ASIKLOVIR maz 10g 5%
ASIKLOVIR maz 10g 5% haqida qo'llanma
Farmakokinetikasi
Maz shikastlanmagan teriga qo'llanilganda: so'rilishi minimal; qon va siydikda aniqlanmaydi. Shikastlangan teri: so'rilishi o'rtacha.
Farmakologik ta'siri
Atsiklovir sintetik atsiklik purin nukleozidi - DNK komponenti bo'lgan dezoksiguanidin analoglari guruhiga kiruvchi virusga qarshi vosita hisoblanadi. Atsiklovir 1 va 2 turdagi Herpes simplex viruslariga, suvchechak va o'rab oluvchi temiratkini chaqiruvchi virusga (Varicella zoster), Epshteyn-Barr virusiga nisbatan yuqori o'ziga xoslikka ega. Tsitomegaloviruslarga nisbatan o'rtacha faol.
Atsiklovir virus bilan zararlangan hujayralarga bevosita kiradi. Virus bilan zararlangan hujayralar virusli timidinkinazani ishlab chiqaradi, u o'z navbatida atsiklovirni atsiklovirtrifosfatgacha fosforillaydi, u esa viruslar DNK-polimerazasining faol va selektiv ingibitori hisoblanadi.
Atsiklovirtrifosfat tomonidan DNK sintezini ingibitsiya qilish mexanizmi shundan iboratki, u ushbu ferment uchun substrat bo'lib, DNK zanjirini uzaytirish uchun zarur bo'lgan 3-5 bog'lanishni amalga oshirishga imkon beradi.
Shunday qilib, DNK zanjirining muddatidan oldin uzilishi amalga oshiriladi, bu esa virus replikatsiyasining bostirilishiga olib keladi.
Nojo'ya samaralari
Giperemiya, teri qurishi, po'st tashlashi; achishish, shilliq qavatlarga tushganda yallig'lanish. Allergik dermatit rivojlanishi mumkin.
Maxsus saqlash sharoitlari
Davolash qanchalik erta (infeksiyaning birinchi belgilarida) boshlansa, samaradorligi shunchalik yuqori bo'ladi.
Atsiklovir gerpesning jinsiy yo'l bilan yuqishini oldini olmaydi, shuning uchun davolash davrida, hatto klinik ko'rinishlar bo'lmasa ham jinsiy aloqalardan saqlanish zarur.
Atsiklovirning davolovchi samarasini amalga oshirish uchun organizm immun tizimining holati ahamiyatga ega. Immuniteti pasaygan bemorlar (OIV/OITSda yoki suyak ko'migi transplantatsiyasidan so'ng) shifokorga murojaat qilishlari kerak, chunki atsiklovir kremini mahalliy qo'llash fonida, xuddi gerpetik infeksiyaning og'ir va retsidiv kechishidagi kabi, preparatni tizimli yuborishni tayinlash kerak.
Qo'llanilishi mumkin bo'lmagan holatlar
Atsiklovirga yoki preparatning boshqa har qanday komponentiga yuqori sezuvchanlik.
Ehtiyotkorlik bilan:
Homiladorlik, laktatsiya davri, degidratatsiya, buyrak yetishmovchiligi.
Dori vositalarining o'zaro ta'siri
Immunostimulyator bir vaqtda tayinlanganda samara kuchayishi qayd etiladi.
Dozirovkasi
Sirtga. Maz zararlangan sohalarga sutkasiga 4-6 marta (infektsiya boshlanganidan keyin iloji boricha ertaroq) surtiladi. Zararlangan sohalar qo'shimcha infektsiyalanishining oldini olish uchun maz paxtali tampon bilan yoki toza qo'llar bilan surtiladi. Terapiyani pufakchalarda qobiq hosil bo'lguniga qadar yoki ular to'liq bitguniga qadar davom ettirish kerak. Davolash davomiyligi kamida 5 kun, ko'pi bilan 10 kun.
ASIKLOVIR maz 10g 5% o'xshash dorilari
Atsiklovir boshqa chiqarish shakllari
ASIKLOVIR maz 10g 5% analoglari
