ASIKLOVIR maz 5g 5%
ASIKLOVIR maz 5g 5% haqida qo'llanma
Farmakokinetikasi
Surtma intakt teriga qo'llanilganda: so'rilish minimal; qon va siydikda aniqlanmaydi. Shikastlangan teri: so'rilish o'rtacha.
Farmakologik ta'siri
Atsiklovir sintetik atsiklik purin nukleozidi — DNK komponenti bo‘lgan dezoksiguanidinning analoglari guruhiga mansub viruslarga qarshi vositadir. Atsiklovir Herpes simplex 1 va 2-tiplari virusiga, suvchechak va o‘rab oluvchi temiratkini chaqiruvchi virus (Varicella zoster), Epshteyn-Barr virusiga nisbatan yuqori o‘ziga xoslikka ega. Sitomegaloviruslarga nisbatan o‘rtacha faol.
Atsiklovir bevosita virus bilan infeksiyalangan hujayralarga kiradi. Virus bilan infeksiyalangan hujayralar virusli timidinkinazani ishlab chiqaradi, u o‘z navbatida atsiklovirni atsiklovirtrifosfatgacha fosforlaydi, bu esa viruslar DNK-polimerazasining faol va selektiv ingibitori hisoblanadi.
Ehtimol, atsiklovirtrifosfat tomonidan DNK sintezini ingibitsiya qilish mexanizmi shundan iboratki, u ushbu ferment uchun substrat bo‘lib, DNK zanjirini uzaytirish uchun zarur bo‘lgan 3-5 bog‘lanishini amalga oshirishga imkon beradi.
Shu tariqa, DNK zanjirining muddatidan oldin uzilishi amalga oshiriladi, bu esa virus replikatsiyasining bostirilishiga olib keladi.
Nojo'ya samaralari
Giperemiya, teri qurishi, po'st tashlashi; shilliq qavatlarga tushganda achishish, yallig'lanish. Allergik dermatit rivojlanishi mumkin.
Maxsus ko‘rsatmalari
Davolash samaradorligi terapiya qanchalik erta (infeksiyaning birinchi belgilarida) boshlansa, shunchalik yuqori bo'ladi.
Atsiklovir gerpesning jinsiy yo'l bilan yuqishini oldini olmaydi, shuning uchun davolash davrida jinsiy aloqalardan saqlanish kerak, hatto klinik ko'rinishlar bo'lmaganda ham.
Atsiklovirning davolash samarasini amalga oshirish uchun organizmning immun tizimi holati ahamiyatga ega. Immuniteti pasaygan bemorlar (OITS/OIV da yoki suyak ko'migi transplantatsiyasidan keyin) shifokorga murojaat qilishlari kerak, chunki atsiklovir kremini mahalliy qo'llash fonida preparatni tizimli yuborishni tayinlash kerak, xuddi gerpetik infeksiyaning og'ir va qaytalovchi kechishi hollarida bo'lgani kabi.
Qo'llanilishi mumkin bo'lmagan holatlar
Asiklovirga yoki preparatning boshqa biron-bir komponentiga yuqori sezuvchanlik.
Ehtiyotkorlik bilan:
Homiladorlik, laktatsiya davri, degidratatsiya, buyrak yetishmovchiligi.
Dori vositalarining o'zaro ta'siri
Immunostimulyator bir vaqtda buyurilganda ta’sirning kuchayishi qayd etiladi.
Dozirovkasi
Sirtga. Maz zararlangan sohalarga sutkasiga 4-6 marta surtiladi (infeksiya boshlangandan so'ng imkon qadar tezroq). Maz paxta tampon bilan yoki qo'shimcha infeksiyalanishni oldini olish uchun toza qo'llar bilan surtiladi. Terapiyani pufakchalarda qaloq hosil bo'lguncha yoki ular to'liq bitguncha davom ettirish kerak. Davolash davomiyligi kamida 5 kun, ko'pi bilan 10 kun.
ASIKLOVIR maz 5g 5% o'xshash dorilari
Atsiklovir boshqa chiqarish shakllari
ASIKLOVIR maz 5g 5% analoglari
