ASIKLOVIR tabletkalari 0,2g N10

Ichga qabul qilinganda biologik kira olishligi 15-30% ni tashkil qiladi. Organizm to'qimalari va suyuq muhitlarida keng taqsimlanadi. Plazma oqsillari bilan bog'lanishi 9-33% ni tashkil qiladi. Jigarda metabolizmga uchraydi. T1/2 ichga qabul qilinganda - 3,3 soat, v/i yuborilganda - 2,5 soat. Siydik bilan, oz miqdorda - axlat bilan chiqariladi.

Virusga qarshi preparat, gerpes viruslariga nisbatan yuqori tanlab ta'sir ko'rsatuvchi atsiklik purin nukleozidining sintetik analogi. Virus bilan zararlangan hujayralar ichida virusli timidinkinaza ta'sirida atsiklovirning atsiklovir mono-, di- va trifosfatga transformatsiyasining bir qator ketma-ket reaktsiyalari o'tadi. Atsiklovir trifosfat virusli DNK zanjiriga qo'shiladi va virusli DNK-polimerazani raqobatli ingibitsiya qilish orqali uning sintezini bloklaydi. In vitro atsiklovir oddiy gerpes virusi – Herpes simplex I va II turlariga, Varicella zoster virusiga qarshi samarali; Epshteyn-Barr virusini ingibitsiya qilish uchun yuqoriroq kontsentratsiyalar talab etiladi. In vivo atsiklovir birinchi navbatda Herpes simplex chaqirgan virusli infektsiyalarda terapevtik va profilaktik jihatdan samarali.

Ichga qabul qilinganda: ko'ngil aynishi, qusish, diareya, qorinda og'riq, teri toshmasi, bosh og'rig'i, bosh aylanishi, yuqori toliqish, diqqatni jamlashning pasayishi, gallyutsinatsiyalar, uyquchanlik yoki uyqusizlik, isitma; kam hollarda - soch to'kilishi, qonda bilirubin, mochevina, kreatinin kontsentratsiyasining, jigar fermentlari faolligining o'tkinchi oshishi, limfotsitopeniya, eritropeniya, leykopeniya

Buyrak funksiyasining og'ir buzilishlarida qo'llash tavsiya etilmaydi.

Shuni hisobga olish kerakki, atsiklovir qo'llanilganda atsiklovir kristallari cho'kma hosil qilishi oqibatida o'tkir buyrak yetishmovchiligi rivojlanishi mumkin, bu ayniqsa tez v/i yuborilganda, nefrotoksik preparatlar bir vaqtda qo'llanilganda, buyrak funksiyasi buzilgan bemorlarda va suv yuklamasi yetarli bo'lmaganda ehtimoli yuqori.

Atsiklovir qo'llanilganda buyrak funksiyasini nazorat qilish zarur (qondagi mochevina azoti va qon plazmasidagi kreatinin darajasini aniqlash).

Keksa yoshdagi bemorlarni davolashni suv yuklamasini yetarli darajada oshirgan holda va shifokor nazorati ostida o'tkazish kerak, chunki ushbu toifadagi bemorlarda atsiklovirning yarim chiqarilish davri uzayadi.

Genital gerpesni davolashda jinsiy aloqalardan saqlanish yoki prezervativlardan foydalanish kerak, chunki atsiklovirni qo'llash virusning sheriklarga yuqishini oldini olmaydi.

Sirtga qo'llash uchun dori shakllaridagi atsiklovirni og'iz bo'shlig'i, ko'z, qin shilliq qavatlariga surtish mumkin emas.

Atsiklovirga va valatsiklovirga yuqori sezuvchanlik; v/i yuborishda - laktatsiya (emizish).

Probenetsid bir vaqtda qo'llanilganda atsiklovirning naychalar sekretsiyasini pasaytiradi va shu bilan qon plazmasida konsentratsiyasi va atsiklovirning yarim chiqarilish davrini oshiradi.

Atsiklovir nefrotoksik preparatlar bilan bir vaqtda qo'llanilganda nefrotoksik ta'sir rivojlanish xavfi ortadi (ayniqsa buyrak faoliyati buzilgan bemorlarda)

Immunostimulyatorlar bir vaqtda tayinlanganda atsiklovir samarasining kuchayishi qayd etiladi.

Eritmalar aralashtirilganda v/i yuborish uchun atsiklovirning ishqoriy reaksiyasini (pH 11) hisobga olish kerak.

Kasallikning og'irlik darajasiga qarab individual ravishda belgilanadi. Herpes simplex I va II turi chaqirgan teri va shilliq qavatlar infektsiyalarini davolashda kattalar va 2 yoshdan katta bolalarga preparat 200 mg dan 5 marta sutkasiga 5 kun davomida kunduzi 4 soatlik intervallar bilan va tunda 8 soatlik interval bilan tayinlanadi. Kasallikning og'irroq hollarida davolash kursi shifokor ko'rsatmasi bo'yicha uzaytirilishi mumkin. Yaqqol immunitet tanqisligida, shu jumladan OIV-infektsiyasining kengaytirilgan klinik manzarasida (shu jumladan OIV-infektsiyasining erta klinik ko'rinishlari va OITS bosqichi), suyak iligi transplantatsiyasidan keyin kompleks terapiya tarkibida 400 mg dan sutkasiga 5 marta tayinlanadi. Herpes simplex I va II turi viruslari chaqirgan infektsiyalar retsidivlari profilaktikasi uchun immunitet statusi normal bo'lgan bemorlarga va kasallik retsidivida 200 mg dan sutkasiga 4 marta har 6 soatda tayinlanadi. Herpes simplex I va II turi viruslari chaqirgan infektsiyalar profilaktikasi uchun immunitet tanqisligi bo'lgan kattalar va 2 yoshli bolalarga preparatni 200 mg dan sutkasiga 4 marta har 6 soatda tayinlash tavsiya etiladi, maksimal doza – infektsiya og'irligiga qarab sutkasiga 5 marta 400 mg atsiklovir. Varicella zoster chaqirgan infektsiyalarni davolashda kattalarga 800 mg dan sutkasiga 5 marta kunduzi har 4 soatda va tunda 8 soatlik interval bilan tayinlanadi. Davolash kursi davomiyligi 7-10 kun. 2 yoshdan katta bolalarga 20 mg/kg dan sutkasiga 4 marta 5 kun davomida tayinlanadi, vazni 40 kg dan ortiq bo'lgan bolalarga preparat kattalar uchun dozada tayinlanadi. Herpes zoster chaqirgan infektsiyalarni davolashda kattalarga 800 mg dan sutkasiga 4 marta har 6 soatda 5 kun davomida tayinlanadi. Buyrak funktsiyasi buzilgan bemorlarda: Herpes zoster chaqirgan infektsiyalarni davolash va profilaktikasida kreatinin klirensi (KK) 10 ml/daq dan kam bo'lgan bemorlarda preparat dozasini 800 mg gacha sutkasiga 2 marta 12 soatlik intervallar bilan kamaytirish tavsiya etiladi; KK 25 ml/daq gacha bo'lganda 800 mg dan sutkasiga 3 marta 8 soatlik intervallar bilan tayinlanadi. Preparat ovqat vaqtida yoki ovqatdan so'ng darhol qabul qilinadi va yetarli miqdordagi suv bilan ichiladi.