ASIKLOVIR krem 10g 5%
ASIKLOVIR krem 10g 5% haqida qo'llanma
Farmakokinetikasi
Krem shikastlanmagan teriga qo'llanilganda: so'rilishi minimal; qon va siydikda aniqlanmaydi. Shikastlangan teri: so'rilishi o'rtacha; buyrak funktsiyasi normal bo'lgan bemorlarda qon zardobidagi kontsentratsiya 0,28 mkg/ml gachani, surunkali buyrak yetishmovchiligi bo'lgan bemorlarda - 0,78 mkg/ml gachani tashkil qiladi. Buyraklar orqali chiqariladi (sutkalik dozaning 9,4 % gacha).
Nojo'ya samaralari
Qo'llanilgan joyda giperemiya, achishish hissi, og'riq, qichishish, teri toshmasi, vulvit. Allergik reaksiyalar rivojlanishi mumkin.
Postmarketing tajribasi: surtilgan joyda shish.
Dozani oshirib yuborish
Belgilari (tasodifan yutib yuborilganda): bosh og'rig'i, nevrologik buzilishlar, hansirash, ko'ngil aynishi, qusish, diareya, buyrak funktsiyasining buzilishi.
Davolash: hayotiy muhim funktsiyalarni ushlab turish, gemodializ.
Maxsus saqlash sharoitlari
Homiladorlik vaqtida va emizish davrida ehtiyotkorlik bilan qo'llash kerak.
Kremni og'iz bo'shlig'i va ko'z shilliq qavatlariga surtish mumkin emas.
Davolash qanchalik erta (infeksiyaning birinchi belgilarida) boshlansa, samaradorligi shunchalik yuqori bo'ladi.
Atsiklovir gerpesning jinsiy yo'l bilan yuqishini oldini olmaydi, shuning uchun davolash davrida, hatto klinik ko'rinishlar bo'lmasa ham jinsiy aloqalardan saqlanish zarur.
Atsiklovirning davolovchi samarasini amalga oshirish uchun organizm immun tizimining holati ahamiyatga ega. Immuniteti pasaygan bemorlar (OIV/OITSda yoki suyak ko'migi transplantatsiyasidan so'ng) shifokorga murojaat qilishlari kerak, chunki atsiklovir kremini mahalliy qo'llash fonida, xuddi gerpetik infeksiyaning og'ir va retsidiv kechishidagi kabi, preparatni tizimli yuborishni tayinlash kerak.
Transport vositalarini va mexanizmlarni boshqarish qobiliyatiga ta'siri
Ma'lumotlar yo'q.
Qo'llanilishi mumkin bo'lmagan holatlar
Preparatning biron-bir komponentiga yuqori sezuvchanlik.
Homiladorlar va emizish davridagi ayollarga preparatni faqat ona uchun foyda homila/bola uchun potentsial xavfdan ustun bo'lganda qo'llash tavsiya etiladi.
Dori vositalarining o'zaro ta'siri
Immunostimulyatorlar bir vaqtda tayinlanganda samara kuchayishi qayd etiladi.
Dozirovkasi
Atsiklovir kremi yupqa qatlam bilan (25 sm2 zararlangan teriga taxminan 1,25 sm krem tasmasi) zararlangan sohalarga sutkasiga 4 - 6 marta surtiladi. Davolashni kasallik rivojlanishining boshida, eng yaxshisi — prodromal davr mobaynida iloji boricha tezroq boshlash muhimdir.
Krem zararlangan sohalar qo'shimcha infektsiyalanishining oldini olish uchun paxtali tampon bilan yoki toza qo'llar bilan surtiladi.
Davolash davomiyligi – kamida 5 kun, maksimum 10 kun.
Agar 10 kunlik davolashdan keyin kasallik alomatlari yo'qolmasa, bemor shifokorga murojaat qilishi kerak.
ASIKLOVIR krem 10g 5% o'xshash dorilari
ASIKLOVIR krem 10g 5% xususiyatlari
Atsiklovir boshqa chiqarish shakllari
ASIKLOVIR krem 10g 5% analoglari
