiyligi bilan belgilanadi
Suvchechak va o'rab oluvchi gerpesni davolash
Suvchechak va o'rab oluvchi gerpesni davolash uchun Atsiklovir preparatining tavsiya etilgan dozasi 800 mg dan sutkasiga 5 marta (har 4 soatda, tungi uyqu davridan tashqari). Davolash kursi 7-10 kunni tashkil qiladi.
Og'ir immunitet tanqisligi (masalan, suyak iligi transplantatsiyasidan keyin) bo'lgan yoki ichakdan so'rilish buzilgan bemorlarda infuziya uchun eritma tayyorlash uchun liofilizat dori shaklidagi Atsiklovir preparatini tayinlash imkoniyatini ko'rib chiqish kerak.
O'rab oluvchi gerpesni davolashni toshmalar paydo bo'lishi bilanoq iloji boricha tezroq boshlash kerak, chunki bu holda davolash samaraliroq bo'ladi.
Immunitet statusi normal bo'lgan bemorlarda suvchechakni davolashni toshmalar paydo bo'lgan paytdan boshlab 24 soat ichida boshlash kerak.
Bemorlarning alohida guruhlari 3 yosh va undan katta yoshdagi bolalar
Oddiy gerpes virusi chaqirgan infektsiyalarni davolash: immunitet tanqisligi bo'lgan bemorlarda oddiy gerpes virusi chaqirgan infektsiyalar profilaktikasi
- 3 yosh va undan katta yoshda - kattalar uchun bo'lgani kabi dozalar.
Suvchechakni davolash
- 6 yosh va undan katta yoshda - 800 mg dan sutkasiga 4 marta;
- 3 yoshdan 6 yoshgacha - 400 mg dan sutkasiga 4 marta.
Dozani aniqroq qilib tana vazniga 20 mg/kg (lekin 800 mg dan ko'p emas) hisobidan sutkasiga 4 marta aniqlash mumkin. Davolash kursi 5 kunni tashkil qiladi.
Oddiy gerpes virusi chaqirgan infektsiyalar retsidivlari profilaktikasi: o'rab oluvchi gerpesni davolash
Dozalash rejimi to'g'risida ma'lumotlar yo'q.
Keksa yoshdagi bemorlar
Keksa yoshdagi bemorlarda buyrak yetishmovchiligi mavjudligi ehtimolini hisobga olish kerak, dozalar buyrak yetishmovchiligi darajasiga muvofiq to'g'irlanishi kerak ("Buyrak funktsiyasi buzilgan bemorlar" kichik bo'limiga qarang).
Adekvat suv muvozanatini ushlab turishni ta'minlash kerak.
Buyrak funktsiyasi buzilgan bemorlar
Buyrak funktsiyasi buzilgan bemorlarga Atsiklovir preparatini tayinlashda ehtiyot bo'lish kerak.
Adekvat suv muvozanatini ushlab turishni ta'minlash kerak.
Buyrak yetishmovchiligi bo'lgan bemorlarda oddiy gerpes virusi chaqirgan infektsiyalarni davolash va profilaktikasi maqsadida tavsiya etilgan dozalarda atsiklovirni ichga qabul qilish preparatning belgilangan xavfsiz darajalardan oshadigan kontsentratsiyalarigacha kumulyatsiyasiga olib kelmaydi. Biroq, kreatinin klirensi 10 ml/daq dan kam bo'lgan bemorlarda Atsiklovir preparati dozasini 200 mg gacha sutkasiga 2 marta (har 12 soatda) kamaytirish tavsiya etiladi.
Suvchechak va o'rab oluvchi gerpesni davolashda Atsiklovir preparati, tabletkalarining tavsiya etilgan dozalari:
- kreatinin klirensi 10 ml/daq dan kam bo'lganda - 800 mg dan sutkasiga 2 marta (har 12 soatda);
- kreatinin klirensi 10-25 ml/daq bo'lganda - 800 mg dan sutkasiga 3 marta (har 8 soatda).Dozani oshirib yuborishSimptomlari. Atsiklovir oshqozon-ichak traktida qisman so'riladi. 20 g gacha dozada atsiklovir tasodifan bir marta qabul qilinganda toksik ta'sirlar qayd etilmagan. Bir necha kun davomida ichga tavsiya etilgandan yuqori dozalar takroriy qabul qilinganda oshqozon-ichak trakti (ko'ngil aynishi, qusish) va nerv tizimi (bosh og'rig'i va ongning chalkashishi) tomonidan buzilishlar qayd etilgan.
Davolash. Simptomatik. Bemorlar ehtimoliy intoksikatsiya belgilarini aniqlash maqsadida sinchkovlik bilan tibbiy kuzatuvga muhtoj. Atsiklovir organizmdan gemodializ yordamida chiqariladi, shuning uchun gemodializ dozani oshirib yuborishni davolashda ishlatilishi mumkin.
Hajm/og'irlik
ASIKLOVIR BELMED tabletkalari 200mg N20 o'xshash dorilari
ASIKLOVIR BELMED tabletkalari 200mg N20 xususiyatlari
Atsiklovir boshqa chiqarish shakllari
ASIKLOVIR BELMED tabletkalari 200mg N20 analoglari
ASIKLOVIR BELMED tabletkalari 200mg N20 narxlari va Toshkentdagi dorixonalardagi mavjudligi
{
"data": {
"id": 32684,
"stores_apteka_id": 301762,
"slug": "atsiklovir-0-2-n20-tabl-belmedpreparaty",
"stores_apteka_slug": "atsiklovir-belmed-tab-200mg-n20",
"name": "ASIKLOVIR BELMED tabletkalari 200mg N20",
"brand_name": "ASIKLOVIR BELMED",
"image": "uploads/iblock/cd0/cd0acbc4ae3cf1a68276fda3ca65334b.webp",
"atx_code": "J05AB01",
"drug_form_id": 1,
"over_the_counter": false,
"prescription_type": "unknown",
"availability": "available",
"reviews_count": 0,
"reviews_rating": 0,
"has_pickup": true,
"has_delivery": false,
"manufacturer": null,
"manufacturer_plain": "Belmedpreparati RUP",
"representative": null,
"representative_plain": null,
"distributor": null,
"distributor_plain": null,
"is_manufacturer_advertiser": false,
"is_representative_advertiser": false,
"is_dietary_supplement": false,
"is_medical_device": false,
"category": {
"id": 494,
"slug": "protivovirusnye",
"name": "Virusga qarshi",
"external_link_title": "Infeksionist maslahati",
"external_link": "https://med24.uz/uz/doctors/infektsionist"
},
"drug_group": {
"id": 6672,
"slug": "atsiklovir",
"name": "Atsiklovir"
},
"is_purchasable": true,
"country": {
"id": 119,
"slug": "belarusiya",
"name": "Belarusiya"
},
"active_ingredients": [
{
"id": 6433,
"slug": "atsiklovir",
"name": "Asiklovir"
}
],
"tags": [
{
"id": 716,
"slug": "ot-gerpesa",
"name": "Gerpesdan"
}
]
}
}
